bmt nizamnaməsi

Bir tərəfdən xalqların və millətlərin öz müqəddəratını təyinetmə (baxma: self-determination) hüququ olduğunu qeyd edən, digər tərəfdən də dövlətlərin başqa dövlətlərin ərazi bütövlüyünü (baxma: territorial integrity) pozmaqdan çəkinməli və tanımalı olduğunu qeyd edərək öz-özlüyündə ziddiyyət yaradan nizamnamə * qəddafinin sədrin üstünə tulladığı nizamnamə .

həmçinin qeyd edim ki, 1960-cı ildə qəbul olunan "kolonial ölkələrə və xalqlara müstəqilliyin verilməsinə dair" bəyannamədə qeyd olunur ki, xalqlar və millətlər ancaq müstəmləkə halında olduqda və ya təqiblərə məruz qaldıqda aid olduğu dövlətdən ayrılaraq, öz siyasi taleyini həll edə bilər.

qeyd.
mən də elə bilirdim ki, sadəcə bizim parlamentdə oturan məxluqlar tərkibində boşluqlar olan qanunlar qəbul edə bilir, ancaq, sən demə, dünya xalqlarının ən ali yığıncağı da ziddiyyətli qanunlar qəbul edirmiş...-*

(baxma: aşağı tükürsen sakal yukarı tükürsen bıyık)

çıxarışlar.
CHAPTER I, PURPOSES AND PRINCIPLES, Article 1

"The Purposes of the United Nations are:
2. To develop friendly relations among nations based on respect for the principle of equal rights and self-determination of peoples, and to take other appropriate measures to strengthen universal peace;"

CHAPTER I, PURPOSES AND PRINCIPLES, Article 2

"4. All Members shall refrain in their international relations from the threat or use of force against the territorial integrity or political independence of any state, or in any other manner inconsistent with the Purposes of the United Nations."

mənbə.
the charter of united nations, 1945
The Declaration on the Granting of Independence to Colonial Countries and Peoples, 1960
link

vulqar atalar sözləri

insafsıza göt versən, daşşaqlarını da sохuşdurar.

Əli.B.Türk adlı müəllifin "Azərbaycan türkçü arqo sözlüyü" ndən:

"illər öncə bir neçə nəfərdən eşitmişdim ki, rəhmətik ustad Şəhriyar, bir gün evlərində dostlar ilə birlikdə olanda, rəhmətlik Əhməd Azərluyə beş qıran verib deyir ki, dur get bir dəftər al. O da gedib aldıqdan sonra, ustad deyir ki, Azərlu bu dəftərdə dilimizdə olan Qəbahətli sözləri yaz, siftəsini də mən deyirəm: insafsıza göt versən, daşşaqlarını da sохuşdurar."

qeyd.
əhvalat mübahisəli ola bilər.

boris kevorkov

"DQ (Dağlıq Qarabağ) məsələsində digər önəmli faktor da bura döndərilən 1-ci katiblərin Azərbaycan SSR tərəfindən təyin olunması idi. Misal üçün, Heydər Əliyev DQ-yə birbaşa nəzarət üçün 1973-cü ildə ora arvadı azərbaycanlı olan Şamaxı ermənisi Boris Kevorkovu təyin etmişdi. Kevorkov 1988-ci ilə qədər bu vəzifədə qaldı. Hətta 1988-ci ildə DQMV-nin Ermənistana birləşməsini qarşısını almaq üçün əlindən gələni etdi. Özü erməni olsa da 15 illik vəzifəsi dönəmində Ermənistana səfər etmədi. Az-lıların DQ-yə kütləvi olaraq köçünü də Kevorkov təşkil etmişdi.Bu yaxşılığın əvəzində Kevorkovun mükafatı isə Bakıya çağrılaraq həbs edilməsi və AXCP dönəmində də işgəncə edilməsi oldu. Kevorkorvu işgəncələrdən isə hakimiyyət dəyişikliyi qurtardı. Heydər Əliyev onu həbsdən azad etdi və Rusiyaya göndərdi.Ermənilərin muxtariyyət məsələsinə inanmamalarına əsas səbəblərdən biri də Kevorkovun faciəli taleyidir. Sizin tərəfinizi tutan erməniyə sırf etnik kimliyinə görə belə işgəncə edən dövlət digər ermənilərə nə etməz ? Sual açıq olaraq qalır."

