change the world

471 0 0 0

2. nəsil yazar

Entry: 471

Mən pisəm, sənsə yaxşı...
Sənə pisliyim dəyməsə də
Mən pisəm, sənsə yaxşı ...

blok başlıqlarını gizlət
bütün zamanlarda yazdığı ən əjdaha entrylər:

Notice: Undefined variable: userQuery in /var/www/soz6/sonhefte.php on line 84

Notice: Trying to access array offset on value of type null in /var/www/soz6/sonhefte.php on line 84

Notice: Undefined variable: idvv in /var/www/soz6/sonhefte.php on line 92

Notice: Undefined variable: idvv in /var/www/soz6/sonhefte.php on line 101

Notice: Trying to access array offset on value of type null in /var/www/soz6/sonhefte.php on line 102

sözaltı etiraf

+60 əjdaha

qorxuram.
bir müddət əvvəl belə bir məlumat oxumuşdum. aslan antilopun dalınca düşür. əgər antilop sürətlə qaçmasa aslana yem olacaq. və tərsinə, aslan sürətlə qaçmasa həmin günü ac keçirəcək. mübarizə aparmaqdan zəhləm gedir. məndən olsa bütün gün yatardım. ancaq belə bir şəraitim yoxdur. çevrəmə baxıram nə çox insanlar var... sənin istədiyin bir məqsədi on minlərlə insan da istəyir. onlardan yaxşı olmalısan, çalışmalısan ki bu məqsədə nail ola biləsən. və sonra da ömrünün artıq bitmiş olduğunu görürsən. əslində heç nə yaşamadığını. 1 qarın çörək və yatacaq yer üçün bu qədər həyat mübarizəsinə dəyərmi? bunu edə bilməsəm, gücüm çatmasa acından öləcəyəmmi?

paxıllıq edirəm.
əslində paxıl biri deyiləm. bununla qürur da duyardım həmişə. ancaq yaş ötdükcə başlayır paxıllıq hissləri. başqalarının, səndən qat-qat şanslı olanların həyatlarına baxırsan və hər şeyə küsürsən. əlbəttə ki, bunda sosial medianın təsiri böyükdür. hamı necə xoşbəxt olduğunu şəkillərlə isbat etməyə çalışır sanki bir-birlərinə. baxıb fikirləşirəm görəsən mən nəyəm? bayaq instagramı açdım baxıram ən az 4-5 nəfər kabab bişirən yerdə şəkil çəkdirib qoyub, heç olmasa 10-15 nəfər getdiyi tətillərdə çəkilmiş şəkillərini paylaşıb. bir çoxu evi, ailəsi, övladları ilə türklərin sözü olmasın mutluluk tablosu paylaşıb. mənim şəkillərimdən isə bədbəxtlik yağır, qoy qabağına ağla.
mən də istəyirəm bunlar olsun. indiki yaşımda olsun. ancaq əlimdə bunların heç biri yoxdur.

həyat zəhər kimidir, bir şüşə zəhər içmişəm sanki, amma ölə bilmirəm, bədənimi yandıra-yandıra gedir... qovurur məni. əzab çəkirəm. bir an rahat nəfəs almaq üçün nələr verməzdim.. bir an yuxularımdakı kimi yaşamaq üçün nələr verməzdim. hərdən düşünürəm ki bunlar hamısı bir yuxudur. oyanacağam və bitəcək hər şey. nə zaman? allahım oyandırsana məni..

bayırda yağış yağır. normalda bu havanı sevsəm də, belə hallarımda məni daha da dərinlərə gömür bu yağışlar. böyümək bu imiş sən demə. çiyinlərində milyonlarca yüklə, milyonlarca insanın içində təkbaşına qalmaq və bu yüklərdən qurtarmaq üçün yollar axtarmaq. şanslısansa tapırsan o yolu, ancaq yükləri atandan sonra da görürsən ki rahatlığın keyfini çıxara bilmirsən. o qədər eşşək kimi daşımısan ki...
bir insanı belə məndən əsirgəyirsən. səbr etməyimi istəyirsən. bacarmıram artıq. məni bu qədər incitmə. yolun sonuna gəldiyimi hiss edirəm. məcbur olduğumu bilirsən. bilirsən ki davam edəcəyəm hər nə olursa-olsun. ancaq iynə ucu qədər yaşama gücü ver mənə... üzərimdəki yükün bir azını məndən götür. yalvarıram, boğma məni bu yalan dünyada.. yandırma... zəhərləmə... mən ki səndən həmişə yaxşı bir insan olmağımı arzu etmişəm. məni eşit.
məni gör. məni anla...hiss et.

47 əjdaha! 13.08.2014 22:49, change the world

#130128 şikayət

Notice: Undefined variable: userQuery in /var/www/soz6/sonhefte.php on line 84

Notice: Trying to access array offset on value of type null in /var/www/soz6/sonhefte.php on line 84

Notice: Undefined variable: idvv in /var/www/soz6/sonhefte.php on line 92

Notice: Undefined variable: idvv in /var/www/soz6/sonhefte.php on line 101

Notice: Trying to access array offset on value of type null in /var/www/soz6/sonhefte.php on line 102

həyatın nə qədər cındır olduğunun anlaşıldığı anlar

+31 əjdaha

Yoldaşımın bir nənəsi var 84 yaşında, baş yaxşı işləyir amma bədən çöküb artıq. Tək yaşayır (1 oğlu və 1 qızı var, arada kömək edirlər). bu gün onu görməyə getmişdik. qapını açdı gördük evdən yanıq qoxusu gəlir. Dedi kartof bişirirdim yadımdan çıxıb qalıb ocaq üstə, yandı. Dedim nə istəyirsənsə de mən bişirim sənə tez. Dedi yox sağ ol elə o yanıq kartofu yedim daha ac deyiləm.
Ən cındır anlardan biri qocaldığını və köməyə möhtac olduğunu anladığın anlardır. Daha cındırı isə, bir zamanlar böyütdüyün övladlarının indi sən köməyə möhtac olduğunda səni tək qoyduğunu görmək və bunu qəbullanmaqdır. Bilmirəm sözlük, ümid edirəm ki heç kim qocalıqda tənha qalmaz.

