əjdaha lazımdı
izlə
dostlar
mən
googlla
2020-ci ilin ən yadda qalan hadisələri
başlıqdakı ən bəyənilən yazılar:
+23 əjdaha
1. indicə tipik "hörmətli cənab ali baş komandan. Əmr etdiyiniz kimi qubadlı rayonu işağaldan azad edilmişdir" videosu gördüm bir telegram kanalında. Ancaq nə rəsmi elan olunub, nə də həmin video müdafiə nazirliyinin kanalında paylaşılıb. Maraqlıdır hardan çıxdı bu video?
![]()
edit: qubadlı bildiyim qədərilə 4+ gündür alınıb. Ancaq Ermənistan sərhəddinə yaxındır deyə, ordan artilleriya atəşinə tutulurdu. Ona görə şəhərdən şərqə doğru çəkilib artilleriyanın vuruş mənzilindən çıxmışdıq və şimala, laçına irəliləmişdik. Strateji olaraq da önəmli şəhər deyil, orda güc sərf etməyə dəyməz. Bəlkə də o vaxtdan çəkilən videodur, kimsə dözə bilməyib.
edit2: buba təsdiqlədi.
edit3: təbrikləri mənə yox *if i were a boy*-a yazın -*
+10 əjdaha
13. orduda mərkəzdən qaçma qüvvələr var. heç kimə sirr deyil. bugünkü söhbətdə də ona işarə elədi prezident. ləngimənin səbəbi də bəlkə də həmin qüvvələrin planı gec yerinə yetirməsidir. çox şey ola bilər, biz bilmirik, sadəcə ələ nə informasiya gəlirsə ona uyğun nəticə çıxarmağa çalışırıq. qaldı ki, videonun öncədən paylaşılması hansı məqsədlə edilib dəqiq demək çətindir. ağla batan iki variant var: ya deyildiyi kimi, kim(lər)sə əmrə tabe deyil, inadına tərs gedir və istəyir ki, hər şey yarımçıq bitsin, ona görə hərbi sirri özündə ehtiva edən videonu prezidentə məruzə etməmişdən qabaq birbaşa ictimaiyyətə buraxırlar. prezident də məcbur qalıb tələm-tələsik tvit atır. ya da bilirdilər ki, sabaha humanitar atəşkəs var, ona görə belə tələsik tərpəndilər.
amma bayaqkı çıxışda dedi ki əməliyyatları sürətləndirmək lazımdır, ləngimə var. bir tərəfdən də humanitar atəşkəs. sözsüz pozulacaq, çox çəkən deyil, amma yenə də. rusiyanin humanitar atəşkəsinə ciddi yanaşmadıq, o ki qala amerika.
rusiyanın silah göndərməyi tamamilə normaldı(ktqt müqaviləsi), göndərməsə tərəf tutmuş olar. onsuz da maksimum neytral qalmağa çalışır. amerikanın çox da bizi sıxmağına baxmayın, ayın 4-ü seçkilərdi publikaya oynamaq lazımdır "peacemaker" kimi, yoxsa millətdən səs qoparmaq olmaz.
qaldı ki, türkiyə məsələsinə. insafən, daha nə etsinlər? adamlar hətta dili ilə deyir ki, lazım gəlsə, canlı müdaxilə edə bilərik. keçən səfər bir türk hərb analizçinin tvitinə baxıram. bütün yaxın şərqdə baş verən müharibələrin taktiki gedişlərini analiz edib, əsasən də oxşar cəhətlərini: qarabağ, libya, suriya/iraq. hamsında eyni: türkiyə savaşır, türkiyə taktikası, dron, XTQ/istihbarat əməliyyatı, heç bir hava hücumunda təyyarədən istifadə olunmayıb. sözümün canı, adamlar taktika da verirlər, daha nə olsun? ləngimənin əsas səbəbi bizik. köhnə silah-sursat, nizamsız və təcrübəsiz ordu quruculuğu. söhbət milli ordudan gedir. salyarka satan, quru payoka göz dikən gizir, zabit heyəti hardan bilə bilər vətən nədir?! vətən sevən gəlib bir vaqon qubadlı vağzalına.
