lucifermorningstar

347 1 0 0

10. nəsil partizan

Entry: 347

★ wiki yazar

blok başlıqlarını gizlət

14 fevral

sözaltı fotoqrafiya

bütün zamanlarda yazdığı ən əjdaha entrylər:

Notice: Undefined variable: userQuery in /var/www/soz6/sonhefte.php on line 84

Notice: Trying to access array offset on value of type null in /var/www/soz6/sonhefte.php on line 84

Notice: Undefined variable: anonim in /var/www/soz6/sonhefte.php on line 85

Notice: Undefined variable: idvv in /var/www/soz6/sonhefte.php on line 92

Notice: Undefined variable: idvv in /var/www/soz6/sonhefte.php on line 101

Notice: Trying to access array offset on value of type null in /var/www/soz6/sonhefte.php on line 102

sözaltı günlük

+40 əjdaha

bu gün doğum günümdür, sözlük. sabah ölkəni bəlkə də bir dəfəlik tərk edəcəyəm. bir söz deməliyəmsə, "rədd olsun istibdad, yaşasın hürriyət!"

31 əjdaha! 18.08.2023 13:28, lucifermorningstar

#377775 şikayət

Notice: Undefined variable: userQuery in /var/www/soz6/sonhefte.php on line 84

Notice: Trying to access array offset on value of type null in /var/www/soz6/sonhefte.php on line 84

Notice: Undefined variable: anonim in /var/www/soz6/sonhefte.php on line 85

Notice: Undefined variable: idvv in /var/www/soz6/sonhefte.php on line 92

Notice: Undefined variable: idvv in /var/www/soz6/sonhefte.php on line 101

Notice: Trying to access array offset on value of type null in /var/www/soz6/sonhefte.php on line 102

cartesian theater

+31 əjdaha

idrak, şüur müzakirələrində əhəmiyyətli yeri olan alim daniel dennett tərəfindən ortaya atılmış terim.

Cartesian theater cartesian dualismdən qeyri-maddi ağılı çıxartdıqda yerdə qalana verilmiş metaforik addır. daniel dennett bunu beynimizin bir parçasında oturub qavranılanları, imajları, xatirələri bir teatr səhnəsinə baxırmış kimi müşahidə edən müşahidə-edici öz olan liliput metaforik ideya ilə açıqlamağa çalışır. Yəni, beyinin bir parçasında bir teatr səhnəsi var və o səhnədə bizim qavradıqlarımız, ideyalar, intellekt, xatirələr, hislər sıra ilə gəlir və liliput öz onları müşahidə edərək qərarlar verir. Beləliklə, hərşey biraraya gəlir və idrak,şüur yaranır.

mənbə1

mənbə2

22 əjdaha! 26.02.2021 13:11, lucifermorningstar

#320841 şikayət

sözaltı meme

+27 əjdaha

24 əjdaha! 15.02.2021 22:14, lucifermorningstar

#320040 şikayət

həbsxana jarqonu

+34 əjdaha

polis əməkdaşlarını başa düşməsin deyə dustaqların sözlərə fərqli məna yükləyərək işlətdikləri jarqon. amma, artıq o qədər gündəlikləşib ki, polis və ya ədliyyənin başqa əməkdaşları da eyni jarqondan istifadə edir.

sadəcə rus sözləri deyil bunlar, azərbaycan dilində bəzi ifadələr də bu jarqona daxildir. məsələn, xataya ilk girdiyim zaman man məni severə göndərdilər. 5 litrlik su baçoklarına su doldurub başımı yudular ki, təzə etapsan rahatlan elə gir içəri. çiməndəndən sonra dustaqlar hamısı "həmişə çöldə-bayırda" dedilər. anlamadığımdan bir neçə dəfə nəə? deyə soruşdum. sonda birisi, "yəni ki -həmişə təmizlikdə-, burada başqa cür deyilir" dedi. ilk öyrəndiyim həbsxana jarqonu bu oldu.

yuxarıda izahını vermədiyim sözlərə gəldikdə isə,
xata- kamera, otaq. xata orada qalan dustaqların, müvəqqəti də olsa, evi kimidir. yəni, evində təmizliyə necə önəm verirsənsə xatanı da elə təmiz saxlamalısan. yerə çörək qırıntısı tökdünsə sən süpürməlisən. hər yer tozdursa silmək üçün dustaqlarla birlikdə cəhd göstərməlisən.

sever- tualet. həbsxana içində belə bir anlayış var ki, yaşayış severdən başlayır. hətta bu paradiqmalarına dəlil gətirmək üçün əvvəllər yaşanmış bir hadisəni misal çəkirlər. günlərin bir günü həbsxanaya xəbər gəlir ki bu zona oğru gəlir. hamı təşvişə düşür. oğru xataya girir, ilk olaraq heçkimlə danışmadan severə girir. severin çirkli olduğunu görüb başlayır təmizləməyə. dustaqlar təəccüblə baxır ki, bu neyləyir. görürlər ki, oğrudu. hamısı deyir ki, ver biz təmizləyək. oğru da, cavabında "mən təmizləyib çıxana kimi hamınız elə edin ki bu xatadan çıxın. kimi görsəm vuracağam. öz yaşayışınızı qura bilməmisiniz hələ."