28 əjdaha! 03.07.2021 19:41, change the world

#331287 şikayət

azərbaycandan rədd olub getmək

+28 əjdaha

həyata keçirdiyim şey.
bu barədə uzun-uzadı danışmaq olar. rədd olub getməyə qədərki vəziyyət haqqında bəzi entrylərim var idi, ancaq yekəbaşlıq edib sildim, indi yenidən yazmağa ərinirəm. indi danışmaq istədiyim, rədd olub getdikdən sonrakı vəziyyət ilə bağlıdır. yaxşı oxuyun beynim atıb bunu da silmək ehtimalım güclüdür.

getdikdən sonrakı psixoloji durum bir çox amildən asılıdır. geridə buraxdığınız insanların miqdarı və dəyəri ilə, adaptasiya olunmaq bacarığına nə dərəcədə sahib olduğunuzla, insanlarla münasibət yaratmaq qabiliyyətinizlə, çalışqanlıq dərəcəsiylə və sair.
yuxarıda yazdığım bütün amillərdə bəxtiniz gətiribsə (adaptasiyanız yüksəksə, azərbaycanda qoyub getdiyiniz dəyərli insan sayı bir əlin barmaqlarını keçmirsə, insanlarla bomba münasibət qura bilirsinizsə) rədd olub getdikdən sonrakı 1-2 ay hər şey super görünür, sanki bambaşqa bir dünyadasan və cənnətdə kimi hiss edirsən özünü. artıq bütün problemləri geridə qoymusanmış kimi gəlir.
əsas məsələlər bundan sonra başlayır. artıq yavaş-yavaş başqa bir ölkədə olduğunu, inteqrasiya olunmaq, qayda-qanunları öyrənməkçün necə uzun bir yol qət etmən gərəkdiyini (xüsusən də mənim rədd olub gəldiyim ölkədə isəniz), xarakterlərinə bələd olduqdan sonra, səmimiyyət ilə xalaxətrin qalmasın deyə yaxşı rəftar etmək arasındakı incə çizgini görəndən sonra hər şey daha da dərinləşir. bu müddət sonrası bəzən azərbaycana geri rədd olub getmək barəsində düşünməyə başlayırsan. əgər orada hələ də edəcək bir şeylərin qalıbsa o zaman 90 faiz hallarda geriyə dönürsən. üzgünüm leyla. belədir həqiqət.
ancaq mənim kimi şanslısansa və azərbaycanda edəcək artıq heç bir şeyin qalmayıbsa, qayıdandan sonra acından öləcəksənsə onda daha da zorlu bir dövr başlayır. gəldiyin yeri vətən olaraq qəbul etmək, tam anlamı ilə yenidən doğulmaq. bu qədər illər boyu yaratdığın ruhu öldürüb təzə bir ruh yaratmaq. ana dilini uşaq kimi heca-heca, səhv-düz danışa danışa öyrənmək, sevəcəyin yeməklər, insanlar, oyunlar və bir sürü şey kəşf etmək, öyrəndikcə öyrənmək, öyrəndikcə addım-addım böyüdüyünü izləmək. indiyə qədərki özünlə yanaşı, uşaq kimi özünü böyütmək yəni. və yenə bir müddət keçir, indiyə qədərki sən təzədən doğulmuş və böyüyən sənə baxaraq əlaqəsiz bir insan olduğunu dərk edir. şizofrenlər kimi danışdım lap. qəliz oldu amma idarə edin. bu qədər danışa bildiyim üçün hələ şanslıyam.
qısacası, bütün bu proseslər başlamaq üçün ilk növbədə cəsarət, arxasınca isə güclü iradə və dözüm, ən nəhayətində şans tələb edir.
bu yazını azərbaycandan çıxıb yenə də azərbaycanlı kimi davranacaq olan mallar üçün yox, özünü və çevrəsini dəyişdirmək, əsl mənada gözəl yaşam sürməyi məqsəd edinmiş insanlar üçün yazdım. mallar heç azərbaycandan çölə çıxmasın mümkündürsə.
uğurlar.

