məsləhətli tiktok səhifələri

stereotiplərimi qırıb tiktok yükləmişəm və bundan çox məmnunam. bizimkilərdən heç danışmaq istəmirəm, özünüz bilirsiz, amma xarici maraqlı, yararlı və maarifləndirici tiktok səhifələri kifayət qədərdi. tək-tək çox profil tanımıram, amma bir tip verə bilərəm ki, istədiyiniz mövzuda hashtag tapıb favoriyə atırsız, ondan sonra ana səhifənizə həmin temalı videolar gəlir. sonra bizim düşük tiktokerlərimiz çətin çıxa qarşınıza. hamıya maraqlı gələcəyini düşündüyüm 1-2 səhifə:
@scienceirl, @sciencechannel - bu profillərdə ingiliscə gündəlik faktlar paylaşılır, maraqla baxıram
@dj.tural - bizim tural yusifov. bu adama çox böyük hörmətim var və azərbaycan tiktokunda tanıdığım səviyyəli iş görən yeganə profilə sahibdir. bu profildə də həmçinin maraqlı faktlar, hekayələr, suallar tapa bilərsiniz.
@liketodrink - təzə dadlarla aranız yaxşıdırsa, sevəcəyiniz bir səhifə olacaq. gündə bir içki düzəldib paylaşırlar, gündə yeni bir dadla tanış oluram. hazırlayanda xüsusi xoş əhval verir mənə, içəndə tamam ayrı aləm.
bütün bunlara youtubedan da baxmaq olar, hətta daha geniş formada, okay, amma tiktokun əsas özəlliyi elə qısa videolardan ibarət olmasıdı, mənə görə. işimə də yarıyır, sağ olsun. hərəsinin öz yeri.
son olaraq da, tiktokun sadəcə adı çıxıb, bundan əmin oldum. hələlik məndən bu qədər. yenilərini kəşf etdikcə bura da qeyd edəcəm.

46 bənövşə

bu sifarişi verən: Nellie Crain
salam qədirzadə povesti. kitabı çoxdan oxumuşam, yadımda qalan qədəri ilə hər şey bir qızın günlüyündən ibarət idi. spoiler vermirəm, amma axırda əməllicə əsəbiləşmişdim olanlara. 2-3 saata oxunulası, əldən balaca 140 səhifəlik kitabdı. kitabda ən zəhləm qaçan şey, ümumişlək olmayan sözlər xeyli çoxdu və mənaları qeyd olunmayıb. deyəsən, çoxsu dialekt və arxaik sözlər idi deyə mənalarını internetdən, lüğətlərdən tapa bilmirdim və məktəbdə ədəbiyyat müəllimlərimi bezdirmişdim söz mənası soruşa-soruşa. sırf buna görə gec oxuyub qurtardım. bir də redaksiyaya çox fikir verirəm oxuduğum kitablarda, onu da cəlil cavanşir aparıb, durğu işarələri yerindədi demək olar. ümumi, türk yay dizisi kimi kitabdı, 10 üzərindən 6 verirəm maximum. onun da çoxu redaksiyasına görə.

öyrənildiyində təəccübləndirən məlumatlar

elə məndə də dünyaya gəlməyimlə bağlı bir şeylərdi. ana bətnində olanda aparat məni oğlan göstəribmiş plus el arasında cinsiyyət təyinetmə metodlarından da oğlan olaraq çıxıbmışam. doğulanda biliblər qızam, atam deyib nə qədər lazımdı pul verirəm, iynə vurun, dərman vurun ölsün, qız istəmirəm. sonradan nə olub vaz keçiblər, bilmirəm, amma kaş keçməzdilər. doğuş zamanı buz olur ananın yanında, qanaxma olsa dayandırmaq üçün, mən doğulan kimi də axmaq həkimlərimiz qoyub məni həmin buzun yanına, öz işlərin görüblər, mən də orda ağır soyuqdəymə tutmuşammış. anam deyir 2 aylığına qədər gözün açılmırdı, elə bilirdik öləcəksən, ölməmişəm. həmin soyuqdəymədi ki, hələ də altını çəkirəm, hələ də sağlam deyiləm, çox zəifəm və belə də olacaq yəqin ömrümün axrına qədər. bunlardan əlavə məni daha çox təəccübləndirən, həm üzən, həm də çox qəribə hislər yaşadan başqa bir şey var. məndən sonra bir uşaq da olubmuş, bir yerə gediblər orda yenə də səhv göstəriblər cinsiyyəti. oğlan imiş, qız bilib abort etdirib atam. doğulanda görüblər oğlandı, başına-başına döyüb. yaxşı olub, az olub hətta. cinsiyyətə görə uşaq seçmək, öldürmək insanlığın çatdığı ən alçaq məqamlardan biridir yəqin ki. burda öz hislərimi ifadə edəcək cümlələr olmalıydı əslində, amma gücüm çatmır, sözlük. o qədər əzilirəm ki, bu fikirlərimin, duyğularımın, olanların altında, ordan heç cürə sağlam çıxa bilmirəm.

