+9 əjdaha
2. troya şəhzadəsi parisin kral menelausun arvadı və eyni zamanda zevsin qızı olan *yelena*nı qaçırtması bəhanəsiylə başlayan müharibə . menelausun qardaşı *aqememnon*un isə məqsədi tamamən troyanı işğal etmək idi. troyaya gəmilərlə gələn spartalılar və digər yunanlar müharibə boyu orda da qalmışlar. homerə görə agememnonun axillərin rəhbəri olan axilleslə qənimətlərin bölünməsi üzərində düşən və xüsusən də axillesə çatacaq briseida(briseus)nın agememnon tərəfindən götürülməsi nəticəsində axilles döyüşdə iştirak etməkdən boyun qaçırır. bunun nəticəsində yunan ordusu sayca çox olsa da məğlubiyyətə uğramaq dərəcəsinə qədər çatır. agememnon peşman olub axillesə hədiyyələr və kölələr göndərsə də qüruru incinmiş axilles qayıtmayacağını söyləyir. sonunda yunanların məğlubiyyətinə ürəyi dözməyən axillesin dostu *patrokl*(patroculus) onun zirehini geyərək axilləri döyüşə aparır. troya kralı priamın oğlu hektor isə onu axilles sanaraq onunla döyüşmək qərarına gəlir. çünki onsuz da troyalıların üstünlüyü şəraitində olan döyüşdə axillesin ölümü artıq yunanların dəqiq məğlubiyyəti demək idi. hektor troyalıların həyatları bahasına başa gələcək bir səhv edir və təkbətək döyüşdə patroklu öldürür. onun axilles olduğunu anlayanda isə gec idi artıq. buna baxmayaraq onun zirehini də götürməyi yaddan çıxarmır( o zamanlar döyüşçülər öldürdükləri məşhur sərkərdələrin zirehlərini götürüb,kolleksiya kimi yığırdılar). xəbər axillesə çatanda hektorun qəbrinin belə olmayacağını söyləyərək dostunun intiqamını almaq üçün hektorla təkbətək döyüşmək qərarına gəlir. anası fetida isə hephaestusa yeni və daha möhtəşəm zireh hazırlatdırır. bu ərəfədə isə yunanların tərəfində olan ilahə *afina* atası zevsi troyalıların udmasının düzgün olmadığına inandırır və zevs tərəzisini yunanların xeyrinə çevirir,baxmayaraq ki özü troyalıların udmasını istəyirdi. hektor axilleslə döyüşdə *illiada*ya əsasən qorxaq şəkildə davranır və gözlənilən kimi də məğlub olur. bundan sonra müharibəni qısaltmaq üçün odisseyin ideası ilə bir at düzəldirlər və bunu troyalılara döyüşü uduzduqlarının əvəzində hədiyyə kimi verib,gəmilərini bir müddətlik gedir kimi qələmə verirlər. halbuki troya atı adlanan bu atın içi sərkərdələr ilə dolu idi. buna aldanan troyalılar atı şəhərlərinə gətirir və bu da onların sonunu gətirir. axilles anası ilahə fetida " müharibəyə getsən qayıda bilməyəcəksən" önsezisinə uyğun olaraq sonuncu döyüşdə də həlak olur. yelena menelausa dönür,menelaus da heç bu qədər müharibə onun üzündən olmamış kimi onu əfv edib,hər şeyi unudaraq spartaya qayıdır və xoşbəxt yaşayırlar. aqememnon qayıtdıqdan sonra arvadının aşiqi egist(aegisthus) tərəfindən öldürülür.troya müharibəsi
əjdaha lazımdı
izlə
dostlar
mən
googlla
ikinci qarabağ müharibəsi - tarixin ən böyük umbaylamaları - ikinci dünya müharibəsi - tarixi fotolar - ssri - keçən ayın ən bəyənilənləri - 2022 rusiyanın ukraynanı işğalı - 9 may qələbə günü - rusiya-ukrayna münaqişəsi
başlıqdakı ən bəyənilən yazılar:
+6 əjdaha
4. aqamemnon səfərə çıxmamışdan dənizdə fırtına olur. fırtınanı yatırmaq üçün öz qızını qurban kəsmək istəyir. bu vaxt göydən qoç düşür yerə və qızı əvəzinə o qoçu kəsir. nə demək istədiyimi bildiz yəqin.+6 əjdaha
1. tarixi vərəqləyərkən oxumuşdum.rəvayətə görə e.ə 1200-cü ildə yunanların (axeylərin) kiçik asiyadakı troya şəhərinə 10 il davam edən hərbi səfərləri olub. yunanların da bu yürüşlərinə mikena padşahı aqamemnon başçılıq edibnəysə, bu troya müharibəsinə səbəb də troya şahzadəsi parisin sparta çarının arvadı yelenanı qaçırması olub. yunanlılar da taxtadan düzəldilmiş atın köməyilə bu troya şəhərini tutublar.