22 əjdaha! 07.04.2015 01:39, change the world

#156720 şikayət

sözaltı günlük

+32 əjdaha

Mən gəldim yenə.
Bilmirəm, anlamaq çətindir bu insanları. illərdir ki avropada yaşayıram, amma sosial şəbəkələr vasitəsilə həmişə izləyirəm dost - tanışlarımı. Bir çox qrupa da üzv olmuşam, səyahət qrupları olsun, ixtisasımla bağlı olsun. Qruplarda suallar olanda bilgim daxilində cavab verməyə çalışıram, bu sırada bir çox insanla tanış oluruq, səmimiyyət yaranır ya da mən elə düşünürəm. Həmişə deyirəm yaxınlıqlara gəlsəniz bizə də gəlib qonaq olun, istəyirsiz qalın, ya hardasa görüşək gəzdirərəm buraları, nə lazımdır deyin.. Sonradan görürəm ki, bu insanlar burnumun ucuna kimi gəlib çıxıblar amma mənə deməyiblər. çox pis oluram. ya səmimi qəbul etmirlər, ya manyak filan hesab edirlər.. bilmirəm. halbuki məqsədim yaxşıdır. burda özümü tək hiss etdiyimdən həm mənim üçün xoş olardı, həm onlar pulsuz bələdçi tapmış olar. Düşünürəm ki, mənə belə bir təklif edən olsa çox sevinərək qəbul edərdim.
Getdikcə həssas olmağa başlamışam. Heç dəxli olmasa da, hər şeyi özümə qarşı edilmiş haqsızlıq yaxud hörmətsizlik hesab edirəm son vaxtlar. Düzdü elə əvvəldən məni heç kim sevmirdi məktəb vaxtından, amma onda maraqsız idim axı. Bəs indi niyə belədir. Nə bilim.
Getdikcə dibə vurmağa başlayıram yenə. ayağa qalxmaq da istəmirəm. heç kefim yoxdu sözlük.

22 əjdaha! 10.06.2019 12:44, change the world

#287277 şikayət

azərbaycan işə götürmə sistemi

+28 əjdaha

bir neçə kəlmə haqqında demək istədiyim sistem.
internaturanı bakıda ixtisasım üzrə ən tanınmış xəstəxanada keçdim (təsadüfi surətdə bəxtimin gətirməsi nəticəsində). xəstəxana tanınmış bir yer olsa da həkimlərin çoxu yaşlı, a ilə b-ni ayıra bilməyən insanlar, nisbətən cavanları da xəstələri məhv etməklə yanaşı əllərindəki olan-qalan pula da göz dikən vəhşilər idilər.
xəstəxanaya və işə adaptasiya olmağım 1, 5 ay çəkdi, sonra digər həkimlər kimi işləməyə başladım. baş həkim mənim onun işinə yarayacağımı bildiyindən məni həvəsləndirmək üçün əlindən gələni edirdi. həqiqətən də işə yarayırdı bu. bir intern kimi deyil bir həkim kimi işləyirdim və təxmin edərsiniz ki 24 yaşında biri üçün bu necə bir özgüvən qazandırır. bu tərəfdən isə digər həkimlərin içində məni həmişə tərifləyir, interna bitər-bitməz işə götürəcəyinə söz verirdi.
qazın ayağı sonra göründü. baş həkim qalın ingiliscə kitablar verməyə başladı və məndən aktual mövzuları tərcümə edib slayd-şoular hazırlamamı əmr elədi. əlbəttə ki buna xeyli vaxt tələb olunurdu. ən yüksək səviyyədə yerinə gətirirdim bu işləri. bu mövzu və slaydlardan istifadə edərək iclaslar təşkil edir və öz adından çıxış edirdi. təbii ki mənim adım da çəkilmirdi. mənsə dinmir, işə götürəcəyinə inanaraq canla-başla çalışırdım. internaturanın sonunadək bu cür davam elədi.
ilin bitiminə bir az qalmış skypedan mənə zəng vurdu bir axşam.
- salam change. ilin bitiminə az qalıb. nə etməyi düşünürsən.
= müəllim, əlbəttə ki sizin yanınızda davam etməyi, həmişə dediyiniz kimi (noluyor amk)
- hə mən də elə bu cür düşünürdüm. deməli nazirliklə danışmaq lazımdır. ananla danışmısanmı səni kim tapşıracaq. filankəs filankəsovla bir telefonla danışsın ki o da nazirliyə zəng edib tapşırsın. (filankəs filankəsov anamın bir qohumudur, olduqca tanınmış bir adamdır amma həyatı boyu əlaqəmiz olmayıb)
= müəllim, axı belə şeylərə gərək yoxdur, həm filankəs filankəsov məni heç tanımır da. həm də mən izin vermərəm mənim valideynim ona ağız açsın.
- change, o zaman anan gəlsin bakıya, mən də gələrəm, gedərik nazirliyə görək nə qədər istəyirlər...
= necə?????? (iç səs: xəyallar gedir deyəsən əlimdən, bəs bu məni işə götürəcəkdi, bəs söz vermişdi, bəs nazirlə özü danışacaqdı..mənim gördüyüm işlər.. off..)
- bilirsən də change, bu işlər belədir...
= müəllim, siz həqiqətən də mənim anamı bakıya çağırtdıracağımı və nazirliyə rüşvət danışmaq üçün göndərə biləcəyimi zənn etdiniz? siz məni heç tanımamısınız.
- change, o zaman bundan sonra yola tək davam edəcəksən. çox təəssüflər olsun.
= anladım.

sadəcə anladım .. nə qədər acıdır. bunca iş, bunca xidmət, o böyük xəstəxanada işə yarayan heç kimsənin olmamasına baxmayaraq tanışım və pulum olmadığına görə qapını göstərdilər. sonradan xətanın məndə olduğunu başa düşdüm. oyuna gəlmişdim, onlara güvənmişdim.

bütün bunlar insanlardan iyrənməmə səbəb oldu. mənim üçün o sistemdə heç vaxt yer olmayacağını anladıqdan sonra artıq başqa yollar axtarmağa başladım və gəldiyim nəticədən heç də peşman deyiləm. hazırda yaşadığım ölkə üçün çalışacaq, buranın bir parçası olmaqdan ötrü əlimdən gələni edəcək və var gücümlə onlara xidmət edəcəyəm. azərbaycanmı? gələcəkdə həm öz ixtisasım üzrə, həm də digər ixtisaslar üzrə demək olar ki heç bir mütəxəssis qalmayanda necə olacaq, təsəvvür edə bilmirəm..
özünüzə bir az da olsa hörmət edirsinizsə, tanışla pulla işə düzəlməyin, gələcəkdə güzgüyə baxanda yerə girməyin utandığınızdan. həyatda nəyisə özünüz etməyə çalışın. hər şeyə inad. sistemə, gözləri puldan başqa heç nə görməyən insanlara qarşı. özünüzdən vaz keçməyin..

bütün bunları yazdım, amma zərrə qədər xeyri olmayacağından o qədər əminəm ki.

