bugün wiki təsadüfi son
sözaltı sözlük
məsləhət postlar mesaj Profil
Work and travel
link məsləhətxana link yeni başlıq aç link mənimkilər

Work and travel

#digər

Salam. Bu proqram haqqında güncəl məlumatları kim bilirsə məni də aydınlatsın zəhmət olmasa. Mövzu barədə son entry 2 il əvvəl atılıb. İndi vəziyyət necədi bilmirəm. Prosedurda bir dəyişiklik varmı? Qiymətlər təxmini hansı civardadı? Hansı şirkətlərlə getməyi məsləhət görürsünüz? Bu sualların cavablarını bilən yazarlar məlumatlandırardı pls

gizli
24.06.2024 cins: kişi
mesaj izlə Googlla

User Avatar postun sahibi

2. up

gizli @93339

User Avatar

3. onu bilirəmki viza almaq çətinləşib, getmək mümkündür sadəcə gedib qayıtmayanlar çox olur deyə inanmırlar.
usestudy idi səhv etmirəmsə şirkət

gizli @93347

User Avatar postun sahibi

4. @93347 təşəkkürlər.
bir də, viza məsələsinin həlli üçün hər hansı bir yol var, yoxsa bəxtəbəxtdi? yəni kəsilməmək üçün nə etmək olar?

gizli @93349

User Avatar postun sahibi

5. bir də, onu soruşacaqdım ki, ingilis dili imtahanı olur deyəsən proqrama qatılmaq üçün, bilmirsiz təxmini hansı səviyyədədi? çox çətindi?

gizli @93350

User Avatar

6. https://www.instagram.com/use_study?igsh=MnMzM2VvdXVjdWp3

axşamın xeyir, o vaxtı bura ilə maraqlanmışdım, kifayət qədər yardımçı olmuşdular

ares @93356

User Avatar postun sahibi

7. @93356 minnətdaram

gizli @93359

User Avatar

8. @93350
instagramda "xaricdechorek" və "xaricdeyasam" bu səhifələrdə WAT ilə bağlı məlumat olmamış olmaz.
İngilis dilində B2 səviyyə varsa bəs edər. Indiyədək ingilis dilli mühitdə olmusansa və ya uni təhsilin ingilicədirsə rahat yola verərsən. imtahan olub olmamasıyla bağlı məlumatım yoxdu.
Onu da deyimki son kurs tələbələrinin getmək şansı daha azdır, qorxurlarki qayıdıb gəlməzlər, çünki türklərdə çoxdur gedib amerikada nəyəsə qoşulub oturum izni alırlar.
Məncə bəxtəbəxt deyil, sadəcə inandırmalısan və şübhəli olmamalısan. Tək problem qayıtmamağın deyil, olabilər gedib orda istənilməyən iş görəsən. Onlar tam əmin olmaq istəyirki sakit normal adamsan ya yox.

gizli @93366

User Avatar postun sahibi

9. @93366 çox sağ olun

gizli @93369

User Avatar

10. Pandemiyadan sonra nələr dəyişib bilmirəm, amma pandemiyadan öncəsi üçündür dediklərim:

Qiymət 2,5 - 5min dollar arası idi bilet daxil. Niyə bu qədər dəyişiklik olduğunu deyirəm indi.

Müraciət əsasən oktyabr ayında açılır(dı) və ən ideal zaman da ən geci il sonuna qədər qeydiyyatdan keçməkdir. Çünki başlarda ucuz olur qiymətlər, vaxt ötdükcə daha da bahalaşır. Hətta mart-apreldə oktyabrdan 2 qat baha belə ola bilir müraciət. Odur ki, konkret qiymət demək çətindir. Oktyabrda 1,500 idi o vaxtı(biletsiz), apreldə 3,200. Yəni zamanından asılıdır qiymət.

Dərdini qırıq-qırıq da olsa başa sala bilirsənsə, təməl ifadələri anlayırsansa, dili problem eləmə. Cəh-cəh vurmağını gözləmirlər. Amma dil biliyin nə qədər yüksəkdirsə, qazancın yüksək olacaq işdə işləyəcəksən. Qazancın yüksək olan iş də əsasən ofisiantlıq və bu kimi birbaşa müştərilərlə üz-üzə olacağın xidmət işləridir. 2-ci iş yeri də tapsan, rahat şəkildə xərclərdən əlavə 10-20k pul toplaya biləcəksən.

Yox əgər dilin aşağıdırsa, müştəri ilə üz-üzə olacağın iş olmayacaq, aşağı işlərdə çalışacaqsan. Misalçün, hansısa hosteldə təmizlikçi və ya xırda bir restoranda mətbəx işi. Patalok 1 həftəyə öyrənirsən işi, öyrəşirsən. Amma bu işlər proqrama verdiyin xərci güclə qarşılayacaq və ya ümumiyyətlə, qarşılamayacaq: qazandığını elə orada xərcləyəcəksən. Yəni belə işlə ahım-şahım pul yığacağın xəyal eləmə. Əksər adamlar xərcini güclə qarşılayır. Youtube videolarında şişirtmələr çoxdur, gedərkən bomba pul yığacağını düşünərək getmə. Amma Dilini orada inkişaf etdirsən, ikinci aydan etibarən əlavə işdə işləyə bilərsən.

