baba

444 0 0 0

1. nəsil yazar

Entry: 444

★ wiki yazar

blok başlıqlarını gizlət

kreuzweg

the suffering of light

bütün zamanlarda yazdığı ən əjdaha entrylər:

Notice: Undefined variable: userQuery in /var/www/soz6/sonhefte.php on line 84

Notice: Trying to access array offset on value of type null in /var/www/soz6/sonhefte.php on line 84

Notice: Undefined variable: anonim in /var/www/soz6/sonhefte.php on line 85

Notice: Undefined variable: idvv in /var/www/soz6/sonhefte.php on line 92

Notice: Undefined variable: idvv in /var/www/soz6/sonhefte.php on line 101

Notice: Trying to access array offset on value of type null in /var/www/soz6/sonhefte.php on line 102

absurd teatr

+27 əjdaha

absurd teatr qərbi avropa dramaturgiyasında və teatrında 20ci əsrin ortalarında başlayan absurd hərəkatdır.
absurd pyeslərində mənasız dünya, məntiqdən uzaq qarışıq faktlar, sözlər, taleler təsvir olunur. absurdizm daha çox rumın-fransız dramaturqu eugene ionesconun “ keçəl müğənni” ( the bald soprano, 1950) və irland yazıçısı samuel beckettin “ qodonu gözləyərkən” (waiting for godot, 1952) dramlarında təcəssüm olunub.
“absurd teatr” termini ilk dəfə 1962-ci ildə teatr tənqidçisi martin esslin tərəfindən işlədilmişdir. absurd teatrın kökləri 1910-20-ci illərdə avanqard sənəti, dadaizm fəlsəfəsinə kimi gedib çıxır. kəskin tənqidlərə baxmayaraq, bu janr ikinci dünya müharibəsindən sonra böyük uğur qazandı. bu yeni termin tənqidlərə məruz qaldı, hətta onu “anti-teatr” adlandırmağa başladılar. esslinin fikrincə, absurd teatr 4 dramaturqun istehsalından ibarət idi: eugene ionesco, samuel beckett, jean genet, arthur adamov. lakin o vurğulamışdı ki, onların hər biri özünəməxsus “absurd” termini çərçivəsindən çıxırdılar.
bu teatrın görkəmli yazıçılarıdan albert camus, tom stoppard, friedrich dürrenmatt, harold pinter, edward albee, jean tardieu, alfred jarry, luigi pirandello, stanislaw witkiewicz, guillaume apollinairein adını çəkmək olar. absurd teatr böyük ehtimalla parisdə avanqard fenomeni kimi yaranıb, sonra isə dünya səviyyəsində tanınmağa başlayıb.
absurd teatr real personajları, hadisələri və digər teatra məxsus texnikaları inkar edir. yer və vaxt təyin olunmur, qarışıq hadisələr, mənasız intriqalar, təkrarlanan dioloqlar və məqsədsiz danışıqlarla zəngin olur. məqsəd insanlarda inanılmaz, bəlkə də dəhşətli bir əhval oyatmaqdı.

23 əjdaha! 12.12.2015 01:38, baba

#190073 şikayət

Notice: Undefined variable: userQuery in /var/www/soz6/sonhefte.php on line 84

Notice: Trying to access array offset on value of type null in /var/www/soz6/sonhefte.php on line 84

Notice: Undefined variable: anonim in /var/www/soz6/sonhefte.php on line 85

Notice: Undefined variable: idvv in /var/www/soz6/sonhefte.php on line 92

Notice: Undefined variable: idvv in /var/www/soz6/sonhefte.php on line 101

Notice: Trying to access array offset on value of type null in /var/www/soz6/sonhefte.php on line 102

franz schubert

+18 əjdaha

yaradıcılığı klassik eranın sonu, romantik eranın əvvəllərinə təsadüf edən bəstəkar. məni şubertlə bağlı təəccübləndirən şey onun məhsuldarlığıdır: 31 illik qısa bir ömrə 1500dən çox əsər, variyasiya sığdırıb. bura daxildir - solo səs və piano üçün 600dən çox lieder, bir o qədər piano parçaları, təxminən 150 partes mahnı, bir neçəsi messa olmaqla, 40 liturgik əsər, operaları və fon musiqiləri də daxil olmaqla, 20 civarında səhnə əsəri, 7si tamamlanmış 13 simfoniya və bir neçə uvertüra, 20dən çox simli alətlər üçün kamera musiqisi və kvintetlər, triolar, duetlər.

şubert 14 uşaqlı ailənin 12cisi kimi dünyaya gəlib. 4-5 yaşlarında atasından skripka, qardaşı ignazdan isə piano dərsləri alıb. bir neçə aydan sonra qardaşına deyib ki, daha sən mənə dərs demə, bunların hamısını bilirəm. 11 yaşı olanda haydn, mozart, beethovenin orkestr əsərləri ilə tanış olacağı stadtkonvikt məktəbində təhsil almağa başlayır. 5 il sonra atası ilə yaşamaqçün geri qayıdır və məktəb müəllimi kimi işləyir. bundan əlavə, antonio salieri ilə birlikdə bəstəkarlıq təhsilini davam etdirir və yaradıcılığa başlayır.

1828in martında ömründə ilk və son dəfə öz bəstələrindən ibarət konsert verir. bu konsertdən bir neçə ay sonra vəfat edir. ölüm səbəbi rəsmi olaraq tif xəstəliyidir, lakin bəzi tarixçilər onun sifilisdən öldüyünə inanırlar.

