annie hall nədir

+9 əjdaha

3. o qədər gözəl hisslər buraxıb ki film üzərimdə, üstündən illər keçsə də hələ də hardasa şəkil ya səhnəsini görəndə içimdə o xoş hiss yenidən oyanır. olduqca gözəl və özünəməxsus filmdi. ssenarisi və hadisələr demək olar ki yadımdan çıxıb, ama hissləri hələ də qalır. qadın münasibətlərində ağıllı kişilərin hamısının içində bir woody allen yatır, sadəcə danışmırlar, yola verirlər. danışaraq gözəl bir qadını itirməkdənsə, bəzən susub görməməzlikdən gələrək o tanrı əli dəymiş mələyin sehrində itib getmək daha ağır basır. hamıya qarşı şopehaur olmağa ehtiyac yoxdu.

+4 əjdaha

2. Film bir başqadır ona söz yox amma ümumilikdə götürəndə filmin açılış səhnəsi, Alvy Singerin monoloqu izlədiyim bütün filmlər içindəki ən çox bəyəndiyim səhnədi deyə bilərik. 2 cümlə ilə bu adam ilk öncə bütün dünyanı təhlil edir. Sonra isə mənim insanlarla münasibətlərimi özətləyir.
2 qadın Catskill dağlarındakı kurortda söhbət edirlər, Biri deyir: "Burdakı yeməklər doğurdan dəhşətdir". O biri cavab verir:"Bilirəm və porsiyaları da çox kiçikdir". Həyat haqda da bu cür hiss edirəm. Yalnızlıq, əzab, səfalət və bədbəxtlikdə doludur. Və çox tez bitir.

(youtube:

)

+5 əjdaha

5. Sevibsiniz, amma bir dəqiqə..
Filmdən çıxan ana fikirlə Müsbət və mənfi cəhətləri təhlil edəcəyəm.
●Final səhnəsi filmə bütövlükdə izah verir:
"It’s important to have some laughs, you know, and not to dwell on it too much"
Bəzəb sadəcə gülmək lazımdır, üzərində çox da eşələnib məna çıxartmağa gərək yoxdur.
Bir digər dialoq
Bu, mənə köhnə bir zarafatı xatırladır. Bir kişi psixiatrın yanına gedir və deyir: "Doktor, qardaşım dəliyə dönüb, özünü toyuq sanır." Həkim soruşur: "Bəs niyə onu xəstəxanaya aparmırsan (dəlixana--> uzunmüddətli ayrılıq) ?" Kişi cavab verir: "Yerləşdirərdim, amma yumurtalara ehtiyacım var."(qardaşının varlığı, xatirələr, qarşılıqlı sevgi)
Digər yazarların da dediyi kimi ikili münasibətlərin birləşdiyi nöqtə budur: aidiyyət, doğmalıq, kiçik xoşbəxtliklər.. bunlar olan halda güzəştə gedilir, bəzən qarşıdakında bir başqası etsə əsəb edən hallar o şəxslə problem yaratmır, pürüzlər əvvəlki kimi incitmir/hiss olunmur, xoş olunur, qəbullanılır. Üz siması belə my type deyilsə doğmalaşır, cizgilər məna tapır.
●Digər bir səhnədə ikili restorandan şikayət edir və orada qalırlar. Münasibətlər belədir.
Ali və Nino kimi başqa dünya insanlarıdır oysa..
■ Baxın, Aralarında sevgi var, 100%
Oğlan qızı öpməkdən doymur. Sevgisini ifadə edəcək kəlimə tapmır, amma..
"Love is too weak a word for what I feel – I lurve you, I loave you, I luff you."
● Amma Alvy intellektual, həfif melanxolik, bir az da əsəb problemli, analizci, daim narahat biri olsa da qız obraz Annie extrovert, enerjili, kafadan spontan yaşayan, özgür ruhlu biri..
Bəlkə qızın narahatlıqları, oğlanın səbri bir-birlərini tarazlasa da qızın hərdən xəyallarına alaycı gözündə baxırdı. Oğlan qızı kurslara yönləndirirdi ki, qız onun səviyyəsinə az-çox çata bilsin. Qızı öz dəyərləri ilə yonturdu, şəkilləndirirdi. insan boşluqdan münasibətə ehtiyac duyur əksərən. O cəhət ehtiyac duyurdular hərdən bir-birlərinə..
Amma fərqli baxırdılar:
Sonda psixoloqa eyni hadisələri fərqli aspektdən yaşadıqları bir dialoq var.
Psixoloq: "Münasibətdə nə qədər tez-tez yaxınlıq (seks) yaşayırsınız?"
Alvy: "Eh... Demək olar ki, heç. Çox az. Həftədə 3 gün.."
Annie: "Ay aman! Dözülməz dərəcədə tez-tez. Həftədə azı üç dəfə!"
Annie ruhən yorulub , alvy isə ruhən də olsa istədiyi həzzi ala bilməyib.