etap- kameraya təzə gəlmiş dustaq. əgər ilk dəfədir həbsxanaya düşübsə, etapçılıq olaraq ona 5 gün heçnə işlətmirlər. yəni, 5 gün qabları yumur, təmizlikdə iştirak etmir və sairə.

zalatoy- söhbət həll etmək üçün stol. hər hansı bir söhbət düşəndə, aydınlıq verilməli məqamlar olanda zalatoy qurulur. zalatoyda ciddi söhbətdə söz bildirmə haqqı olan hamı qatıla bilər. yəni sındırılmış insanlar, nadzora və ya rəisə yaltaqlananlar daxil ola bilməz (və ya başqa yolla sındırılanlar). əsasən adboydan qabaq qurulur.

nadzor- mühafizəçi. dustaqlara nəzarət edən ədliyyə və ya din əməkdaşı.

adboy- yat komandası. kürdəxanı türməsində fərqli, zonlarda fərqli, mənim qaldığım yerdə fərqli saatlarda olur. bizdə saat 23.00-da idi. adboydan sonra söhbət eləmək, yerindən qalxmaq olmaz.

hay-huy- aşağıdakı xata ilə danışmaq. severdə əl-üz yuyanın xortumunu çıxardıb, unitazda əyilib aşağı tutaraq danışırsan aşağıdakılarla. hay-huy zamanı digər dustaqlar səssiz olmalıdır ki, səs eşidilsin. hay-huya çıxmamışdan qabaq əlaqə saxlamaq istəyən kamera divara 3 dəfə vurur. o zaman başa düşürsən ki sənlə nəyəsə görə danışmaq istəyir. xatada vəziyyətə baxan dustaq hay-huya çıxır.

malyava- məktub. digər xatadakı dustaqlar hər hansı bir şeyi aydınlaşdırmaq və ya nəyəsə ehtiyacları olduğunu bildirmək üçün malyava yazır.

proqul- gəzinti. həm gəzinti, həm də siqaret çəkmək üçün lazımi məkan. kürdəxanıda proqul otağın içindədir, yəni kameradan bayıra çıxmırsan. zonda isə açıq havadadır. mənim olduğum yerdə isə kameradan çöldə, amma binanın içindədir. gündə 7 dəfə hər biri 5-6 dəqiqə olmaqla proqula çıxırdıq. 1 proqula maksimum 2 siqaret çəkmək mümkün olur. bəzən nadzorlar prinsipə düşüb 1 dəqiqə də saxlayırlar. proqul sahəsi isə 8 addım şaquli, 7 addım üfüqi ölçüsündə olan yerdir. sadəcə pəncərələri daha böyükdür deyə hava gəlir. həm də, azadlığın qoxusunu hiss edirsən.

kormuşka- kameranın qapısında yeməkləri vermək üçün istifadə olunan dördbucaq formasında boşluq.

balandyor- dustaqlar arasında bəziləri həm vaxtlarını keçirmək üçün, həm daha çox siqaretə çıxmaq üçün, həm də daha çox yemək üçün balandyor işləyir. yəni, yeməkləri paylayır, çayları süzür, çöldə rəisin maşınlarını yuyur, təmizlik işlərinə baxır və sairə. balandyorlar sındırılmış hesab olunmur, amma ciddi söhbətdə iştirak etmək hüquqları olmur. balandyorların ayrı kamerası olur və hamısı birlikdə qalırlar.

it, ment- polislər üçün istifadə olunan sözlər. məsələn, "tutulanda itlər qaçırdı dalımca" deyilir polis əvəzinə. və ya, "mentlər elə vurdu ki, lap böyrəyim çıxdı yerindən".

naroq- dükan. hər axşam nadzor gəlib naroqda nə yazdıracağını soruşur. dustağa peredaça gələndə ailəsi pul da gətirirsə o pul dustağın balansına yazılır. o balansa uyğun olaraq dustaq dükandan nəsə istəyə bilər. kürdəxanıda, zonda fərqli məzmunlar var. mənim olduğum yerdə naroqdan sadəcə su, çörək, qənd, duz, şor, sarımsaq, soğan, meyvə suyu, sabun, diş fırçası sifariş edə bilirdin. 1 manatlıq suyu 3 manata, 2 manatlıq meyvə suyunu 5 manata satırdılar.

peredaça- sovqat. ailənin sənə göndərdiyi piçenye, su, alt paltarı, kitab və sairə.

smenka- tuman.

mujik- sadə dustaq. mujik oğru yolunu getmir, heç ora marağı da yoxdur. ancaq yaşayışını bilir, hörmətini saxlayır, öz işindədir. mujikin ciddi söhbətdə iştirak etmə hüququ var.

strimlyaqa- oğru yolunu getməyə başlamış, o yolu davam etdirmək istəyi olan insan. yəni ki, artıq həyatını buna uyğun olaraq formalaşdırır.

avara- oğrudan bir pillə aşağı rütbə. oğru olmamışdan qabaq avara adını almalısan.

malış- xatadakı ən kiçik yaşlı dustaq.

hələlik yadıma düşənlər, ağlımda qalanlar bunlardır. yadıma düşdükcə yeniləyərəm -*

30 əjdaha! 31.08.2023 00:19, lucifermorningstar

#378204 şikayət

8 noyabr zəfər günü

+26 əjdaha

xaç səfərlərindəki kimi, yüksək təbəqənin ( o zaman kilsə və kral, indi isə burjuaziya) çıxarlarının əldə edilməsi üçün aşağı təbəqədən olan sinfin (o zamanlar serf, vassallar və s., indi isə işçi sinfi) əməyinin istismar edilməsinin bayramlaşdırılması.