16 əjdaha! 28.08.2021 14:25, baba

#335018 şikayət

siqareti tərgitmək

+16 əjdaha

sizə öz siqaret tərgitmə hekayəmi danışmaq istəyirəm.

aktiv şəkildə çəkməyə universitetə qəbul olarkən başlamışdım. o vaxta qədər isə siqaret çəkmə vərdişinə sahib olmaq həmişə maraqlı gəlirdi. yavaş-yavaş artırırdım, bir də gördüm ki, hər gün 1 qutu siqaret alıram. və bu, 10 il davam etdi. bu müddət ərzində 2-3 dəfə tərgitmə cəhdlərim olmuşdu, ancaq 3-5 gün buna əməl edə bilmişdim.

siqaret çəkən dostumla birlikdə tərgitmək üçün birgə cəhdlər göstərirdik; müxtəlif praktiki metodları öyrənib bir-birimizə deyirdik. biz tərgitməyə başlamadan müharibə başladı, dostum ön cəbhəyə yollandı. "indi o orda nə odun kimi siqaretlər çəkir, allah bilir" düşüncəsilə, həm də müharibə stresindən çəkməyə davam elədim. düşündüm ki, dostum qayıdar, yenə birlikdə tərgitməyə başlayarıq, yarım qalan işimizi tamamlayarıq. nəhayət ki, qayıtdı. ama birlikdə addım atmadıq. çünki onun post-müharibə dövrünün psixoloji vəziyyətini nəzərə alıb üstünə getmək istəmədim, "indi daha çox ehtiyacı var siqaretə" deyə düşünürdüm.

bir axşam qəfildən, tamamilə ani bir istəklə cibimdəki qutu hələ tam boşalmamış qərar verdim ki, sabahdan siqaret çəkməyəcəm. bu qəfil qərardan 3 ay keçdi artıq və bu müddət ərzində bir dənə də olsun siqaret çəkməmişəm. 1ci gün heç əziyyət çəkmədim, sanki bədənimin fasilə verməyə ehtiyacı var idi. amma 2-3cü günlər əziyyətli oldu. 4-5ci gündən etibarən siqaret istəkləri azalmağa başladı. artıq yavaş-yavaş siqaret istəyi öz-özünə 2-3 saniyədə ötüb keçirdi. hə, onu da deyim ki, qərarı verərkən yarım qalan qutunu hər gün cibimdə işə aparıb, evə gətirirdim. həqiqətən! üstümdə olurdu, amma qətiyyən çəkmirdim. elə düşünürdüm ki, içəndə çəkmək istəyəcəm mütləq və o zaman iradəmə güc gələ bilməyəcəm, ona görə içməyə də ürək eləmirdim. ancaq içəndə gördüm ki, yox, yenə də istəmirəm siqaret. daha doğrusu, istək gəlir, amma 3-5 saniyədə keçib gedir.

mən heç bir xüsusi metod olmadan, birdən-birə, qəfildən tərgitdim. düzü, yoxladığım metodlara da inanmıram. insanlar elə bilirlər ki, tumla, ciblərinə doldurduqları ləpə ilə başlarını qarışdırsalar, öyrəşmədikləri, daha pis siqaret alıb özlərini iyrəndirsələr çəkməyi dayandıracaqlar. ancaq bunlar məndə işə yaramamışdı. tum çırtlayıb qurtaran kimi birini yandırırdım. özünüzü məcbur edirsinizsə, tərgidə bilməyəcəksiz. bu qədər sadə.

mövzuya qayıdacam.

14 əjdaha! 31.10.2021 01:23, baba

#338938 şikayət

kurt cobain

+13 əjdaha

ölümü ilə 27lər klubuna düşmüş nirvana qrupunun yaradıcısı.

son məktubu:

--sitat--

"təcrübəli, amma sadəlövh, cəsarətin olmamasını seçən və şikayət edən balaca uşağın dili ilə yazıram. bu yazı yəqin ki, çox asan başa düşüləcək. bütün xəbərdarlıqlar bu illər ərzində "punk rock 101" kursundan götürülüb, həmin vaxtdan etibarən mənim etikaya, bir növ, baxışım, nəzərdə tutulan müstəqillik və birgə qəbul olunan dəyərlər öz doğruluğunu sübut edib. artıq neçə ildirki, mən nə musiqiyə qulaq asanda, nə musiqi yaradanda, nə də ki, şeir oxuyanda və ya yazanda həyacan keçirirəm, həzz alıram. buna görə necə utandığımı sözlə çatdırmaq çox çətindi.
misalçün, biz pərdə arxasında dayananda, işıqlar yanır və fanatik kütlənin səs-küyü eşidilən vaxt mən heç bir həyacan keçirmirəm, bütün bunlar mənə heç çür təsir eləmir. freddie mercuryni, kütlənin ona göstərdiyi təsiri yadınıza salın... görünür, kütlənin sevgisindən həzz alırdı. buna heyranam və buna paxıllığım tutur.
iş orasındadı ki, mən sizi aldada bilmərəm. sizlərdən heç kimi aldada bilmərəm. bu, sadəcə sizlərə və özümə qarşı ədalətsizlik olardı. ən böyük günah mənə görə insanları aldatmaqdı. mən axı şad və sevincli deyiləm...

hərdən, səhnəyə çıxmamışdan qabaq saatı sındırmaq istəyirəm. mən əlimdən gələni edirəm ki, aramızdakı olan münasibəti qiymətləndirim, allah görür ki hər şey edirəm! amma bu kifayət etmir... mən çoxlarının hisslərinə toxuna bildiyimi qiymətləndirirəm. yəqin ki, mən özünü sevən kəslərdən biri kimi ancaq nəyisə itirəndə dəyəri və qiymətini bilənlərdənəm... mən çox duyğusalam. uşaqlığımda olduğu kimi, yenidən entuziazm əldə etmək üçün mənə biraz hissiyatsız olmaq lazımdır. axırıncı üç tur müddətində mən yaxınlarıma və musiqimin həvəskarlarına daha çox diqqət ayırmağa başladım, daha çox qiymətləndirdim, amma mənim hələ də sizin hamınıza qarşı hiss elədiklərim sadəcə xəyallarımın alt-üst olmasıdı. halınıza yanma hisslərindən ayrıla bilmirəm. hər birimizdə yaxşı nəsə var və mənə elə gəlir ki, mən insanları çox sevirəm. o qədər çox sevirəm ki, bu hiss məndə kədər oyadır. məni insancıqların, balığın, isanın qiymətini bilməyən qəmli bir insana çevirir. niyə buna sevinmirsən? bilmirəm. mənim dərdə şərik olan və məğrurluq ilə nəfəs alan ilahə - aravadım və mənə uşaqlığımı xatırladan qızım var. o - sevgi və sevinc ilə dolan qızım, qarşısına çıxan hər kəsi öpür, çünki bilir ki, ətrafda hamı yaxşı insandı və heç kim ona pislik etməyəcək. elə bu da məni qorxudur. o dərəcədə qorxudur ki, mən heç nə barədə düşünə bilmirəm. mən frensisin nə vaxtsa mənim kimi özünü bədbəxt edən roker olması barədə fikrini heç cür qəbul edə bilmirəm.

