Sözaltı Sözlük - Azərbaycandilli Fikir Ensiklopediyası

5. millətin anlamadığı bir şey var. deyirlər ki gedib heykələ yazmazdılar, tutulmazdılar. ya nə bilim mitinq təşkil eləməzdilər, tutulmazdılar. özləri istəyib istəməsə olmazdı.

yaxşı orası elədi. tamam. burda məsələ o deyil zatən. biri istəsə gedib heykəlin başına işəyə də bilər.

məsələ dövlətin səni nə adla həps etməsidir. evindən eroin çıxır. dövlətin özbaşınalığı burda ortaya çıxır. yəni adam səni vandalizm adıyla həps edə bilər deyə ki ən pis ehtimal. deyərki heykəli yazmısan, ona görə tutmuşuq. bu da gülünc səslənir ama ən azından gedib bilərək kiminsə evinə eroin qoymaqdan daha az gülüncdür.

əfv məktubu yazıb çıxmaq da məncə şərəfsizlik falan deyil, əksinə dövlətlə qoz qoz oynamaqdır.

6. istənilən işdə mədəni, əxlaqlı, dürüst davranışın tərəfdarıyam. xüsusilə siyasətdə bu dəyərlərə əməl etməyənlərin gələcəyinə inanmıram. gənc fəallar bayram məmmədov və qiyas ibrahimovun hərəkətlərini təqdir etməsəm də qınaya da bilmirəm. birincisi, hələ emin milli və adnan hacızadə həbs olunan gün “azadlıq radiosuna” verdiyim mübahisədə bildirmişdim ki, istənilən hakimiyyət gənclərə qarşı dözümlü olmalı, qisasçılıq etməməli, onların səhvini bağışlamağı bacarmalıdır. çünki gəncliyin çılğın olmaq, səhv etmək haqqı var. onlara qarşı amansız davranan hakimiyyət onları aqressiv edəcək və bu mübarizədə hökmən uduzacaq. özü də uduzan tək hakimiyyət yox, həm gənclik, həm də bütövlükdə cəmiyyət olacaq.

nə üçün bayram məmmədovu, qiyas ibrahimovu qınaya bilmirəm? bu, hansısa siyasi baxış və ya digər maraqla bağlı deyil. sadəcə, hakimiyyət təmsilçiləri kimi ədalətsiz olmaq istəmirəm. bu məsələyə uzun müddət fikir bildirməməyim də onunla bağlıdır. necə olur ki, azərbaycan demokratik respublikasının banilərindən olmuş məhəmməd əmin rəsulzadənin heykəlinin başına torba keçirənlər, mən içi qarışıq minlərlə insanın aylarla az qala çığırmasına baxmayaraq nə göstəriş verən gəncə icra hakimiyyətinin başçısı elmar vəliyev, nə həmin torbanı keçirənlər heç bir məsuliyyət daşıdılar, ancaq rəhmətlik heydər əliyevin heykəlinin daşına yazı yazanların evlərindən kilolarla ən ağır narkotik maddə çıxdı, özləri isə qeyri-insani rəftara, işgəncələrə məruz qaldılar?

hələ ki, gec deyil hamını ədalətli olmağa çağırıram. bilin ki, bu davranış, bu ədalətsizlik gəncləri daha da aqressivləşdirib ağır nəticələrə aparacaq. sonrakı peşmançılıq isə nəticə verməyəcək. aslan ismayilov

12 may 2016 nidaçıların həbsi