24 əjdaha! 05.09.2015 18:46, change the world

#180187 şikayət

sözaltı günlük

+24 əjdaha

sevgili sözaltı günlük,
bu gün pasxa bayramıdır. nə olduğu barəsində heç bir fikrim olmamaqla bərabər, uşaqlıqda evdə bayram zamanı etdiyim hər şeyi təkrar etdim. evi silib-süpürüb paltarları yudum, yemək və stoliçniyə bənzər bir salat düzəldib bayram etdim, heyf unutduğum üçün içki almamışdım. yemək yeyə-yeyə the great gatsby filmini izlədim.
əslində olduqca bərbad başlayan bu gün elə də gözəl keçəcəyi barəsində ümid vermirdi. səhər yuxudan telefonumun ekranı üstə yerə çırpılma səsi ilə dik atıldım, şükür ki bu sınaqdan da alnı açıq üzü ağ çıxmışdı. (baxma: sony xperia z3). interneti açdığımda ilk öncə 8 illik bir dostumun mənə vaxtilə böyük bir yalan danışdığını isbatlayan bir facebook statusu, ardınca da başqa bir məyusedici xəbər, və nəhayət kayahanın ölüm xəbəri ilə qarşılaşmış, yetərincə pis hala düşmüşdüm. uzun müddətdir evimi yığışdırmadığım üçün artıq çöp evə dönmüş evimi bu gün süpürməkdən ötrü öz-özümə bir xeyli yalvarmalı, dil tökməli oldum. amma sonunda başardım.
indi isə bayram gününün sonuncu seremoniyasını, yəni çimmək mərasimini həyata keçirməyə hazırlaşır, özümü motivə etməyə çalışıram, bir yandan da pişiyə baxıram. stəkanımın üstündəki pişik şəkli o qədər canlıdır ki arada ona gözüm sataşanda diksinirəm. sarı pişik, sarı lipton etiketini ağzında tutub elə bil.
bu gün də belə getdi.

22 əjdaha! 03.04.2015 21:43, change the world

#155934 şikayət

xaricdə oxumaq istəyənlərə tövsiyələr

+21 əjdaha

gəlməyin dostlar, gəlməyin yoldaşlar.
uzun -uzadı yazmaq olar bu mövzuda, hansısa entrymdə bir az bəhs etmişdim bu barədə. yel əsib qoz tökülüb zənn edirlər buraları. söhbət türkiyədən getmir təbii, türkiyə ilə fərqimiz yoxdur. tam yad dilli ölkələrdən gedir söhbət. bu günə kimi gördüklərimə əsaslanıb deyirəm ki, bizim insanlar heç cür uyğunlaşa bilmir buraya. bu da həm yerli insanları, həm də özünü narahat edir, arsız deyilsənsə əlbəttə. küçələrdə vəhşi kimi azərbaycanca danışıb gülən, heç kimin anlamadığını düşünərək ucadan istədiyi söyüşləri söyən, konduktor olmamasını fürsət bilərək metroya tramvaya biletsiz minib üstəlik bununla fəxr edən, yerə tüpürən, yanıbaşında zibil qutuları olmasına baxmayaraq zibili yerə tullayan, növbə mədəniyyətindən xəbəri olmayan, iş yerlərində icazə almaq üçün özünü xəstəliyə vuran, insanların səmimiyyətindən istifadə edərək min cür yalan danışan, lezbien və maviləri düşmən hesab edən, dini inancları normal səviyyədə olmayan (ya qatı dindar, ya da dini aşağılamaqla cool görünməyə çalışmaq və bu 2 qrup insanın daimi bir düşmənçilik içində olması), qarşıdakı insana ən adi elementar mədəniyyət və hörmət göstərməyi belə bilməyən insanlar, siyahını uzatmaq olar, busan sən, bundan artıq deyilsən, qanında var bu.. nə başınızı ağrıdım belə bir zehniyyətdən gələn insan xarici ölkədə necə yaşaya, necə öyrəşə bilər.. ona görə də zəhmət çəkib gəlməyin. buralarda azərbaycanlı və türk görməyə qatlana bilmirəm artıq. insanlarımızdan mədəniyyətsizliyimizdən utanmaq istəmirəm daha da.

edit: sözə qüvvət olaraq #158799 nömrəli entry. üzgünüm timi.