mənə yaxşılığı əhatəm edir, hər tərəfdə yaxşılıq var və mən buna görə minnətdaram, amma yeddi yaşımdan başlayaraq mən bütün insanlara nifrət edirəm. ona görə ki, onlar üçün bir yerdə yaşamaq və bir-birinə dayaq olmaq çox sadə gəlir. dərdə şərik olmaq! ancaq ona görə ki, mən insanları çox sevirəm və onların halına acıyıram. mən belə hesab edirəm. alovlanan və bulanan mədəmin dərinliyindən sizə axırıncı illərimdə daha çox hiss etməyə məcbur edən məktublarınıza və qayğılarınıza görə minnətdarlığımı bildirirəm. mənim içimdə dəlisov və kaprizli uşaq var.
mənim içimdə ehtiras artıq ölüb... ona görə də yadda saxlayın: yavaş-yavaş sönməkdənsə, tez alışıb yanmaq yaxşıdı.

sülh, sevgi, və şəfqət.
kurt cobain.
frensis və kortni, mən sizin səcdəgahınızda olacam.
kortni, xahiş edirəm, davam elə frensisin xətrinə.
onun həyatının xətrinə, hansı ki, mənsiz daha xoşbəxt olacaq.
mən sizi sevirəm, mən sizi sevirəm...

--sitat--

9 əjdaha! 15.07.2014 17:37, baba

#126976 şikayət

rena effendi

+13 əjdaha

qahirədə yaşayan azərbaycanlı fotoqraf. 1977də bakıda doğulub. fotoqrafiya müəllimi senan aleskerov olub. ilk fotolarını da bakı küçələrində, sovetskidə çəkib. daha sonralar azərbaycan bir çox fotohekayələr, layihələr işləyib. azərbaycanda onu az adam tanıyır. ancaq fotojurnalistika, küçə fotoqrafiyası, sənədli fotoqrafiya ilə maraqlanan, məşğul olanların hamısı onu tanıyır.

azərbaycanlılar üçün əsasən xınalıq kəndində çəkdiyi fotohekayə link

ilə yaddaqalan olub. pipe dreams adlı fotokitabı var: bakı-tiflis-ceyhan neft-boru kəməri, onun, yəni neftin, neft satışının insanların sosial-ictimai, siyasi həyatına necə təsir etməsindən danışır. * bu haqda daha sonra yazacam

the guardian rena effendinin ən yaxşı fotosu haqda müsahibə alıb. maraqlı və diqqətəlayiqdi: ingiliscə link

, azərbaycanca link

bundan başqa, rumıniyada otlar üstündəki həyat link

haqqında, nüvə qəzasından illər sonra çernobıldakı həyat link

haqqında çəkdiyi fotohekayələr də onun mükəmməl işlərindəndir. qeyd edim ki, transilvaniya: otlar üstündəki həyat fotohekayəsi dünyanın ən nüfuzlu world press photoda 3cü yeri qazanıb.

hazırda institute və grinberg gallery kompaniyalarını təmsil edir. amma national geographic, new yorker, newsweek, marie claire, the sunday times, more, geo və başqa nüfuzlu jurnal, qəzet və agentliklərdən də sifarişlər alır.

mükafatları sırasında:
prince claus fund award
world press photo - 2 dəfə (hər 2sini də 2014-cü ildə ayrı-ayrı kateqoriyalar üzrə alıb)
getty images editorial grant

13 əjdaha! 20.10.2015 01:38, baba

#184255 şikayət

deep purple

+12 əjdaha

dillərə dastan smoke on the water parçasının müəllifi olan qrup.

mahnının sözləri həqiqi hadisədən bəhs edir. deməli, 72ci ildə deep purple albom yazmaq üçün isveçrəyə yollanırlar. orda montreux şəhərində olurlar. sonra yanğın hadisəsi olur. cenevrə gölünün üstündə də yanan ağac budağı-zad olur. çoxdan eşitmişəm deyə yadımda səhv qala bilər. smoke on the water söhbəti də ordan yaranıb.

mahnını cover eləməyən qalmayıb day:

bu orijinaldı

(youtube:

)

black sabbath coveri

(youtube:

)

iron maiden coveri

(youtube:

)

jimi hendrix coveri

(youtube:

)

dream theater coveri

(youtube:

)

metalium coveri

(youtube:

)

siyahını bir az da uzatmaq olar

11 əjdaha! 04.08.2014 00:29, baba

#129030 şikayət

the dark side of the moon

+11 əjdaha

məşhur ingilis proqressiv rok qrupu pink floydun 8ci studiya albomu. “the dark side of the moon” (“ayın qaranlıq tərəfi”) 1 mart 1973cü ildə satışa çıxarılır. elə həmin gündən etibarən dərhal uğur qazanmağa başlayan albom 1988ci ilə qədər, düz 741 həftə billboard reytinqindən düşmür. bu günə qədər 45 milyondan çox nüsxə satılmaqla qrupun ən çox satılan 1ci, rok musiqisi tarixində ən çox satılan 2ci (1ci yerdə ac/dcnin “back in black” albomudur), ümumiyyətlə musiqi tarixində ən çox satılan 3cü albom olur. albom dinləyicilər, tənqidçilər tərəfindən qrupun ən yaxşısı hesab edilir və bütün dövrlərin ən yaxşı albomları siyahılarında həmişə yer alır.

david gilmour qrupa qatıldıqdan sonra keçmiş üzv, gitarist və mahnı sözləri yazan syd barrett qrupdan ayrılır. bundan sonra qrup bu gün tanındığı üslubunu qazanmağa başlayır. “the dark side of the moon” albomu qrupun david gilmour’la ilk işidir və uğurlar elə bu albomdan sonra başlayır.

albomun qəribə cəhəti odur ki, tərkibindəki mahnılar bir-birini dayanmadan əvəz edir, sanki bütöv albom bir musiqidən ibarətdir. ürək döyüntüsü ilə başlayır, ürək döyüntüsü ilə də bitir. mahnı sözlərinin hamısı roger waters-ə məxsusdur. albom bütövlükdə müasir dünyanın insan həyatına təsirindən bəhs edir və “there is no dark side of the moon really... matter of fact it’s all dark” sözləri ilə bitir.

