mentaliteti dəyişmək

burada mentaliteti (dəyəri) dəyişdirməkdən savayı, dəyişdirmək anlayışı üstündə durmaq istəyirəm. hər cəmiyyət layiq olduğu kimi idarə edilir, idarə etmənin primitiv hala gətirilməsi lazımsız dəyərlərin nəticəsində yaranır. xalq cəmiyyəti, cəmiyyətlər dəyərləri, dəyərlər o cəmiyyətin hansı halda olduğunu yaradır. dəyişdirilməsi və dəyişdirilməməsi arasında fərq görmürəm. hətta dəyişdirilməməsi daha düzgündür. bunu inkar edərək özümüzü aldada bilərik, normaldır. amma mentalitetin yıxılması bir sürü insanı fərqlilik hissindən məhrum edəcək. onlar kiçik insanlardır, üfüqləri ancaq mentaliteti yıxmaq qədər inkişaf edib. və siz onları yox etsəniz, əllərində fərqlənmək adına demək olar ki heç nə qalmayacaq. insanların dayazlığı ilə oynamaq lazım deyil, lazımsızdır.

türk liseyləri

a tipi insan intellektualdır, b tipi insan normal məlumatlara sahibdir, c tipi insan bildiyini yarımçıq bilir(ən təhlükəlisi) d tipi insan kütdür, sadəcə küt, simple. bilənlər bilir; türk litseyləri daha ağırlıqlı d tipi nəsil yetişdirdi.
humanitar və ya analitik fikiri təmsil edən fənnlərlə uğur qazanmış insanlar yetişdirsələr belə, düşüncə və düşüncənin memarı olanları öldürməklə məşğul oldular. türk litseyləri fərd anlayışını demək olar ki yox etdi, kollektiv kimi də uğurlu olmadılar, önyarqılı, inancına inanmaqdan çox, inancı ikinci dərəcəli mübahisələr olaraq dəyərləndirən insanlar yaratdılar. bugün yaş ortalaması iyirmi olan insanların dinə olan silahlanması, öz ətraflarında yığışan bu insanların teizmi müdafiə edə bilməmə güclərinə görədir. ötürdükləri dini məlumatlanma teorik olaraq əsaslı olmadı, onu da əksik propoganda etdilər.
azərbaycan məktəblərindən məzun olanlara qiyasla türk litseyi məzunları daha cool-dur. amma mahiyyətcə bərabərdirlər. oxşar kompleksləri olan, eyni dərdləri olan insanlardır. çünkü təhsil ailənin, ailə faktorunun üstünə çıxa bilmədi. ailənin dəyər aşılaması təhsilin üstündədirsə, o işin batmaq ehtimalı yüksəkdir. ailə və təhsil fərdin ölümü üçün yaradılan həbsxanalardır.
intellektual bazaları bir tərəfə atıram, bu faktora o qədər də önəm vermirəm. amma bu insanlar özgüvən dediyimiz insani keyfiyyətlərini başqalarına uduzdular. biraz inkişafı seçmiş olanlar bəlli vaxtlarda kal alma kimi ortalıqda qalıb, problemlər yaşadılar.
bunları adını çəkmək istəmədiyim litseydə görmüşəm. məzunları ilə, müəllim kollektivləri ilə əlaqəm yoxdur. amma fikiri olmayan, beş cümləni sıralaya bilməyən, o beş cümlənin heç nə ifadə etmədiyi bu insanlar, müəllim kollektivi olaraq yenə birilərini, tələbələrinin çox isə indi və gələcəkdə ətraflarını zəhərləyir, zəhərləyəcəklər.

qadına yaxınlaşmaq

buna oxşar başqa bir sözlüktə başlıq var idi və ora yazmaq hüququm olmadığına görə buradan fikirlərimi ifadə edəcəm. fikirlərin əslində biraz etirafla, biraz da cəmiyyət olaraq problemlərlə əlaqələri var.

bir vaxtlar konfrans zamanı bir qadını fərq etmişdim. qadında daha əvvəl üç qadında sevdiyim cəhədlər toplanmışdı. amma ona yaxınlaşmamışdan əvvəl dört ehtimal var idi.

1.avropalı olması.
2.lezbiyan olması
3.sevgilisinin olması
4.məni bəyənməməsi.

