qarışqa turşusu

bu sifarişi verən: benedictus
digər adı metan turşusu olan, təbiətdə ilk dəfə sarı meşə qarışqalarında rast gəlinmiş, formulu ch2o2 və ya hcooh şəklində yazılan üzvi turşu.
qarışqaların bədənində bu maddəni ifraz edən vəzilər var və onlar antibiotik təsirə malik bu maddəni öz bədəninə sürtərək, həm özlərini, həm də yuvalarını bakteriya və göbələklərin əmələ gəlməsindən qoruyurlar. hətta bəzi quşlar var ki, qarışqanın bu özəlliyindən xəbərdar olub müntəzəm olaraq qarışqa yuvasına gedir, qanadını açıq tutub qarışqaların onun bədənində gəzməsinə şərait yaradır. beləliklə, o da özünü bu turşudan istifadə edərək parazitlərdən qoruyur.
turşu özü normal şəraitdə rəngsiz, suda yaxşı həll olan mayedir. insan orqanizmində zəhərlənmə, dərisində yanıq ləkəsi yarada bilir.
qarışqaların bu turşusundan tibdə ağrıkəsici kimi də istifadə edilir. məsələn, may ayında qarışqanı butulkaya yığıb üzərinə araq, ya da spirt töküb isti yerdə 3-10 gün saxlayırlar. alınan spirtlə revmatizmdən ağrıyan nahiyələri ovuşdurub ağrını kəsirlər. bu cövhəri revmatik ağrılardan əlavə, zökəmli soyuqdəymə zamanı həm də səhər və axşam 0.5-1 çay qaşığı içirlər.
qarışqa spirti apteklərdə hazır şəkildə də satılır.

qaş almağın sirləri

anamın "qaş almaq haqqında yaz, oğlanlar səliqəli olsun" deməsindən sonra, burdan bir dostun da istəyi nəticəsində həvəslənib açdığım başlıq.
qaşın səliqəsi üzün səliqəsi deməkdi. artıq tük heç bir halda, heç bir nahiyədə arzuolunan deyil və bacardıqca bundan qurtulmaq lazımdı. ona görə, arzu edirəm bizdə də evlənməmiş qızların və oğlanların qaş alma tabusu tamamən yox olar. biz qızlar "qızsan, ya evli?", "qız uşağı qaşını almaz", oğlanlar da "buna bax arvad kimi qaşını alıb", "100 faiz gaydi", "yaxçı oğlan deyil" və başqa bla bla bla mənasız cümlələrini eşitməkdən yaxa qurtararıq. hə, meymun balası kimi gəzməliyik, amma əsas yaxçı qız/oğlan olmaqdı, haqlısız. öpürük! nəysə ki, bütün qəlbim və səmimiyyətimlə arzu edirəm bunu, bezmişəm çünki.
əvvəla, alında görünəcək dərəcədə tüklər varsa, qaş alanda ortaya qəribə bir görüntü çıxacaq. qaşınız səliqəli, qaşdan sonra tüklər. qaş alınmasa daha səliqəli görünər, nəinki üstü tüklü, amma səliqəli qaş. bunun üçün lazerə gedə bilərsiz məsələn. məncə 2, max 3 dəfə getmək bəs edər tüklərin seyrəkləşməsi və nazilməsi üçün.

dəri tipinizdən asılı olmayaraq ilk dəfə qaş alanda uşaq pudrası ilə qaşınızın altını üstünü sabitləməyi məsləhət görürəm. quru dərilərdə dərini yumşaldıb ağrını azaldacaq, yağlı dərilərdə də tükün dibini qurudub, götürülməsini rahatlaşdıracaq. almamışdan qabaq 1 dəqiqə masaj etməyinizdə də xeyir var.
bu arada, qaşı 3 üsulla ala bilərsiz. maqqaş, ip və lipuçka. lipuçka türkcə ağda, bizdə nə deyirlər bilmirəm, amma xüsusi kağızın üstünə çəkilmiş maddədən ibarətdi, hansı ki yapışdırırsan, çəkəndə tükləri də özüylə götürür. məncə oğlanlar, ələxsus da ilk dəfə qaş alan oğlanlar üçün maqqaş daha məqsədəuyğundu. vaxtı çox aparır, okay, amma daha güvənilir və az ağrılısı budu. baxın da özünüz.
qaş almağa qaşınızı daramaqla başlaya bilərsiz. 5 ildi qaşımı alıram, qaş darağını 2-3 gün əvvəl almışam, bu vaxta qədər köhnə diş şotkamla darıyırdım. darağa heç ehtiyac yoxdu yəni.
qaşınızı yuxarı darayıb altını, aşağı darayıb üstünü götürün. çalışın random yox, sırayla götürün ki, axırda gəlin qaşıyla gəzməyəsiz. başıma az gəlmədi deyil yəni.. əgər qaş kifayət qədər qalındırsa, alt-üstündə tük çox çoxdusa, qaşınızı, tükün olmasını istəmədiyiniz hissədən sərhədləndirə bilərsiz ağ göz karandaşıyla. karandaşdan qıraqda qalanları götürürsüz vəssalam. çox praktikdi, videolarda görmüşəm. ağ karandaş yoxdusa da, okay, təmkin və diqqətlə götürməyiniz bəsdi.
tək alt-üst götürməklə qaş səliqəyə düşmür təəssüf ki. əsasən qaşın başladığı yerdəki tüklər dəxlisiz formayla, dəxlisiz simmetriya ilə çıxır və onları qayçıyla götürmək lazımdı. qaşı yenə yuxarı darıyıb, sıranı pozanları sıraya salırsız bir növ. qaş almağın ən əyləncəli hissəsi, məncə burasıdı. əyləncə anlayışıma nə deyim..
bir də oğlanlarda çox fikir vermişəm, qaşın ancaq ortasını götürürlər, qaşın başladığı yerdəki tüklər biz-biz qalır və çox səliqəsiz görünür. ortasını götürürlər ki, çatmaqaşlıq itsin, okay, amma elə götürürlər, baxan kimi hiss olunur ki, bəs bu çatmaqaşlıqdan çıxıb. elə götürməkdənsə götürməməyi üstün tutur və həmin adamlara, gəl-gəl deyən tüklərə də azacıq qayçı vurmağını önərirəm. hər şey sizin daha yaraşıqlı görünməyiniz üçün, bəylər..
bu qədər, məncə başqa önəmli nəsə qalmadı. ümid edirəm bildiklərimi aydın şəkildə sizə çatdıra bildim və kiməsə xeyri dəyəcək. yazdıqlarım haqda anlaşılmazlıq və sual yaranarsa da, çox məmnuniyyətlə cavab verərəm. uğurlar.