albom həmin dövrdə ilk dəfə olaraq əlavə səs effektlərindən istifadə etməklə rok musiqisində bir novatorluq edir. abbey roads studiyasına albomun yazılması üçün xüsusi cihazlar gətirilir. bu effektlərdə kassa aparatlarının səsləri, təyyarə uçuşu və digər səslər yer alır. ürək döyüntüsü effekti üçün isə xüsusi baraban hazırlanır.

albom bir neçə dəfə müxtəlif qrup və ifaçılar tərəfindən həm ciddi, həm də parodik formada cover edilmişdir:

• the squirrels qrupunun “ the not-so-bright side of the moon” albomu (2000) dinlə link

• reggae kollektivi easy star all-stars’ın dub-reggae janrın coveri – “ dub side of the moon” (2003) dinlə link

və “ dubber side of the moon” (2010) dinlə link

• billy sherwood’un təşkilatçılığı ilə müxtəlif musiqiçilərin yer aldığı “ return to the dark side of the moon” albomu (2006) dinlə link

• poor man’s whiskey qrupunun bluegrass janrında (country janrının altjanrıdır) “ dark side of the moonshine” albomu (2009) dinlə link

• the flaming lips qrupu və digərlərinin iştirakı ilə psixodelik janrında “ dark side of the moon” albomu (2009) dinlə link

• “ markells’ voices”-in akapella ifası: “ dark side of the moon a capella” dinlə link

albom üzərində çalışanlar:
ifaçılar: (qrupun üzvləri) david gilmour (vokal, gitar), nick mason (baraban), richard wright (klaviş, vocal), roger waters (bass gitar, vokal).
prodüserlər: qrup özü öz prodüserliyini edib.
dizayn və fotolar: gbax: hipgnosis group (albomun üz qapağı işini bu qrupdan storm thorgerson görüb).

youtube-da dinlə link

torrent-dən yüklə link

itunes-dən al link

amazon-dan sifariş ver link

8 əjdaha! 14.01.2016 18:50, baba

#194388 şikayət

amores perros

+12 əjdaha

6 baş qəhrəmanı olan 3 hekayəli 1 film. hər hekayənin 2 qəhrəmanı var: itlər və onların sahibləri. hekayə dediyim də əslində hekayədən çox ayrıca filmdi. 1 film içində 3 film. o 3 filmi bir-birinə bağlayan bir yol qəza hadisəsidir; 3 hekayənin düyün nöqtəsidi bu hadisə. itlərin taleyi sahiblərinin taleyilə eynilik/oxşarlıq təşkil edir.

film əslində bir montaj məhsuludur. rejissor alejandro gonzalez inarritu filmi daha uzun çəkmişdi. bir gün guillermo del toroya göstərir filmi, o isə deyir ki, bu bir masterpiecedi, amma qısaltmalısan. nəysə, rejissoru inandırır və filmi qısaldıb 154 dəqiqə edirlər. tv versiyası isə 115 dəqiqədir. bu millət uzun filmdən niyə qaçır anlamıram.

3 filmi bir filmə sığdırmaq bu olsa gərək. özü də hər biri qəribə bir hekayədir. 3cü hekayəyə baxanda 1cisi yaddan çıxır. 1ci hekayədəki döyüşkən it 3cü hekayədəki itləri öldürür. 2ci hekayədəki aktrisa 1ci hekayədəki hadisələrin son mərhələsində tvdə görülür. belə qarışıqlıq var yəni. amma diqqətli baxan üçün heç bir çətinliyi yoxdu.

filmdə aşırı dərəcə heyvana zülm var. özü də ilk səhnələrdə. həddən artıq ürək ağrıdan mənzərələrdi, amma film xatirinə buna dözmək lazımdı. itlərin döyüş səhnələri filan.

3cü hekayədə bomj daydayın gəlib 1ci hekayədəki itin onun itlərini öldürməsini görəndə itin başına tapança nişan alır, amma tətiyi sıxmır. çox güman ki, itlə adamın talelərinin eyni olması üçün güllə atmır. hər ikisi öz növünü, öz cinsini öldürüb. kişi iti öldürsə idi, gərək özünə də öldürəydi.

11 əjdaha! 02.01.2015 15:18, baba

#141950 şikayət

john lennon

+10 əjdaha

qatili mark david chapman hadisə yerində yaxalanarkən cibində jerome david salingerin “çovdarlıqda uçurumdan qoruyan” kitabı tapılmışdı. çapman kitabın ilk səhifəsinə “holden caulfield” imzası ilə “bu mənim bəyanımdır” yazmışdı. cinayətdən öncəki günlərdə kitabdan bəzi səhnələri canlandırdığını deyən çapman, lennon haqqında demişdi: “otelimə qayıtmaq istədim, amma bacarmadım. o çıxana qədər gözlədim. ördəklərin qışda hara getdiyini bircə o bilirdi, mənə də onu öyrənmək lazım idi.” çapman, lennonu vurduqdan sonra qaldırımda oturub məşhur müğənninin ölümünü izləyərək romanı oxumağa davam etmişdi. 9 il sonra aktrisa rebecca schefferin öldürülməsində təqsirləndirilən robert john bardo da eyni romanı hadisə yerində ikən cibində gəzdirirmiş

10 əjdaha! 12.12.2015 01:27, baba

#190069 şikayət

sözaltı etiraf

+10 əjdaha

əvvəllər kinoya baxanda ondan çox şey öyrənməyə, həm texniki, həm də digər tərəfləri götürməyə çalışırdım. bu yaddaşsız halımla yadımda saxlıyırdım. amma indi bəzən olur ki sırf sözlüyə haqqında yazmaqçün hansısa filmə oturub baxıram. mən yenə də işığa, rəngə, ssenariyə, aktyor oyununa, rejissor işinə fikir verirəm əvvəlki kimi, amma indi daha bir məqsəd də sözlükdə yazmaqdı

10 əjdaha! 18.07.2014 00:09, baba

#127150 şikayət

fransız müdafiəsi

+12 əjdaha

1. e4; e6 gedişlərilə müşayiət olunan şahmatdakı açılışlardan biri. fransız müdafiəsi daha çox qüvvəsinə və elastikliyinə görə məşhurdur. ilk mərhələlərdə qaralar üçün sıxıntılar yaşatsa da, nəticə etibarilə onlara üstünlük yaradır. ağlar şah cinahına fokuslandığı müddətdə qaralar vəzir cinahında əks-hücum imkanları qazanırlar.