1.avropalı olma ehtimalı.
bu əslində problem deyil, hətta çəkicidir. daha əvvəl əlaqədə olduqlarım olmuşdu, amma ortaq dilimiz ingiliscə idi və bu qadın əsmər almanları, xorvatları xatırladırdı. alman və avropa dillərində ancaq yatağa aparacaq qədər bilgilərə sahib olduğuma görə, sevgili olaraq bu davam etməzdi.
2. lezbiyan olma ehtimalı.
çox yüksək idi və ən çox bu ehtimaldan çəkinirdim. bərabər olduğum hər qadının daha əvvələr həyatında bir və daha çox qadın olub. amma radikal lezbiyanla əlaqə qura bilməyəcəyimə görə, bu da mümkünsüzləşirdi.
3. sevgilisin olması ehtimalı.
bu ehtimallar mənim üçün problem yaratmır, yarada bilməz, empati qurmuram bu mövzularda. çünkü daha əvvəl olub, hətta ritual olmadığına görə bu halı daha çox sevirəm. qadınları tanıdığım qədər hansıların necə sevdiyini və necə əldə olunacaqlarını təxmin edirəm. bu, məsafələrə dözümlü, uzun müddətli* bu da problemdir biri kimi görünürdü.
4. məni bəyənməmə ehtimalı.
az olsa da insandır, ola bilər. başa düşməyə çalışaram, ehtimaldır. amma ən təhlükəsiz olan ehtimal idi.

belə mövzularda kompleksli deyiləm. yaxınlaşdım, avropalı deyildi. kofe içdik, lezbiyan olmadığını öyrəndim. sərgiləri gəzdik, sevgilisi yox idi. və mənə qarşı simpatiyası yaranmışdı. onsuz da sizə qarşı simpatiyası olmayan qadın kofedən o tərəfi görməz.
məncə qarşılaşdığım ən çox ehtimal payı olan qadın idi, qadındır.

not: yaxınlaşmaqdan çəkinməyin. götə oxşaya bilərsiniz, yaraşıqlı olub ağzınızdan maraqlı cümlələr də axmaya bilər, amma yaxınlaşın. bu işin təcrübələrimə görə ağılla əlaqəsi, seksiliyinizdən biraz qabaqdadır. sonra onsuzda hər şey kimi tükənəcək. tükətmək, yoxsa tükənmək? bütün sual budur.*

kommunist olmamaq üçün səbəblər

kommunist olan insan dəyərləriylə paradoks yaşayır və reallaşmayan idealogiyaları mənimsəmək yanlışdır. qısaca qərəzli və səhv açılmış başlıqdır.
bunun səbəbi sol və solun məntiqi haqqında dayaz məlumatlanma olmalıdır.
(baxma: sosyalist olmamaq üçün səbəblər) başlıq olaraq daha az önyarqı, daha çox bilgi ilə müzakirə edilə bilər.
ayrıca siyasət insanın gülünc vəziyyətinə düşməsi üçün maraqlı vaistədir.*

nietzsche və wagner

nietzsche və wagner əlaqələri uzunlamasına müzakirə edilə bilər, sual da mən tərəfindən belə qərarlaşıdırlar: nietzsche ondan nifrətmi edirdi, ya sitayişmi? amma bu sualla sizi baş başa buraxaraq nietzsche və Tristan und isolde əlaqələrinə çəkilirəm.
ən az nietzschenin bir kitabı tristan und isolde ilə oxunmalıdır.
full verisyası:

(youtube: )

alfred adler

adleri digər psixanalitiklərdən ayıran maraqlı nüans, dilinin insanın qavraması üçün daha sadə olmasıdır. adler oxuduğum vaxtlar, - adleri xatırladığım vaxtlar - onu söyməkdən çəkinmirəm. söyüşlərim iki səbəbə görə yaranır. bir, mənim özümdə fərq etmədiyim, edə bilmədiyim nöqtələri onun tərəfindən ifşa edilməsi, iki, cəmiyyətpərəstliyi. adler sosyopat, narsist, depresif insanları problemləriylə açıqlayır, amma onları cəmiyyətə normal(?) insan olaraq qazandırılması üçün təkliflər verir. dəyişdirmək üçün verdiyi təkliflər onun söyülməsiylə nəticələnir.
bu fikirlərimi oxusaydı böyük ehtimalla uşaqlığıma enib, ata-ana əlaqələrimi, məktəb illərimi deşməyə çalışaraq, məni cəmiyyətin üzvü halına gətirmək üçün seanslar təşkil edərdi.*
ayrıca adlerciyəm, böyük insandı.

azərbaycan solu

inqılab üçün ideya şərtdir.

