witness for the prosecution nədir

+6 əjdaha

2. Eyni adda 1957 və 1982-ci il istehsalı fərqli filmlər mövcuddur. 1982- ci ildə çəkilənə baxmamışam, amma hər halda 1957-ci il versiyası daha yaxşıdır.
Yuxarıdakı entry-də də yazıldığı kimi aktyorların oyunu möhtəşəmdir. Ağ-qara filmləri, detektiv janrı sevməyənlərin belə sıxılmadan izləyə biləcəyi axıcı və çox maraqlı bir filmdir.
Film haqqında uzun-uzadı yazmaq istəyərdim. Amma sonunda deyilən bu cümləyə görə sadəcə izləməyənizi tövsiyə edə bilərəm:
"The management of this theater suggests that, for the greater entertainment of your friends who have not yet seen the picture, you will not divulge to anyone the secret of the ending of witness for the prosecution"

+2 əjdaha

1. 6 oskarlı rejissor və ssenarist billy wilderdən 1952 - ci il istehsalı mükəmməl bir film. dünya kino tarixinin ən gözəl ssenarilərindən birinə sahib olan film. təbii ki, bunda filmin ana mövzusunun ingiltərəli qadın yazıçı, detektiv ədəbiyyatının "kraliça"sı sayılan agatha cristienin bir hekayəsindən götürülmüş olması xüsusi rol oynayır. filmdə baş rolları ifa edən charles laughton və marlene dietrichə heyran olmamaq mümkün deyil. marlen dietrichin izlədiyim ilk filmiydi və haqqında deyilən bütün müsbət rəylərə əlavə olaraq deyə bilərəm ki, rolunu belə mükəmməl oynamağı məni o qədər təsirləndirdi ki, imkan olduqca bütün digər filmlərinə baxacağam.

filmin qısa məzmunundan danışmalı olsaq, tyrone powerin oynadığı leonard vole obrazı varlı və dul olan bir qadını öldürməkdə günahlandırılır. vəkil wilfrid robarts isə ürək xəstəliyi keçirib və gərgin şəraitdə işləməməlidir. leonard volenin bu işdə günahlandırılığını və hadisənin detallarını öyrəndikdən sonra bu işi qəbul etməyi və məhkəmədə leonard voleni müdafiə etməyi qərara alır. hər şey plan üzrə getdiyi bir məqamda məhkəmədə leonardın əleyhinə ifadə verən bir şahid peyda olur - elə leonardın arvadı. onun ifadələri əsasında leonard və dolayısı ilə müdafiə tərəfi çətin vəziyyətə düşür. amma bundan sonra hadisələr heç kimin təsəvvür edə bilməyəcəyi bir formada inkişaf edir.

mütləq izləməli olduğunuz filmlərdəndir. xüsusən sonluq şok təsiri bağışlayır. ən gözlənilməz sonla bitən filmlər başlığında adı çəkilə biləcək ən yaxşı filmlərdən biridir.