bu müdafiə 1834-36cı illərdən sonra dəbə mindi. həmin illərdə london və paris şəhərlərinin şahmatçıları arasında çempionat keçirilirdi. çempionatda fransızlar bu açılışı ediblər. lakin ilk dünya çempionu wilhelm steinitz bu müdafiə haqqında belə deyib: "həyatım boyu heç vaxt bütün açılışların ən cansıxıcısı olan fransız müdafiəsini oynamamışam". fransız müdafiəsinin eco kodu (bütün variantları ilə birlikdə) c00- c19.

müdafiənin nəzəriyyəsinə tarixi əhəmiyyətli töhfələr verən şahmatçılar: mixail botvinnik, viktor korçnoy, aron nimtsoviç, tiqran petrosyan, lev psaxis, wolfgang uhlmann, rafael vaqanyan.
bu müdafiədən daha çox istifadə edən şahmatçılar: teymur rəcəbov, aleksandr xalifman, qata kamski, aleksandr morozeviç, nigel short və başqaları.

fransız müdafiəsi, adətən, 2. d4; d5 gedişləri ilə davam etdirilir. qaralar dərhal ağların e4 xanasındakı piyadasına hücum edir və rəqibini seçim qarşısında qoyur. ağlar 3. e5, 3. ac3 və ya 3. ad2 gedişlərilə piyada dəyişdirməkdən imtina edə bilər.

1. e4; e6; 2. d4; d5 gedişlərindən sonrakı variantlar:

3. ac3 - fransız müdafiəsi ilə başlayan oyunların 40%i at c3 gedişi ilə davam etdirilib. qaraların 3 əsas gediş variantı var:
• rubinşteyn variantı - 3...dxe4
• vinaver variantı - 3...fb4
• klassik variant - 3...af6
3. ad2 - tarrasch variantı
3. exd5, exd5 - dəyişdirmə variantı
3. e5 - hücum variantı

1. e4, e6 gedişlərindən sonra oyun 2. d4, d5 şəklində davam etməyə də bilər. belə ki, ağların bir neçə seçimi var:
2. f4 - labourdonnais variantı
2. ve2 - çiqorin variantı
2. af3, d5; 3. ac3 - iki at variantı
2. c4 - steiner variantı
2. b3
2. d3 - bu gediş bobby fischer, lev psaxis, pal benko kimi qrossmeysterlər tərəfindən oynanılıb.

9 əjdaha! 28.02.2016 20:32, baba

#201262 şikayət

close-up

+11 əjdaha

fotoqrafiyada və kinoda çəkilən obyektin daha yaxından çəkilməsidi. dilimizdə qarşılığı, yaxın plan və yaxud iri plandır. nə dərəcədə yaxından çəkilməsinə görə bir neçə növü var. məsələn:

bir insanın portretini çəkərkən onun çiyinləri və başını kadra daxil edirsənsə, bu medium close-up'dı (mcu).
əgər onun çiyinlərini yox, təkcə başını çərçivə içinə salırsansa, bu close-up'dı (cu).
əgər sən çərçivəyə adamın yalnız başındakı hər hansı detalı salırsansa (məsələn, göz, qulaq, burun və s) bu extreme close-up (ecu, xcu) adlanır.

close-up'a həmçinin macro da deyilir. (baxma: macro photography)

10 əjdaha! 15.08.2014 13:02, baba

#130397 şikayət

the marshall mathers lp

+10 əjdaha

amerikalı reper eminemin 28 yaşında ikən çıxardığı sayca 3cü studiya albomudur. 1999cu ilin avqustundan 2000ci ilin aprelinə qədər səsyazması davam edən albom 23 may 2000ci ildə abş-da, 11 sentyabr 2000ci ildə isə birləşmiş krallıqda işıq üzü görür.
albom birləşmiş ştatlarda çıxdığı ilk həftə boyunca 1 mln 76 min nüsxə satılır və bununla da amerikan musiqi tarixində ən tez satılan solo ifaçı albomu olur. lakin bu rekordu 2015ci ilin noyabrında üzə çıxdığı ilk 3 gündə 2 mln 433 min nüsxə satılmaqla adele’in “ 25” albomu qırdı. 2001ci ildə “ən yaxşı rep albomu” nominasiyasında grammy mükafatı qazanır. 2015ci ilin may ayının statistikasına görə, albom birləşmiş ştatlarda 11 milyondan çox, bütün dünyada isə 32 milyondan çox satılır. hazırda dünyada ən çox satılan albomlar siyahısında 55ci yerdədir.

albomun yazılışı çox zaman 20 saatlıq studiya sessiyalarından sonra başa gəlib. bu qədər studiyada qalan eminem özünü “studiya siçovulu” adlandırırdı. sinqlların əksəriyyəti isə elə studiyada spontan yazılır. mahnı sözlərinin çoxu eminemin uşaqlıq mübarizəsini, ailə məsələlərini (“ kill you”), həyat yoldaşı ilə gərgin münasibətlərini (“ kim”), gözləntilərini (“stan”, “ i’m back” və “marshall mathers”), onun geri dönüşü və musiqi sənayesinə təsirini (“ remember me?”, “ bitch please ii”), narkotik istifadə etməsini (“ drug ballad”), onun Amerika gəncliyinə və cəmiyyətinə təsirini (“ the way i am”, “ who knew”) və vulqarizminə və qaranlıq mövzularına tənqidi münasibətlərə cavabını (“criminal”) əhatə edir.

albom üzərində çalışanlar:
prodüserlər: dr.dre, jeff bass, mark bass, mel-man, the 45 king.
ifaçılar: eminem, bizarre, dido, dina rae, kuniva, mr.porter, nate dogg, paul rosenberg, proof, rbx, snoop dogg, steve berman, sticky fingaz, swifty mcvay, xzibit.
musiqiçilər: camara kambon (klaviş), john bigham (gitara), mike elizondo (bass, gitara, klaviş), paul herman (gitara), tommy coster (klaviş)
fotoqraf: jonathan mannion
dizayner: jason noto

youtube-da dinlə: http://bit.ly/1OTLJ2x
torrent-dən yüklə: http://bit.ly/1NgN3b6
itunes-dən al: http://apple.co/1IDnC3c
amazon-dan sifariş ver: http://amzn.to/1M1AA9q

10 əjdaha! 13.12.2015 21:26, baba

#190253 şikayət

sözaltı etiraf

+8 əjdaha

ilk dəfə olaraq nəyisə, nələrisə etiraf eləmək istiyirəm. etirafdan daha çox dərdləşmək demək olar buna.

