+3 əjdaha
1. 2019-cu ildə Macarıstanda keçirilən bələdiyyə seçkilərində Budapeşt uğrunda Viktor orbanın partiyasını məğlub edərək bələdiyyə sədri seçilən siyasətçi. bu gün 2022-ci ildə keçiriləcək parlament seçkilərində orbana qarşı namizəd olacağını elan etdi
, lakin ondan qabaq müxalifət blokunun vahid namizədliyi uğrunda keçiriləcək seçkidə qalib gəlməsi lazımdır. Anketlərə görə, gergely-i iki il öncəki bələdiyyə seçkilərində olduğu kimi birləşərək vahid blok əmələ gətirən 6 partiyanın ortaq namizədi olacaq və 2010-cu ildən təkbaşına iqtidarda olan orbana qarşı qələbə qazanacaq. Viktor orbanın illərdir davam edən sağçı-qütbləşdirici siyasəti istər Avropa ittifaqında, istərsə də ölkə daxilində narazılıqlarla qarşılanır. Son olaraq george sorosu hökumətin siyasətinə müdaxilə etməklə günahlandırıb sahibi olduğu central european university-ni ölkədən çıxararaq əvəzində çinin fudan universitetinin filialını açmağı planlaşdırdığı üçün etirazla qarşılanmışdı.
Bu seçkilərin növbəti Türkiyə seçkiləri üçün yol göstərici olduğunu ifadə edənlər var, ekrem imamoğlunun Ərdoğan qarşısında ən çox gözlənilən namizəd olması, kemal kılıçdaroğlunun müxalifət partiyalarını birləşdirmə addımları da iki ölkənin növbəti seçkilərinin həyəcanlı keçəcəyindən xəbər verir.