21 əjdaha! 23.04.2015 17:19, change the world

#159304 şikayət

sözaltı günlük

+19 əjdaha

bu gün həyatımdakı ən pis günlərdən biridir. təsadüfən aldadıldığımı öyrəndim sözlük. fiziki bir yaxınlaşma olmasa da, yenə də nəsə var. bu da məni çox yaraladı. Ağlamaq istəyirdim bütün günü, amma uşağa görə ağlaya da bilmirəm. indi uşaq yatıb, çox doluyam amma bayaqdan ağlamaq istəyən mən indi bacarmıram. key kimiyəm, qarnım bərk ağrıyır, ürəyim bulanır. Dərdləşəcək heç kim yoxdur, yanımda olmasını istədiyim hamı çox uzaqdadır. Hər şeyin bir neçə dəqiqə içində yerlə bir olması məni yıxdı. Və ən pisi, heç gözləmədiyim bir anda. Bundan sonra nə edim necə yaşayım bilmirəm.

18 əjdaha! 14.07.2021 00:23, change the world

#332046 şikayət

homoseksual olduğu üçün intihar edən 9 yaşlı uşaq

+25 əjdaha

get -gedə necə bir xəstə cəmiyyətin inkişaf etdiyini, demək olar ki poxa düşdüyümüzü göstərən intihar. 9 yaşında 2x2=4 -ü öyrənməli olan bir uşaq homoseksuallıqdan danışır. valideyn boyunu yerə soxduğum da uşağı başa salmaq, ən azından psixoloqa aparmaq yerinə bu halı normal qəbul edib və reaksiya verməyib. bunu kim öyrədə bilər axı, bəlkə elə sənin uşağına təcavüz olunub? bir üstünə düş araşdır, gör məsələ nə yerdədir.
bu insanlar qəbul etmir ki bu normal hal deyil, bu xəstəlikdir, bunlar da xəstədir. müalicə olunmaq istəmir özləri bilər, necə yaşayır yaşasınlar amma normal cəmiyyəti xarab etməsinlər. uzaq dursunlar.

21 əjdaha! 30.08.2018 01:56, change the world

#277276 şikayət

azərbaycan cəmiyyətindən utanma səbəbləri

+19 əjdaha

azdan-çoxdan dünyagörüşü olan bir çox insanların belə eşşək kimi axmaq olması, özündən maddi cəhətdən aşağı insanlara xor baxması, özündən yuxarılara götəgirənlik eləməsi. bayaq tanınan və hörmət etdiyim bir həkim fb- da status paylaşıb məsələn, "oğlum bağçaya getmək istəmir, mən də dedim getməzsən zibildaşıyan olacaqsan", və onlarla insan buna dəstək verib, evlərində öz uşaqlarına eynilə belə dediklərini qeyd ediblər. şüur çatmır ki, uşaq bunu dərk etmir, zibildaşıyan yaxud kanalizasiya təmizləyən insanları özündən aşağı kateqoriyada görür artıq bu söhbətdən sonra, və sonradan qarşılaşdığında yuxarıdan aşağı baxır, yaxud bağçada, məktəbdə kiminsə valideyni belə bir işdə işləyirsə uşaqlar onunla dostluq etmir, uzaqlaşır, öz aralarında deyib- gülürlər filankəsin atası küçə süpürür deyə..
mən anamdan öyrənmişəm hamıya eyni cür rəftar etməyi. bir dəfə xalam demişdi ona, "heç utanırsan ki, yolda gedərkən küçə fahişələri belə səni qucaqlayıb öpür, yaxud toylarda yaslarda qapının ağzında aşağı təbəqə insanlarla bərabər oturursan? öz yerini bilmirsən." anam deyir mənə həmişə, öz tay-tuşlarına hörmət et, amma cəmiyyətin çıxdaş etdiyi insanlara 100 dəfə artıq hörmət et. o zaman uşaq idim və mən də anlamırdım niyə belə edirdi. amma indi yaxşı başa düşürəm.
belə şeylərə görə sevmirəm, bu ayırımçılıq çox güclüdür bizdə.

17 əjdaha! 23.11.2018 01:44, change the world

#279828 şikayət

masturbasiya etmirəm deyən qız

+18 əjdaha

masturbasiya edirsənmi sualının niyə, hansı məqsədlə verildiyini anlamadığım qız. lap tutaq ki edir sənə nə?

qəribə adamlarsız e. hamısı bekarçılıqdandı...

18 əjdaha! 08.11.2015 03:16, change the world

#186380 şikayət

sözaltı günlük

+16 əjdaha

Əvvəl həmişə yazardım, elə olurdu əl yazısı ilə saatlarla günlük yazardım illər əvvəl. Indi başımı qaşımağa vaxtım olmur. uşaq insanın həyatında elə böyük bir dəyişiklik edir ki, heç bir şey əvvəlki kimi olmur daha. Darıxırammı, bəzən darıxıram köhnə həyat üçün. Amma belə daha yaxşıdı.

Digər tərəfdən, artıq nə yazacağımı da bilmirəm.

danışacaq hər şey bitib artıq. hekayəm qurtarıb. Nədən danışım ki. Gündəlik problemlər, qayğılar heç kimi maraqlandırmır. Onsuz da heç kimi maraqlandırmır bura yazdıqlarımız. Saniyələr içində oxuyub saniyələr içində də unudub gedirlər, digər bütün yazılar kimi.

Bu yuxarıdakılari yazanda ağlıma gəldi, çoxdandır düşündüyüm və ürəyimi olduqca sıxan bir şeydən bəhs edim gəlmişkən.. sevmək. məsələn mən yarpaq dolmasını çox sevirəm. dolmanı sarımsaqlı qatıq ilə yeməyi sevirəm. yağış altında gəzmək, kimisə qucaqlamaq, yatanda üzü üstə yatmaq, limonlu təzə dəmlənmiş çay, bu kimi bir sürü şey. Amma bunları kim önəmsəyir axı? Kimin ağlına mən gəlirəm məsələn, limonlu çay içəndə mənim üçün darıxsın və düşünsün ki, change bunu yaman sevərdi. Bəlkə də ən böyük arzum budur. Kimsə mənim nə sevdiyimi düşünsün, ağlına mən də gəlim. O zaman o insan məni həqiqətən sevən və önəmsəyən insandır.

