+13 əjdaha
1. yalnız bizim millətin nümayəndələrinin körpə oğlan uşağına verə biləcəyi əmrdir. insanımızın daxilində yatan çox iyrənc bir xüsusiyyətin üzə çıxardılacaq ən saf nəticəsidir. bizlərdə hamı övladının* xüsusilə oğlanların çox bilmiş olmasını istiyir. yəni övladının qardaşına söyməsinə sevinən ata, eyni zamanda onun başqa uşaqlara kələk gəlməsinə, pul və başqa şeylər fırlatmasına fərasət kimi baxır və onunla ilə fəxr eliyir. uşağın yanında rola girib ona ata-anasına yalan danışmamasını tövsiyə eliyənlər, nəsə uşağın başqalarına qarşı bu münasibəti göstərməsinə yaxşı baxmır. məsələn normal vaxtlarında igidlikdən, cəsarətdən dəm vuran atam, qardaşı oğlu əsgər gedəndə ona "ancaq özünü qoru, güllə sən-mən tanımır!" demişdi. * o vaxt müharibə təhlükəsi var idi nəyə görəsə bizdə bu barədə çox ciddi problemlər var. "itdi-qurddu özümüzünküdü" düşüncəsi hökm sürür. obyektiv ola bilmirik. valideynlər öz uşağına elədiyi hər poxda dəstək olur, ona haqq verir, tərəfini tuturlar. bir məktəbin bütün ərgənləri mənasız bir şey üstündə digər məktəbi düşmən gözü ilə görə bilir. haqqsız da olsalar "söhbəti" davam elətdirmək məcburiyyəti görürlər. və ya bir millət olaraq hamımız ermənilərin nəfəs almadıqlarına, körpə uşaq qanı içərək yaşadıqlarına inanırıq. onların elədiyi vəhşilik olur, amma bizim əsgərlər eyni şeyi eləsə eyni reaksiyanı verən olmur.bütün bunlara genotipimizi səbəb kimi göstərmək də olar. türklərin asanlıqla tırkaya getməsi buna sübutdur. düşmən ərazisinin yağmalanmasına islamı yaymaq kimi bir mübarək məqsədi olduğu üçün xoş baxılıb. amma bizə qarşı olan hücumlarda məsumiyyət damarımız tutub. nəisə bu entry`ni yazmağıma səbəb olan tamam başqa şeydi. aksiyada millətə güllə atan, yaşlı qadının üstünə "sakit dur sakit" qışqıran cavan oğlanlardı motivasiyam. fikirləşirəm ki, indi onun ailəsi atası anası ona dəstək verir. deyirlər ki, bir tikə çörək pulu qazanırsan bala, düz eliyirsən. onun elədiyi yaxınları arasında fərasət kimi qarşılanır və "camaat ailəsini dolandırmağın yolunu tapır da" kimi şərhlər edilir. bilmirəm bəlkə də səhvim var, bəlkə də lazım olandan çox sadə düşünürəm, yaşım çox azdı, amma mən bütün bunların kökünü "əmini söy" düşüncəsində görürəm. * yuxum tökülür gözlərim şişib, yazıda səhvlər olsa üzrlü hesab eliyin