24 əjdaha! 08.11.2021 14:17, lucifermorningstar

#339374 şikayət

sözlük yazarlarının uşaqlıq şəkilləri

+23 əjdaha

tarixin ilk mulleti

silinmiş entry.

22 əjdaha! 16.01.2022 16:37, lucifermorningstar

#343485 şikayət

derek

+25 əjdaha

mənə neqativ aura bəxş edən yazar

23 əjdaha! 10.04.2021 23:00, lucifermorningstar

#324136 şikayət

sözaltı fotoqrafiya

+21 əjdaha

17 əjdaha! 23.10.2021 22:50, lucifermorningstar

#338371 şikayət

sözlüyün getdikcə maraqsızlaşması

+25 əjdaha

məndə, bu ərəfələrdə, yaranan hisdir. elə bil yazarlar daha səmimi olmayan sözaltı etirafları, daha monoton keçən sözaltı günlüklər yazır; cəmiyyətə, ailə üzvlərinə daha məna ifadə etməyən sözlər demək istəyir; gündəmdən uzaq hərə öz köşəsində bakının boz, ankaranın məmur havasına bürünərək rəngsiz, zəngin culture icadları ehtiva etməyən fikirlər düşünür, düşüncələr yazır. hərkəs hərşeyləşir, hərşey hərkəsləşirdi sözlükdə...

24 əjdaha! 26.09.2021 22:19, lucifermorningstar

#337297 şikayət

günlük yazmaq

+22 əjdaha

xristianlığın fərdin özü ilə, başqası ilə və dünya ilə olan münasibətləri arasından özü ilə olanı daha ön plana çıxarması nəticəsində əmələ gəlmiş fəaliyyət.
günlük yazmaq öz vicdanını müsahibəyə çəkmək, özünə etiraf etmək kimi nosyonlarla təməlləndirilmişdir. sokratdan etibarən gələn yunan mədəniyyətində də, özünü tanımaq, özünü dərk etmək kimi öz-münasibətlər ön plana çəkilmişdi. lakin, yunan mədəniyyətindəki bu öz-münasibətlər bir növ həqiqət və bilgi oyunları daxilinə salınıb həqiqətlə əlaqələndirilmişdi. xristianlığın gəlişi iləsə bu bilgi oyunları öz mahiyyətini itirmiş, nəfs, nəfsin tərbiyəsi fərdin ethosunda daha qabarıq şəkildə görünməyə başlamışdır. günlük yazmaq da, daha çox bu yöndə ortaya çıxmış etiraf mexanizmasıdır.

19 əjdaha! 24.08.2021 18:14, lucifermorningstar

#334730 şikayət

sözaltı fotoqrafiya

+19 əjdaha

19 əjdaha! 17.11.2023 05:03, lucifermorningstar

#380339 şikayət

sözaltı günlük

+18 əjdaha

1 ay həbsxana, 2 ay da özümü evə təcrid etməmin ardından bu gün nəhayət ki, göy üzü ilə barışdıq. 2 gün əvvəl vizam təsdiqləndi və bu gün artıq polşadayam. 2 ay əvvəl türkiyədəki hava limanında giriş qadağımın olduğunu öyrəndim və 3 gün heçkimlə əlaqə saxlaya bilmədən geri göndərmə mərkəzində qaldım. ona görə də, varşavaya daxil olana qədər hələ də eyni şeyləri yaşaya biləcəyimə dair qırıq hiss var idi içimdə. passport kontroldan tezliklə keçib hava limanından çölə çıxdıqda rahat nəfəs aldım artıq. aylar çəkən əziyyət, sıxıntılar, dilxorçuluq, əzab, təzyiq geridə qaldı. iləridə daha çətin, daha əziyyətli yol var. 1 il sonra bu vaxtlarda ümid edirəm ki, universität bielefeld- soziologie qəbul olduğumu yazaram bu başlıq altında.

silinmiş entry.

16 əjdaha! 04.11.2023 21:15, lucifermorningstar

#380044 şikayət

pişiklərin nəcislərini gizləməsi

+19 əjdaha

Pişiklərin təkamüli keçmişi ilə əlaqədar olaraq etdikləri instiktiv hərəkət.

Vəhşi pişiklər təbiətdə özlərinə aid olan sahəni öz nəcisləri ilə təyin edirdilər. Beləliklə, digər cins və növdən heyvanlar bu sahəyə daxil ola bilmirdi. Bu səbəblə, güclü pişikkimilərdən olan yaquar və aslan kimi heyvanlar öz nəcislərini gizləməz və açıq buraxarlar. Hansısa səbəb nəticəsində güclü pişikkimilərin sahəsində olan zəif pişikkimilər özlərini gizləmək üçün nəcislərini basdırarlar. Modern günümüzün ev pişikləri də, soy xətti baxımından zəif pişikkimilərdən olduğu üçün instinktiv olaraq öz nəcislərini gizləməyə meyllidirlər. Çünki bunu edərək daha asan şəkildə gizlənir və bölgədəki güclü pişiklərin ovu olmazlar.

