1. ən sevdiyim hərəkətdir.
bir lətifə var idi, daha doğrusu deyəsən yox idi, özümdən uydurmuşdum; uşaq qonşunun qızının saçını yolur qız ağlayır, anası deyir ki get üzr istə, ayıbdı, üzr istəmək isə gözəldir. uşaq gedir yenə saçı yolur üzr istəyir. anası deyir niyə yenə etmisən? uşaq deyir demədin üzr istəmək gözəldi? mən də üzr istəmək üçün şərait yaradıram.
bu lətifədəki uşaq mənəm. həqiqətən də. üzr istəmək qədər məni rahatladan başqa belə şeylər çox deyil, sanki meditasiyadır bir növ. o qədər rahatlayırsan ki. səhvin sizdə olmasına ehtiyac belə yoxdur bəzən, sadəcə üzr istəyin. hər iki tərəf rahatlayacaq. adətən mən kefli olanda həddindən aetıq emosional oluram. etdiyim kiçik bir narahatçılığa görə yarım saat üzr istəyirəm. məsələn yüksəs səslə danışmışamsa bir bir hamıdan üzr istəyirəm ki narahat etdimsə bağışla, və ya kefli vaxtə etdiyum zarafatlara görə kimsə incimiş oıa bilər deyə ayılan kimi hamıdan üzr istəyirəm. ən son dünən kefli kefli getdiyimiz restoranda heyvan kimi acdığımız üçün əlimdəki toyuğun budunu yeyərkən ayağa durub bütün uşaqların qarşısında yediyim toyuqdan ondan zövq aldığım üçün ona təşəkkür etdiyimi, onu yediyim üçün isə üzr istəyərkən tapdım özümü. yarım saat onu o an yeyərkən nə qədər xoşbəxt olduğumu danışandan sonra gözüm stolun o biri başında oturan vegetarian qaqaşa dəydi, çıxışda adamın yanına gedib yarım saat üzr istəmişəm ki fikrimdən qaçmısan, o qədər danışdım sənə düz olmadı.
bəzən çox qatılaşa bilirəm, daha doğrusu laqeyid oluram, evi getdiyim birinin evində özümü öz evimdə kimi aparıram, çünki mənim evimə gələn hamının elə davranmasına normal baxdığım üçün. sonra irəlo getmiş ola biləcəyimi düşünüb üzr istəyirəm. yəni həmişə belə deyiləm. bəzən həqiqətən də səhvlərim olur. ən nifrət etdiyiniz adama belə sağollaşarkən nəsə bir xətrə dəyəsi hərəkətiniz olubsa bunun üçün üzr istədiyinizi bildirin, onun yumuşalmasına kömək edəcəksiniz əmin olun. fərqi yoxdur günah kimdədif, üzr istəyin. təşəkkür edin.