əjdaha lazımdı
izlə
dostlar
mən
googlla
21-ci əsr azərbaycan burjuaziyası
-
eurovision
-
mentalitet
-
bir ölkənin geridə qalmışlığını görmə yolları
-
anarxizm
-
ateist
-
məhəmməd əmin rəsulzadə
-
amerika birləşmiş ştatları
-
çərpələng uçuran
başlıqdakı ən bəyənilən yazılar:
+15 əjdaha
3. qloballaşma nəticəsində əvvəllər mədəni cəhətdən müxtəlifliyin müşahidə edildiyi əksər sahələrdə yeni beynəlxalq uniformizm meydana gəlir. bir düşünün, bütün dünyada yeni nəsil yetişir. onun nümayəndələri uşaqlıqda eyni televiziya verilişlərinə baxırlar, eyni pop-musiqiyə qulaq asırlar, yeniyetməlik illərində eyni pop-ulduzlara pərəstiş edirlər, yetkin yaşa çatdıqda isə eyni ''sabun operaları''nın sujetinin inkişafını izləyirlər. qlobal xəbər agentlikləri və şərhçiləri bizim dünya qavrayışımıza getdikcə daha çox təsir edir. bu nəslin nümayəndələri digər fikirlərlərlə tanış deyillər. onlar eyni xəbərlərə baxırlar və bu xəbərlərin eyni şərhini - qlobal şərhini qavrayırlar.
onlar eyni dəblə ayaqlaşırlar və qlobal marketoloqların işləyib hazırladığı eyni məhsulları alırlar, istər oyuncaq, istər disney cizgi filmlərinin personajlarının təsviri olan köynəklər, cinslər, paris, milan, yaxud nyu-yorkun dəb qanunvericilərindən ətirlər olsun, istərsə də yaponiya, yaxud koreyadan elektrik mallarının ən son modelləri olsun. onlar eyni ticarət mərkəzlərinə gedir, eyni fast-fud restoranlar şəbəkəsindən hamburger alır, şanxaydan tutmuş buenos-ayresə və frankfurtdan tutmuş sinqapura kimi hər yerdə eyni olan ofis binalarında işləyirlər. nəticədə də nümayəndələri həyata eyni cür yanaşan, eyni zövqləri paylaşan və eyni ümidləri bəsləyən (və ya bəsləməyən) yeni bir nəsil meydana gəlib.
yerli, milli mədəniyyətlər və özünüdərk əzilir. bəzi hesablamalara görə, hazırda dünyada mövcud olan 6000 dildən yarısı növbəti əsrdə yox olacaq. mədəni müxtəliflik, hətta planetimizdəki həyatın bioloji müxtəlifliyindən daha çox təhlükəyə məruz qalır.
qloballaşma bizim qarşımızda böyük bir vəzifə qoyur: getdikcə daha çox materializmlə səciyyələnən dünyada mənəvi mahiyyəti tapmaq və onu qorumaq.
məlum olduğu kimi, dünyamız daha çox dini inkar edir. dünya ölkələrinin əsaslanaraq qurulduğu mənəvi və dini dəyərlərdən çoxu hələ tamamilə dağılmasa da, ciddi təhlükə ilə üz-üzədir və bu bəşəriyyəti məhvə aparır.
avropada bir çox cütlüklər nikaha daxil olmaq istəmirlər. hər yerdə ənənəvi ailə konsepsiyası təhlükə altında qalır. almaniyada, italiyada, ispaniyada, rusiyada və şərqi avropanın əksər ölkələrində əhali azalır, çünki insanlar getdikcə daha çox kiçik ailələrə üstünlük verir, yaxud da, ümumiyyətlə ailə qurmurlar. altmışıncı illərdə hamiləlik əleyhinə vasitələrin ixtira edilməsi, nikahdankənar seks və homoseksualizmə münasibətin kəskin şəkildə dəyişməsi ictimai mənəviyyatda inqilaba gətirib çıxarır.
indiki zamanda bizim rasional təhlilə meylimizin artması, hollivudun təbliğ etdiyi dinə hörmətsiz münasibət, onun kütləvi şəkildə kommersiyalaşması ilə əlaqədar ilahilik hissi zəifləyib. qlobalizm nəticəsində yeni nəsilə belə bir fikir aşılanıb ki, başqalarına ziyan vurmadığı təqdirdə, istənilən hər şeyi etmək olar (inşallah, vaxt olsa bunun nə demək olduğunu geniş şəkildə izah etməyə çalışacam).
şəxsi uğur ənənəvi dəyərlərlə - borcun yerinə yetirilməsi və ədəb-ərkanla deyil, getdikcə daha çox var-dövlət və maddi nemətlərin yığılması ilə ölçülür.
qloballaşmış dünyamız, hər şeydən əvvəl materializm tərəfindən idarə olunur.
gəlirdən başqa allah yoxdur və faizlər onun peyğəmbəridir.
biz də qulları.