eşitmiş olarsız, troya atı ifadəsi "adama bədbəxtlik gətirən bəxşiş" mənasını verir
+1 əjdaha
3. zeus özünün təşkil elədiyi bir toy məclisinə erisi çağırmır. eris isə intiqam almaq üçün üstündə "ən gözəl qadına" yazılan qızıl bir almanı toya göndərir. bu almanı görən 3 gözəl ilahə hera,afrodita və afina almanın kimə çatacağı barədə münaqişəyə düşür. zeus da məsələni həll eləmək üçün çox yaraşıqlı olan parisin yanına göndərir onları. paris isə dünyanın ən gözəl qadınını ona söz verən afroditə almanı layiq görür. o qadın da helen olur. beləliklə troya müharibəsinin mifolojik təməli atılmış olur.not: afina parisə müharibələrdə kamillik və qabiliyət, hera isə asiya və avropanın kralı olmağı təklif etmişdi
+2 əjdaha
6. Troya Müharibəsi, antik dünyanın ən məşhur və əfsanəvi hadisələrindən biridir. Bu müharibə, Qədim Yunanıstanın epik şairi Homerin "iliada" və "Odisseya" əsərlərində təsvir edilmişdir. Müharibənin tarixi reallığı və əfsanəvi elementləri hələ də tarixçilər və arxeoloqlar arasında müzakirə mövzusudur.Homerin "iliada"sına əsasən, Troya Müharibəsinin başlanğıcı Paris (Troyanın şahzadəsi, Priamın oğlu) ilə bağlı bir hadisəyə dayanır. Əfsanəyə görə, Paris Spartanın kralı Menelausun həyat yoldaşı Heleni qaçırır. Helenin qaçırılması (və ya bəzi versiyalarda onun öz razılığı ilə getməsi) Axeyləri qəzəbləndirir və Menelausun qardaşı, Mikena kralı Aqamemnon başda olmaqla yunanlar Troyaya qarşı böyük bir ordu toplayır.
Əfsanədə bu hadisə ilahi müdaxilə ilə də əlaqələndirilir. Paris, üç ilahə (Hera, Afina və Afrodita) arasında keçirilən gözəllik yarışmasında Afroditaya "ən gözəl" adına layiq qərar verir və bunun müqabilində Afrodita ona "dünyanın ən gözəl qadını"nın sevgisini vəd edir. Bu qadın Helen olur. Beləliklə, ilahi qüvvələr də müharibənin gedişatında mühüm rol oynayır.
Troya Müharibəsi, əfsanəyə görə, on il davam etmişdir. Axeylər Troya şəhərini mühasirəyə alır, lakin şəhərin möhkəm divarları və müdafiəçilərinin cəsarəti sayəsində onu ələ keçirmək çətin olur. Müharibədə hər iki tərəfdən çoxlu qəhrəmanlar iştirak edir:
Axeylər tərəfindən: Aqamemnon, Menelaus, Axilles, Odissey, Patrokl, Diomed və digərləri.
Troyalılar tərəfindən: Hektor (Troyanın ən böyük qəhrəmanı), Paris, Priam, Eney və digərləri.
"iliada"da müharibənin müxtəlif epizodları, xüsusilə Axilles və Hektor arasındakı məşhur döyüş təsvir edilir. Axilles, yunanların ən güclü döyüşçüsü kimi, Hektoru öldürərək Troyalılar üçün böyük bir zərbə vurur. Lakin Axilles özü də Parisin atdığı oxla (bəzi əfsanələrdə Apollonun köməyi ilə) topuğundan vurularaq ölür. Bu, "Axillesin topuğu" ifadəsinin mənşəyidir.
Müharibənin sonu isə məşhur "Troya atı" hiyləsi ilə bağlıdır. Odisseyin təklifi ilə Axeylər böyük bir taxta at düzəldir, içərisinə əsgərlər gizlədir və atı Troyalılara hədiyyə kimi təqdim edirlər. Troyalılar atı şəhərə aparır, lakin gecə yunan əsgərləri atdan çıxaraq şəhəri dağıdır və Troyanı ələ keçirirlər.
Arxeoloji qazıntılar göstərir ki, Troyada müharibə və ya münaqişələr baş vermiş ola bilər. Schliemannın tapdığı "Troya VI" və ya "Troya VIIa" qatları müharibə və dağıntı izləri daşıyır. Lakin bu dağıntıların Homerin təsvir etdiyi müharibə ilə eyni olub-olmadığı dəqiq bilinmir. Bəzi tarixçilər müharibənin daha kiçik miqyaslı lokal münaqişələrə əsaslandığını, lakin əfsanələrdə şişirdildiyini düşünür.
Hittit mənbələrində də Troya ilə bağlı bəzi qeydlər var. Məsələn, "Wilusa" adlı bir şəhərdən bəhs edilir ki, bu, bəzi tədqiqatçılara görə Troya ola bilər. Bu, müharibənin tarixi əsasının ola biləcəyini göstərir.
hamısını göstər