ego, id və superego var a, bax şəxsən özümdə onların hansı vəziyyətdə olmalarını bilirəm. əslində mən bilirəm hansı halda özümü aktyorluğa qoyub qarşı tərəfin mənim haqda hansı fikrə düşməsinə yönləndirirəm, mən bilirəm hansı hərəkətlə hörmətə minirəm və ya düşürəm. yuxularımı belə şüuraltımdakılara əsasən çözümləyə bilirəm. son vaxtlar isə simvolik yuxular görürəm. onlardadı əsas çətinliyim.

bu günə qədər mən həmişə yarımçıq adam olaraq qalmışam. başda özüm olmaqla bir çoxları üçün bir çox iş görmüşəm, amma hamısını yarımçıq qoymuşam. çünki tam deyiləm. tam olmamağımın əsas səbəbi də təkliyimdi. bunu lütfən ərgənlərin öydükləri yalnızlıqla, kaybedenler kulübü ilə bağlamayın. sevgilim olanda belə özümü tək hiss eliyirdim. çünki o məni tamamlaya biləcək qız deyildi.

sözlük, son vaxtlar heç bir işim düz gətirmir. və ümumiyyətlə, işin özü gətirmir, nəinki düz, ya əyri. məşğul ola biləcəyim heç nə yoxdu. vakuumdayam. planlarımın heç biri olmur. qərarsızam. böyük bir boşluqdayam.

söhbəti hardan hara gətirdim özüm də bilmirəm.

daha sözlükdə də yazmaq istəmirəm. soyumuşam. çox güman ki sonuncu entry'mdi * hətta bunda belə qərarsızam

8 əjdaha! 10.08.2014 01:30, baba

#129686 şikayət

sen aydınlatırsın geceyi

+7 əjdaha

2013cü il onur ünlünün ağ-qara filmi. filmin adı william shakespeare'in eyni adlı sonetindən götürülüb. fantastika janrında bu günə qədər izlədiyim ən gözəl filmdi. ləhcəli danışığın tamamilə ayrı dadı var. ən gözlənilməz və ən xoşuma gələn səhnələrdən biri də göydən daş yağması səhnəsidi. mənə görə film simvolika ilə zəngindir, amma təbii ki, film kim nə başa düşürsə, özü üçün filmin anlamı ondan ibarət olur.

heç unutmadan film boyu səslənən bu 2 soundtrack'i xüsusi qeyd etmək lazımdır

mreyte ya mreyte

(youtube:

)

mehmet erdem - gülmek için yaratılmış

(youtube:

)

6 əjdaha! 31.07.2014 11:21, baba

#128521 şikayət

səid ünsizadə

+7 əjdaha

tam adı hacı səid əfəndi ünsizadədir. bəzi mənbələrə görə 1845, bəzi mənbələrə görə isə 30cu illərdə şamaxıda anadan olub. yeni yaranan azərbaycan mətbuatına əvəzsiz xidmətlər göstərmişdir.
üç qardaş olublar - səid ünsizadə, cəlal ünsizadə, kamal ünsizadə.

bu qardaşların atalarının adı şamaxı hakimi cəfərqulu xanın şeirlərinin birində çəkilir, alim bir şəxs kimi təqdim olunur. əldə olunan materiallardan bəlli olur ki, əbdürrəhman əfəndi "ünsi" təxəllüsü ilə şeirlər yazmış, yaşadığı şamaxı və ətraf bölgələrdə tanınmışdır. əbdürrəhman əfəndinin ölümündən sonra oğlanları ünsizadə soyadını götürmüşlər. ailənin böyük övladı hacı səid ilk təhsilini atasından almışdır. şamaxı mədrəsəsini bitirdikdən sonra təhsilini mükəmməlləşdirmək üçün dövrün islam mədəniyyətinin beşiyi hesab olunan bağdada getmiş, islamı mükəmməl öyrənmişdir. təhsilini bitirdikdən sonra şamaxıya qayıtmış, burada məktəb açaraq, ədəbi yaradıcılıqla məşğul olmuş, beytül-səfa şeir məclisində iştirak etmişdir.

ortaya çıxarılan sənədlərdən bəlli olur ki, ziya qəzetinin yaradıcısı səid ünsizadə 1866-cı ildə şamaxı şəriət məclisinə üzv seçilmişdir. üç il sonra isə səid əfəndi bakı quberniyası ruhani məclisinin üzvü kimi dini fəaliyyətlə məşğul olmuşdur. xalqın maariflənməsinə daim maraq göstərən səid əfəndi 1875-ci ildə şamaxıya qayıdır və ruhani idarəsinin sərəncamında olan bir məktəb açır. məktəbdə dini elmlərlə yanaşı, azərbaycan türkcəsi, rus, ərəb və fars dilləri, həmçinin hesab fənni tədris olunurdu. 1876-1877-ci illərdə bu məktəbdə 100 nəfərdən çox şagirdin təhsil alması barədə məlumatlar da var.

qafqaz canişinliyi baş idarəsinin təqdimatı ilə 1877-ci ildə səid ünsizadə zaqafqaziya ruhani idarəsinə ezam olunur. iki aya yaxın orada çalışır. səid ünsizadə bu ildən etibarən tiflisə köçüb, 1884-cü ilədək orada yaşamış və ruhani idarəsində çalışmışdır. tiflisin ədəbi-mədəni mühiti onun arzusunda olduğu qəzet nəşri və mətbəə yaratmaq kimi dövrün ən mütərəqqi ideyasını həyata keçirməyə imkan yaradır.

(bax: ziya)
(bax: ziyayi-qafqaziyyə)

7 əjdaha! 19.12.2014 00:23, baba

#139163 şikayət

psycho

+7 əjdaha

müxtəlif vaxtlarda hazırlanmış "ölməzdən əvvəl baxılası" film seriyalarında həmişə olmuş bir alfred hitchcock filmi. filmin psixoloji/psixoanalitik tərəfləri də var.

həmin tərəflərdən biri ananın yaşadığı evdə baş verən hadisələrin üç mərhələdə reallaşmasıdır: ikinci mərtəbə, birinci mərtəbə və zirzəmi. bu, sanki, insan subyektivliyinin üç mərhələsidir. birinci mərtəbə egonu simvolizə edir. norman burda normal egosundan qalan artıqlarla normal bir övlad kimi davranır. ikinci mərtəbə superegodur. maternal (ana) superego. çünki ölən ana əslində bir superego fiqurudur. zirzəmi isə id deməkdir.