Digər səbəb isə, ovçuların qoxu vasitəsilə öz qurbanlarının mövqesini təyin edə bilməsi zəif pişiklər üçün öz nəcislərini ortada qoymaq dezavantajdır. Buna görə də, bir çox pişik öz nəcislərini gizləyərək ovçulardan gizlənirlər. Ev pişikləri də, ətrafda ovçu olmamasına baxmayaraq instinktiv olaraq nəcislərini basdırmağa meyillidirlər. Həmçinin, davranışları əksini göstərsə də, hər evcil pişik öz sahibini güclü və təzyiqedici olaraq görür və buna görə də özünü zəif və təhdid altında hiss edir.

istifadə olunmuş mənbə:
link link

16 əjdaha! 13.07.2021 21:42, lucifermorningstar

#332041 şikayət

sözaltı fotoqrafiya

+17 əjdaha

16 əjdaha! 08.02.2022 16:47, lucifermorningstar

#345246 şikayət

gülümsədən mesajlar

+20 əjdaha

ilk dərsdən içimdən hah, işte yeni rəqibim bu dediyim, verdiyi cavabların bilə-bilə əksini dediyim qrup yoldaşım mailimi tapıb * hardan bilmirəm kdkel belə bir mail yazıb:

"hi lucifermorningstar, I'm **** from uni. I would love to open a dialogue with you because I can sense you have passion and ambition as much as I do towards success. I'm a firm believer in healthy competition and trying to outdo each other will be beneficial for both of us. And there is much we can learn from each other I think. So I just wanted to blindly reach out and introduce myself. ***** is my number. Btw I'm an Iranian Azeri and never met an Azeri from Azerbaycan"

18 əjdaha! 21.10.2021 20:57, lucifermorningstar

#338295 şikayət

13 sentyabr 2022 zəngəzur əməliyyatı

+21 əjdaha

azərbaycan inqilabçılarının bu hərbi "əməliyyata" qarşı yanaşması "inqilabçı məğlubiyyətçilik" * revolutionary defeatism nöqtəsində olmalıdır. ilk öncə, azərbaycan işçi sinifi bu müharibənin onların müharibəsi olmadığını, imperialist hiyerarxiyada üstlərə çıxmağa çalışan iki imperialist dövlətin hakim sinifinin müharibəsi olduğunu anlamalıdır. ikinci qarabağ müharibəsindən də göründüyü kimi, müharibə üçün istifadə edilən sərmayə əməkçi xalqın tərindən yığılmışdır. siyonist israillə flörtləşmə səviyyəsində olan münasibət müharibə vaxtı pik nöqtəsinə çatdı. müharibədə ölən şəhid ailələrinə, yaralanan qazilərə verilən "dəstək" göz qabağındadır.
hər iki ölkənin işçi sinifi və inqilabçıları öz dövlətinin məğlubiyyəti üçün propoqanda aparmalı və imperialist müharibəni daxili müharibəyə çevirərək inqilabçı zəmini hazırlamalıdır.

17 əjdaha! 13.09.2022 21:03, lucifermorningstar

#359139 şikayət

slut-shaming

+16 əjdaha

Slut-shaming insanları, xüsusən də qadınları seksuallıqla əlaqədar olan davranış və görünüş gözləntilərinə uymadıqlarına görə tənqid və "fahişə" adlandıraraq təhqir etməkdir. Bu termin * slut-shaming "fahişə" sözünü yenidən tərifini müəyyənləşdirmək və qadınların öz bədənləri üzərində haqq sahibləri olması üçün işlədilir. Bu termin, həmçinin, cəmiyyətin normalarından kənara çıxan heteroseksual kişilər üçün də işlədilə bilər.

Slut-shaming nümunələrinə seksual cəhətdən cəzbedici paltarlar geyinərək dress-kodu pozan, doğum kontrolları, evlilikdən öncə cinsi əlaqədə olma haqqı, birdən çox partnerlə birlikdə olmaq haqqını tələb edənləri təhqir etmək və cəzalandırmaq aid edilə bilər.

Kişilərin öz seksual kimliklərini göstərməsi güclülük kimi hesab olunsa da, qadınların eyni hərəkəti etməsi toplumda hədəf tutulan qadına qarşı "fahişə" imajı yaradır. Slut-shamingin təsirləri həddindən artıq təhlükəli və zərərli nəticələrə gətirib çıxara bilər: self-bullying, depressiya, xroniki stress, travma, fobiyalar və intihar.

2019-cu ildə Elina Hacıyevanın intiharı birbaşa olaraq slut-shaminglə bağlıdır. Elinanın xalası qızı Diana Hacıyevanın sözlərinə görə, Elina "Cənubi Koreya qızlarına bənzəyirdi, saçlarını sevirdi, onları tez-tez boyamağı, fərqli görünməyi xoşlayırdı, özünə vurğun, diqqət tələb edən, dəli-dolu, yetkinlik dövrünü maraqlı yaşamaq istəyən bir qız idi". Məktəb yoldaşları isə onların öyrəşdiyi, əksəriyyətdə görərək normativ qəbul etdiyi görünüş və davranış tərzlərindən kənar olduğu üçün onu təhqir etməyə, ələ salmağa və bəzi xoşagəlməz adlarla çağırmağa başlayıb. Bu hadisələrdən dərin təsirlənən və özünə-inamı zəif olan 14 yaşlı Elina həyatına son qoyur.

