+12 əjdaha
1. xüsusi qaydalara mütləq riayət etməli olduğunuz şeydir. qan verməyin bir neçə yazılı qaydaları var, bu entrydə onlar haqqında yazacam. məlum, son günlər vəziyyətlə bağlı çox şəxslər donor olur.1. donorun yaşı 18-dən çox olmalıdır.
2. qan verən şəxsin çəkisi 55 kq-dan çox olmalıdır.
3. hansısa xəstəlikdən dolayı müalicə alan şəxs donor ola bilməz.
4. son 48 saat ərzində spirtli içki qəbul etmiş şəxs donor ola bilməz.
5. dəri xəstəliyi olan şəxs xəstəlik müddətində qan verə bilməz.
6. gözündə -4 çox mənfiliyi olan və gözündən əməliyyat olmuş şəxs donor ola bilməz. çox qan verdikdə görmənizi tamam itirə bilərsiz.
7. *tattoo* etdirmiş şəxs 1 il müddətində qan verə bilməz.
8. bronxit, epilepsiya, astma xəstələri donor ola bilməz.
9. daxili orqanlarından ağır əməliyyat keçirmiş şəxslər qan verə bilməz. yüngül əməliyyat keçirən şəxslər isə 6 ay sonra qan verə bilər.
10. *qiçs* və *hepatit* xəstələri isə qətiyyən qan verə bilməz.
indi də öz təcrübələrimə dayalı bir neçə məsləhət qeyd edim.
ilk olaraq, qan verməyə gedəcəyiniz gündən bir neçə gün əvvəl bol maye qəbul edin - çay və ya su. əsla acqarına getməyin, yoxsa başınız hərlənib yıxıla bilərsiz. çalışın tək getməyin, yanınızda sizi evə qədər ötürə biləcək bir tanışınız olsun. özünüzlə şokolad aparsaz yaxşı olar, qan verdikdən sonra yemək yaxşıdır.
qan verdikdən bir neçə gün sonraya qədər pilləkən çıxanda, liftlə qalxanda, metroda, sürətli yeriyəndə ürək döyüntüləriniz sürətlənib tövşüyəcəksiz. amma tezliklə keçir. çalışın qidalanmanıza fikir verin. hələlik yadıma düşənlər bu qədər.
bir də gedəcəyiniz yerdə sanitariyaya fikir verildiyindən əmin olun. həkimlər qan verməzdən əvvəl kiçik qan analizi götürərkən iynənin təzə açıldığından əmin olun. qanla yoluxan xəstəliklərə qarşı tədbirli olun.