qeyd.
Azərbaycanlıların süni köçürülməsi nəticəsində 1959-da Dağlıq Qarabağ avtonom vilayətinin 84.3 faizini ermənilər təşkil etdiyi halda, 1989-da bu rəqəm 76.92-ə düşmüşdü.

mənbə.
Tural Həmid Twitter
wikipedia

zərdüşt əlizadə

"Millət içində “turkes”lərlə (iqtidar) “erməni”lər (xalq) arasında dərin uçurum var. Belə parçalanmış vəziyyətdə biz hansı müharibəyə gedirik? Növbəti daxili vətəndaş müharibəsinə, ya vətən naminə müharibəyə? Hər halda danılmaz həqiqətdir ki, birinci 1989-1994 illərin müharibəsində hakimiyyət aşiqləri millət içində apardıqları müharibəni Qarabağ naminə müharibədən daha vacib sayırdılar.

Bu sualın cavabını, çox güman ki, xəstə millətlərin özləri yox, gələcək tarix alimləri verəcək. Qədim sənədlərdən, kitablardan, videoçarxlardan öyrənib verəcəklər.

Zira soruşulası canlı şahidlər qalmayacaq."

mənbə

türkün məsəli

"söyüşlәri uşaq yanında, arvad yanında demәyә utanmayan müsәlman, yazıq dilimizin düz-doğru kәlmәlәrini yerindә işlәtmәyә utanır, üzr әvәzinә “Türk demәli” sözünü әlavә edir, yәni tәqsir mәndә deyil, dilimizdәdir. Mәsәlәn:

— Mәşәdi Hәsәn, bu istәkanı, türk demәli, yerinә qoy.

— Әşi, qoy sәnin üçün bir istәkan da, türk demәli, töküm.

— Yaxşı, türk demәli, bir dә ver.

Halbuki tәqsir dilimizdә deyil, tәqsir ondadır ki, qәlbimiz pak deyildir. Hәr sözә başqa mәna veririk. "


mənbə.
bizim adi söhbətimiz, üzeyir hacıbəyov

milli musiqi günü

"milli" qurtuluş, "milli" dirçəliş kimi günlərlə müqayisədə həqiqətən də milli sayıla biləcək bir gün.

ona görə ki, bir millətin formalaşmasında mühim sayılan bir neçə faktordan biri olan mədəniyyətin - azərbaycanlı etnosuna məxsus professional musiqi sənətinin əsasını qoymuş və onun qoyduğu bu təməlin sayəsində professional azərbaycanlı bəstəkarlar ordusunu yaratmış şəxsiyyətin - avropa və asiyanın kəsişməsində - qafqaz dağlarının ətəklərində yerləşən, 102 ildir ki, Azərbaycan adlandırılan, bu əraziyə gəlmiş, köçmüş və köçürülmüş, sürgün edilmiş və ya daim bu ərazidə mövcud olmuş, midiyalı, udi, avar, türk, kürt, talış, ləzgi, saxur, tat, rutul, qaraçı, yəhudi, ərəb, erməni və s. kimi etnik kimliyə məxsus onlarla xalqın minlərlə il ərzində qaynayıb-qarışmasından formalaşmış yeni bir etnosun - azərbaycanlı etnosunun bilərəkdən və ya bilməyərəkdən təşəkkül tapmasında çox müstəsna rol oynamış - onun musiqi mədəniyyətinin sütunlarını yaratmış şəxsiyyətin doğum günü.

sözlükdəki yazarlardan birinin də dediyi kimi üzeyir hacıbəyov həqiqətən də xalqından böyük adamdır. çünki bu millətin memarlarından - onun yaradıcılarından biri elə onun özüdür...

