11 tuş

odysseyus · 2012-08-14

qaydalarını unutduğum efsane oyun. top ayağa bir defe deymelidi yerde iken. ama havada istediyiniz qeder deyer. iki defe deyen qapıya keçir ..

| sosial
28,329 | 37 | 91

əjdahalar googlla
90-cı illərdə uşaq olmaq - uşaqlığı xatırladan şeylər - 5 milyard illik kainatda əliyevlər hakimiyyətinə tuş gəlmək - sözaltı sözlük - yazarların kompleksləri - seymur baycan - vətənpərvərlik - sırğa taxan oğlan - sözaltı günlük

« / 3 »

💛

Yalnız deyilsən!

Bu duyğuların müvəqqəti olduğunu və kömək mövcud olduğunu bilmək vacibdir. Dostlarınıza, ailənizə, profesionallara müraciət etməyiniz vacibdir. Sizi dinləmək və lazım olan dəstəyi təmin etmək istəyən insanlar var.

Sözlük yazarları olaraq səni hər zaman dinləyə bilərik.

Əgər yalnız hiss edirsənsə, qaynar xəttə zəng et:

☎ 860

21. (bax: zamanla geridə qaldığı üçün darıxılan şeylər)

0 əjdaha!

16.11.2021 22:29, adsızinsan

#340015

22. Şam yeməyindən öncə içilən sup kimi bir şey idi bu oyun. Böyük və qan tər içində qalacağımız futboldan əvvəl "razminka" idi. Qaydaları falan filan digər yazarlar yazıblar. Bizdə də fərqlənmirdi qaydalar. Məhləyə gün yavaş-yavaş batandan sonra yığışmağa başlayırdıq. Az uşaq olduğu üçün bu oyunu oynamaq daha uyğun gəlirdi. Çox vaxt da yarıda qoyurduq oyunu. Adamlar yığışandan sonra keçirdik futbola. 11 tuş oynadığımız divara nar şəpləmişdik bir dənə. Onun sayəsində topun çölə çıxıb çıxmadığını müəyyən edirdik. Məncə O vaxt bu tipli oyunlar əsl sosiallaşmaq üçün şeylər idi. Oyununu oynaya bir zarafat partladırdın, ya da söhbət falan edirdiniz. Çox maraqlı olurdu. Qarşıdakı yoldaşın sənə pas atır sən də qol vurursan. Ona baş barmağınla ifadə göstərirsən. Bu o demək olur ki, " brat, çox zor pas idi, öpürəm". Ama dava dalaşlar da az olmurdu. Məhəllənin klassik cığalçı tipləri olur. Hər məhlədə var bunlardan. Əksər hallarda da top onların olur. Topa sahib olduqları üçün dərəbəylik salırlar. Oynamağa başqa top yoxdursa yola verəcəksən onu, varsa pramoy sikdir edib bir də məhləyə çağırmayacaqsan. Zarafatsız ömrümün ən əyləncəli zamanları 11 tuı ilə keçib. indiki uşaqların belə oyunlara yadlaşdığını görəndə istəyirsən, dayday tipinlə yenə sən atdanasan o meydanlara.

9 əjdaha!