7 əjdaha! 27.07.2014 00:08, baba

#128150 şikayət

rubinşteyn variantı

+7 əjdaha

1. e4, e6; 2. d4, d5; 3. ac3, dxe4 gedişləri ilə müşayiət olunan şahmatda fransız müdafiəsinin variantlarından biri. bu variant polyak qrossmeyster akiba rubinsteinin şərəfinə adlandırılıb. qaraların 3...dxe4 gedişi bu variantı təşkil edir. bundan başqa ağların 3. ad2 gedişindən sonra da qaralar 3...dxe4 oynaya bilərlər. ağlar daha rahat inkişafa və qaraların c7-c5 oynamaqla neytrallaşdırmağa çalışdığı mərkəzdə daha çox boş yerə sahib olur. bu möhkəm xətt güclü inkişafa meyillənir.

rubinşteyn müdafiəsində 3...dxe4 gedişindən sonra, ağlar 4. axe4 oynayarsa, qaraların əsasən 2 gediş seçimi var:
• ən məşhur gediş sistemi: 4...ad7; 5. af3, agf6; 6. axf6+ axf6. və bununla da qaralar c5 gedişinə hazırdır.
• ağ xanalı filin aktivləşdirilməsi - 4...fd7; 5. af3, fc6 - fort knox variantı

6 əjdaha! 28.02.2016 21:21, baba

#201277 şikayət

məhəmməd ağa şahtaxtinski

+7 əjdaha

şərqi-rus qəzetinin mətbəəsini təşkil etmək üçün naxçıvanın şahtaxtı kəndindəki ata-baba mülkünü satıb, tiflisə mətbəə avadanlığı alıb aparır.

mirzə fətəli axundovdan sonra əlifba islahatı keçirməyə cəhd göstərən adamdı. onun təklif etdiyi əlifba bir az fərqli idi. və bu iddiaları o qədər də dəqiq işlənməmişdi, ona görə də islahat cəhdi uğursuz nəticələndi.

ümumiyyətlə, müəyyən mənada ziddiyyətli şəxsiyyətdir; bəzən dindarların tərəfində olurdu, bəzən demokratların. amma buna baxmayaraq, maarifçilik tarixində yeri olan şəxsdir.

cəlil məmmədquluzadə ilə tiflisdə bir yeməkxanada rastlaşıblar. elə ordaca mirzə cəlilin poçt qutusu hekayəsini oxuyub qəşş edib gülmüşdü. sonra da mirzəni şərqi-rusda işləməyə dəvət edir. bu dəvət sayəsində tiflisə bir neçə günlük gələn mirzə cəlil ömürlük orda qalmalı olur.

7 əjdaha! 12.03.2015 20:36, baba

#152109 şikayət

ədəbiyyat üzrə nobel mükafatı

+6 əjdaha

1901ci ildə təsis edilən, ədəbiyyat sahəsi üzrə böyük işlər görən, fundamental əsərlər yazan müəlliflərə verilir.

nobel alan ədiblərin siyahısı:
1901 - sully prudhomme
1902 - theodor mommsen
1903 - björnstjerne björnson
1904 - frederic mistral və jose echegaray
1905 - henryk sienkiewicz
1906 - giosue carducci
1907 - rudyard kipling
1908 - rudolf christoph eucken
1909 - selma lagerlöf
1910 - paul von heyse
1911 - maurice maeterlinck
1912 - gerhart hauptmann
1913 - rabindranath tagore
1915 - romain rolland
1916 - verner von heidenstam
1917 - karl adolph gjellerup və henrik pontoppidan
1919 - carl spitteler
1920 - knut hamsun
1921 - anatole france
1922 - jacinto benavente
1923 - william butler yeats
1924 - wladyslaw reymont
1925 - george bernard shaw
1926 - grazia deledda
1927 - henri bergson
1928 - sigrid undset
1929 - thomas mann
1930 - sinclair lewis
1931 - erik axel karlfeldt
1932 - john galsworthy
1933 - ivan bunin
1934 - luigi pirandello
1936 - eugene o'neill
1937 - roger martin du gard
1938 - pearl s. buck
1939 - frans eemil sillanpaa
1944 - johannes vilhelm jensen
1945 - gabriela mistral
1946 - hermann hesse
1947 - andre gide
1948 - tomas eliot
1949 - william faulkner
1950 - bertrand russell
1951 - per lagerkvist
1952 - françois mauriac
1953 - winston churchill
1954 - ernest hemingway
1955 - halldor laxness
1956 - juan ramon jimenez
1957 - albert camus
1958 - boris pasternak
1959 - salvatore quasimodo
1960 - saint-john perse
1961 - ivo andric
1962 - john steinbeck
1963 - giorgos seferis
1964 - jean-paul sartre
1965 - mikhail sholokhov
1966 - shmuel yosef agnon və nelly sachs
1967 - miguel angel asturias
1968 - yasunari kawabata
1969 - samuel beckett
1970 - aleksandr solzhenitsyn
1971 - pablo neruda
1972 - heinrich böll
1973 - patrick white
1974 - eyvind johnson və harry martinson
1975 - eugenio montale
1976 - saul bellow
1977 - vicente aleixandre
1978 - isaac bashevis singer
1979 - odysseas elytis
1980 - czeslaw milosz
1981 - elias canetti
1982 - gabriel garcia marquez
1983 - william golding
1984 - jaroslav seifert
1985 - claude simon
1986 - wole soyinka
1987 - joseph brodsky
1988 - naguib mahfouz
1989 - camilo jose cela
1990 - octavio paz
1991 - nadine gordimer
1992 - derek walcott
1993 - toni morrison
1994 - kenzaburo oe
1995 - seamus heaney
1996 - wislawa szymborska
1997 - dario fo
1998 - jose saramago
1999 - günter grass
2000 - gao xingjian
2001 - vidiadhar naipaul
2002 - imre kertesz
2003 - john maxwell coetzee
2004 - elfriede jelinek
2005 - harold pinter
2006 - orhan pamuk
2007 - doris lessing
2008 - jean-marie gustave le clezio
2009 - herta müller
2010 - mario vargas llosa
2011 - tomas tranströmer
2012 - mo yan
2013 - alice munro
2014 - patrick modiano

