wattpad

hələ ki, azərbaycan dili bölməsi mövcud olmadığından giriş edərkən dil bölməsindən "other" (nolsun ki, gürcücə hekayələr filan dolub məsləhət siyahım? dili də bilmirəm barı.) və ya "english" seçməyiniz məsləhətdir. elə ən yaxşısı ingiliscə olar, öyrənməkdəsinizsə, sadə dilli fan-fiction hekayələri oxumaq inkişafa kömək edə bilər. amma əsla türkcə dili bölməsini seçməyin. təcavüzü sevimli göstərən, atasıyla/qardaşıyla eşq yaşayan obrazlar, saf qızlar/bad boy oğlanlar və digər səfeh mövzulardan keçilməyən hekayələrlə doludur. dəryadan damla olsa da, türkcə keyfiyyətli yazılmış, möhtəşəm elmi-fantastik, fəlsəfi hekayələr də var əlbəttə. düzü hər dildə var. axtarsanız, almaz qədər dəyərli hekayələr tapmaq olar. azərbaycanlı həvəskar yazarlar da, həvəskar deyilməyəcək qədər əla yazanlar da var. məqsədini pisə istifadə etməsələr, gözəl bir proqramdır əslində.

fyodor mixayloviç dostoyevski

elə bir yazıçıdır ki, hər kəs sevir, həqiqətən sevənlər isə hər kəsin sevməsindən şikayətlənir, amma bəlkə də elə buna görə də, həqiqətən sevmirlər. (erməni-budaq bir cümlə olduğunu qəbul edirəm.) niyəsə, həmsöhbət olduğum az qala hər kəs dostoyevskini dahi, möhtəşəm yazıçı kimi görsə də, qəliz, darıxdırıcı yazdığını vurğulamadan keçə bilmir. belə "mən fərqliyəm" deməyə çalışmaq cəhdim yoxdur, heç deyiləm də. amma ciddi-ciddi ("tom sawyer, "dəfinələr adası" və s. sonrası) kitab oxumağa "alçaldılmış və təhqir olunmuş insanlar" ilə başlamış, ardını başqa 4 dostoyevski kitabıyla gətirmiş biri olaraq qəlizliyini qram hiss etməmişəm. ən xəfif və məni heyran edən kitabı isə "bəyaz gecələr"dir.

game of thrones

indiyə qədər çəkilmiş mübahisəsiz ən möhtəşəm seriallardandır. izləməyib "mən hər kəs sevən şeyləri sevmirəm" deyəndə fərqlənmə medalı vermirik. iki günlük həyatdır, səmimi olun sizallah. yeri gəlməmişkən deyim ki, sansa stark-ı canlanıran sophie turner-ın səsi məni məndən alır. "home" tipli sözləri "höm" deyə tələffüz edir özü də.

--spoiler--

son mövsümün son seriyasında ən sevdiyim obrazlardan birini qanına qəltan elədilər. nolsun ki, tülkü (baxma: sigur rós - ekki múkk) idi, nolsun ki, cındır idi, onun da özünə məxsus sevmə üsulları var idi. çox kədərlidir, çox.

yazarların paylaşmaq istədikləri şeirlər

- Ay nənə, bir nağıl da de!
- Ömrüm-günüm, yat daha,
Hamısını indi desəm, nağıl qalmaz sabaha.
- Can nənə, de birini də.
- Ağrın alım, sözə bax.
Evimizdə səndən savay, gör heç varmı bir oyaq?
Gecə keçib, ev soyuyub, hənir gəlmir ocaqdan;
Taxt üstündə məstan pişik, odur, yatıb bayaqdan.
Ört üstünü, dərdin mənə, bax, eşikdə yel əsir…
- Qar yağırmı?
- Elə yağır… sazaq qılınc tək kəsir…
Belə yağsa, qar sübhəcən yolu-izi örtəcək;
Kirpiklərin lap qovuşub, cırtdan bala, yat görək.
Nənə yığır düyünçəyə iynəsini, sapını,
Külək hərdən taqqıldadır pəncərəni, qapını.
Körpə çəkir təzə, güllü yorğanını üzünə,
Gözlərini yumur… amma yuxu getmir gözünə.
- Ay nənə, o kimdir elə pəncərəni bərk vurur?
(davamı üçün: href="http://kulis.lent.az/m/news/20001" style="rgba(25,148,218, 0.8 " target="_blank" class="sonses" rel="nofollow">http://kulis.lent.az/m/news/20001)