proksima sentauri

(bax: alfa sentauri c)
günəş istisna olmaqla bizə ən yaxın ulduz.
planetimizdən dörd işıq ili uzaqlıqda yerləşir və ora səyahət etmək üçün hazırda mövcud olan ən sürətli kosmik gəmiylə təxminən 10.000 il vaxt lazımdır.

misvak

diş təmizləmək üçün təbii fırça.
erak adlı ağacın nazik budaqlarından hazırlanır. budaq kəsilir, qabığı soyulur, sonra qablaşdırılıb satışa çıxarılır. istifadəyə hazırlanması çox rahatdı. ucunu bir az yonub dişinizlə fırça halına gələnə qədər əzirsiz, vəssalam. pastaya-mastaya ehtiyac yoxdu. hər istifadədən sonra fırça hissəsini yuyub yenidən bağlı yerə qoymaq lazımdı, yoxsa quruyur. fırça hissəsi öz-özünə didilir və təxminən 6-7 istifadədən bir yenidən yonulma tələb edir. çubuğun sonuna 2 barmaq eni qalmış tullamaq lazımdı, diş sürtəndə çirklər ora yığılır çünki. istifadəyə hazırlanmasını daha yaxşı başa düşmək üçün:

(youtube: )

cardi b

əri offsetlə oxuduğu tracklə 1 ildi həyatıma oturan qadın rapper.

(youtube: )

(youtube: )

çar arağı

daxilə qəbul etmək qəti qadağan olan "araq".
qüvvətli oksidləşdirici olub, praktiki olaraq inert metallar - qızıl, palladium, platin daxil bütün metalları həll edə bilir. öz gücünə baxmayaraq, rodium (Rh), tantal (Ta), iridium (ir), flüoroplast və bəzi plastik maddələr qarşısında təsirsiz qalır.
xlorid və nitrat turşusun qarışığından ibarətdi və bu iki turşu da təklikdə metallara təsir edə bilmir.
çar arağı keyfiyyətini çox tez itirir və buna görə istifadədən əvvəl xüsusi hazırlanma tələb edir. bundan əlavə, metallarla reaksiyası zamanı havaya zəhərli uçucu maddələr buraxır, bu səbəbdən bu maddələrlə soyuducu dolabın altında işləmək lazımdı.
qədim əlkimyaçılara görə qızıl metalların çarıdır və onu əridən maye də çar olmalıdır. buna görə mayeni agua regia - çar suyu adlandırıblar.

nəsimi

bu sifarişi verən: krisnayayoxarcunayahe
sumqayıtda ümumi sahəsi 80 ha olan, nəsimi adına mədəniyyət və istirahət parkı.
karantinə qədər max 3 dəfə kollektivlə getdiyim, karantin dönəmində isə ayaq basmadığım qarışı, oturmadığım skamyası, çıxmadığım ağacı qalmayan, ürəyimi fəth etmiş park. bu vaxta qədər kəşf etmədiyimə görə çox peşmanam. danışım sizə səhərin 6-sı sevgililər körpüsündən görünən mənzərədən, çoxdan bağlanmış çənlibel restoranın arxasındakı insan ayağı dəyməyən o möhtəşəm sakit ağaclıqdan, körpüylə yede arasındakı boş sahədə kol-kos basmış, ancaq yaxınlaşanda əvvəl fantan olduğu hiss olunan uçub-tökülmüş fantanından... çox parkda olmamışam, bəlkə saydıqlarım parkların çoxsuna aiddi, amma nəsiminin özünəməxsus atmosferi var və ümid edirəm sumqayıtda yaşayanların çoxu belə düşünür. son bir ayda evimdən çox bu parkda olmuşam, bu parkda yatmışam, bu parkda durmuşam, bu parkla yaşamışam necə deyərlər. ömrümün axrına qədər ağızdolusu danışacağım özəl xatirələr yığmışam onunla bağlı. var olduğun üçün öpüb, sarılıb bağrıma basmaq istəyirəm səni, qəlbimin centralı.