Ümumən, insanlar münasibətlərdə öz daxili ehtiyacları və gözləntiləri ilə iştirak edirlər.
Eyni əlaqə birinə "boş" görünə bilərkən, digərinə "çox dolu" gəlir.
Bu da münasibətin emosional uyğunluğunun pozulmasına işarədir.

Mənim bir münasibətim bu şəkildə sonlandı. Ən yaxşı dost idik. Absürt zarafatlarıma gülər, bölüşdüyüm nələrisə maraqla sonacan dinləyər, hətta o da maraqlanardı. Amma bu maraqlanma binəvi aldatmacaydı, yox, həqiqətən araşdırardı. Amma bir yerdən sonra anlayırsan ki, qarşıdakında o xəmir yoxdursa sən əksərən tək qalırsan. Bəzən onun da sənə nəsə qatmasını istəyərsən , istəmədən şəkilləndirərsən. Mən hisslərə və fikirlərə dərin yanaşmam onun isə səthi olması, mənim əksərən vecsiz onun isə melanxolik olması bizi yapbozun parçaları kimi tamamlamırdı. Ayırırdı. Mən çox analizci olanda onun bu fikirlərə səthi yanaşıb mənə kömək etdiyi anlar da oldu. Amma bu eynən "sən əla mahnı oxuyursan" deyib dəstək verən birinin sonra adicə başqa bir xəyalına alaycı yanaşan alvy kimi annie 'ni də eyni mənim kimi tək qoya bilər fikir ayrılıqları ilə..

Və filmdə deyildiyi kimi,
A relationship is like a shark... it has to constantly move forward or it dies.
Yəni o köpəkbalığı hərəkət etmirsə ölər.
az əvvəl dialoqdakı o yumurta isə çürüyər.

Onlar sonra görüşdülər də, xatirələri yad etdilər də. Amma anvy pyesində yaşadığı eyni ayrılıq dialoqunu sonunu fərqli edib qucaqlaşmalı bitirdi. Evlərində ıstakoz qovaladıqları səhnə var ki, bəlkə anvy həfif gərgin idi o vaxt, fikir vermirdi o gözəl anın. Amma o səhnəni başqa bir qızla yaşayanda qız nə onun bu hallarını şəklə çəkdi , nə də qarşısında durub gülərək əyləndi. Sadəcə "elə də bitsin" gözü ilə baxdı.

So bəzən qarşıdakına şans verin, mən şans verdim. Yaşanılır və davam edilir. Kəndirləri yontulanadək, yəni bir münasibət sizə tam zərər verənə qədər orada qalmayın. Bir yerdən sonra analiz edin və yolu seçin. Heç kim dəyişmir və mükəmməl insan yoxdur. sadəcə güzəştə gedə biləcəyiniz qədərdir mi deyə baxın, yaşayın, olmasa da ən azından sonrasında ansızın birgə olan xoş xatirələr özü qucaqlayacaq.
Son olaraq:
Sevgi həmişə qalmır. Ancaq yaşanmış olması belə bir məna daşıyır. Geriyə qalan xatirələrdir.

(youtube:

)

"Sevgi anlaşmak değildir, nedensiz de sevilir, bazen küçük bir an için ömür bile verilir."

+3 əjdaha

1. 1977 ci il çəkilən bir woody allen filmi.romantik komediya tərzindədi.şəxsən mənimçün qadın-kişi münasibətlərini ən yaxşı əks etdirən filmərdən biri,hətda birincisidi.woody allen alvy singer rolunda,diane keaton annie hall rolunda çəkilmişdir.

+1 əjdaha

4. filmin sonunda çox bomba bir dialoq var.
"Bir nəfər psixoloqa gedir və həkim, mənim qardaşım özünü toyuq hesab edir.həkim də deyir onu niyə gətirmədiz bəs? O da cavabında:Gətirdim,onu da, amma mənə yumurta lazımdı.
Münasibətlər də Tamamilə bu cür Məntiqsiz və absurddur. amma davam etdirməliyik, çünki çoxumuzun yumurtaya ehtiyacı var.