+3 əjdaha
1. drum setləri üçün başda zil (cymbal) olmaqla müxtəlif parçalar istehsal edən şirkət.https://i.imgur.com/xPceElx.jpg
şirkətin əsası 1623-cü ildə istanbulda avedis zildjian tərəfindən qoyulub. Avedisə, istehsalatın aparıldığı fabrik də atasından miras qalmışdı. burada müxtəlif zillər, dərvişlər üçün musiqi alətləri və kilsələr üçün zənglər istehsal edilirdi.
sultan ii osman, avedisi işindəki uğurları ilə əlaqədar təbrik edib, mükafatlandırır və ona “zildjian” adını verir. buradakı “zildji”, avedisin peşəsini bildirir, -yan da erməni dilindəki soyad şəkilçisidir.
1868-ci ildə zildjian ailəsi böyük bir yanğınla üzləşir. yanğın səbəbindən borclarını ödəməkdə və istehsalata davam etməkdə çətinlik çəkirlər və kömək üçün sultan əbdüləzizə müraciət edirlər. sultan, zildjian ailəsinin işindəki məharətinə bələd olduğu üçün ailənin borclarının ödənilməsinə və istehsalata davam etmələri üçün şərait yaradılmasına dair əmr verir.
ii avedisin oğlu aram, 1905-ci ildə ii əbdülhəmidə qarşı sui-qəsd cəhdində iştirak etdiyi üçün buxarestə sürgün edilir. Burada zildjiaram adlı bir fabrik açaraq zil işinə davam edir. sonralar türkiyəyə geri qayıdır.
1927-ci ildə aram, amerikada yaşayan qohumu iii avedisə bir məktub yazır. məktubda, ailənin yeganə kişi varisi olduğu üçün iii avedisin türkiyəyə gəlib, işlərin başına keçməli olduğunu bildirir. iii avedis isə istanbula qayıtmağı düşünmədiyini, ancaq amerikadan bu işə dəstək verə biləcəyini bildirir.
1929-cu ildə aram da amerikaya köçür və bundan sonra iii avedis avedis zildjian adlı bir şirkət qurur.
1978-ci ildə şirkətin istanbuldakı işlərinə rəhbərlik edən mikhail zildjian-ın ölümündən sonra şirkətin türkiyədəki fəaliyyəti də başa çatır.
daha sonra iii avedis, böyük oğlu armandı şirkətin rəhbəri təyin edir. Buna qəzəblənən kiçik qardaş robert, kanadaya köçür və burada özünün sabian adlı zil şirkətini qurur.
“Zildjian” şirkəti, 1999-cu ildən bəri armandın qızları tərəfindən idarə edilməkdədir.