Toplumun iliklərinə qədər işləyən "qadın hörməti haqq etmək məcburiyyətindədir" qavrayışını bəsləyən hər cümlə bizə,
"Təcavüzə məruz qaldıqda nə geyinmişdi?"
"Öldürüldüyündə evində neçə kişi var idi?"
"O saatda çöldə nə işi var idi?"
olaraq geri dönür.

mənbə1 link

mənbə2

15 əjdaha! 15.03.2021 20:03, lucifermorningstar

#322177 şikayət

aidolma ehtiyacı

+20 əjdaha

bu sifarişi verən: dasein
insanın, və ya hərəkətlər edərək özünə yaşam inşa etməyə çalışan varlıqların, təbiətində, ruhunda, özündə olmayan, lakin iqtidar mexanizmalarının inkişafı ilə birlikdə varmış kimi görünən ehtiyac.

bir insan galatasaraylı, fenerbahçeli, beşiktaşlı, manchester cityli, real madridli, yuventuslu olmadan da futbol təcrübəsini yaşaya bilər. bir insan #sözaltı artist, " karma canavarı" olmadan da sözaltı sözlükdə yazma təcrübəsində ola bilər.

dediklərimiz, müdafiə etdiklərimiz, qarşı çıxdıqlarımız bizi cəmiyyətin hər hansı yerində bir məkana oturdur və qrupa aid edir. o qrupda tək olsaq da, biz artıq fərd olmuruq. deyilən sözlər əvəzinə aid olduğu qrup üzərindən hökm edilir. hamımız toplumda hər hansı kimliyə aid edilirik: feminist-mizoginist, queer-eşşəksikən, qadın-kişi, böyük-uşaq, marjinal-qaqa və s. bunlar adlandırmadan başqa bir şey deyildirlər. başqasının gözündən olan hökmümüzdən əlavə bir məkana sahib deyildirlər. bu passiv, edilgen durumun üstünə keçmək üçün hər bir adlandırmanı parçalamaq lazımdır.

"Təbiət xalqlar, qəbilələr yox, yalnız fərdlər yaradar"- benedict de spinoza

17 əjdaha! 30.08.2021 21:37, lucifermorningstar

#335191 şikayət

sözaltı günlük

+16 əjdaha

ciddi anlamda bezmişəm, yorulmuşam sözlük. hər anamın yanına gedib ondan təsəlli dolu sözlər gözlədiyimdə mənə "niyə etdin?", "niyə hər şeyi məhv etdin?", "hər şey çox gözəl gedirdi, hamısını əlinin ucu ilə atdın" deməsi ağır gəlir. bəzən analar mübarizədən çətin olur.

türkiyəyə giriş qadağamdan sonra vizaya müraciət etmişdim, ona da rədd gəldi. indi də hər gün intensiv alman dili ilə məşğul oluram. dünyanın harasına getsəm mübarizə aparacaq bir kanal tapacağımı bilirəm.

trotskinin həyatım avtobiyoqrafiyasını 2-ci dəfə oxumağa başlamışam. əvvəlkinə nəzərən çox daha canlı, çox daha içdən gəlir. bir ölkəyə gedir, oradakı marksistlərlə birlikdə işləyir, oranın gündəlik siyasəti ilə maraqlanmaq üçün dili öyrənir, oranın yerli qəzetlərində yazır, sonra o ölkədən deportasiya edilir. başqa ölkəyə gedir, yenə oranın dilini öyrənir, oradakı marksistlərlə işləyir. miqrant kampına düşür, burada da miqrantların ölkələrindəki siyasi həyat haqqında öyrənir, onların sevgisini qazanır. həbs olunur, həbsdə nəzəri çalışmalarını sıxlaşdırır. möhtəşəmdir, sadəcə.

anama gəldikdə isə, anamı çox sevirəm. mənə həbsdən sonra buradan çıxış yollarını axtarmaqda çox kömək oldu, maddi olaraq da hər cür dəstəyi əsirgəmir. amma, bircə bu "hər şeyi məhv etdin!" cümlələri olmasa. bilirəm, anlayıram onu. qorxur, bir daha eyni hadisələrin daha böyüyünü yaşamaq istəmir. əsla bir "qarşı çıxış" kimi də hiss etmirəm. sadəcə istəmirəm artıq bunları eşitmək. əgər hər şey yolunda getsə burada olmayacağam 3-4 həftəyə.

12 əjdaha! 14.09.2023 22:10, lucifermorningstar

#378574 şikayət

düşün ki o bunu oxuyur

+18 əjdaha

dün görüşemedik.
iki yüzyıl görüşememişiz gibi geldi.
ve üç yüzyıllık göresim geldi seni.

15 əjdaha! 26.12.2021 01:00, lucifermorningstar

#342167 şikayət

elimelikov06

+15 əjdaha

istanbulda 25 noyabr Qadın zorakılığına qarşı beynəlxalq mübarizə günündə keçirilən aksiyada gözaltına alınan, daha sonra isə geri gönderme merkezinə göndərilən cəsarətli şəxs.

bir neçə gün istanbul ggm-də qaldıqdan sonra kocaeli ggmyə göndərilmişdir. kocaeli ggm hüquqsuzluğun ən üst səviyyədə olduğu kamplardan biridir.

daha sonra isə azərbaycana deport edilmişdir. bir neçə saat öncə atdığı tweet bu şəkildədir: Ayağımızda şemsiyeler kırıldı, ters kelepçelerden kollarımız yaralar içinde. Şuan size uçaktan yazıyoruz, ülkemizde her şey yoluna girerse, yaşadığımız işkenceleri, tacizleri, bezdirme politikalarını anlatacağız. Bu 1 haftalık süreçte destek olan her kese teşekkürler.