(youtube: )

(youtube: )

(youtube: )

sözaltı etiraf

Fəlsəfə, ədəbiyyat, iqtisadiyyat, qısasaca ictimai elmlər və "humanities" ilə nə qədər maraqlanıb, oxuyub həzz alsam da bunlar sonu bir yerə varmayan yol kimi görünür mənə. Baxmayaraq ki, vaxtımı sərf edirəm, lakin bunu hər etdikdə həmişə Feynmanın bu sözlərini xatırlayıram ki, "1000 il əvvəl filosoflar hansı mövzuları müzakirə edirdilərsə, indi də onları edirlər." * onun ictimai elmlər barədə də mövqeyi belə idi. Feynman burada qərəzli fikir səsləndirə bilər, mən demirəm o tam haqlıdır, ancaq ictimai elmlər və fəlsəfənin ortaya qoyduqlarını təbiət elmlərinin ortaya qoyduqları ilə müqayisə etdikdə açıq-aşkar fərq ortada görünür. Ola bilər heç bu dissiplinaların - nə təbiət elmlərinin, nə dəqiq elmlərin, nə ictimai elmlərin, nə fəlsəfənin və ya onlarla məşğul olan şəxslərin kiməsə faydalı olmaq kimi bir məqsədi olsun (əminəm ki də yoxdur, bu şəxslər həzz aldıqları üçün bu işlərlə məşğul olurlar...). Ancaq 1-ci yolu seçsəniz ondan ancaq həzz alsanız da, 2-ci yolu seçsəniz həm həzz alacaqsınız, həm də istər-istəməz fayda vermiş olacaqsınız. George Boolun 1852-də insan zəkasının dilini anlamaq üçün yazmış olduğu bul məntiqinin əsasları ( the laws of thought) kitabı 70 ilə yaxın bir müddət ərzində heç kimə lazım olmayan bir riyaziyyatçının ehtirasının məhsulu idi. Ancaq, ondan 70 il sonra 23 yaşlı claude shannon öz bakalavr tezisində o kitabdan istifadə etdiyi biliyin əsasında məntiq elementlərini düzəltməsilə tamamilə yeni bir dövrün - informasiya dövrünün əsası qoyuldu.

Təbiət elmləri qısa bir zaman ərzində insan təsəvvürlərini elə dəyişər ki, onun xaricində qalan sahələrdə etdiyimiz müzakirələr öz əhəmiyyətini itirər, mənasız qalar...

sehrli xalat

bəstəkar arif məlikov tərəfindən yazılmış musiqisi insanı bir anlıq da olsa dünyadan ayırıb, öz uşaqlığında qurduğu xoş xəyallar diyarına aparan film.

(youtube: )

(youtube: )

elchin sadykov

"Əsasən profil şəklinə dördbaşlı əjdaha çərçivəsi əlavə edənlərin dilindən, tez-tez "rəsulzadə-elçibəy yolu", "rəsulzadə-elçibəy trası", "rəsulzadə-elçibəy magistralı" söhbətini eşidirik. Ancaq bu iki şəxsiyyətin, Rəsulzadənin və Elçibəyin, dünya görüşündə ciddi örtüşməyən məqamlar var. Məsələn, Rəsulzadə üçün iran həmişə "qardaş" dövlət idi, Elçibəy üçün isə "mənfur düşmən". Sizcə niyə? Elə indi başınızı ayırıb tapmağa çalışın... Səbəb o idi ki, Rəsulzadənin vaxtında iran - Britaniyanin vassallığı, yarımmüstəmləkəsi, müti qapı nökəri idi. Elçibəyin vaxtında isə iran artıq qlobal anqlosakson imperializminə meydan oxuyurdu. Yəni bir şeyi anlamaq lazımdır ki, əsas kriteriya həmişə Qərbdir, Qərbin maraqlarıdır. Necə ki Rəsulzadənin vaxtında "Cənubi Azərbaycan" yada düşmürdü, eynilə də indi iran, Rusiya, Çin kimi dövlətlər Qərbyönlü dövlətlər olsaydı, pantürkizm deyilən şeydən xəbəriniz belə olmayacaqdı. Bunlar qərbin maraqlarını təmin etmək üçün ortaya atılmış nağıllardır. "Böyük Azərbaycan" , "paytaxtı Təbriz olsun", "fars imperializmi", "rus imperializmi" zad, bunlar hamısı axmaqlar üçün yemdir. Necə deyərlər, yeyin mənim şoppana balalarım..."