cinlər

karantin təzə başlayanda vaxtımı keçirmək üçün hər cür fb qrupuna qoşulmuşdum, birində paranormal hadisələrdən söhbət gedirdi, mən də başıma gələnləri danışdım. bunu əvvəlki entrylərimdən birində də yazmışdım ki, bəs kimsə xətrimə dəysə həmin adama mütləq ki nəsə olur, mütləq. həmçinin istədiyim 99% şey də tez bir zamanda ayağıma gəlir çox qəribə bir yolla. nəysə, bir həmin temanı, bir də başqasını danışdım: bir dəfə xalamqızının toyuna hazırlaşırdıq, onlara gedəndə anası da, özü də, bacısı da boş yerə xətrimə həddən çox dəydilər. ömrümdə o qədər pis xətrimə dəyilməmişdi də, pik idi. toya getmədim, axırlarına getdim, toyda hamı məni soruşurnuş və evdəkulər sual atəşinə tutulmasın deyə getdim, yalandan dedim ki guya universitetə sənəd topluyuram. gecə 9-10-da nə sənəd sən canı? toyda heç birini danışdırmadım, salam verdilər onu da başımla aldım başqa heç nə. hər nəysə, qızın toyu iki ailə arasında çoooxx pis davayla keçdi, səhər boşanacaqmış hətta. boşanmadı birdən düzələr deyə. düzəlmədi, toydan 2 həftə keçmədi ki münaqişələr maksimum həddə çatdı. halbuki toydam qabaq hər şey çox çox lap çox bomba idi, ailə konkret sevgi üzərində qurulurdu, plus da iki tərəf də köhnə yaxın dost idilər. necəsə oldu yenə boş yerə araları dəydi, boşanma oldu, iki dost ailə də bir-biriylə kəlmə kəsmir. üstündən 2 il keçib, xalamgillə barışmışam, amma o qədər pis incitmişdilər ki, hələ də ürəkdən salam belə vermirəm. heç gediş-gəlişimiz də yoxdu artıq. never mind,
bu mənim axrıncı eksperimentim idi ki, dəqiqləşdirirdim görüm həqiqətən mi xətrimə kimsə dəyəndə "fəlakət"lər baş verir? fikirləşəndə çox absurd səslənir, amma ciddən belədi, bu da olub yekə dərd, çöküb üstümə. rahat yaşaya bilmirəm, mümkün deyil.
nəysə, bunu yazanda bir qaqaş şərh yazdı ki, bəs sizə cin musallat olub. başqa biri yazdı ki, erkək cin girib bədəninizə sizi qoruyur. wtf da, qaqaş, erkək cin nədi? nə yalan deyim, cin-min, şeytan, 8 başlı uçan balina nə qədər inanmasam da, gecə saat 3 və məni çox pis qorxu basdı, az qalırdı ürəyim gedə qorxudan. hava da külək, dənizin səsi gəlir evə, həyətdə it-pişik səs salır, qapı cırıldıyır, bildiyin qorxu, gerilim imdb 9. dözmədim qaqaşlardan birinə yazdım ki bəs izah eləsin də cin nədi, musallat nədi, hardan bilir bu məlumatı, necə əmindi filan. qaqaş güldü, başımdan qaynar su tökdülər. sən demə ateist imiş və mənlə məzələnirmiş. nə deyim bilmədim, durub 1 stəkan su içib yatdım. entrynin sonu..

parfüm ekstraktı

yazarların ən sevimli parfümləri başlığından əsinlənib açdığım başlıq.
bu gün sizə xoş iy üçün üstümüzə vurduğumuz mayelərdən danışacam. ətir demədim, parfüm demədim, çünki fərqli şeylərdi və hamımız birindən istifadə etmirik.
istifadə etdiyimiz bu mayeləri ayıran əsas meyar tərkibindəki parfüm ekstraktı - yağ faizidir. bu faizə görə deyirik ki, bu ətirdir, bu tualet suyudur, bu parfümdür, bu odekalondur və s.
həmin mayelərin tərkibini spirt, su və parfüm yağının faiz nisbətinə görə bölsək:
~30-40% yağ olanlar niche ətirlərdir, uzun müddət qalıcılıqları və güclü tərkibləri var;
~20-30% yağ olan məhsullar saf parfümlərdir və 8 saata qədər qalıcıdır;
~15-20%-lilər eau de perfume, yəni parfüm suyu. mağazalarda üstünlük verdiklərimizin çoxu budur;
~5-15%-li eau de toilette - tualet suyu. nisbətən daha ucuz, daha yüngül olurlar. tərkibində spirt daha çox olduğu üçün dəridə yaxşı qalmır, uçub gedir. ona görə dəriyə yox, paltara vurun ki, 48 saata qədər qalsın. kişilər üçün geniş yayılan məhsullar EDT-lərdir, amma saf parfüm suları da var;
~2-6% - odekalon, eau de cologne. köln suyu burdam gəlir və türklər kolonya deyə istifadə edirlər. yüngül tərkiblidilər, buna baxmayaraq bəzi ortasəviyyəli markaların məhşur, çox istifadə olunan odekalonları var. gün ərzində dəfələrlə qarışdırmaq, yeniləmək mümkündür;
~1-3%-li sular. eau fraiche - fresh - təravət. tərkibində gördüyümüz kimi parfüm yağı çox azdır, qiyməti ucuzdur, yüngül ətir sevənlərə uyğundur.
son olaraq vurduğunuz hər hansı ətirin, parfüm suyunun, odekalonun və s. qalıcı olması olması üçün bir nüansı nəzərinizə çatdırmaq istəyirəm. istəyir ətir olsun, istəyir EDT, fərqi yoxdu, heç biri quru dəridə çox qalmır. istifadədən əvvəl, vuracağınız nahiyəyə nəmləndiricini, sonra parfümü(məsələn) vurmağınız məhsulun qalıcılığını artdıracaq. bədən nəmləndiricinizlə ətiriniz eynidisə, lap gözəl, lap pakizə. ideal variant da, eyni duş gelinin ardınca bədən nəmləndiricisi, axırda ətiri vurmaqdır. eyni dedikdə eyni markaya, eyni seriyaya aid məhsulları nəzərdə tuturam.
bu arada, bir qadın cinsi nümayəndəsi olaraq, üstündən gəşəngcə ətir iyi gələn kişiləri daha çəkici hesab edirəm və əminəm ki, qadınların çoxu belədi. siz yenə də ehtiyatınızı götürün, cənablar.
bu qədər, camaat, bundan sonra icazə vermiyün tualet suyunu sizə baxalı fransuzki ətir adıyla soxuşdursunlar. uğurlar.

imperator qızı zoe

Zoe…
istanbullu idi.
Bizans imperatorunun qızı idi.
Gözəlliyi ilə ətrafa işıq saçırdı.
48 yaşında idi.
Heç evlənməmişdi.
Şəxsi həyatı çılğın keçirdi, bir kişiyə bağlı olmaq istəmirdi.
Ətir və xoş qoxulu yağların düşkünü idi.
Bunları şəxsən özü hazırlayırdı və istifadə edirdi.
Gəzdiyi yerlər bəlli olurdu, addımını atdığı hər yer gül kimi qoxurdu.

atasının, yəni Bizans imperatoru VIII Konstantinin oğlu yox idi, ağır xəstə idi, ölüm ayağında idi.
Zoeni qarşısında otuzdurub - "Romanis Argirosla evlənməyini istəyirəm” – dedi.
Kürəkən namizədi Zoedən 20 yaş böyük, üstəgəl evil idi.
Zoe çarəsiz qalıb qəbul etdi.
Argiros boşandı, Zoe ilə evləndi.
imperator ata üç gün sonra öldü.
Zoe ilə evlənən Argiros imperator oldu.
Zoe də kraliça.
Altı il belə yaşadılar.
Zoenin yaşına görə uşaqları olmadı.
Siyasi məcburiyyətlə başlayan xoşbəxt olmayan bir evlilik yaşayırdılar.
Əslində Zoe başqası ilə gizli, qadağa olunmuş bir eşq yaşayırdı.


Mixail adlı bir kəndli uşağı idi, çox yaraşıqlı idi, yaraşıqlılığı ilə şəhərdə ad çıxarmışdı, Bizans sarayında xidmətçi kimi işləyirdi.
Zoe də onu görən kimi aşiq olmuşdu, xüsusi köməkçi kimi yanına götürmüşdü.


