təcili, pişik yaralanıb.
#digərSalam, bir sualım olduğu üçün burada hesab açmışam. Bayırda bala pişik tapmışam, qarnı deşilib, bağırsağı çölə çıxıb. Su içə bilir. Veterinar cərraha aparmağa dəyər, nə qədər xərci çıxar. Bakıda yaşamıram, ona görə əvvəlcədən bilməliyəm ki, xərcini qarşılaya biləcəm ya yox. Şəklini birazdan paylaşacağam.
1. Salam,
https://soz6.com/sds-elancavab.php?id=16616
ilk məsləhətdə veterinar nömrəsi var, ora mesaj yaza bilərsiz, düzgün məsləhət verərlər yəqin.
postun sahibi
2. təşəkkür eləyirəm. həmin veterinara yazdım. ümumiyyətlə xərclər barəsində məlumatınız var? deyəsən hardasa küçə heyvanlarının müayinə/müalicəsi təmannasız həyata keçirilir. hal-hazırda büdcəm onu qarşılayacaq səviyyədədirmi bilmirəm, amma yazıq pişiyi də bu cür çarəsizliyə buraxmaq istəmirəm.
gizli @88317
4. @88317 təəssüf ki, məlumatım yoxdur.
tam olaraq harada yaşadığınızı bilmirəm, əgər bakıdan çox uzaqda yaşayırsızsa, sizə yaxın olan böyük şəhərlərdəki veterinarları da araşdıra bilərsiz.
büdcə qarşılayabiləcəyinizdən çox olarsa, məncə sözlükdə başlıq açın bacardığımız qədər dəstək olaq.
postun sahibi
6. "əgər bakıdan çox uzaqda yaşayırsızsa" - 2 saatlıq uzaqlıqda.
"indi necedi veziyyeti" - hal-hazırda yatır. bircə su içir. üstünü isti əsgiylə bağlayıram ki, birdən septik şoka girib, bədəni soyuyar. əgər sabah səhərə qədər bir miqdar vəsait düzəldə bilməsəm, utanaraq da olsa, burdan elan eləyəcəm. hal-hazırda maliyyə vəziyyətim bərbad şəkildədir. ümidvaram ehtiyac olmayacaq, amma mümkün olmasa burdan deyəcəm(həkimdən alınmlış ödəniş çeki, pişiyin şəkli, lazım olan bütün şeyləri paylaşacağam). dəstək olmaq istəyənlərdən ancaq ad/soyad/hesab nömrələrini alacaqlarımdan yardım qəbul eləyəcəm ki, 2 max 3 ay sonra borcumu ödəyə bilim. əgər dediyiniz kimi idea-da küçə heyvanlarını pulsuz müalicə eləyirlərsə, birinci ora gedəcəm.
postun sahibi
8. yoldaşlar, çox üzr istəyərək həm də utanaraq. bir şey istəyəcəm. hal-hazırda bakidayam, birinci getdiyim(yuxarıda nömrəsi) qeyd olunan veterinar olduqca yaxşı insan imiş, narkoz uyğun olmadığından başqa vet.e yonlerdirdi. Taksi pulunu da verdi. hal hazırda cibimdə heç bir vəsait yoxdur, Bakıya gələndə komp. Satmağa gətirmişdim, hal hazırda onu eləməyə vaxt çatdıra bilmirəm. Sizdən səhərə qədər borc istəyəcəm, çox çətin vəziyyətdəyəm. zəhmət olmasa maraqlananlar xəbər versin.adim açıqdır.