Analar istisnadır, onlar həmişə düşünür bunu.

Başqa heç kim üçün vacib biri deyilsən. Hətta övladın üçün belə. Bu məni çox yaralayır. Bu haqsızlıqdır. Ölüb gedəndən sonra kimsə sənin nələri sevdiyini yada salmayacaq. Belə bir insan vardı, filan şeyi çox sevərdi deməyəcək.

Bu gün də bu qədər.

12 əjdaha! 31.03.2020 02:54, change the world

#293364 şikayət

qüsursuz cinayət

+18 əjdaha

bu sifarişi verən: nabifur
yoxdur deyirlər. amma bir yerdə oxumuşdum "bəlkə də vardır, amma qüsursuz olduğu üçün bizim xəbərimiz yoxdur"..

16 əjdaha! 14.07.2018 23:37, change the world

#274882 şikayət

psixoloqa getmək

+15 əjdaha

Başqa heç bir əlacım qalmadığı üçün 2-3 aydır etdiyim şey. inancım elə də olmamasına baxmayaraq, psixoloq bir dostumun dilə tutması və tanışına yönləndirməsi ilə başladıq seanslara.
Pulla özünə dost tutmaq kimi bir şeydir. Gərçi o dost da deyil, sadəcə dərdlərini dinləyir. gic-gic bağlantılar qurmağa çalışır yaşadığın şeylər arasında... Hələ ki məntiqli heç nə eşitməmişəm adamdan, baxmayaraq ki tərifli biridir. Davam etməyimə tək səbəb isə, həyatımda danışa biləcək, oturub söhbət edə biləcək heç kimin olmamasıdır. Heç olmasa yarım saat da olsa nəsə danışırsan, bu da qulaq asır. pulum görənə kimi davam eləyəcəyəm görək başıma nə gəlir.

13 əjdaha! 11.12.2022 01:16, change the world

#363945 şikayət

qadınların qurtuluşu

+14 əjdaha

tək qadınların deyil, bütün insanların qurtuluşu yalnız təhsil, özünü inkişaf etdirmə və öz iqtisadi azadlığını qazana bilməkdir.
təhsil dedikdə sadəcə hansısa universitet diplomuna sahib olmaq deyil, ümumi dünyagörüşündən söhbət gedir. oxumaq, məlumatlanmaq, hər hansı xarici bir dildə öyrənmək, səyahət və s.

azərbaycanda bu yazdıqlarım nə qədər mümkündür, sual altındadır. qızların tərbiyəsi ilə məşğul olan analar onlara elə uşaq yaşlarından cehiz yığır, yemək bişirmək öyrədir, ərə getməyin çox vacib olduğunu beyinlərinə yeridirlər. təbiidir ki ailədən belə görən qızlar 18 yaşa çatana kimi ər axtaracaq, universitetə hazırlaşmaq, özünü inkişaf etdirmək ağıllarına belə gəlməyəcək.
ərə gedəndən sonra da evdə çürüyəcək, maddi azadlığı olmadığı üçün etiraz etməyə cəsarəti olmayacaq. daha da acınacaqlısı, belə bir həyatın doğru həyat olduğuna inanaraq yaşayacaqdır. öz qızını da belə tərbiyə edəcəkdir.
sifarişi verən: atlı lobya

13 əjdaha! 03.10.2016 14:41, change the world

#232549 şikayət

sözaltı günlük

+14 əjdaha

olduqca yorğun hiss edirəm. Bədənimin hər bir hüceyrəsinə kimi yorğun. Ara-sıra yalnız qalmaq, özünlə baş-başa qalmağın nə qədər zəruri bir ehtiyac olduğunu bu günlərdə başa düşürəm. istədiyini etmək məsələn, hal-hazırda canın istəyir deyə durub küçəyə çıxa bilirsənsə, nəinki küçə, adicə hamama girib yarım saat suyun altında dayana bilirsənsə, 10 dəqiqə oturub çay içə içə günün xəbərlərini izləyə bilirsənsə bunun özü belə çox böyük bir hədiyyədir. Bir gün olmayacaq heç biri.

10 əjdaha! 31.07.2020 10:29, change the world

#301850 şikayət

bir oğlanın ağlamasına səbəb olan amillər

+12 əjdaha

səbəbi bir çox hallarda hisslərini ifadə edə bilməyəcək dərəcədə şiddətli yaşadıqları zamanlardır.

bir dostum var idi, sevdiyi qızı bilmədiyim bir səbəbdən ötrü tərk eləmişdi. hərdən içib yadına salır, qıza zəng edib ağlayır. amma nə üçün tərk etdiyini, nə qız bilir, nə mən, nə də başqaları.
biri də o gün yenə bir qıza görə ağladı. çətinlikləri var idi münasibətində, amma yenə də onunla davam etmək istəyirdi. mən təkcə səni istəyirəm dedi, başqa heç nə vecimə deyil dedi. mən də ordaydım.
səbəb olan amillər nə olur olsun, səmimidir. qadınlardakı kimi deyil.