24.07.2022 14:50, qaçaraddımdanenənanənan

#354932

23. Qanunu məhlədən məhləyə ciddi şəkildə dəyişir. Məsələn bizim məhlədə kəllə 6 xal idi, amma qonşu məhlədə 3 xal sayılırdı. Bizim məhlədə qaydaları pozmadan istədiyin qədər qol vura bilərdin, məsələn qol vurdun, top gəldi başqası ayağını toxundurdu (pramoy deyə bir şey olmasın deyə), sən də qol vura bilərdin. Amma qonşu məhlədə iki arda arda qol vurmaq səni qapıya salırdı. Ya da ki məsələn bizdə ayaq yerdə bir dəfə dəyə bilərdi, amma havada istədiyin qədər çiləyə bilərdin. Qonşu məhəllədə isə bu yox idi, havada da bir dəfədən artıq dəyməməli idin. Bizim məhəllənin 11 duş filosoflarına görə top qapıdan və dirəkdən qayıdarsa ayaq vurmaq olmazdı, amma o biri məhəllənin 11 duş alimlərinin fətvasına görə qapıdan gələn topa ayaq vurmaq olardı, amma dirəkdən gələn topa vursaydın qapıya girərdin. Başqa rayonlarda isə qaydalar o qədər dəyişmişdir ki, 11 duşdan ayrılaraq ayrı bir oyuna çevrilmişdilər. Ümumiyyətlə 11 duş sözünün tələffüzü də məhlədən məhləyə dəyişirdi. Bəzi məhlələr tuş deyə tələffüz edərkən, bəziləri duş deyirdi, hətta gədəbəydə qaldığımız məhlədəki uşaqlar buş deyirdi. Bu oyunun qaydaları əsasən bir qədər böyük uşaqlardan balacalara keçirdi. Bu zaman isə qaydalarda top sahibləri, güclülər və cığallar tərəfindən təhriflərə yol verilirdi. Bu isə qaydaların getdikcə dəyişməsinə yol açırdı. 11 duşun fəlsəfi tərəfi isə bu oyunun insanı daha böyük oyuna -futbola hazırlaşdırması idi. Bu oyunun üstün cəhəti (gizlənpaç, qazon və ya hündürəçıxdıdan) sabit bir yerdə oynanılması və enerjini tam itirməyərək futbola saxlamağıdır. Oyundakı uşaqlardan çıxan səslər məhləyə yayılır və bütün uşaqlar üçün çölə çıxıb onlara qoşulmağa mesaj olur.Bu oyun sayəsində uşaqlar gələnə qədər vaxt itirmək olardı. Hər məhlənin 11 duşu və onun fəlsəfəsi digərləri ilə fərqlənsə də mahiyyət cəhətdən 3 eyni şeydən ibarətdir: top yerdə ayağa 2 dəfə dəysə, ələ dəysə və dirəkdən də kənara-çıxdıya vurulsa bu işi yerinə yetirən oyunçu qapıya girirdi. Bu 3 komponent 11 duş elminin özəyinin ayrılmaz tərkib hissəsidir və heç bir halda dəyişməz, dəyişilsə oyun artıq 11 duş olmaqdan çıxar və müstəqil oyun olardı. Qalan qaydalar isə mövcud şəraitə, oyunçuların razılığına, təhrifə, 11 duş alimlərinin fətvasına, top sahibinin xarakterinə və başqa faktorlara əsaslanaraq dəyişir, bu faktorlarda hər məhlədə fərqli olduğu üçün fərqli 11 duş cərəyanları yaranırdı.

9 əjdaha!

24.07.2022 17:18, Hydra1917

#354945

24. red bull'un bu yaxınlarda keçirtdiyi çempionat.qısa müddətlikdə olsa uşaqlıq xatirələrimə geri qayıtdım.bəs niyə qısa çəkdi? qadasını aldığım neftçidə futbolçudu 40 dərəcə istidə pulsuz red bul içməyin dərdindən durub gəlib,gavura vurar kimi udar qoyur qapıya.nolub ala al bütün red bullar sənin olsun.yaxşı ki, ünsiyyətcil tərəfim var yeni adamlar tanıdım yoxsa bütün günüm boşuna getmiş olacaqdı.

2 əjdaha!

25.07.2022 01:05, firmino22

#354976

xəbər lentindən

Azərbaycan neftinin qiyməti 126 dolları ötüb

OpenAI IPO ərəfəsində hədəflədiyi 30 milyard dolları cəlb edə bilməyib hamısı →

25. sonuncu dəfə oynadıq, sonuncu olduğunu bilmədən.

1 əjdaha!

25.02.2023 16:25, sözaltı yazarı

#367960

26. 2 dəfə kəllə ilə çilədikdən sonra 1 dəfə də ayağınla qapıya zərbə edib qol atsan, 11 tuş sayılırdı. kəllə ilə atılan 1 qol 5 xal idi. top dirəyə dəyirdisə, dirəyə atan adam qapıya keçməli idi. bizim üçün qapı dirəyi qarajları bir-birindən ayıran kərpiclər idi. qapı da məlum olduğu kimi qarajların qapısı idi.

1 əjdaha!

25.02.2023 16:53, sözaltı yazarı

#367964

27. 100 tuş da var idi deyəsən bunun bənzəri. Ən çox cığallıq kəllə ilə ayaq arası (futbol jarqonu ilə dırka) topda olurdu. Bəziləri deyirdi, kəllə 3 xaldı, bəziləri isə dırka. Bir də görürdün iki nəfər birşəlib sənə qarşı oynayırdılar. (baxma: həyatın cındır olduğu anlar). Hamı bir dəfə vura bilər deyə, sənin çıxan topuna o birisi yaxınlaşmırdı. Qalırdın, yana-yana. Qapıya da keçib olurdun buffon. Uda bilmirdilər səni (baxma: biz bir gecədə qapçı olmadıq)

1 əjdaha!

25.02.2023 19:26, 3-cü dalan ev17

#367970

28. Qaraj qapıları oynamaq üçün ən ideal yer sayılırdı. Düzü heçvaxt sevdiyim bir oyun olmayıb futbolla aram olmadığı üçün.

0 əjdaha!

25.02.2023 20:44, zazoza

#367978

▶ laboratoriyadan

Hekayələr

saxlanılmış hekayələr — aşağı sürüşdür

29. dalğa beach-də işləyəndə, üzməkdən bezib uşaqlarla plajda oynadığımız oyun. az, akrobatik qol vuracam deyə qolumu-qıçımı əzməmişəm.

1 əjdaha!