elchin sadykov

"Quldarlıq neçə əsr çəkib xəbəriniz var? Mən deyim 35 əsr, siz deyin 40-50 əsr. Zarafat deyil... Xırda üsyanları saymasaq, quldarlıq antik çağlardan Roma imperiyasının süqutuna qədər mövcud olub. Sizcə bu qullar, onları istismar edənlərə qarşı niyə bu qədər il dözüblər? Çünki ictimai formasiya onları dəstəkləmir, birbaşa onların əleyhinə idi. Qul olan kəs anlayırdı ki, üsyan uzağı onun sonunu tezləşdirəcək. Çünki istər "yuxarılar", istər cəmiyyət onun mövqeyini dəstəkləmirdi. Belə bir mühitdə insan əlbəttə əsrlər boyu sürünəcəkdi...

Bunları ona görə yazıram ki, mövcud ictimai-siyasi vəziyyəti anlamamış "ermənilərə halal olsun", "bizdən qoçaq çıxdılar" kimi ənənəvi Gündüz Ağayev memaslarından yapışmamışdan qabaq, iki dəfə fikirləşəsiniz. insan heç bir halda bu qədər axmaq deyil. Bir azərbaycanlı, etirazın ona gətirəcəyi potensial faydaları və zərərləri daş tərəziyə qoyanda, "özünü zibilə saldı" deyib qınayanları, növbəti padşahın indikinin formaca fərqli, mahiyyətcə eyni olma ehtimalı və sairə düşünəndə, "zərər" tərəfi daha ağır basır. Faydalarına ciddi inamsızlıq doğurur...

Digər tərəfdən, Gürcüstanda və Ermənistanda dövlət institutunun özünü maliyyələşdirməsi üçün, məsələn əlinə 30 azn pul keçirsə, Azərbaycanda dövlətin əlinə neft və sairə resursların səmərəsinə 100 azn keçir. Təbii ki əlinə 100 azn keçən təşkilat, 30 azn ə sahib təşkilata nisbətdə, özünü daha mütəşəkkil formada müdafiə edəcək. Ona görə də, "bu xalq qorxaqdır", "bunlar düzələn deyil" deyəndə, dönün bir baxın geriyə, görün nəyi unutmusunuz.

Mövcud ictimai-siyasi formasiyanı düzgün analiz etmədən, dioqnoz və müalicə də mümkün deyil. "Bu millət yaltaqdır", qorxaqdır, nəbilim şahsevəndir söhbətini Əli Kərimlidən tut, küçədə yatan bomj da edə bilər. Sən əgər nəyəsə nail olmaq istəyirsənsə, bunu bilib ona uyğun yol xəritəsi cızmalısan. Əks təqdirdə sənin elədiyin tipik sağçı şivənliyindən başqa bir şey olmayacaq..."

zalım yar

"onu demə", "elə demə" və ya "sənə nə olub zalım yar" * pyesdə "sənə nə olub zalım yar" kimi yazılıb kimi tanınan, həm sözləri, həm də musiqisi cəfər cabbarlı tərəfindən sevil pyesi üçün 1927-ci ildə quraşdırılmış və musiqisi cabbarlının yaxın dostu əfrasiyab bədəlbəyli tərəfindən nota köçürülmüş bir başqa şeir, mahnı və ya təsnif. digəri üçün (bax: azad bir quşdum)

rübabə muradova, bülbül, alim qasımov, sevda ələkbərzadə, zülfü adıgözəlov, mələkxanım əyyubova kimi bir çox sənətçi tərəfindən ifa olunsa da, mənə görə hələ də möhrü vurulmamış olaraq qalır. sanki hələ heç bir ifaçı ədibin orada ifadə etmək istədiklərini tam şəkildə çatdıra bilməyib. mənə ən xoş təsir bağışlayan ifaçılar isə "arxadan vurulan zərbə" filmində maşını təmir edərkən epizodik olaraq da olsa, onu çox ürəkdən zümzümə edən rasim balayev