ən çox içimizi isidən mesajı isə ggm-dən göndərdiyi bu məktub idi: Meydanda da birgəyik, zindanda da.

əli sadəcə öz queer kimliyinin azadlığı üçün mübarizə etmir. siyasi məhbuslar, bütün əzilən kimliklər, istismar edilən qrupların azadlığı üçün aparılan mübarizələrdə yer alır.

keçmiş olsun, əli. var ol!

13 əjdaha! 01.12.2024 03:45, lucifermorningstar

#388903 şikayət

#sözaltı şeir

+14 əjdaha

Ey zülfü aydan işıqlım, tellərinin ətrinə qurban
Məhrum etmisən məni ləhzəndən, olub halım pərişan.

Riqqətə gətirən qəlbimi, varlığının təcəllüsüdür.
Səndən özgə yoxdur bu könül məmləkətində sultan.

Nəinki mən olmuşam aşiq sənin o gözəl çöhrənə,
Sənin eşqinlə vəcdə gəlir bütün bu mülki-cahan.

Yoxdur göylərdə bir zərrə işıq, sənin nurunladır ki,
Aydınlanır təsiri ilə hər sübh çağı bütün asiman.

Kim ki, məhrumdur yarın bənzərsiz eşqindən, laməkandır.
Ey Lucifer, sən bil o yarın eşqini özünə məkan.

10 əjdaha! 06.06.2021 14:51, lucifermorningstar

#329284 şikayət

sözaltı etiraf

+17 əjdaha

özümdən çox narazıyam sözlük. çox dayazlaşmışam və mən öyrənmək istədiyim çox sahə var. bəlkə də, istədiyim onları bilməyimin fərqindəliyidir sahənin özü yox. amma bu halımla heçnə edə bilmirəm. rasional şəkildə arqument yürüdə bilmirəm, beynimdə ancaq heçbir işə yaramayan math formulalar fırlanır. imtahanlar məni harry potterdəki dementorlar kimi sovurur, xoşbəxt anlarımı özünə çəkir, məni heçliyə sürükləyir. bir müddət əvvəl, fikir fokusum sadəcə 1 yerə olduğu üçün düşüncələrimi və özümlə səmimiliyimi qoruya bilirdim. ancaq indi fikirlərim dağılıb, mən isə fikirlərimin dağıldığı məntəqələrdən tamam ayrı sahələrlə maraqlanıram. etməli olduğum ilə etmək istədiyim şeylər fərqlidir. ancaq etməli olduğum məntəqəyə çatsam anam sevinəcək. bəlkə də, hər şeyə tüpürüb qaçmaqdan məni saxlayan varlıq anamdır. bəlkə mən ona çox məna yükləmişəm bilmirəm, ancaq onda elə bir qüvvə var ki məni atın cilovu kimi saxlayır. əvvəl düşüncə dənizindən sədəflər çıxarırdım, indi heç dayaza da enə bilmirəm. ancaq öyrənmək istəyirəm, hərşeyi bilmək istəyirəm. sonra isə bunun mümkünsüzlüyü və anamın əziyyətləri yadıma düşür, vicdan əzabı çəkirəm. gün ərzində mənasız imtahanlara hazırlaşmaq üçün yoruluram və artıq bu yorğunluğu bastırmak üçün əziyyət tələb etməyən işlərə, sözlükdə, instagramda vaxt keçirməyə baş vururam. və bu o qədər rutin şəklində olub ki artıq devicedən uzaq dura bilmirəm. voldemort öz ruhunu horcruxlarda saxladığı kimi, mənim də ruhumun bir parçası telefon və kompyuterdədir. onlar məhv olsa, mən də olaram. ancaq mənim olmaq istədiyim situasiya bu deyil. yorulmağımın bir faydasının olmasını istəyirəm. imtahandan yaxşı bal toplamaq mənim üçün fövqəl fayda deyil. bütün bunları fikirləşdikdə yenə gözümün qabağına anamın səhər 8dən axşam 11ə kimi işləməyi gəlir və vicdan əzabı çəkirəm.
özümə yadlaşıram, sözlük. həm də çox. tamamilə bulantıdan ibarətəm artıq. özümlə səmimi belə ola bilmirəm. tanrı sözünü eşidəndə, görəndə artıq tahamülüm qalmır. həmin şeydən soyuyuram. bilmirəm, niyə bu qədər soyumuşam tanrı kavramından. ancaq tanrı fikrinin gətirdiyi huzura ehtiyacım var. sevgini, kədərlənməyi, empatiya qurmağı, hiss etməyi itirmişəm artıq. sevgini sevməyə ehtiyacım var, gözəlliyi sevməyə ehtiyacım var. bunu yazanda fərqinə vardım ki, dostum belə yoxdur. son səslə qışqırmaq istəyirəm, daxilimdəki fazlalıkları atmaq istəyirəm. sokratın tələbəsi var idi deyir yaşam üçün həzz lazımdır. gündəlik həzzlər bitdiyi və özündən sonra boşluq gətirdiyi üçün acı ilə qarışıqdır. sürekli hazz ancaq bilgelikdədir. əks halda yaşamın mənası yoxdur və insan özünü öldürməlidir bu mənasızlıqdansa. mən də özümü mənasızlıqda hiss edirəm. yaşamım çox boş dəyərlər üzünə gedir. hamısı pula görədir. azərbaycanda elm də pula görədir. hərşey. pulmərkəzciyik. pul tanrıdır bizim üçün. istəmirəm pul, mən həyata mənasız kağız parçası üçün yaşamaq üçün gəlməmişəm. bezmişəm, sözlük. bezmişəm. bitkinlik var. bitmək ölməyin ikinci adıdır. mən pulmərkəzci həyatı istəmirəm. tanrı, birşey elə. pulu yığışdır, dəyərini azalt. dərinləşmək istəyirəm. çox dayazam. sözlükdə yazmaq bir növ azaldır içində qarışıb getdiyim bu vicdan əzabını, ancaq bəlkə də bunları başqalarının oxuması üçün yazıram düşüncəsi məni yenə vicdan əzabına boğur.

