vəfat edən yaxınlarımıza demək istədiklərimiz

fizik, kimyaçı babam var idi, hər yay kəndə gedəndə mənə çox çətin suallar verirdi, bilməyib özümü çox savadsız hiss edirdim. axrıncı il dedim bəsdi e day gələn yay mükəmməl fizika və kimyayla gedəcəm kəndə, nə sual verir versin, hazır olacam. mən hazırlaşıb getdim, gedib cansız bədəniylə görüşdüm, çox təəssüf. elə ondan sonra qərar verdim ki, gedəcəm kimyanın üstünə, indi də olmaq istədiyim yerdəyəm. babama, məni oxumağa, araşdırmağa, öyrənməyə sövq etdiyi üçün təşəkkür etmək və sayəsində, sual verməsin deyə gizlənən nəvəsinin artıq suallardan qorxmadığını, bir də darıxdığımı demək istəyirəm.
yenə çox emosionallaşdım, lənət olsun

şmidt fərziyyəsi

fərziyyə 1943-cü ildə rus geofiziki otto şmidt tərəfindən irəli sürülüb. onun fikrincə, günəş qaz-toz buludluğundan keçib, bir hissəsini də özüylə aparıb və qaynar nüvə ətrafında olan bu dumanlıq günəş sistemi yarananda soyuq imiş. bu sözügedən buludluqların da bərk hissəcikləri birləşərək planetləri əmələ gətiriblər və həmçinin bu planetlər də ilk başlarda soyuq olub. onların qızmasını, sıxılmasını günəş enerjisi təmin edirmiş və bu zaman kiçik planetlər qızma nəticəsində ayrılan qazları tutub saxlaya bilməmiş. iri planetlər isə qazları tutub saxlamaqla qalmamış, hətta ətrafdan da müəyyən qədərini cəzb edə bilmişlər. bu fərziyyə, planetləri günəş sisteminin əsiri adlandırır.

azərbaycan bayrağı

çar Rusiyası bir əsrə yaxın azərbaycan türk milllətini azadlıqdan və milli bayraqdan məhrum etmişdi. həmin dövrdə də azərbaycan türklərinin vahid milli bayrağı yox idi və onlar xanlıqlar şəklində idarə olunurdular. beləliklə, 1918-ci ilin 9 noyabrında Məmməd Əmin Rəsulzadənin təşəbbüsü ilə azərbaycan türkləri vahid millət şəklində meydana çıxmış və vahid milli bayrağını qaldırmışdı. elə buna görə də 9 noyabr azərbaycanda bayraq günü bayramıdır. o məhşur "bir kərə yüksələn bayraq bir daha enməz" şüarını ilk dəfə azərbaycan parlamentinin ali kürsüsündən səsləndirən ideoloqumuz "azərbaycan cümhuriyyəti" kitabında bayrağımızın mənasını belə açıqlayırdı:"bayrağındakı məzmun, fikir surətilə müasir bir türk və islam siyasi mövcudluğuna qovuşmaq ümidilə…"
ölkəmi, idarəetmə sistemini, "demokratiya"sını nə qədər sevməsəm də, vətənimə, torpağıma çox bağlıyam və bayrağım hər daim evimin ən görkəmli yerindən asılı olacaq. istər sevsin, istər yox, bayrağına hörmət bəsləmək hər bir vətəndaşın borcudu, bu qədər.

nazım hikmet

nazım hikmet deyəndə avtomatik "nazım hikmetin qadınları" yadıma düşür. bacısının dul rəfiqəsi, həyat yoldaşı pirayə ilə həbsdən məktublaşır, sonra bir gün dayısı qızı münəvvər gəlir bunu ziyarətə, münəvvərə aşiq olur, pirayəni atır. sonra əsgərliyə çağırılanda bunu da atır, gedir urusyətə tanyalara. gedir, xəstəxanada bir qalina blankaya aşiq olur, bundan da soyuyur, keçir veraya. qalina yetim heç nə demir, səbəbi isə "mavi gözlü div"imizin veranı sevəndən sonra daha yaxşı şeirlər yazması imiş. səbəbə baxın da, sən canı.
bu vera sevgisi nazim üçün ağır olubmuş, infarkt keçiribmiş. həkim də deyibmiş ki, sevsən 3 il, sevməsən 10 il yaşayacaqsan. nazim 1-cini seçib, verayla 3 il 4 ay yaşayıblar, amma sonra bilmirəm ölüb, ya yox

virilizm

qadında kişiyə xas cinsəl özəlliklərin ortaya çıxması ilə görünən patalojik bir haldı. virilizmdə adətən üzdə, qol altlarında və cinsəl nahiyəsində kişiyə xas tüklənmə görülür. alın tərəfində saç seyrəkliyi olur, hətta tam keçəlliyə qədər gəlib çıxır. qırtlaq həcmi genişlənir, beləliklə səs də qalınlaşır. sümük və əzələlərdə qalınlaşma, sərtləşmə baş verir. bundan əlavə qadına xas özəlliklərdə də azalma olur, məsələn, döşlərdə, böyük dodaqlarda, uşaqyolunda və uşaqlıqda kiçilmə( hipotrofiya), menstruasiya tsiklinin pozulması( oligomenoriya), hətta heç olmaması( amenoriya) görülə bilir. dəri altı yağ vəziləri də zəifləyir, dəridə quruluq yaranır.