solu və azərbaycan solunu teorik və praktik açıqlayacam. solun məntiqi güclü teoriyanı, güclü teoriya isə praktikanı gətirir. normal şərtlər altındada belədir. amma sol romantikası iddialarının ortaya çıxmasında ən böyük səbəb, teoriya olmadan solun praktikada uğur qazanmağa çalışması idi. bu məntiqdə paradoks, yəni məntiqindən sapma olaraq qəbul edilməlidir. idealogiyanı insan yaradır, sonra onun köləsinə çevirilir. amma idealogiya insana oxşamır, insan paradoks yaşaya yaşaya yaradıcı halına gəlsə də, idealogiyada isə paradoks məğlubiyyətə aparan ən qısa yoldur.
sovetlərin niyə 74 il ayaqda dayanması və sürətlə çökməsinin səbəbi təməlin düzgün atılmamasındadır. sovetlər sosyalizmin ən uğursuz binasıdır. bolşevik və menşevik mübarizəsində birincilərin qələbəsi sosyalizmi gətirdi. çünkü kəndlinin və işçinin qabağına qoyulanlar çəkici idi və ideya dəyəri var idi. amma mükəmməl ideyalar, praktik olaraq uğurlu olacaq deyə qaydanın mütləq olmaması kimi, sovetlər axsamağa davam etdi.
işçi sinifi onsuzda bəşəri sinifin, tarixin kompleks təhdidləriylə ikinci sinif insanlar olaraq qiymətləndirilib. tarixi söyə bilərsiniz, yalan olduğunu iddia edə bilərsiniz, amma dəyişdirmək vaxt alacaq. özünüzü işçi sinifin yerinə qoyaraq başlayın tarixin məhv. uğursuz ailə, cəmiyyətlərdən uzaqlaşma, kulturanın olmaması və gününüzü xilas edəcək bir işdə işləməyiniz və bir gün sizə təklif edilən iqtidar programı. kiçik daxmanızda evinizdən böyük xəyallar qura bilərsiniz, amma sabah o xəyalların sizin cəhdiniz olmadan sizə təklif edilməsi beyninizi qarışdıracaq və böyük ehtimalla uduzacaqsınız.
işçi sinifi iqtidara zehin olaraq hazır deyildi. onlar aid olduqları çərçivədə xoşbəxt olmağa çalışırdılar və onlara təklif edilənlər 39 ayaqqabı geyinən birinə, 48 ölçülü ayaqqabını təklif etmək kimi idi.
ideya olaraq əla idi, amma praktika teoriyanı həmişə udmaq prespektivinə sahibdir.
azərbaycan solu və demək olarki bəşəri sol eyni problemləri yaşayır.

azərbaycan soluna maraqlı təklifim də var:
olsun, teorik olaraq sayınız azdır və praktika olaraq mübarizənin reallığı daha labüddür. o zaman iki hissəyə bölünərək başlayın.
1.teorik dəstələr.
2.praktik dəstələr.

lider - sürü əlaqələri kollektiv mübarizə olaraq nə dərəcədə mümkündürsə artıq.

azərbaycanın riyazi termin olaraq açıqlaması

azərbaycanda insanlar riyazi olaraq iki hissəyə bölünürlər:

1. mənfi rəqəmlilər
2. 0 (sıfır) olanlar.

azərbaycan rəqəmi özündən böyük və iki çıxışı olan mötərizəyə oxşayır.
mötərizə -> ( )
rəqəm olaraq mötərizəmizin içinə sığmırıq. bu hesablamayla ayaqlarımız yerin cazibə qüvvəsinə uduzursa, başımız, xilasımız üçün mübarizə aparır.
mötərizənin içində böyüyürük və sadəcə iki qaçış yolumuz var. sadəcə bu qaçışlara illərdir adlar uydurmuşuq: avropa, şərq, amerika, elm, incəsənət və s.
not: bu iri miqyaslı olaraq bəşəriyyət üçün də açıqlana bilər.

bəsit qadınlar

(bax: qadın) / #82112* qadın haqqında fikirlərimi oxumadan bunu oxumağınızın məntiqli olduğuna inanmıram