14 əjdaha! 18.03.2021 11:17, lucifermorningstar

#322393 şikayət

həqiqəti əxlaqla açıqlamaq

+15 əjdaha

əsasən mövqelərin qarşıdurmasında iki tərəfdən birinin qarşı tərəfin nəzəri olaraq üstün olduğunu sezdiyi halda əl atılan vasitə, psixoloji qalibiyyətə səbəb olan strategiya.

moral nihilizmin ana fikri ilə mütənasib olaraq öncədən bildirmək istəyirəm ki, var olanlar çılpaqdır, ona əxlaqi dəyərləri lütf edən subyekt və subyektin zehnidir. Yəni, bu yazıda həqiqət olaraq adlandırılan "özlər" və "varolanlar" yalın və dəyərsizdir. * dəyərsiz dedikdə, mənasız, bihudə demək istəmirəm. demək istədiyim odur ki, heçbir əxlaqi, mənəvi, şəxsi dəyər həmin obyektə yüklənməyib. Həqiqət "yaxşı," "pis," "düzgün" deyildir, "var" və ya "yox"dur.

Varolanların idrakında iki xüsusiyyət vardır: birinci və ikinci dərəcəli xüsusiyyətlər. Birinci dərəcəli xüsusiyyətlər varlığın öz və cövhərində olan obyektin genişliyi, sıxlığı, ölçüsü, məkanda yer əhatə etməsi kimi keyfiyyətlərdir. ikinci dərəcəlilər isə varlığın cövhərində olmayan, subyektin obyektə bəxş etdiyi rəng, səs kimi keyfiyyətlərdir. Mən, ikinci dərəcəli xüsusiyyətlərə funksionallıq və əxlaqilik kimi "dəyər"ləri də əlavə edirəm. Məsələn, qayçı dedikdə bunu oxuyan subyektin zehnində, böyük ehtimal ilə, nələrisə kəsmək üçün istifadə olunan varolan maddi obyekt gələcəkdir. Halbuki, qayçını heçvaxt qayçı ilə tanış olmayan birinə göstərsən və ona bunun nə olduğunu soruşsan, "haçalı, dəmirdən bir əşyadır" cavabını alacaqsız. Bu da onu göstərir ki, qayçıya "kəsmək" funksiyasını bəxş edən subyektdir. Obyektin "öz"ündə funksionallıq yoxdur. Həmçinin, müsəlman * burada, müsəlman isimi şərti xarakter daşıyır. birinə "sex toy" göstərsən, onu "əxlaqi cəhətdən pis" olaraq adlandırar. Cinsi həzzini pik həddə çatdırmağı sevən birinə "sex toy" göstərsən, onu "əxlaqi cəhətdən normal və faydalı" adlandırar. Halbuki, "sex toy"un nə olduğu barədə heçbir fikirə sahib olmayan birinə göstərsəz, böyük ehtimal ilə, onu "maddi əşya" olaraq adlandırar. Buradan bu nəticəni almaq olar ki, subyektin zehnindən asılı olaraq dəyişməz və sabit qalan "birinci dərəcəli xüsusiyyətlər"dir. Həqiqət də, özü etibarilə dəyişməz və sabit olmalıdır. Əks təqdirdə, onu həqiqət adlandırmaq olmaz. * john locke sevinir, barkley sad

Tanrının ontoloji prizması ilə əlaqəli qruplardan olan "ateizm," "teizm" və " aqnostizm"ə aid olan şəxslər öz aid olduğu mövqenin fikirlərinin doğruluğu, yəni həqiqi olmasını qabartmaq üçün həqiqəti əxlaq ilə açıqlamağa çalışırlar. Məsələn, özlərini deizm cərəyanına aid bilən şəxslər dinlərdə təsvir edilən tanrı obrazının "qəddar," "zalım" olmasını irəli sürərək, bu səbəbə əsasən dinlərin həqiqət olmadığını iddia edirlər. Ateistlərin bir çoxu da, dinlərdə təsvir edilən tanrı obrazının şəxsləri azadlıqdan məhrum etdiyinə görə tanrının olmadığını iddia edir. Həmçinin, müsəlman teistlər "məhəmmədin peyğəmbərliyindən öncə qız uşaqları diri-diri basdırılırdı; məhəmməd ibn abdullahın bisətindən sonra cəmiyyət əxlaqlı oldu" iddiası ilə məhəmmədin gətirdiyi dinin haqq dini olduğunu, quranın da bir çox müsbət əxlaqi davranışlara sövq etdiyinə görə islamın tanrısının ontoloji baxımdan həqiqi olaraq adlandırırlar. Bu kimi iddialar, həqiqət baxımından olmasa da, praktik baxımdan düzgün ola bilər. Lakin həqiqət barəsində danışmaq üçün əxlaq kimi ikinci dərəcəli keyfiyyətlər qırağa qoyulmalıdır.

ağlın və həqiqətin ədəbə ehtiyacı olmaz. ağıl sahibləri düşünən zaman deyil, danışan zaman ədəbli olar.