6 əjdaha! 02.11.2014 13:02, baba

#132545 şikayət

aytac babayeva

+7 əjdaha

bu xəbəri dostumdan eşidəndə ağlıma hər şeydən əvvəl alber kamyunun bu sözü gəldi: "bir ölkədə insanların necə yaşadığını bilmək üçün orda insanların necə öldüyünə baxın"

azərbaycanda sosial həyatın hansı vəziyyətdə olmasını ən kiçik detallarına qədər göstərən bir hadisədir. deyə bilərsiz ki, nə qədər qəddar bir cinayət olsa da, bir hadisə ilə bütöv bir xalqı niyə müqayisə edəsən. amma məsələni bir az ətraflı, bir az dərindən düşünəndə görürsən ki, həqiqətən kamyunun sözü yerinə düşür.

azərbaycanda bir qaqaşın sevgisi ancaq belə ola bilər. ağ atlı oğlanı gözləmək bizim kimi üçüncü dünya ölkəsinin millətinə xas ola bilər.

mən həqiqətən dəhşətə gəlirəm. ona görə fikrimi cəmləyib içimdəkini deyə bilmirəm

7 əjdaha! 03.05.2015 23:46, baba

#160962 şikayət

yeraltı

+5 əjdaha

zeki demirkubuzun son filmi. təxmini hesablamalarıma görə ya bu, ya da gələn il növbəti filmini çəkməyə başlayacaq -*
film fyodor mixayloviç dostoyevskinin yeraltından qeydlər kitabındadır, onu anladıq. amma dostoyevski deməmişdi ki, get nuri bilge ceylana söz sox. üç maymun üstündə başlayan davaları səbəbilə zeki bu filmdə nurini cevat rolunda görür. cevatın mükafat almış əsərinin adı ankara sıkıntısıdır. nurinin filmlərindən biri isə mayıs sıkıntısıdır. film keçmiş dostların - muharrem və cevatın (oxu: nuri və zekinin) əvvəlki dostluqlarına cevatın (oxu: nurinin) başqalarının fikirlərini oğrulayaraq ankara sıkıntısı (oxu: üç maymun) adlı kitab yazması (oxu: film çəkməsi) və bunun mükafat alması, cevatın isə bundan fərəhlənməsindən, muharremin yalnızlığından bəhs edir.
film boyu gözə çarpan kartof məncə insanın həmişə yanında olan ağrı-acıları və müsbət əhval ruhiyyəni simvolizə edir. dəqiq deyə bilmərəm.
bu arada zekinin ernesto che guevaranın guerrillero heroico portretindən subliminal mesaj kimi istifadə etməsi nəzərimdən qaçmayıb -*

5 əjdaha! 05.07.2014 17:48, baba

#126127 şikayət

jurnalisti döydürən futbolçu

+7 əjdaha

əvvəla rasim əliyevin cavid hüseynovun qohumları tərəfindən döyülməsi dəqiqləşdirilməyib. bu ehtimaldır. başqa bir ehtimal da var: iyulun 25də jurnalist naməlum şəxslər tərəfindən hədələnib və o, bununla bağlı polisə müraciət edib. bunu da araşdırmaq lazımdır.

ikincisi, əgər həqiqətən də cavid hüseynovun qohumları tərəfindən döyülüb öldürülübsə, soxum belə millət və qardaşlıq təəssübkeşliyinə. millətçi qeyri-millətçini öldürəndə haqq eləmiş olur, ama əksinə olanda cinayət? millətinə inanırsan, qozumaki, məni niyə öldürürsən? çoxdandı ölkədə qəhbəliy baş alıb gedir. jurnalist döyənlərin, yazıçı bıçaqlayanların nəsli kəsilmədikcə bu ölkə yaşanılası yer olmayacaq. sonra da jurnalistlərə ev zad verirsiz. sərbəstlik verin, öldürülməsinin qarşısını alın, eviniz götünüzə girsin.

6 əjdaha! 09.08.2015 13:01, baba

#177572 şikayət

aşıq qərib

+5 əjdaha

1988ci il istehsallı gürcü-erməni-azərbaycan filmi. bildiyiniz əsl qafqaz filmi. hər şeydən əvvəl filmin heyətini qeyd eləmək lazımdı:

rejissor - sergei parajanov * yaxud, paracanov
ssenari - mixail lermontovun qısa hekayəsi əsasında yazılıb
bəstəkar - cavanşir quliyev
ifa - alim qasımov
aktyorlar - yuri mqoyan, sofiko çiaureli, ramaz çxikvadze, konstantin stepankov

film azərbaycan dilindədi. rejissor filmi özünün ən yaxın dostu andrey tarkovskiyə həsr edib. şeirsəl, poetik bir filmdi. tarkovskiyə həsr olunubsa belə də olmalıydı. adi tamaşaçı üçün darıxdırıcı gələ bilər, ama art-house sevənlərin xoşuna gələcək. çünki film simvolik məna ilə doludur. sanki "12-15ci əsrlərdə film çəkilsəydi, necə olardı?" sualına bir cavabdı. istifadə olunan elementlərdə isə milli kolorit var. hər dəfə bir rəngdə olan nar, ağ və qara göyərçinlər, ağ, qara, qırmızı yolun olması və s. musiqilər də çox gözəl seçilib.

bir az ağır filmdi, hər adam üçün deyil.

baxmaq istəyənlərçün link

(youtube:

)

5 əjdaha! 06.08.2014 13:08, baba

#129286 şikayət

yazarların ən sevdiyi yazarlar

+5 əjdaha

bir qız tərəfindən açıldığı adınnan bəlli olan başlıq. 3 niyə? niyə məhz 3 yazar? mənim xoşladığım 6 yazar varsa, mən 2 entry yazmalıyam? bəlkə 3 müqəddəsdi? bəlkə atalar 3dən deyib? "yazarların sevdiyi yazarlar". vəssalam

5 əjdaha! 26.11.2014 20:58, baba

#136299 şikayət

Notice: Undefined variable: user_id in /var/www/soz6/sds-themes/vengeful-light/profile.php on line 1365

blok - başlıqlarını gizlət
Notice: Undefined variable: user_id in /var/www/soz6/sds-themes/vengeful-light/profile.php on line 1372

baba

son bəyənilənlər:

oxuyucuların bəyəndikləri: