+24 əjdaha
4. Bu hesabın əsas məqsədini bugünədək sözlükdən heç kəs bilmir.Bu hesabdakı entryləri diqqətlə oxuyan hər kəs anlaya bilər ki, ikinci qarabağ müharibəsində qazi olmuş bir şəxsin dilindən yazılır.
əslində olan isə bambaşqadır...
şəhid olmuş qardaşım, can parçam, hər şeyim, nəfəsim, aldığım hər şey olan qardaşım şəhid xüsusi təyinatlı leytenant əkbərov əmrahın düşüncələri hamısı bu entrylərdə mövcuddur.
mən heç vaxt qardaşım ola bilməsəm də,onu yaşadıram, düşündüklərini, nə yaşadıqlarını hamıdan yaxşı anlayıram.çünki ikimiz də bu formaya, bu hərbçi həyatına sevdalı idik.
istədim ki, beynindəki bütün düşüncələri bura töküm.
buradakı entrylərə əsasən, belə düşünürdüm ki, təxəyyül məhsulu olaraq 12 oktyabr 2020-ci ildə əmrah şəhid olmayıb, yaralanıb və bundan sonra özünə sözlükdə hesab açaraq savaşın iç üzünü sözlüyə çatdırıb.
ümid edirəm bunu bacara bildim, qardaşım kimi olmasam da , qardaşım kimi nələrsə aşıladım, yazdım.
hörmətlə,
əmrahı özünə mənəvi qardaş bilən sizin wasd.
qardaşım bunu görürsənsə əgər kaş ki hu hesabı özün açaydın.
ruhun şad olsun ürəyim.