gecələri yatmayan insan

sakitlik və rahatlığı sadəcə gecədə tapa bilən insandır. yazı yazarkən kimsə onu narahat etmir, filmə baxarkən kimsə onu ağlayarkən görər deyə narahat olmur, musiqi dinləyərkən dəqiqədə bir qulaqlığı çıxarıb kimsə onu çağırırmı deyə yoxlamır. gecədir bu, hər kəs yatıb. bir də ki, əsasən öz otağı olan biridir. çünki başqa biriylə otağını bölüşürsənsə, gecəylə tək qala bilməzsən ki. tək qalmağı sevən, amma özlüyündə yalnız qalmaqdan qorxan biridir o insan. ən fantastik xəyallarında həmişə bütün dünyada zamanın, insanların donmasını, amma özünün oyaq qalıb, bir müddətliyinə hər yanı gəzməyini xəyal edir. əgər elə olsa, köhnə bir dostunun evinə girərdi, məsələn. divarlarında kiçik kərtənkələlərin yeridiyi ya da başına papaq qoyub, şərf taxaraq yatmış olanın evinə. həmin dost zamanda donmuş olar, lakin özü oyaq, düz onun başının üzərində. qucaqlamaqdan çəkindiyi hər kəsi qucaqlayar, kimsədən də utanmaz.
bir gün "bu gecə səni bir yuxu gözləyib, amma sən bütün gecəni gözünü qırpmamısan." deyə bir cümləni oxuduqdan sonra çəkilməyə başlayan vicdan əzabı da olar. amma yenə də gecədən əl çəkə bilməz.

unudulmaz film replikaları

it's sad, when a mother has to speak the words that condemn her own son. but i couldn't allow them to believe that i would commit murder. they'll put him away now, as i should have years ago. he was always bad, and in the end he intended to tell them i killed those girls and that man... as if i could do anything but just sit and stare, like one of his stuffed birds. they know i can't move a finger, and i won't. i'll just sit here and be quiet, just in case they do... suspect me. they're probably watching me. well, let them. let them see what kind of a person i am. i'm not even going to swat that fly. i hope they are watching... they'll see. they'll see and they'll know, and they'll say, "why, she wouldn't even harm a fly..."
psycho (1960)

sözaltı sözlük

söz6.com çoxdandır bildiyim, amma gözümə batan, hər yanından türkvarilik (belə kəlmə yoxdur) yağan formatı və istifadəçilərinə görə qeydiyyatdan keçmək istəmədiyim online lüğət / sözlükdür. amma indi buradayam çünki ilk vaxtlarındakı halından bir az uzaqlaşdığı xeyli aydın görünür. baxmayaraq ki, gmail-imə qeydiyyat təsdiqi üçün elektron məktub gələndə "tıklayın" (düzgün olanı : klikləyin) kəlməsini gördüyüm anda dabanıma tüpürüb qaçmaq istəyi oyandırdı. yenə də, xırda şeylərə görə getmək istəmədim. çünki bekaram (bikar*) və işsizəm (al, bu da sinonimi. zəlimxan yaqubam axı mən.) və də qripəm. çarpayınızda uzanıb burnunuzu çəkərkən kontaktınızda yazacaq bircə dənə də dostunuz yoxdursa, nəysə bir şeyə baş qoşmaq istəyirsiniz. ya da istəyirəm. bilmirəm ki.

bura potensialı olan bir sayt kimi gəlir mənə, amma kaş daha orijinal olaydı.

bir az sonra kədər içində yazılan edit : böyük hərflərim? hanı onlar? deyəsən, "...cümlələrə sadəcə kiçik hərflə başlaya bildiyiniz interaktiv lüğətdir." deyə düzəliş verəcəm.