(youtube: )

(youtube: )

(youtube: )

(youtube: )

(youtube: )

sözlük titulları

sözlük təsisçisi və məsləhətləşdiyi şəxslər tərəfindən aşağıdakı kriteriyalar üzrə verilməsi nəzərdə tutulan titullar:

dədə qorqud - sözlükdə 3000-6000 arası entry yazmış yazarlara verilməsi nəzərdə tutulan titul.

sokrat - sözlükdə 6000-dən çox entry yazmış yazarlara verilməsi nəzərdə tutulan titul.

sinədəftər - sözlükdə entrylərində 1.000.000 və daha artıq simvol işlətmiş yazarlara verilməsi nəzərdə tutulan titul.

mənbə.
#121257
#121258
#121259

mark anthonynin nitqi

William Shakespearein julies caesar faciəsində mark anthonynin söylədiyi məşhur və əfsanəvi ritorik nitq. Caesarın yaxın silahdaşı və dostu Mark Anthonyə dəfndə caesara qarşı sui-qəsd törədənləri günahlandırmayacağı təqdirdə nitq söyləməyə icazə verilsə də, o, özünəməxsus ritorika ilə caesara qarşı sui-qəsd törədənləri birbaşa günahlandırmayaraq, nəinki xalqın gözündə caesara bəraət qazandırır, həmçinin sui-qəsdçiləri də günahkar göstərməyə nail olur. O, nitq boyunca, aşkar bir sarkazmla Brut və onunla qarşı bu cinayətdə iştirak edən senat nümayəndələrini "şərəfli insanlar" adlandırır.

marlon brandonun dilindən:

(youtube: )

opera və balet teatrı

cındırından cin hürkən məkan. sonuncu dəfə 80-ci illərdə renovasiyadan çıxmış, renovasiyadan çıxdıqdan qısa müddət sonra yanğın çıxmış, yanğından sonra xala xətrin qalmasın deyə yenidən təmir olunmuş və hal-hazırda 30 ildən böyük bir müddətdir ki, hələ də təmir olunmur. Hətta, bu yanğınla əlaqədar olaraq aqşin əlizadənin keçirilməsi burada nəzərdə tutulan babək baletinin premyerası təxirə salınmış və sonradan "lenin" sarayında keçirilmişdir.

foyesinə daxil olan kimi kif və toz qoxusunu insanın beyninə hopur. hətta əcnəbi vərəndaşlar da, bu barədə şikayətlərini öz "review"-larında qeyd edirlər. Məsələn, onlardan bir neçəsi:

"Театр начинается с вешалки? Нет, с туалета, с плохой акустики, с загаженых ковров и пор ванной обивкив ложе. Стыдно и грустно"

"Great theatre, amazing building and brilliant performances. Really need to improve their toilet facilities though."

"Great old building. In need of restauration."

"Здание явно требует ремонта, но балет очень понравился, хорошо танцевали и оркестр не подвёл."

"Baku city is spotless cleaned, but this historical building has disappointed the carpet need to change side wall of theatre need maintenance and overall cleaning along with washroom. Authority should do to bring its glory back and match with Baku sparkling streets / parks and other attractions."

tamaşa üçün biletlər 1-1.5 ay qabaqcadan iticket.az-da ya da öz köşklərində satışa çıxarılsa da, ancaq amfiteatr və əsas zaldakı biletlərin 70 faizindən böyük bir hissəsi (ön sıralar da daxil) satılmış vəziyyətdə olur. tamaşaya gələnlərin əksəriyyətinin biletində dəvətnamə yazılmasından bilmək olur ki, teatr biletləri əvvəlcədən müxtəlif nazirliklərə, qurumlara və təşkilatlara satır və bu səbəbdən də biletlərin böyük qismi satılmış vəziyyətdə, satışa çıxarılır.