İkinci işi bəri başdan tapmırsan. Orada olanda vasitəçi şirkətlə əlaqə yaradıb onlara bildirirsən. Zatən gedəndə şirkət səni amerikada "sponsora" "tapşırır". Yəni bütün problemlərinlə orada maraqlanacaq amerikalı şəxs olur. onun özünə də bildirirsən ki, əlavə filan yerdə işləmək istəyirsən və sənəd-sünəd işlərin həll olunur. Hətta işində problem yaşasan, bəzi hallarda dəyişə də bilirsən(amma bu zülüm şeydi).

Son olaraq, use pandemiyadan əvvəl məsləhətli şirkət idi, sonradan nəsə neqativ şeylər eşitdim barələrində. Mən çerez-çerez bir neçə qaqaşla tanış olmuşdum, onlar şirkət yox, siravi olaraq bu işi təşkil edirdilər (hansı ki, özləri vaxtilə w&t iştirakçısı olmuşdular). Bəlkə də indiyə şirkət-filan qurublar e, ya da bəlkə də başın buraxıblar. Təəssüf ki, əlaqəm qalmayıb artıq.

Yaxşısı, yuxarıdakı yazar demiş, xaricdə çörək qrupuna yaz. ümumən universitetdə digər fakültələrdən və ya yuxarı kurslardan maraqlan gör keçən il gedən olubmu, kimlər vasitəsilə gediblər.

Son kurslara viza Verməməklərinin səbəbi odur ki, unini bitirmisən deyə qayıtmayacaqsan. Amma risk edib müraciət edə bilərsən. Bunun üçün bir az da basıb-bağlama bacarığın olmalıdır. Səfirliyi inandırmalısan ki, ora qalmağa getmirsən, qayıdacaqsan. İstifadə edəcəyin tricklər də ən əsas şəkildə iş yerin, gələcək planların və ailə barədədir. Əvvəlcədən detallı şəkildə hətta olmasa da özünü belə inandır ki, sevgilin (əsas da nişanlın/sözlün) var, azərbaycanda kariyera quracaqsan, buraya mütləq qayətmalısan ki, ailə həyatı qurasan. Üstünə bir də magistr söhbətini edə bilərsən ki, bəs artıq magistr imtahanını vermisən(ki, həmin vaxtı vermiş olmağın məsləhətdir ki, araşdırsalar, görsünlər), filan ixtisas və unidə təhsilini davam etdirəcəksən. Bu və indiyə ortaya çıxmış təzə trick temalarını onsuz da burada müraciət elədiyin şirkətdə öyrədəcəklər viza müsahibəsindən əvvəl.

Deyəcəklərim bu qədər, amma yenə də qeyd edim ki, pandemiyadan öncəsi üçün yazmışam. Sonradındakı dəyişikliklərdən xəbərsizəm. uğur olsun.

Bertrand Zobrist @93370

User Avatar postun sahibi

11. @93370 indi abituriyentəm, ikinci kurs bitəndə getməyi planlayıram. dil səviyyəm b2 di. yəqin o vaxta daha da artıraram. 1ci kursun ortalarında müraciət edə bilərəm də yəqin ki, qiymət məsələsinə görə?

gizli @93373

User Avatar

12. Dil səviyyən b2-dirsə, əladı. Vaxtın var hələ, bir az da təkmilləşdir. 1-ci kursdan müraciət edə biləcəyin barədə dəqiq fikrim yoxdur. Çünki 18 yaşın tamam olmuş olmur 1-ci kursda, valideyn icazəsi və s əlavə sənəd temaları ola bilər. ən yaxşısı hansısa bu işi görən şirkətə yaz bu barədə, dəqiq desinlər.

Bu arada, bir şeyi demək yaddan çıxdı. Tez müraciət etməyin həm qiymət baxımından, həm də iş baxımından yaxşıdır. Dediyim kimi, ən geci dekabr üçün müraciət edərsən. Onda həm sponsorlar çox olacaq, həm eyni iş olsa da ştat seçimində daha çox seçimin olacaq, həm də ən yaxşı cəhəti odur ki, iş müxtəlifliyi də çox olacaq. Lunapark, hovuz kimi əyləncə sektoru işləri çox tez tutulur, gec müraciət edəndə qarşılaşa bilmirsən.

Bir də başqa bir tema var. Əgər ora, necə deyərlər, "work and travel bahane, amerika şahane" modunda turist vizası əvəzinə wt adıyla gedib papa puıuyla fırlanacaqsansa, ürəyinə hansı ştat və şəhər düşürsə, iş götür. Yox əgər qazanc və ən əsası qənaət etmək istəyirsənsə, getmədən öncə ştatları və oradakı ərzaq, qida qiymətlərini araşdır. Bizim vaxtımızda mərkəzi və əsas da şimal ştatlar ən yaxşısı idi. Qiymətlərin bahalılığı və xərclərin çoxluğu baxımından Böyük şəhərlərdən də uzaq durmaq məsləhətdir.

Bertrand Zobrist @93374

User Avatar postun sahibi

13. @93374 sırf təcrübə və pul qazanmaq məqsədi ilə gedirəm, yəni gəzmək filan 2-ci plandadı.
dediklərinin hər birini nəzərə alacam, çox təşəkkürlər. demək olar ki bütün suallarıma cavab tapdım, minnətdaram -*)

gizli @93377

User Avatar

14. Dəyməz, buyur. Uğur olsun.

Bertrand Zobrist @93379

sən də yaz