gizli @88335
postun sahibi
14. Əlbəttə, dünəndən başım qarışıb deyə paylaşa bilməmisem https://ibb.co/8zQ7pHZ
https://ibb.co/3BCmjns
https://ibb.co/19ZMdwH
https://ibb.co/0fK8rN6
https://ibb.co/L5YpM8Q
15. AARC-a apara bilərsiz. 100 manata yaxın tuta bilər. Dəqiq bilmirəm ən yaxşısı zəng edin soruşun:
https://instagram.com/aarc_vetclinic
0503551717
Badamdar 35
postun sahibi
19. gec yazdığım üçün bağışlayın. bir daha hamıya təşəkkür eləyirəm. dünən gec saatda bakıdan qayıtmalı olduğum və telefon söndüyünə görə burdan məlumat verə bilmədim. əvvəlcə yardım edən, bu balacaya ürəyi yanan hamıya minnətdarlığımı bildirirəm. siz olmasaydız necə olacaqdı bilmirəm. güya komp. gətirmişdim ki, satım. ona arxalanırdım. təəssüf ki, komp. dükanı sahibi bu şəkildə ala bilməyəcəyini dedi(platası ilə bağlı problem var idi deyə). elə bir vaxtda qarşıma çıxmışdı ki, bütün vəsaitim əvvəlcədən borc və digər xərclərlə tükənmişdi. özümün eləyə biləcəyi tək şey bakıya gətirmək idi. hər nəysə. əməliyyatı akim abbasov 125c ünvanında, bazarstore-la üzbəüz bir klinikada oldu. oradakı həkimlərin bildirdiyinə görə bəxtindən bağırsağının yuxarı hissəsi olduğuna görə bu vaxta qədər yaşaya bilibmiş. infeksiya sadəcə çox kiçik bir sahədə yayılıb. 2. və 10. gün infeksiyanın təkrar yayılmaması üçün kontrol ediləcək. bu müddətdə antibiotik və digər dərmanlarla müalicəsi davam etdirilməlidir. əməliyyatdan sonra pişiyi göstərdilər, axır ki, səssiz-sakin uzanmışdı. sadəcə o an üstümdən böyük yük götürüldüyünə görə şəklini çəkmək ağlıma gəlmədi. miyanı 2 gün sonra bakıya gedib götürməliyəm. adını əməliyyatdan əvvəl seçməli olduğumuz üçün tez-tələsik ağlıma gələn ilk pişik adını dedim. təbii ki, sizin himayənizlə yaşadığı üçün sizin də ad verməyiniz daha uyğun olar. istəsəz ordan çıxandan sonra səsvermə keçirib yeni ad verə bilərik-*). indi keçək əməliyyat xərclərinə və yığılan miqdara: əməliyyat və orda qaldığı müddət üçün 98 manat ödənilib. toplanan miqdar: 149.5 manat oldu. təkcə bakıdan geri qayıtmaq və klinikadan çıxanda gecə saat 1 olduğu üçün taksi xidmətindən yaralandığıma görə üstündən bir miqdar əksikdir. pulun qalanını dərman/antibiotik müalicəsinə istifadə olunacaq(düzü nə qədər olacaq bilmirəm, əgər ehtiyac olsa bir dəfə də üzümü sizə tutacağam) bir daha köməklik göstərənlərin hamısına təşəkkür edirəm və hal-hazırda ödənişi dayandırmağınızı rica eləyirəm. ancaq əvvəlcə də dediyim kimi bütün yardımı borcolaraq qəbul etdiyim üçün zəhmət olmazsa, kim nə qədər yardım edibsə ya aşkarda ya da mesajla bildirməyinizi xahiş eləyirəm. təkcə 3 istifadəçinin kim olduğunu bilirəm. söz6 istifadəçisi olmayıb pul göndərənlər burdan([email protected]) mesaj göndərə bilərlər. əlimdən gəldiyi qədər tez müddətdə geri ödəməyə başlayacam. miyanı götürəndə fikirləşmişdim ki, sabaha sağ çıxmayacaq, amma xoşbəxtlikdən çıxdı. normalda özüm üçün kimdənsə bu cür təmənna gözləməyi özümə sığışdırmazdım. hətta dünən tərəddüd içindəydim ki, görəsən deyim ya yox. ancaq düşündüm ki, mənim öz canım deyil, başqasının(insan ya heyvan) canından söhbət gedir.istəyirsən utan, yerin dibinə gir, nə olur-olsun, bir həyatı qurtarmaq üçün çıxış yolu səni nəyi göstərirsə, onu da eləməlisən. nə yaxşı ki, varsız. heç birinizi tanımıram, amma çox əminəm ki, əsl qızıl kimi insanlarsız. hamınıza ürəyinizdəki ən gözəl istəklərinizin, xəyallarınızın gerçəkləşməyini arzu edirəm. bir daha hamınıza minnətdaram. miya(hələlik ki, şərti adı)-nın şəklini klinikaya bir də gedəndə paylaşacağam və əlavə məlumat verəcəm. yuxarıda paylaşdığım 'əvvəlki şəkillər görünmür deyə cavab gəlib. bir daha başqa yerə yüklədim. baxa bilərsiz:
https://rb.gy/gh717 https://rb.gy/fc11a https://rb.gy/fdhyd https://rb.gy/6z9eq https://rb.gy/bhro1
20. chox gec gordum bashligi, chox chox teshekkur edirem size, mutleq neyese yene ehtiyac olsa bura yazin. bir de sagaldiqdan sonra sahiblenmek imkaniniz varmi? yoxdursa men bir neche neferle elaqe saxlayim, ozum bakida deyilem teessuf ki hazirda amma bezi dostlarimdan sorusha bilerem
