qəbələ — ən bəyənilən yazılar

+2 əjdaha

1. dağıstan ilə sərhədi olan azərbaycan ərazisi. gözəl meşəliklər və dağlar var. gedənlərə 2 yeri məsləhət görə bilərəm. nohurqışlaq kəndini və xanlar restoranını.

+2 əjdaha

2. azərbaycanın qədim şəhərlərindən biri. biraz əl dəyməsələr yəni meşələri qırıb orda yeni istirahət kompleksi salaq fikrinə düşməsələr gözəlliyini qoruyan şəhər.

+2 əjdaha

3. turist məkanına çevriləndən sonra özünü antalya sanan turistik yer. qiymətlər çox bahadı ondansa gürcüstanı tərcih edərəm.

+1 əjdaha

4. turistik məkan olduqdan sonra poxu çıxan yer. artıq hər gözəl mənzərəli yerdə bir otel tikilir.

+1 əjdaha

5. Qəbələyə Bakı avtovağzalından avtobusla və ya dəmiryolu vağzalından qatarla getmək mümkündür.Nohurgöl, Yeddi Gözəl Şəlaləsi, Laza kəndi, Tufandağ Qəbələnin əsas turistik bölgələri hesab olunur və şəhərdən kənarda yerləşir.Şəhərdə isə "Qəbələnd" istirahət mərkəzinə baş çəkə bilərsiniz.
Nohurgöl və Yeddi Gözəl şəlaləsi şəhərə çatmamış Nohurqışlaq kəndinin şimal hissəsində yerləşir.Avtobusla getdikdə Vəndam və Nohurqışlaq kəndlərinin arasında düşüb sağa burulan yolla Yeddi Gözəl şəlaləsinə (45 dəqiqə piyada məsafə)və oradan da Nohurgölə kəsə yolla (deyilənə görə 40 dəqiqə piyada məsafə) gedə bilərsiniz.Mən eyni istiqamətdə geri qayıdıb magistralla getdiyim üçün kəsə yolu tapa bilmədim və piyada 1.5 saat yol getməli oldum.Yeddi Gözəl Şəlaləsinə giriş pulsuzdur.Ən zirvəyə qalxmaq üçün daş pillələr düzülsə də yollar dar və insan sayı çox olduğu üçün qalxmaq çətindir.Qəbələyə getməmişdən qabaq gedəcəyiniz yerlərin açıq olub olmadığını bir neçə üsulla (tripadvisor, google maps, instagram və s.) yoxlamanız məsləhətdir.Mən getdiyim tarixdə bir neçə aydır ki Nohurgöl bağlı idi.
Qəbələ mətbəxinə aid iki əsas şirniyyat növü mövcuddur : Həmzəli halvası (küncütlü və sadə olmaqla paketi 8-10 manat) və Üçqulaq paxlavası (dənəsi 30 qəpik).Şəhərdə istənilən şirniyyat dükanından tapmaq mümkündür.
Nəqliyyat sistemi yaxşı təşkil olunmayıb.Şəhərdən kəndlərə gedən müntəzəm marşrut yoxdur.Bolt və Yango işləmir.Yoldan taksi tapmaq isə şansa bağlıdır.Digər rayonlarda avtovağzalda həm avtobus həm də taksilər durur amma Qəbələdə avtovağzaldan sonuncu avtobus getdisə son çarə 2-3 km uzaqda olan taksilərin durduğu yerə getməlisiniz (ki, bu da heç yerdə qeyd olunmayıb.yalnız yerli sakinlərlə ünsiyyətdə bu detalları öyrənirsiniz).Taksi qiyməti isə 20 manatdır (Bakıya qayıtmaq üçün).
Di gedin gəzin...

+1 əjdaha

6. vaxtı ilə qədim atropatenanın paytaxtı olmuş qədim şəhər