+11 əjdaha
1. saçın əsas funksiyası baş nahiyəsinin temperaturunu balansda saxlamaq,zərblərdən qorumaq,görüntü yaratmaq olsa da, günümüz dünyasında həmin tellərin başına (?!) oyun açmaq üçün çeşidli yollar və səbəblər var. dərdimiz elə görünüşdür.pinterestdə açıq şabalıd rəngində çox gözəl,axan,parlaq saçları olan bir qızın jah khalib fonunda videosu çıxmışdı qarşıma. videonu bir-iki təkrar izlədikdən sonra fikirləşdim ki, saçıma nəsə etməliyəm. hər ağla gələn fikri gerçəkləşdirmək üçün 48 saat düşündükdən sonra qərar almaq lazımdır ki, nəticədə zibil günündə saçla güzgüdə baxışmayasan.
indi reallıq odur ki, videodaki kimi rus qızlarının əksəriyyəti ipəyimsi incə və açıq ton saçlara sahib olduğundan hər rəngə asanlıqla boyana bilir. dəri rəngləri də icazə verir həmin rəng saçlar ümumi görüntüdə gözəllik daşısın.
gəl gələk aidi olduğum irq buna icazə verir mi? əlbəttə ki yox. özünə yaraşdırdığın rəngi tapana, saç formasını tutuzdurana kimi saç yanır,tökülür, bir ildən çox səhv kəsilmiş saç forması ilə gəzirsən. əgər saç ustasının tırkasına gedib uzun saçları qısaltmısansa (sırf salona girdiyi simada çıxmasın,dəyişiklik olsun deyə əlindən gələn ancaq saçı qısaltmaq olan zövqsüz saç ustalarını görüm lənətə gəlsin) zakolka tutmayan saçın uzanana qədər ustanı və özünü söyə-söyə gəzirsən.
tam əminliklə deyirəm - facestudio, saxarasalon kimi məhşur salonlar ancaq saçlara ukladka və buruqlar etməyə xidmət göstərsələr (bir də bəlkə masaj daxil saç yumaq) aldıqları pul onlara halal olar. uzun saçlı müştərilər onların əlində ovdur. saç yaraşdı, yaraşmadı şişirdilmiş təriflər yağdıran kollektiv səni elə ovsunlayır ki, ödədiyin pula ən azından salondan çıxana kimi peşman olmursan. salonların əsas pulu saçdan çıxır ki, instagram səhifələrinə göz gəzdirsəz fərqli saç kəsimi, fərqli rənglərin yox sayda olmağı açıq aydın bilinir. bacarmırlar. gör nə gündür ki, həmin salonda işləyən manikur ustasının mənə yazığı gəlib pıçıldamışdı ki, saçıvı zibil edib qoyacaqlar, dəymə, qoy qalıb. anyway.
bir sözlə saça qulluq etmək istəyən, saçında dəyişiklik etmək istəyən gərək özü qollarını çirmələsin və işə qoyulsun. youtube-dan baxıb saç üstündə eksperiment aparmaq daha yaxşı nəticə verər, nəinki salondaki ustalardan dəstək almaq.
el arasında deyirlər bəs saçı küsdürmək olmaz, saç küsür, saç sənin ruh halını hiss edir və s. buna tam ciddi inanıram. saçını sevmirsənsə o da səni sevmir, tökülür gedir. qayçılayırsansa mənfi aura ilə, uzanmır ki uzanmır. telin öz qalınlığı əgər yetərincə çoxdursa, qısa saç kəsdirəndə saçı fenləmədən insan içinə çıxmaq başda fen partlamış vibe-ı verir. saçın da küsür, uzanana qədər yolda qarşıdan gələnlər quş yuvasına oxşayan başına baxırlar. qafqaz genetikası sağolsun, gur və tünd piqmentli saçları ya gərək uzadasan getsin, ya da forma vermək istəyirsənsə tənbəl olmayasan, əlində fen güzgü qabağında dayanmağa həvəs sahibi olasan. gia filmində angelina jolie gözəlinin saçlarından ilhamlanaraq tünd rəng saçlarla barışıb, heç bir yolla rəngi açılmayan saçlarımı daha da küsdürməməyi qərara aldım. ev üsulu baxımlarla yanıqlardan, saçqıranlardan, codluqdan və vızlıqdan müəyyən qədər xilas elədim. ən böyük saçla bağlı uğurum o gün olacaq ki, duşdan sonra hər yerdən saç yığışdırmayacam.
kalben demiş her yerde saçlar, kimin bu saçlar, bilemiyorum.