bütün bəsit qadınları çarmıxa keçirməmişdən qabaq onları başa düşməyə çalışdım. onların psixologiyasını öyrənmək üçün dahiliyimə sığınmağım lazım deyildi, sadəcə fərqli vaxtlarda onlara qatlanaraq, onları tanımaqla məşğul oldum. nəticə olaraq fərqli mədəniyyətlər onlara ironiyayla yanaşsa belə, onlar ağır və əriməsi çətin olan zəncirlərdirlər. insan normal ailə anlayışından çıxmamış ola bilər - artıq normal kriteryalarımız nələrə görə formalaşırsa - bunu başa düşürəm, amma ata tərəfindən miras buraxılmış kitabxana, ana tərbiyəsi bir insanın özünü aşması üçün bəs etmir, etməz, etməyəcək, etməməlidir. doqquz yaşımızda həyat anlayışımız sürətli inkişafına başlayır. biolojiq olaraq qadının kişidən daha tez böyüdüyünü, inkişaf etdiyini bilirik. amma təcrübələrimə görə qadınlar fərqli biolojiq orqanlarına ağırlıq verərək böyüyürlər. a tipi qadın beyin olaraq böyüyürsə, b tipi qadın seksual orqanların inkişafında daha çox nəzərə çarpır. c tipi qadın gec inkişaf edirsə, d tipi qadın on yaşında ölərək, səksən yaşında basdırılır.
onlar həmişə ironiyanın təhdidi altındadırlar. müqavimətləri isə gülünəcək dərəcədə deyil, olmamalıdır. intellektual baza olaraq zəyif, iq səviyyəsi normların altında olan bu prototiplər, özlərinə bənzər və ya qeyri bənzər kişilərlə əlaqələrini bərkidərək hər şeyin məhvini hazırlayırlar.
bunun iki neqativ nəticəsi var:
1. öz dünya baxışına oxşar birisini tapan bəsit qadınlar
2. özündən üstün dünya baxışına sahib olan kişilərlə əlaqəyə girənlər.
ikincilər, birincilərə qiyasla daha təhlükəlidirlər. birincilər sadəcə cəmiyyəti yox edəcək və belə nəsl yetişdirən cəmiyyətlər onsuzda məhv olmaq həddinə çatıblar.
ikincilər partnerlərinin həyatını qısaltmaq, onlara əngəllər yaratmaq - bu əngəllər sadəcə məhv üçündür, inkişaf üçün yox -, aşağılıq kompleksi nəticəsində yersiz və ancaq öz növlərinin inkişaf etdirdiyi hərəkətlər və s. burada tragikomik vəziyyət yaranır və bəlli yaş dönəmindən sonra böyüyə bilməmiş belə insanlardan uzaq qalmaq məntiqlidir.

yuxu

fransızlar yuxunu ölümün qohumu, mən isə kiçik qardaşı olaraq təsvir edirəm. həyatın başlı başına bir mənası yoxdur, varsa da mən onu öyrənməyi özümə qadağan etmişəm. amma cavablarından çox sualları olan adamın həyatla problemləri yaranır. mənim yuxularla, ölümün kiçik qardaşıyla ara sıra problemlərim yaranır. bu arada ölüm həyatın simvoludur.
yuxu haqqında öyrəndiklərim məhduddur və hamının bildiyi normal məlumatlara sahibəm. yuxu səkkiz saniyə ərzində cərəyan edir. psixoloji problemləri olmayanlarla demək olar ki işi yoxdur. normal olaraq mən onunla hər gün görüşürəm. yuxu həyatın mənasını axtarmaq istəyənlər üçün açar olmalıdır. varsa tanrı belə onun içində, ya da çölündə, ya da bütünündə qərarlaşıb. yuxular haqqında fikirləşəndə belə nəticələr alıram: bütün gördüklərimiz öz yaratdıqlarımızdır və biz onları istədiyimiz formada idarə etmə gücünə sahibik. yuxunun idarə edilməyə ehtiyacı varmı, yoxmu, bilmirəm. amma insan idarə etmə hissləriylə inkişaf edən varlıq, yuxu isə ən çətin idarə edilən bilinməzlikdir. insan və yuxu arasında yaranan konflikt, bilinməzə olan aclığımızı güclüləşdirir. sigmund freud illər əvvəl məni bu bilinməzliyə yaxınlaşdırsa belə suallarıma cavab almamışdım, var idisə belə, əskik idi. həyatın böyük yuxu arqumentlərini də kəsib atmamaqda fayda var. əgər insan yuxunun içində yaşayan, yaradan, inkişaf edən və ölən varlıqdırsa, hiss etdiyimiz fiziki ağrılar nəyə dəlalət edir? bu absurd görünə bilər, amma bizə ağrını öyrəşdirmiş də ola bilərlər və bu da ehtimaldır. və ya insan paranoya yaşayaraq özünə bir dünya qurdu və oyanmaq istəmədi, oyanmır. bütün bunların hamısı mənasız da ola bilər, bu da ehtimaldır.

solçuların təzadları

keçən il obyektivliyin allahlığına çatmaq istəyən bir dostum - solçu başqaldıran ilk heyvandır - demişdi və bunun camus ilə əlaqəsi yox idi. başqaldıran ilk heyvan (subniminal:insan) solçu idi və onları sağçılardan ayıran vicdan faktoru və protest oldu. mahiyyətcə bərabərdirlər. solçu vicdana (human), sağçı aristokratlığa inanır. ikisinin də silahı ədalətdir və ədalətin olduğu dünyanı təsəvvür etmirəm. solçular həssas insanlardır, çünkü həmişə əziləni oynayıblar. həssaslıq aqresiyanı, aqresiya siyasətdə məğlubiyyəti gətirir. bu zəncirdir. marx isə zəncirlərimizi itirməyi təklif edirdi.
sağçı isə dayaz iqtidardır. çünkü etiraz etməyi bacarmırlar və ortada etiraz edəcək heç nə qalmayıb.
bunu sizə köhnə sosyalist deyir.