11 əjdaha! 10.06.2016 01:36, change the world

#217215 şikayət

sözaltı günlük

+13 əjdaha

o gün gəldi çatdı. qorxduğum şeylərin həmişə başıma gəldiyi gün.
ən azından təbiət mənimlə bərabərdir. hər yer alabildiyinə yaşıllıq, havada ən sevdiyim - yaz qoxusu. maksimum yaz. maksimum şaftalı və gilas çiçəyi. bundan artıq daha nə istəyər insan.
istəyir. həm də nələr.
dənizi məsələn. bədəninin lənətə gəlmiş ağrısının keçməsini. anasının əllərini. dəyərli gördüyü insanların diqqətini. tort istəyir. işdən evə gəldiyində 15 kvadratmetrlik otağından yüzlərlə insanın çıxıb əllərində tortla qucaqlamasını. amma sadəcə səmimi insanların. o dünyada olanlar da mütləq iştirak etsin. gülməli səslənir. amma səmimilərin 90 faizi o dünyadadır. gəlsinlər. dostum gəlsin ölən dostum. əlində almaniyadan mənə aldığı breloklar.
bütün bunların heç biri olmayacaq amma mən yenə də xəyal edəcəyəm və xəyalımdakı kimi yaşayacağam. xəyal da doğrudur.

10 əjdaha! 22.04.2015 04:40, change the world

#159090 şikayət

son zəng

+14 əjdaha

13 il keçib üstündən.
srağagün idi deyəsən, bir yazıya rast gəldim məzəli səhifələrin birində. yazıb ki indi müəllimlər məzunlara bir gün bu günləri yada salıb uşaq kimi ağlayassız yalanını soxuşdurur, uşaqlar gələn son zənglərdə mütləq göruşək yalanının biri bir qəpikdən havada uçuşur, kiminsə dayısının avtobusu ilə qəbələyə getməyə hazırlaşırlar, gün barəsində qərar verə bilməyəndə deyirlər bizdə birlik zad yoxdu..
bunların birəbirini mən də yaşamışam, o zamanlar o qədər real problemlər kimi görünürdü ki. indi isə fikirləşəndə özümə inana bilmirəm, gülməyim gəlir, doğrudan da necə uşaq imişik..
yadımda yalnız kədərli şeylər qalıb son zəngdən.. sinif yoldaşlarımızdan birinin babasının şadlıq sarayı var idi, orda yığıncaq təşkil etmişdik. hamı oynayırdı filan. videoya çəkilmişdi. ordan bir səhnə yadımda qalıb, əlimi qoymuşam üzümə, gözümü harasa zilləmişəm baxıram, fikrim xəyalım özümdə deyil, bitse de gitsek havasındayam. oynaya da bilmirdim deyə həvəsim yox idi, bir kənarda oturmuşdum. müəllimələr arada gəlib yalandan oynadırdı.
sinif yoldaşlarımın bir çoxunu sonuncu buraxılış imtahanından sonra bir daha görmədim. sonuncu imtahanımız da 13 iyunda idi. o da başqa bir mövzudur. dəhşətli bir gündür. uzun illərdən sonra dərk edirsən nə qədər dəhşətli olduğunu. 11 il hər gün gördüyün insanlar bir anda həyatından yox olub gedir və demək olar ki ömrünün sonuna kimi heç vaxt onları görmürsən. yada çevrilirlər.
o gündən xatirə qalan məzun lenti bir də 1-2 şəkildir. mənə nə qədər nifrət elədiklərinin bir xatirəsi.

13 əjdaha! 16.06.2016 00:33, change the world

#218028 şikayət

change the world

+12 əjdaha

dünyanı dəyişdirmək istəyən yazar idi.

o gün belə bir statusa rast gəldim ankaralı bir abimin divarında. təxminən belə idi:
insan həyatı 3 dövrə bölünür: dünyanı dəyişdirmək istədiyin dövr, dünyanı dəyişdirə bilməyəcəyini anladığın dövr, dünyanın səni dəyişdirdiyini dərk etdiyin dövr.

nicki yaradanda birinci dövrdəydim. indi 3-dəyəm. dünya məni çox dəyişdirdi. dünyanı və insanları dəyişdirə bilməyəcəyimi anladım, amma yenə də öz dünyamı dəyişdirə biləcəyim ümidi məni yaşadır. allahın da köməyi ilə.
(baxma: umut fakirin ekmeği)

9 əjdaha! 03.04.2015 23:33, change the world

#155977 şikayət

yazarların linçə səbəb olacaq fikirləri

+17 əjdaha

irqçi və homofob olmağım.

12 əjdaha! 18.04.2022 00:24, change the world

#348749 şikayət

sözaltı günlük

+11 əjdaha

səni sevmirəm.
çünki bütün qəlbimi bir başqasına verdim. o günlərin, səninlə yaşadığımız hər şeyin bir yalan olduğunu başa düşdüm. sevgi əslində nə imiş, anladım. təəssüf ki, gec oldu, amma fikrimcə, bunun yaşla çox böyük əlaqəsi vardır... son 6 il ərzində çox çalışmışdım, bacarmamış, hər dəfə özümü inandırmışdım sənin kimi heç kəsin ola bilməyəcəyinə. necə də uşaq imişəm.
sən artıq yoxsan və heç bir şey ifadə etmirsən. bütün etdiyin təhqirlərə baxmayaraq səni bir gün görmək, bir neçə saniyəlik belə olsa qucaqlamaq üçün ömrümün yarısını verməyə hazır olan mən.. indi heç, amma heç vaxt sevmədiyimi anladım artıq.
sadəcə ucuz romantika, leyli məcnun kimi ümidsiz sevgi həsrəti, macəra, mazoxizm imiş bütün yaşadıqlarım. bütün bunları dərk etdim və sən də mənim gözümdən düşdün.
bu həyatda başına gələcək ən pis şeylərdən biriydi. fərqində deyilsən, amma mən yoxam artıq. tamamilə.. səni sevən heç kim yoxdur, oğlundan savayı.
səni unutdum.

