əjdaha lazımdı
izlə
dostlar
mən
googlla
psixopat
-
ivan's childhood
-
histeroid
başlıqdakı ən bəyənilən yazılar:
+8 əjdaha
1. eqosentrizm fərdin öz subyektiv fikirlərindən başqa hər hansı digər fikri doğru qəbul etməməsi, edə bilməməsidir.
Eqosentriklər özlərini, şəxsi düşüncələrini və ya maraqlarını daha vacib və güvənilir hesab edirlər. bu hallara əsasən uşaqlıq və yeniyetməlik dövrlərində rast gəlinsə də, yetkin insanlarda da eqosentrizm görülməkdədir.
eqosentrizm və narsisizm oxşar görünsə də, eyni deyillər. eqosentrik insan həmişə diqqət mərkəzində olduğuna inanır. həm eqoistlər, həm də narsisistlər eqolarını başqalarının fikirləriylə doyurursa, egosentristlər üçün bu tam olaraq doğru olmaya bilər.
eqosentrizm termini psixologiyaya ilk dəfə jan piaje tərəfindən 8-10 yaşınadək uşaqlara xas olan düşüncə tərzini təsvir etmək üçün gətirilmişdir. onun fikrincə bu yaşda olan uşaqlar tam məntiqi düşünə bilmir, biristiqamətli düşünərək "mərkəzçilik edirlər".
piaget eqosentrizmin uşaqlarda dil və əxlaqa təsir etdiyini deyirdi. məsələn, 3-5 yaşlı uşaqlar dil və danışıqdan yalnız öz fikirlərini, istəklərini çatdırmaq üçün istifadə edirlər. və bir uşağın oyuncağını səhvən sındırsaz belə o bunun yanlışlıqla olduğuna inanmır, qəsdən etdiyinizi iddia edəcək.
uşaqlarda eqosentrizmə kiçik bir misal deyim. məsələn 4 yaşlı oğlan anasına oyuncaq maşın hədiyyə edir. yəni onun üçün bu oyuncağı anasının istifadə edəcəyi deyil, özünün bəyənməyi daha üstündür.
+4 əjdaha
3. Hər şeyi özünə əsaslandırmaq, özüylə əlaqələndirmək, hər şeyi öz nöqteyi-nəzərindən mühakimə etmək, hər şeydə özünü əsas götürmək, öz ideyasını, məntiqini, duyğusunu başlanğıc nöqtəsi kimi götürmək meylinə verilən ad - egocentrisme.
Uşaqlarda görülən bu davranış yetkin insanlarda ancaq psixoloji xəstəlik, 'vəsvəsə' (bir xarakter) olaraq görülür. Bəzilərinə görə, “insan bütün yaradılmışların ən üstünüdür(alisidir)”, “yer kainatın mərkəzidir”, “bir şeyi öz əllərimlə tutub öz gözlərimlə görməsəm, onu yox sayıram” kimi fikirlərdir.
Eqosentrizm həmişə elmə, tərəqqiyə və inkişafa qarşı olub və olmaqda davam edir. Bəziləri eqoistliyi Eqosentrizmin sosial münasibətlərdə təcəssüm olunmuş dərketmə forması kimi görürlər.
Məhz onlara emosiyaları manupulyasiya edən media "reallıqları" daha doğru gəlir, nəinki doğma birinin (tanıdığı şəxsin) bölüşdüyü praktiki həyat təcrübəsindən çıxardığı nəticə. Hər şeyin ziddi ilə yaradıldığı bu kainatda (müsbət-mənfi, madda-antimaddə) Tək Olan bizlərə müxtəlif yolların yanlız bir həqiqətə gətirib çıxardığını dərk etdirir.
+6 əjdaha
2. Egosentrizm-nəzərə ala bilməmək, qəbul etmək, bəzən hətta özündən fərqli baxış nöqtələrinin mövcudluğuna imkan verməmək.
Bu termin psixologiyada XX əsrin əvvəllərində isveçrənin alimi Jan Piaje sayəsində yaranıb və uşaqların koqnitiv bacarıqlarını öyrənib. Piaje qeyd edib ki, müəyyən yaşda balacalar obrazlar yarada və "yad nöqteyi-nəzərdən" situasiyaları dərk edə bilmirlər və fərz edib ki, şəxsi inkişaf pozulduqda bu xüsusiyyət insanlarda daha yetkin yaşda da qorunub saxlanılır.
Bundan əlavə, bu xüsusiyyətlər yaşlılıq zaman güclənə bilər.
Əlamətləri:
Uduzmağı bacarmır.
Daim fantasiya edir.
Çox tərif gözləyir.
Açıq şəkildə tənqid edir insanları.
Digər insanların motivlərini anlamır.
"Egosentrik korluq" nümayiş etdirir.
Özünü başqalarından daha ağıllı hesab edir.
Həddindən artıq həssaslıqla fərqlənir.
Egosentrizm ilə bağlı bir neçə fikirlər var:
Egosentrik korluq-insan dünyadakı mənzərəsinə zidd olan faktlara məhəl qoymur və ya əhəmiyyət vermir.
Egosentrik yaddaş-bir şəxs onun dünya xəritəsinə uyğun olanı xatırlayır.
Egosentrik miyopiya-dünya xəritəsinin hüdudlarından kənara çıxan detalları nəzərdən keçirməkdən imtina. Əgər belə detalları nəzərə almamaq mümkün deyilsə, onları "cəfəngiyyat" və "absurd"adlandırır.
Egosentrik düzgünlük – əksər hallarda insan özünü haqlı, başqalarını isə haqsız hesab edir.
Egosentrik sadələşdirmə-insan ideyanı və ya faktı onun dünya mənzərəsinə uğurla uyğun gələn sadə formaya çatdırır.
Hər bir insan bu və ya digər dərəcədə egosentrizmə malikdir. Lakin, normal olaraq, yuxarıda təsvir edilən bütün xüsusiyyətlərə baxmayaraq, insanlar öz fikirlərini dəyişə bilərlər.
hamısını göstər