Bir dəfə təsadüfən, hansısa səbəbdən, heç bir yer satılmamış satışa çıxarıldı, və tez ən ön sırada "Yeddi Gözəl" baletinə bileti aldım. Tamaşaya da, hamıdan tez gəlmişdim ki, yerim tutulmamış orada oturum, çünki tutulsa, əyləşən şəxsə başqa yer təklif etmək əvəzinə çox vaxt bilet sahibinə yeni yer təklif edirlər. Ən ön sırada oturduğumu görən kapeldiner təəccüblü şəkildə mənə yaxınlaşaraq biletimi soruşdu. Biletin üstündə ingiliscə də "Seven Beauties" yazılmışdı. Məni qolumdan yavaş bir şəkildə dartaraq məndən səhv tamaşa - "Sevilya Bərbərinə" gəldiyimi bildirərək məndən teatrı tərk etməyimi tələb etdi. Sən demə bu xanım "Seven Beauties"in "sev" hissəsini görüb, onu "Sevilya Bərbəri" zənn edib. Həm də birinci sıraları yüksək vəzifəli şəxslər, hörmətli qonaqlar, yazıçılar, bəstəkarlar üçün nəzərdə tutduqlarına görə mənim orada oturmağım onu bu qədər təəccübləndirmişdi. Mən də bir az hay-küy qaldırandan sonra, kök və kobud görünüşlü teatrın meneceri gəldi və məndən sakitcə biletimi yoxlatdırmaq üçün ona verməyimi tələb etdi. Aparıb yoxlatdırdıqdan sonra yerin həqiqətən mənə məxsus olduğu məlum oldu. ancaq hər hansı bir şəxsi saxta biletlə içəri daxil olub-olmadığını bilmək üçün, biletlər girişdə barkod oxuyucusu ilə yoxlanmalı idi, ancaq teatr binasının özü kimi işçiləri daxil, hər şeyi köhnə olduğundan biletlər də qədimdəki üsullarla yoxlanılır. girişdə ya olduqca yaşlı bir qadın ya da cavan bir oğlan tərəfindən sadəcə biletə üzdən baxılır və ortadan "cırılır", sonra da içəriyə daxil olmağa icazə verilir.

işçilərinin bir qismi, azərbaycanca danışdıqda nəzakətsiz rəftar göstərmələrinə baxmayaraq, əcnəbi dildə danışdıqda daha nəzakətli olurlar. * yəqin ki, rəhbərlik əcnəbi vətandaşlara qarşı daha nəzakətli olmağa məcbur edir Ona görə də normal münasibət üçün rusca, vip münasibət üçün ingiliscə danışsanız yaxşıdır, susa da bilərsiniz...

operanın və ya baletin məzmunu haqqında bukletlər də əsas zalın girişlərindən birinin sağ tərəfində 2 AZN-ə satılır və həddindən artıq xarici vətəndaşın və səfirlik işçilərinin buraya tez-tez gəlib-getməsinə baxmayaraq, bu bukletlər ancaq rus və azərbaycan dilindədir.

gələnlərin böyük əksəriyyəti bakı rusları, rusdillililər, xarici vətəndaşlar ya da ki, konservatoriyanın ya da incəsənət universitetinin tələbələridir. tək-tük hallarda sevgililər gözə dəyir. Yerli bəstəkarların tamaşası olduqda gələnlərin yarısına yaxın bir hissəsi azərbaycanlı olur, xüsusən də "koroğlu" və "leyli və məcnun" operası. Əcnəbilərin və ümumilikdə ən çox tamaşaçının olduğu tamaşalar isə "qu gölü" baleti, "aida" və " sevilya bərbəri" operası olur.

hər nə qədər, azərbaycandakı bir sıra məkanlardan fərqli olaraq insan bir anlıq buranın mədəniyyət məbədi olduğu illüziyasına qapılaraq, burada işləyən şəxslərdən ölkənin digər qurumlarında işləyənlərindən daha fərqli və nəzakətli münasibət gözləsə də, əfsus ki, bura da o qədər də fərqli deyil. hətta deyərdim ki, dram teatrının işçiləri bura ilə müqayisədə daha nəzakətlidirlər. bəlkə də, bura da bir gün renovasiya olunsa, binanın yeniliyindən həvəslənib, "dünya standardlarına cavab verən" işçilər götürməyə başlayarlar -*

mənbə:
1
2