feronia @88359
22. Salam.
Dünən səhər təsadüfən söhbət əsnasında xəbərim oldu. Bayaq girib təzə bir xəbər varmı deyə baxırdım, uje məcbur yazası oluram.
@kaskas, əvvəla, sənə təşəkkür ki, laqeyd qalmamısan məsələyə, pişiyi götürüb yardım etməyə çalışmısan.
İkincisi, pişik mövzusun qoyuram qırağa. lap özün üçün olsa belə, insanlardan yardım istəməkdə heç bir qəbahət yoxdur, buna görə heç vaxt tərəddüd eləmə. Kömək istəmək qüsur deyil, hələ-hələ utanılası, yerə giriləsi şey heç deyil. Səni və sənin timsalında kömək istəməyə çəkinən insanların bu mindset'ə gəlib çıxmasında "əməyi" olanlar*
..ın amk
utanıb yerə girməlidir, sən yox.
Üçüncüsü də, o "kim nə qədər pul atıbsa, mənə bildirsin. Borc kimi sayıram, qaytaracam" söhbətinin də başın burax day yığışdırginən. Temboli də maddi durumunun çox da ürəkaçan olmadığı ortadadı. Mən inanmıram ki, kimsə bu vəziyyətdə durub "x manat pulu mən göndərmişdim" deyib məbləği geri istəyə. Kimsə nə qədərsə pul göndəribsə, demək ki, həyatında o pulu xərcləmək üçün bu pişikdən daha vacib bir şey olmadığına görə edib.
Hə, bu arada, son bir şey deyim, çıxıram. İndi insanıq da, hər şey ola bilər, kiminsə haqqına girmək də düzgün olmaz. bəlkə də kimsə həqiqətən də ehtiyacı olduğu, nə bilim cibində qalan son 3-5-10-20 manatını bu pişiyə görə göndərmiş ola bilər. Elə birisi varsa, qətiyyən çəkinməsin, çeki və bank hesabını discordda sözlüyün serverindən tapıb birbaşa mənə göndərsin, o pulu mən qaytaracam. Yəni bu şeyə görə bu yazara yazmayın. Kaskas, eyni şey sənə də aiddi, kimsə pulunu istəyirsə, eyni yolla hesabını at mənə.
Sağ olun.
postun sahibi
23. salam. bir neçə gün başım qarışıq olduğu üçün gec məlumat verirəm. üzrlü sayın. miyanı birinci cün klinikadan götürdüm. dediklərinə görə it hücum eləyib. tikişlərinin bəzilərini özü necəsə açıb
https://ibb.co/fxYYLNH https://ibb.co/PY5H2wn bir neçə günə tikişlərini açmağa getməliyəm. bu arada miyanın küçədə iki bacısı da var idi. onları bir müddətlik evə götürmüşəm. amma yemək(yaş mama və qaynadılmış toyuq filesi) verdiyim halda, yedikdən bir müddət sonra qusurlar. təkcə çox az yoğurt, kefir, qatıq yeyə bildilər və çoxlu su içirlər. səbəbini bilmirəm, necə qarşısnı ala bilərəm? bir daha hamıya təşəkkürümü bildirirəm. https://ibb.co/MkjkHpR https://ibb.co/sg4z1Lx https://ibb.co/VJw92tY
https://ibb.co/MkkJs4N )
24. @88464 süd məhsulları körpə balalara verilməz bağırsaqlarında problem yarada bilər. Küçə pişiyini birbaşa evə daxil etmə, exinokokk-u (qurdu) ola bilər ki sonra sənin bədənində kista yaradar. İştasızlığı bədənində olan parazitdən də qaynaqlana bilər ya da dişlərində problem var qidanı bütöv bütöv udur və qusurlar , çalış çöldə saxla, həm hava qəbul eləsinlər, az ya da çox , təki yemək ver.
Böyük ürəyinə görə minnətdarıq.
08.06.2023 mesaj izlə Googlla