+10 əjdaha
9. Bu qədər təntənəli qeyd olunmasını anlamadığım hadisə, ümumiyyətlə bütün şəhərlərə aiddir.
Başa düşürəm sevindiricidir amma daha bayram kimi fişəng zad ağ olur artıq. şəhid yaxınlarının ağrısına azacıq hörmət oluna, gözlənilə bilər.
Onlar can qoyub oranı almaq üçün elə bil.
+7 əjdaha
10. Yarım yamalaq sevinclə qarşıladığım xəbər. Qubadlının alındığını onsuz da bilirdik.
ilhamın bu günkü çıxışı ağlımdan getmir. Adamın danışığından belə başa düşdüm ki, həm cəbhədə, həm də masada vəziyyət gərgindi. Təzyiq çoxdu. Amerika basqı edir. O biri tərəfdən də qəhbə Rusiya durmadan silah göndərir Ermənistana. Və həm də görünür ki, planların əksinə ordu ləng irəliləyir. Bilmirəm necə olacaq bunun axırı. Çünki, bu günə qədər azerbaycan heç kimin gözləmədiyi dirənişi göstərib qabağa getdi. Ha atəşkəs oldu, ha olacaq deyə-deyə babat uğurlar qazandıq. Bundan sonrası çox çətin olacaq. Baxaq görək. Türkiyənin mövqeyindən burda çox şey asılıdır.
+7 əjdaha
3. Bu münasibətlə bütün "sumqayıtdılı"ları təbrik edirəm. Gün o gün olsun bütün torpaqlar alınsın.
Gecə-gecə gözləmirdim açığı
+5 əjdaha
6. ilk öncə videonun sosial şəbəkələrə sızdırılması biabırçılıq və hərbi sirri yaymaqdır. Mütləq bu video mərkəzdən sızdırılıb
+5 əjdaha
8. Atəşkəs xəbərindən 1 saat əvvəl qeyri-professional şəkildə edilən elan. Görünür tələm-tələsik elanını edib rəsmiləşdiriblər ki, münaqişə dondurulsa Qubadlı havada qalmasın.
Maraqlıdır.
+4 əjdaha
2. "Bu gün Azərbaycan Ordusu Zəngilan, Cəbrayıl, Qubadlı rayonlarının bir neçə kəndini və Qubadlı şəhərini işğalçılardan azad etmişdir. Eşq olsun Azərbaycan Ordusuna! Qarabağ Azərbaycandır!"
Görünən odur ki, artıq prezident də bezib internetdə xəbərlərin ondan öncə verilməsindən.
+5 əjdaha
4. (baxma: 25 oktyabr sumqayıtın azadlığı günü)
+4 əjdaha
12. qeyri rəsmi şəkildə video paylaşan adamı tapıb içəri basmasalar mənim ürəyim soyuyan deyil. bu millət qanmır,söz başa düşmür. paylaşmayın,ölürlər deyirsən başa düşmürlər. tələm-tələsik də bir tvit. onsuz da füzulidə olduğu kimi qubadlı xəbərinə də istədiyim kimi sevinə bilmədim. şəhid xəbəri hər şeyi düzdü boğazıma. allah ermənistanı bildiyi kimi eləsin.
(bu arada bu acı ilə sözlüyə burdan qubadlıya qədər gedən adam ı təbrik etmək üçün girdim. təbriklər)
+3 əjdaha
5. (bax: burdan qubadlıya qədər gedən adam)
+2 əjdaha
7. o videonu yayan təcili cəzalandırılmalıdır. Fikir verirsinizsə, prezidentin tviti də tələsik atılmış tvitdir. Kəndlərin adları da yazılmayıb.
+1 əjdaha
11. "Qubadlıyacan getdim, bütün yolda qışqıra-qışqıra qaldım, bir dənə binamus qayıtmadı.."
Qayıtdıq, Çingiz, rahat yat, qayıtdıq!
hamısını göstər
