əjdaha lazımdı
izlə
dostlar
mən
googlla
sözaltı günlük
-
keçən ayın ən bəyənilənləri
-
məhəmməd əmin rəsulzadə ensiklopediyası
-
zəhlə tökən səslər
-
sözaltı sözlük
-
sözaltı etiraf
-
sözaltı sözlük üçün tövsiyələr
-
elnur hüseynov
-
recep tayyip erdoğan
-
türkiyə
başlıqdakı ən bəyənilən yazılar:
+16 əjdaha
1. Türkiyənin Orta Doğu Texnik Universitetinin (ODTÜ) tələbəsi Məhərrəm Əkbərovun Xırdalanda, yaşadığı evin yaxınlığından aparıldığı bildirilir. Bu barədə onun dostları və yaxınları sosial şəbəkələrdə məlumatlar paylaşır.
D18 Hərəkatının sədri Əhməd Məmmədli məlumatı Meydan TV-yə təsdiqləyib, hazırda Məhərrəm Əkbərovun yaxınları, eləcə də üzv olduğu partiya ilə əlaqə saxladığını deyib.
Məhərrəm Əkbərov Türkiyədəki Sosialist Əməkçilər Partiyasının tərkibindəki “inqilabın Səsi” platformasının üzvüdür.
Fəalın Bakı Şəhər Baş Polis idarəsinin mülki əməliyyatçıları tərəfindən aparıldığı bildirilir, lakin ailəsinə heç bir məlumat verilmir. Onun hansı səbəbdən saxlanıldığı haqda məlumat yoxdur. Dostları onun saxlanılmasının siyasi olduğunu deyir, dərhal azad olunmasını tələb edirlər.
Sosial Əməkçilər Partiyasının “Twitter” hesabında da bu barədə məlumat paylaşılıb .
“Yoldaşımız Məhərrəm Əkbərov bir müddət Azərbaycan polisi tərəfindən təqib olunduqdan sonra evinin yaxınlığından qaçırılıb. Ailəsinin gərgin səyləri qarşısında onun Bakı şəhər Baş Polis idarəsinə aparıldığı öyrənilib. Xalqı soyan Əliyev oliqarxiyası ancaq kobud güclə sağ qalmağa çalışır.
Bu təzyiqlər Azəri yoldaşları və “inqilabin Səsi”ni dayandıra bilməyəcək! Məhərrəm yoldaş azad olunana qədər prosesi izləyəcəyik. Məhərrəm yoldaş dərhal azadlığa buraxılsın!”, – paylaşımda deyilir.
Daxili işlər Nazirliyinin Mətbuat Xidmətinin əməkdaşı ibrahim Əmraslanlı Meydan TV-yə Məhərrəm Əkbərovun saxlanıldığını təsdiqləyib. Bildirib ki, hazırda araşdırma aparılır.
Via: Meydan tv
+14 əjdaha
2. 18-19 yaşlı uşaqlardan belə evinin yanında oğurlatdıracaq qədər qorxan polisin, ya da hər nəyinsə, nəticəsi hadisə.
Məni ən çox narahat edən, komentlərə yazılan "yaxşı ediblər, zor haha, güldüm babat" yazan beyin yoxsunu gijdıllaxlardı. Sabah həmin tikan gəlib bunların götünə batanda məhərrəm kimilər ortaya çıxıb bunlar üçün etiraz edəcək ki, var ha. Ədalətini sikim dünya
+14 əjdaha
3. haqqında olan meydan tv xəbəri, şərhlər dəhşətdir, dəstək olaq:
https://www.instagram.com/p/Cuwir8AoQ1_/
+8 əjdaha
4. Bizə siyasiləşmək və təşkilatlanmağın irtica mühitdə necə həyati olduğunu təkrar göstərən hadisə. Məhərrəm təkcə diktatura sisteminin deyil, həm də bu hegemoniyaya qarşı heç bir müqavimət aktı yaratmamış məsuliyyətsiz cəmiyyətin zərərçəkənidir. inqilabın səsi Məhərrəmin də dəstəyi vasitəsilə Söyüdlünün səsi olmağa cəhd edir. Məhz məhərrəm Əkbərovun mübarizəsini həbslə kölgələməmək üçün söyüdlünün səsi olaraq Məhərrəmin üzərinə götürdüyü ictimai yükü həmrəy şəkildə sahiblənməli, patriarx dövlətin hər bir təzyiqinə etiraz edərək imtiyazların təzədən ədalətli şəkildə paylanılmasını tələb etməliyik. Bu həm də bizim borcumuzdur.
+7 əjdaha
5. Məhərrəm Əkbərov həbs olunandan sonra onun barəsində araşdırma aparılıb və ailəsi ilə təhdid olunub:
"Məhərrəmi Türkiyədəki fəaliyyətinə görə atası ilə təhdid ediblər. Sorğu-sual ediblər ki, "sənin oradakı solçularla nə əlaqən var?". Atası da iki il əvvəl şərlənərək həbs olunub, hazırda həbsdədir. Anası isə Azərbaycanda bankların birində işləyir. Anasını da işdən çıxarmaqla hədələyiblər".
"Deyiblər ki, "əgər fəaliyyətinə davam eləsən, atan barəsində daha bir maddə ilə iş açarıq". Atasının həbsini ona qarşı istifadə edirlər", deyə o, bildirib.
mənbə: https://www.amerikaninsesi.org/a/7211296.html
hamısını göstər