+9 əjdaha
1. soyuq müharibənin bitməsi ilə dünya gündəminə gələn konsept. qlobalizm bəşəriyyətin artıq millət-dövlətlərə artıq ehtiyac olmadığına inanır və sərhədsiz dünya alternativini təklif edir. avropa ittifaqı timsalında supranasyonal qurumlar qloballaşmanın təklif edtiyi sərhədsizliyin nümunələridir. buna qarşı dövlətlər qloballaşmaya dirənməyə çalışır. putin rusiyası, abş evangelistləri, israil, köhnə kemalist türkiyə, indiki azərbaycan, bir çox ərəb şeyxlikləri, fransız sağı və bunlara əlavə olaraq lukaşenko, nazarbayev və s.kimi diktatorlar qlobalistlərə və qlobalizmə dirənməyə çalışır. qlobalizm sadəcə siyasi deyil həm də texnolji və mədəni sahələrdə gedir. texnoloji qloballaşma uzun perspektivə uğurla nəticələnəcək. o ki qaldı mədəni sahədə o da yavaş-yavaş güclənəcək.nəticədə dünyada bir çox adam pitbullu, mj-ni, jackie chanı, jimm carrey-ni və s. adamları digər ölkələrin milli musiqiçilərindən və aktyorlarından qat-qat daha yaxşı tanıyır. buna nümunə verim bir dənə məsələn harrison ford amerikanın milli aktyorudur, george strait amerikanın milli müğənnisidir ancaq pitbull amerikanın milli müğənnisi deyildir qlobal bir dəyərdir. qlobal mədəniyyət formalaşır artıq ingilis dili qlobal dildir, qlobal musiqi və bazar iqtisadiyyatı modelində qlobal iqtisadi ideal var deməli qloballaşma hələ indidən böyük uğurlar qazanıb. qlobalizm insan haqları orientasiyalı olduğu üçün vətən mövhumuna qarşıdı bunu da qeyd etmədən keçməyək. milliyətçiliyi rədd edib liberalizmi dəstəkləyir.
+4 əjdaha
4. anarxist ,komunist, ateist, emo 15 yaşlı taxtabaşların heç vaxt anlamayacağı geniş miqyaslı hərəkat.
+3 əjdaha
2. yerli dildə desək tovuzun kəndindəki qaqaşın mayamidəki xanımla danışa bilmə imkanıdır. daha arxa planı kosmopolotanizmdir.
+4 əjdaha
9. (baxma: globalism)
neo-liberal ve liberal düşüncəli insanların başlatdığı dünyanı tək bir iqtisadi qüvvə altında toplamağa çalışan axım, ideoloji hərəkat.
əsas məsələ, kapitalizmin dünyaya tam hakimliyindən və dünya ölkələrinin iqtisadiyyatını birləşdirdikdən sonra başlayır. tək bir irq, tək bir sistem, tək bir iqtisadiyyat və s. tələb edirlər ki, mümkünlüyü şübhə altındadır. kapitalizmdən ayrılmağı düşünməyən bu axım dünyanı bütün kainatla müqayisə edərək necə cılız olduğunu, elə buna görə də dünyada vahid bir mərkəzin olmasını istəyir və bunun üçün də mübarizə aparır. ən böyük örnəyi, avropa birliyidir, hansı ki, avropa ölkələrinə kapitalist vədlər verərək, uşağa 10 qəpik verib 1 manatlıq şəkərini əlindən alan insanlar kimi davranır, kiçik vədlərlə başıboş ölkələri yola gətirir, yeraltından isə fərqinə varılması çətin olan çox böyük oyunlar oynayırlar.
bununla da, ölkələri özlərinə çəkir, avropanı tək bir "çatı" altında toplamağa çalışırlar. və yavaş-yavaş həmin ölkələrin milli dəyərlərini məhv edirlər.
(baxma: pulun gözü kordur )
ingiltərə kimi dövlətlər isə gec də olsa bu vədlərin əsas səbəbini anlayır və sözün əsl mənasında, özlərini bu bəladan xilas edirlər. elə fikrimcə də ən yaxşısı budur.
(baxma: ingiltərənin avropa birliyindən ayrılma səbəbləri)
avropa birliyinin hegomon dövlətlərindən biri olan almaniyanın dünya üzərində yeritdiyi ən başlıca siyasətlərdən biridir həm də qlobalizm. multikulturalizm kimi anlamsız və yalnızca xaosa aparan ideologiyaları mənimsəyir və yayırlar. hal-hazırda elə bunun nəticəsidir ki, gözəlim almaniyada neo-nazilərin, anti-faşistlərin, radikal islamçıların sayı artır və bunların hamsı mühiti böyük xaosa aparır. mədəniyyətlər, fərqli adət-ənənələr müəyyən bir ərazidə birləşərsə çox böyük toqquşmalara səbəb ola bilər. son vaxtlar, almaniyada öldürülən türkləri sizə xatırlatmaq istəyirəm. bundan daha betər hadisələri də elə yaxın müddətdə hər birimiz görəcəyik.
faydaları varmıdır? vardır, təbii ki. amma ziyanlarını öyrəndikdən sonra faydalarını bilmək elə də önəmli deyil, fikrimcə.
bu arada, ziyanlarını aradan qaldırmaq olarmı? bu, əslində, sənin və mənim ziyan anlayışıma bağlıdır. əgər, sən kapitalistsən isə, sənin üçün burda heç bir problem yoxdur. amma mənə görə var və bunun ziyanlarını aradan qaldırmaq mənasız olardı. çünki elə bu ideologiyanı ideologiya edən də mənim gözümdə ziyan olan bəzi əsas yanaşmalardır ki, heç birini dəstəkləmirəm.
(bax: liberalizm)
(baxma: neo-liberalizm)
(bax: multikulturalizm)
hamısını göstər