şəkil: nuda-varitas (çılpaq həqiqət)

10 əjdaha! 01.05.2021 17:52, lucifermorningstar

#326302 şikayət

yazarların paylaşmaq istədikləri şeirlər

+13 əjdaha

Məsələn,bir uşaq düşün
Anasının gözlərindən axan yaşa əlini sürtür,
Silmir,sadəcə,gəldiyi yerə qaytarmaq istəyir.
Bu qədər bəsitdir.
Çox yersizəm, Çox aidiyyatsızam
Eynilə-Flora Kərimovanın klipindən sonra
Serdar Ortaçın klipini yayımlanan televiziya kanalı kimi.
Bir az da bəxtsizəm
Eynilə-intihar cəhdindən sağ qurtulan insan kimi.
Azacıq da sevincliyəm,azacıq,
Eynilə-dilənçinin əlinə 20 qəpik qoyulduğu anda
sevindiyi qədər.
Bilirsən?
Bu,nə axmaq sualdır?
Kim nəyi bilir ki?
Məsələn,Hers hardan bilə bilərdi ki,
dünyadakı bütün səslərin ölçü vahidi kimi
onun adı istifadə ediləcək?
Zadəgan ailəsində doğulmuş yəhudi hardan biləydi ki,bir gün
atası çəkməçi olan Hitler adlı alman tərəfindən yandırılacaq?
Kim nəyi bilir ki?
Heç tanrı da tanrı olacağını bilmirdi,bir zamanlar.

Ah,Marşes!
O qədərdirlər ki,heç bilmirəm hansından başlayım.
Bəzən empatik duyğularım çox qəribə şəkildə qabarır.
Məsələn,oturduğum stulun nə hiss etdiyini bilmək istəyirəm,
Görəsən,
quzunun ona tərəf gəldiyini görən ot həmin an nə düşünür?
Deyirlər ki,insanın ölmədən əvvəlki son anında
bütün həyatı bir kino lenti kimi gözünün önündən keçir.
Yadımdan çıxmaz dənizə tökülüb ölən neftçilər,
O lentləri yuyub-yuyub,təkrar-təkrar neçə dəfələrlə baxıblar,allah da bilmir.

Ahh,Marşes!
Çox narahatedicidir hər şey.
Rahat ölə də bilmirsən.
Məsələn,istəyərəm ki,mən ölsəm kimsə üzülməsin,
kimsə bunu önəmsəməsin,
kimsə ağlamasın.
Ən pisi də odur ki,insanların gedəcəyi yerləri az imiş kimi
O siyahıya bir ünvanı da əlavə edirsən-məzarını.
Qayıda da bilmirsən ki,ayaqlarından üzr istəyəsən.
Çox bədbin danışıram,deyəsən,
Edəcək bir şey yox,reallıq budur.
Ən böyük bədbəxtliyimiz geri qayıda bilməməyimizdir.
O qədər önəmsizik ki, bizi dünyaya gətirərkən belə razılığımızı almayıblar.

Ağcaqanadlar niyə yaşayır,Marşes?
Bizim qanımızı içmək üçün mü?
Bəs biz,Marşes?
Yəqin biz də ağcaqanadlar ac qalmasın deyə yaşayırıq. Anlamırsan,Marşes.

Uzun müddətdir,yazışdığım kəsin
ilk görüşümüzdən sonra xəstəlikdən öləcəyini öyrənmişəm.
Filarmoniya bağında tanımadığım bir şəxslə söhbətləşmək istədim,
O qədər ac idi ki,
mədəsinin qoxusundan söhbətə davam edə bilmədim,Marşes.
Bu,belə olmamalıdır.
Bəlkə də elə belə də olmalıdır.
Bilmirəm.
Sənə də deyəcəyim çox şey yoxdur.
Bircə,onu bil ki,Marşes
Çox narahat edicidir,hər şey.

Kursorun da dərdi götürüb məni,
Yanır-sönür,yanır-sönür. Yorulmur?

Ahh,Marşes, Ehtiyacsızlığa ehtiyacım var.

inqilab Quliyev- Gestapo Tənliyi

(youtube:

)

11 əjdaha! 04.02.2022 02:46, lucifermorningstar

#344966 şikayət

Notice: Undefined variable: user_id in /var/www/soz6/sds-themes/vengeful-light/profile.php on line 1365

blok - başlıqlarını gizlət
Notice: Undefined variable: user_id in /var/www/soz6/sds-themes/vengeful-light/profile.php on line 1372

lucifermorningstar

son bəyənilənlər:

oxuyucuların bəyəndikləri: