1. saat 01:47-dir. sənsizliyin ağırlığı altında əzilirəm öz otağımda. hər danışdığım şəxsdə, hər gördüyüm şəkildə sənə aid nəsə axtarıram neçə gündür, bəzən sadəcə adının baş hərfini görürəm deyə sevinirəm, evdən çıxanda səni görmək ümidi məni motivasiya edir və mən hər axşam evə qayıdanda səndən bir az daha uzaqlaşdığımı düşünürəm. getdiyini görürəm. getmə deyə bağırıram, amma sənsizliyin ağırlığı üstün gəlir səsimə. sənsizlik səssizlik gətirir həyatıma.
bütün "necəsən" deyə soruşanlara "onsuz" demək istəyirəm, və hər xoşbəxt cütlüyə "biz sizdən daha çox yaraşırdıq" deyə müraciət etmək gəlir içimdən.
sənin ən gözəl selfie-n mənimlə olardı yəqin ki, sən ən gözəl mənə gülürdün, səsin ən heyrətamiz mənim yanımda olurdu, bilirsən saçların sırf sən mənlə olarkən küləklə rəqs edirdi... bax onlar qıvrım olsa da mən həmişə onları düz kimi sevmişdim, və gözlərinin rəngindən asılı olmayaraq mən bir payız axşamı o yaşıl gözlərin dərinliyində itmişdim.
sənə "gəl" deməyəcəm, bunu da oxumayacağını bilirəm, hal-hazırda sən də öz otağında məni unutmaq üçün çalışırsan, məndən qaçırsan, istəmirsən məni. amma bilirəm, nə vaxtsa yenə bir-birimizi təsadüfən görərkən şəhərdə yanımızda kimin olmasından asılı olmayaraq keçmişi xatırlayıb güləcəyik ikimiz də. və onda ikimizin də gözümüzün qabağından yaşaya bilmədiyimiz onca şey keçəcək. sənin də, mənim də ağlıma "görəsən münasibətimiz davam etsəydi indi dahamı xoşbəxt idik" sualı gələcək, və bu cavabsız sualın altında əzilərkən ruhumuz uzaqlaşacaq bir-birindən bədənlərimiz.
sənsizliyin 15-ci günüdür. bu gün də dünənki kimi idi, sabah da belə olacaq onsuz. bir boşluq olacaq məndə içi sənlə dolu olan. çox sağol deyirəm sənə, yaşadıqlarımıza görə. və yaşaya bilmədiklərimizə görə təbii ki.
2. 2 ildi hər gün evdən çıxarkən,bu gün yüz faiz qarşılaşacıq deməkdir.qarşılaşmalıyıq axı.nətər olur ki,2 il öncə bir-birinin hər şeyi olan 2 insan indi bu qədər uzaq olur bir-birinə?1 saniyə olsa belə ağlından çıxartmamaqdır.xatirələri xatırlamaqdır.daha doğrusu xatırlayamamaqdır.hər dəfə başqa cür xatırlayıram çünki ilk görüşümüzü.sabahda səni görmək ümidi ilə çıxacam evdən və yenə eyni peşmançılıqla qayıdacam evə.əslində. elədə uzaq deyilsən 4 stansiya sonra gəlib görə bilərəm səni.amma gələ bilmirəm.bacarmıram.çox güclü birisən deyirdin o qədər də güclü deyilmişəm..sənsizliyin 3cü ilində mesaj yazacam sənə necəsən deyə.nömrəvi dəyişməməyivi diləyirəm.bunuda paylaşıb yatıram.yuxuma gələrsən tamammı?
aylar sonra gələn edit: 2 ildən də çox vaxt keçdi ama pox boyda bakıda bircə dəfə belə olsun qarşılaşa bilmədik.o qədər vaxt ərzində səni unudacağımı sanmışdım ama elə olmadı.yəni bu qədər vaxt ərzində heç görüşmədən, danışmadan səni sevməyim sabri reisin 50 metrdən qol vurması qədər fantastik idi.hər gün yatmamışdan qabaq qurduğum xəyallarda baş rolda iştirak etdiyivə görə təşəkkür edirəm sənə.yaxşı ki tanımışam səni.1 gün qarşılaşmaq ümidi ilə.hələlik....
edit2: qarsilasdiq. cox gozel idi. tam olaraq qarsilasmadiq, qarsisina cixdim. ama yene de cox gozel idi. 2-3 deqiqelik sohbet eledik amma cox xosbext oldum. cox sevirem.
3. bağlanmanın butterfly effect'idir.yəni insan sistemində hər cür bilinməyən dəyişiklik əmələ gətirə biləcək gücə sahib bağlanma şəklidir.insanına görə dəyişkəndir.sənsizliyi ifadə etmə şəkli hərkəs üçün başqadır.ali khayyam'a aid olan bu parça da sənsizliyin bilinməyən tərəflərinə rast gələ bilərik:
sənsizliyin bir ucu intihardır
sənsizliyin rəngi gecədir
sənsizliyin o biri adı kədərdir
sənsizliyin dadı acıdır
sənsizliyin mahnısı hıçqırıqdır
sənsizliyin yuxusu ölümdür
sənsizliyin tanrısı küfrdür
sənsizliyin dostu qələmdir
sənsizliyin şeirləri yarımçıqdır
sənsizliyin kitabları zafondur
sənsizliyin yeməyi aclıqdır
sənsizliyin havası payızdır
sənsizliyin şəhəri bakıdır
sənsizliyin duası söyüşdür
sənsizliyin suyu çaxırdır
sənsizliyin nəfəsləri siqaretdir
sənsizliyin düşməni sevgililərdir
sənzizliyin söyüşü adındır
sənsizliyin saatı 9-dur
sənsizliyin adresi otağımdır
sənsizlik çox pis şeydi.
5. tam olaraq kim olduğunu, necə olduğunu, keçmişdən hansı sevgilimi xatırlatdığınçün "filan, filan şeyləri sənlə təkrarlamayacam" deyə düşündürdüyünü, hansı janr film sevdiyini, mən eleni karaindrou dinləyərkən "beethovenlə aran necədi?" kimi bir dəxlisiz sual vermə intellektinə sahib olub-olmadığını bilmirəm, amma sənsizlikdən əziyyət çəkirəm hazırda. kim olduğunun çox da fərqi yoxdu. sadəcə gəl artıq. gəl ki, sənin də bir qəpiklik olmadığını görüb, bu ümidi də bir tərəfə qatlayım.
)