10 milyonuncu vətəndaşın doğulması ilə bağlı konsertlərin keçirilməsi

+14 əjdaha

1. biri var imiş, biri yox imiş, bir gün dərəbəyliyin baş alıb getdiyi azərbaycan adlı yabılar ölkəsində böyük şirkətlərin işləyən beyinləri bir yerə yığılıbmış. yenicə xəbər tutduqları 10 milyonuncu vətəndaş xəbərindən xoşbəxtlikdən göydə uçurmuşlar. birdən bu şirkətlərin ağlına gözəl bir fikir düşübmüş: bu xəbəri virala çevirib qara camaatın patriot və beyinsiz təbəqəsini oyalamaq. bu cibləri və evləri böyük insanlar xalqı öz arxaları ilə çəkə bilmişdilər, amma əsas məsələ 13 yaşlı qızın eyni vaxtda intihar etmiş olmasıymış.
bunu görən digər təbəqədəki insanlar buna qarşı passiv etiraza başlayıblarmış. amma bu, heç bir nəticə vermirmiş.
sonda məktəb direktoru qızın yıxıldığını bəyan edib, insanlar da 10 milyonuncu adamı da, 9 milyondan birini də unudub eyni cürə robotvari yaşayışlarına davam edibmişlər. göydən 3 alma düşdü, hamısı da özümündü.
tərif: xalqın yarısını sevindirib, yarısını təəccübləndirən hadisə.
edit: başlıq üstümə qaldı

+4 əjdaha

2. bu hadisələr mənə pamukun qara kitabındakı "hepimiz onu bekliyoruz" cümləsini xatırlatdı. sanki ölkəni xilas edəcək biri gəldi. sanki bundan sonra ehtiyac üçün oğurluq edənlər ehtiyaclarını ödəyə biləcəklər. heç kim yaşamaq üçün bədənini satmağa məcbur qalmaycaq. sanki ölkəni filosoflar idarə edəcəklər. sanki bütün uşaqlar xoşbəxt olacaqlar. sanki güclü zəif olmayacaq. bərabər insanların yaşadığı utopik ölkəmiz olacaq. sanki heçkim qəhrəman olmayacaq qəhrəmanlara ehtiyacaq qalmayacaq bir də. bir uşağın dünyaya gəlməsi möhtəşəm birşeydir başa düşdük amma bunu bu təntənə ilə qeyd etmək 9653146-cı vətəndəşa haqsızlıq deyilmi ?