10 əjdaha! 08.08.2016 17:12, change the world

#224025 şikayət

keçmiş sevgili ilə uzun aradan sonra rastlaşmaq

+11 əjdaha

ondan sonra gələn bütün keçmiş sevgililərim ilə hələ də əlaqəmiz var, başqa yerlərdə filan olsaq da vaxt eləyib görüşürük. hamısı da xətrimi çox istəyir. dost qalmağı bacaran insanlardanam.
amma o, mənim həyatda ən sevdiyim, uğrunda hər şeydən vaz keçə biləcəyim insan. illərlə sevgi diləndiyim insan. ayrılandan sonra tez-tez əlaqəmiz oldu telefonla, amma üz-üzə görüşməmişik o zamandan bəri. sonuncu dəfə gənclikdə görmüşdüm, 7 il filan olar... gecə idi, yağış yağırdı, mənim içində olduğum avtobusa mindi, məni görmədi amma mən onu görüb tez düşdüm, oğrular kimi... onunla qarşılaşmağa cəsarətim çatmadı. saatlarla bütün bədənimin əsdiyini xatırlayıram.
çox qəribədi, bir insanla görüşürsən, amma bilmirsən ki, bəlkə də bu adam ilə axırıncı görüşündür, daha ömür boyu onu görə bilməyəcəksən.. bilsəydim görəsən nə edərdim? heç ayrılmazdım.. uzun müddət onunla bərabər gəzdiyimiz küçələrdən keçə bilməmişdim, gözümü yumub keçmişdim.

sonradan telefonla çox danışdığımız mesajlaşdığımız oldu.. amma üz-üzə gəlmədik heç. 2014-də gəlmişdim bakıya, hansısa şadlıq evində toydaydım, onun da qonşu şadlıq evində çəkilişi var idi. yazışdıq, amma gəlib məni görmədi. mən də digər toya getməyə utandım.. ürəyimdə qaldı eləcə. çox hazırlamışdım özümü. bəlkə də o gün o gün deyilmiş nə bilim..

illərdi beynimdə ssenarilər qururam, onunla necə qarşılaşacağıq. əvvəllər düşünürdüm təsadüfən olacaq, onun yanında həyat yoldaşı və oğlu, mənsə tək. baxacağıq bir-birimizə. keçib gedəcəyik filan. klassik şeylər.
sonradan planladım ki, sevgilimlə bakıya gedib nəsə foto-çəkiliş filan eləmək istəsək onu çağırım, gəlib love story çəksin bizə. bu haqda sevgilimə də danışdım amma razı olmadı təbii..
bilmirəm harda necə qarşılaşacağıq. bilmirəm nə edəcəm. amma çox darıxmışam, onu bilirəm. sevmirəm, çoxdandır unutmuşam, amma 1 dəfə görmək, danışmaq istərdim...

8 əjdaha! 15.06.2017 21:26, change the world

#255609 şikayət

heç kimdə yeni il həyəcanının olmaması

+13 əjdaha

Nəinki yeni il, ümumiyyətlə həyəcan yoxdur artıq.

12 əjdaha! 11.12.2022 01:47, change the world

#363949 şikayət

Notice: Trying to access array offset on value of type null in /var/www/soz6/sonhefte.php on line 63

Notice: Trying to access array offset on value of type null in /var/www/soz6/sonhefte.php on line 74

Notice: Trying to access array offset on value of type null in /var/www/soz6/sonhefte.php on line 75

Notice: Trying to access array offset on value of type null in /var/www/soz6/sonhefte.php on line 76

Notice: Trying to access array offset on value of type null in /var/www/soz6/sonhefte.php on line 77

Notice: Undefined variable: userQuery in /var/www/soz6/sonhefte.php on line 84

Notice: Trying to access array offset on value of type null in /var/www/soz6/sonhefte.php on line 84

Notice: Undefined variable: anonim in /var/www/soz6/sonhefte.php on line 85

Notice: Undefined variable: idvv in /var/www/soz6/sonhefte.php on line 92

Notice: Trying to access array offset on value of type null in /var/www/soz6/sonhefte.php on line 93

Notice: Trying to access array offset on value of type null in /var/www/soz6/sonhefte.php on line 97

Notice: Trying to access array offset on value of type null in /var/www/soz6/sonhefte.php on line 99

Notice: Undefined variable: idvv in /var/www/soz6/sonhefte.php on line 101

Notice: Trying to access array offset on value of type null in /var/www/soz6/sonhefte.php on line 102

Notice: Trying to access array offset on value of type null in /var/www/soz6/sonhefte.php on line 105

Notice: Trying to access array offset on value of type null in /var/www/soz6/sonhefte.php on line 113

+11 əjdaha

11 əjdaha! , sistem robotu

# şikayət

Notice: Undefined variable: user_id in /var/www/soz6/sds-themes/vengeful-light/profile.php on line 1336

blok - başlıqlarını gizlət
Notice: Undefined variable: user_id in /var/www/soz6/sds-themes/vengeful-light/profile.php on line 1343

change the world

son bəyənilənlər:

oxuyucuların bəyəndikləri: