əjdaha lazımdı
izlə
dostlar
mən
googlla
sözaltı günlük
-
erkin qədirlinin sözləri
-
sözaltı etiraf
-
öyrənildiyində təəccübləndirən məlumatlar
-
məhəmməd əmin rəsulzadə ensiklopediyası
-
lsd
-
zamanla dəyişmək
-
sözaltı sözlük
-
quldarlıq quruluşu
-
h.o.s.t. alliance
başlıqdakı ən bəyənilən yazılar:
+23 əjdaha
1. Zeyqarnik effekti insanların yarımçıq və nataman qalmış tapşırıqları tamamlanmış tapşırıqlardan daha yaxşı xatırlaması ilə xarakterizə olunan effekt.
Psixoloq və tədqiqatçılar curt Levine ve Bluma Zeigarnik qəlyanaltı etmək üçün işlədikləri Berlin Universitetinin yaxılığındakı izdihamlı bir kafeyə daxil olurlar. Psixoloqlar verdikləri sifarişə ofisiantın heç bir qeyd aparmadan onlarla sifariş arasında dəqiqliklə yerinə yetirdiyini diqqətlə müşahidə edirlər. Levin və Zeyqarnik ofisiantın hansısa sifarişi unuda biləcəyindən çəkinmədiyi haqda maraqlanırlar, cavabında isə ofisiant heç bir sifarişi səhv salmadığını bildirir. Onlar buna inanmırlar və qonşu stolların nə sifariş etdikləri barədə onu sorğu-sual etməyə başlayırlar. Və bu zaman ofisiant doğurdan da hər stolun nə sifariş verdiyi xırdalığına kimi xatırlayırdı, ancaq hesabı ödənməmiş stolların. Lakin 1 dəqiqə əvvəl hesabı ödəyərək kafeni tərk edən müştərilərin nə sifariş etdiklərini o xatırlamırdı.
Bu hadisədən sonra Zeyqarnik tamam və natamam hadisə və fəaliyyətlərin onun yaddaşına müxtəlif cür təsir etdiyini təxmin edir. Psixoloq sınaq silsiləsi həyata keçirir və 1927-ci ildə işini yayımlayır. Məlum olur ki, insanın bu və ya digər fəaliyyəti zamanı onda müəyyən emosional gərginlik meydana gəlir. Fəaliyyət sona çatmırsa, məsələn, yarımçıq kəsilirsə, gərginlik müvafiq olaraq itmir və nəticədə yerinə yetirilməyən fəaliyyət uzun müddət yaddaşda qalır. Zeyqarnik müəyyən edib ki, insan natamam fəaliyyəti tamam fəaliyyətə nisbətdə 1,8 dəfə daha yaxşı yadda saxlayır.
+11 əjdaha
2. mqu-nun qızıl daşlarınnan, psixopatalogiyanın anası, rus psixoloq bluma vulfovna zeygarnikin kəşf etdiyi və bu qədər məşhur olmağında adını aldığı havalı familyanın da təsiri olduğunu düşündüyüm psixoloji fenomen. tələbəlik illərində blumoçka məşhur alman psixoloq kurt levinlə birgə berlində balaca bir kafedə oturanda birdəncə ideya gəlir və ofisiantı səsləyirlər. onnan pəncərə kənarında oturan cütlüyün nə sifariş verdiyini soruşanda ofisiant dəqiqliklə saya bilir sifarişləri.lakin artıq çıxışa yönələn və ya kafedən yenicə ayrılmış müştərilərin sifarişlərini sadalamağı xahiş etdikdə ofisiant ya ümumiyyətlə xatirlamir, ya da çox çətinliklə xatırlayır. yəni ki, sona yetmiş action* lar artıq bizim üçün əhəmiyyət kəsb etmir və beynimiz onu yaddaşda saxlamaq ehtiyacı duymur. eksperimental olaraq da təsdiqləmək üçün, bir qrup insana həll etmək üçün riyazi məsələlər verilir. həll etmə zamanı qəsdən kağız tədqiq olunan şəxsin əlindən alınır və yeni məsələ olan kağız təqdim olunur yeni məsələrlə həll etmək üçün. eksperimentdən bir müddət sonra tədqiq olunan şəxslərdən məsələləri yada salmaqlarını istədikdə demək olar ki , hamısı yarıda qalan məsələlərin intruksiyasını xatırlayırlar, illər ərzində bu eksperiment fərqli formalarda, analogiyalarda, stimulasiya materiallarıyla başqa insanlar tərəfindən də yoxlanılır və eyni nəticə əldə olunur.
doğrusu zeyqarnik effekti olacaq
+8 əjdaha
3. hәll olunmayan bir problemin, işin hәll olunana nisbәtәn daha çox yadda qalmasıdır. fikir versәz hәmişә belә hallar hәyatımızda olur. alındıra bilmәdiyimiz bir şey daha çox yaddaşımıza hәkk olur, nәinki bacardığımız, hәll etdiyimiz bir mәsәlә. adını onu ilk dәfә tәdqiq edәn alimin adından götürüb.
+7 əjdaha
4. şəxslərin tamamlanmamış vəya yarım qalmış şeyləri tamamlananlara görə daha asan xatırladıqlarını ifadə edən psixoloji termin. ilk dəfə sovet psixoloqu bluma zeyqarnik tərəfindən elmə daxil edilmişdir.
+2 əjdaha
5. çoxlarının ilk sevgi "yara"sının altında yatan səbəb.
yəni, məsələ neçənci sevgi olmasında deyil, həmin sevginin yarımçıq qalmasıdır. yara açıq qalıb və o bağlanmayana qədər hər yadına düşəndə incidəcək. bəzən elə olur başqa biri ilə münasibətdə olduğumuz zaman məlum şey yenə yadımıza düşür, üzülürük və buna görə partnyorumuza haqsızlıq etdiyimizi, hətta və hətta ona qarşı olan hisslərimizin real olmadığını, özümüzü aldatdığımızı düşünürük. halbuki heç də belə deyil. sadəcə keçmişdə qapanmamış, tamamlanmamış, yaşanmasını istədiyimiz, planlarını qurduğumuz hadisələr və bu kimi şeylər qalıb və həmişə mənfiyə köklənən beynimiz, bu dəfə yenə həmin natamamlara kökləyir özünü.
problemin həll yolu isə ya birbaşa gedib həmin adamla danışmaqdan, ya da psixoloqa gedib seans götürməkdən keçir. bildiyim qədəri ilə xüsusi metodlar var bunu dəf etmək üçün.
+2 əjdaha
6. #356720 bu etrymin əsl səbəbi
özüm də yenicə öyrənmişəm. indi isə sıra arada gələn fikirləri bir daha geri dönməmək şərti ilə yox etməkdədir
hamısını göstər
