əjdaha lazımdı
izlə
dostlar
mən
googlla
the tree of life
-
xavier dolan
-
emmanuel lubezki
-
estetikasına görə ən yaxşı filmlər
-
ən yaxşı film soundtrackları
-
a hidden life
-
the thin red line
-
adrien brody
-
usher
başlıqdakı ən bəyənilən yazılar:
+6 əjdaha
1. baxmayaraq ki, 40 ildən çoxdur rejissorluq edir, amma cəmi 5 film çəkib. özünəqapalı insandır... müsahibələrdən, festivallardan və sadə dillə desək, insanlardan qaçır. adı tarkovski və kubriklə birgə çəkilir. onun kino dili mürəkkəbdir. fəlsəfəsi dərindir. gec həzm olunur, gec anlaşılır (bəzən heç anlaşılmır da), amma insanların düşüncəsində iz buraxa bilir. bu da təsadüfi deyil. çünki o, öz filmlərinə böyük həssaslıqla yanaşır. rejissorun ilk iki filmi dünya kinematoqrafiyasının qızıl fonduna daxil edilib. “nazik qırmızı xətt” filmi bütün zamanların ən yaxşı müharibə filmləri arasında ən yüksək pillələrin birindədir. “həyat ağacı” filminin layihəsi 70-ci illərin sonunda meydana gəlsə də, rəsmən 2006-cı ildə təsdiq olundu. və 5 il sonra nəhayət ki, film təqdim olundu. həmin ilki kann film festivalında rejissorun bu əsəri ən yüksək mükafata – “qızıl palma budağı”na layiq görüldü. bu filmdə mümkün olan reallıqların hər biri var. böyük partlayışdan tutmuş, cənnət cəhənnəmə qədər. doğuluşdan ölümə qədər. ölüm maliki baxışında bir sonsuzluqdur. onun “həyat ağacı” ölümsüz bir əsərdir. hüqonun “səfillər”i qədər dəyərlidir. onun obrazları, verdiyi tərbiyə, formalaşma cəhdləri, inanclarla doğrular arasında apardığı zərif paralellər sadəcə mükəmməldir. onun filmlərini təhlil edən kinotənqidçilər iki yerə bölünür:
birincilər – roger ebert, riçard korpiss maliki filmlərinə heyranlıqlarını gizlətmir, onun kino anlayışını, dilini yüksək qiymətləndirirlər.
digərləri, yəni ikincilər – cim hoperman, andrey plaxov, conatan rosenbaum isə rejissorun aşırı pafosundan şikayətlənir, onun filmlərinin (xüsusən son 2 film) “discovery” televiziyasının sənədli filmlərindən fərqlənmədiyini düşünürlər.
+5 əjdaha
2. bu rejissor mənə salingeri xatırladır. salinger kimi o da özünə qapalı, müsahibələrdən və kameralardan qaçan biridir. müsahibə verərkən də heç vaxt öz filmlərindən danışmır terry. başqa rejissorlar kimi öz filmləri haqqında açıqlama verməyi sevməz heç vaxt, onun filmləri izah olunacaq, başa düşüləcək filmlərdən deyil, yaşanacaq, hiss olunacaq filmlərdir.
terrence malick-i tarkovsiyə bənzədənlər olur, bu başa düşüləndir. hər ikisinin arasında oxşar cəhətlər çoxdur, təbiət təsvirləri, filmlərinin yavaş tempdə irəliləməsi kimi.
indiyə kimi 4 filmini izləmişəm, onlar haqda bir neçə təəssüratımı paylaşmaq istəyirəm.
badlands - rejissorun ilk və mənim ən çox sevdiyim filmi. filmin ən sarsıtıcı tərəfi təbii mühiti şiddətlə qarşı qarşıya qoyaraq, birinin gözəlliyi qarşısında o birinin necə boş və banal olmasını vizual bir az da emosional şəkildə izləyiciyə çatdırmasıdır.
days of heaven - bu filmdə richard gere brooke adams və sam shephard sevgi üçbucağını daha aydın şəkildə anlatmaq üçün rejissor filmin montajına 2 il sərf etmişdir.
the thin red line - müharibə haqda çəkilən ən insani filmlərdən biri. film həm də müharibə və şiddətin həm insana həm də təbiətə qarşı işlədilən cinayət oduğunu göstərir.
the tree of life - terrence malick bu filmin yaratmaq üçün 30 ilini sərf etmişdir. onun şah əsəri sayıla bilər. film insan, təbiətin , tanrının niyələrini sorğulayır və sadə cavabın olmaması elə də qorxulu olmadığını vurğulayır. musiqiləri, yerin yaranması təsvirləri ilə malick-in ən spiritual filmidir bu.
+3 əjdaha
3. 70 yaşlı amerikan rejissor.
mənim aləmimdə qəribə rejissordu. öz dəsti-xətti var. onda heç kəsin izini tapa bilmirəm. təbiətlə insan arasındakı əlaqələrdən bəhs edir filmlərində. ağır templi, lakin yüksək keyfiyyətli kamera işi olan filmləri var.
filmoqrafiyası:
(baxma: lanton mills) - 1969
(baxma: badlands) - 1973
(baxma: days of heaven) - 1978
(bax: the thin red line) - 1998
(baxma: the new world) - 2005
(bax: the tree of life) - 2011
(bax: to the wonder) - 2012
+1 əjdaha
4. hollywood'un florentino peres'idir bu qardaş. ən az 5 6 yüksək səviyyəli aktyor və aktrisaların adını görüb həvəslənirsən ki filmə baxacam amma yox istisnasız bütün filmlərinə baxarkən yuxulamış olursan.
hamısını göstər