imperator Romanos Argiros əlbəttə ki şübhələnirdi, amma Zoeyə də söz keçirə bilmir, Mixaili saraydan uzaqlaşdıra bilmirdi.
Bu qısqanclıqla Zoeyə kobud davranmağa başladı, hamının içində təhqir etməyə başladı.
Dadanq!
imperator öldü!
Bir rəvayətə görə, hamamın hovuzunda boğdurulmuş, başqa bir rəvayətə görə isə zəhərlənmişdi.
Zoe o dəqiqə Mixaillə evləndi.
Özündən 20 yaş böyük ərini basdırmış, özündən 30 yaş kiçik ərini taxta çıxartmışdı.
Yeddi il beləcə yaşadılar.
Mixail heykəl kimi dəliqanlı biri idi. Amma təcrübəsi, savadı yox idi, saray intriqalarından baş çıxara bilmədi, ruh düşkünlüyü yaşadı, özünü dinə verdi, keşiş oldu, imperatorluq səlahiyyətlərindən əl çəkdi, keşiş libası geyindi, monastra qapandı, ömrünün son iki ilini belə keçirdi və elə oradaca da öldü.
Zoe yenə dul qalmışdı.
61 yaşında idi.
keşiş əri Mixailin qardaşıoğlu vardı, onun da adı Mixail idi.
26 yaşı vardı.
Zoe gənc Mixaili övladlığa götürdü.
Övladı kimi taxta çıxartdı, imperator elədi.
Təbii ki övlad-zad nağıl idi, vəziyyəti hamı yaxşı bilirdi.
Əmisi keşiş imperator Mixail monastra qapandığından bəri qardaşoğlu Mixailin Zoe ilə yaxınlığını eşitməyən qalmamışdı.
Nə isə, gənc Mixail taxta çıxdı.
Ab-havaya elə düşdü ki… Zoeni kənarlaşdırmaq istədi.
Onu Böyükadada monastra məhkum elədi, qapısına da növbətçilər qoydu.
Amma Zoe də elə-belə qadın deyildi.
Dadanq!
Zoeyə yaxın komandirlər üsyana çıxdılar.
Şəhər yandırıldı, saray tutuldu və boşaldıldı, imperator Mixaili həbs elədilər, gözlərinə mil soxub çıxartdılar, Saqqız adasına sürgün etdilər.
Zoenin 62 yaşı var idi.
tez-bazar Konstantin Monomakosla evləndi, onu taxta çıxartdı.
Bu dəfəki əri özü ilə yaşıd idi.
Səkkiz il birgə yaşadılar.
Zoe 70 yaşında ikən kraliça olaraq dünyasını dəyişdi.
yazan: yılmaz özdil
dilimizə uyğunlaşdıran: eminquey akif
adalet.az

dostluq

mənası qədər ali olan kimləsə qarşılaşmadığım üçün, heç kimlə aramda olmayan münasibət.
bir müdrik deyir ki, dost seçəndə diqqətli olun. dostla yolunuzu ayıranda daha çox diqqətli olun. düz deyir, valla. hələ ki dostluğu bitirmək istəyəndə səni düşmən olaraq görən insanların çoxluq təşkil etdiyi cəmiyyətdənsinizsə, daha daha diqqətli olun.
bu yaşıma qədər çox adamla tanış olub dostluq etməyə çalışmışam və bir şeyi öyrənmişəm ki, dostluqda oğlanlar daha səmimidilər, nəinki qızlar. baxçada, məktəbdə, elə universitetdə də demək olar həmişə oğlanlarla söhbətləşib dərdləşmişəm. demirəm qızlar elə pisdi, belə pisdi, yox. qızıl qızlar da az deyil. bəs nədi problemim?
məktəbi qurtaranda universitetə real dostluqlar tapmaq ümidi ilə getmişdim. tapdım? xeyr. çox yaxşı qızlar, oğlanlar tapdım? tapdım. bəs nə? di danış qurtar da.
universitetdə həmişə başım aşağı tək takılıram, amma arada mən daxil 5 nəfərlik qız kruquyla da fırlanıram. yoxsa təklikdən içim öz-özün yeyir. hamısı ayrı-ayrılıqda çox ama çox yaxşı qızdılar(yaxşılıq nisbidi, amma oralara girmirəm, elə normal, yaxşı qızdılar vəssalam), hamısıyla çox yaxşı yola gedirəm, yaxınıq, okay, amma aramızda ölçülə bilməyəcək qədər məsafə var. hamısı baxımlı, şellaklı-mellaklı, glamur, gözəl qızdılar. stip gəlməmişdən qabaq pulu salonlara, kafelərə rezerv edib "xərcləyirlər". mütəmadi izlədikləri saytlar, səhifələr, bloglar hamısı fashionla, kosmetikayla əlaqəlidi. abi, mən burda qızları pisləmirəm, qəti pisləmirəm, əgər elə fikir formalaşdırdımsa, bir şeyi deyim ki, dost sayılmasaq da nəsə olsa birinci yanlarına qaçacağım adamdılar, bomba qızlardı. amma ki, qurban sənə, film seçməmiş nəyəsə baxmağa gedəndə sənlə onlar arasında kəskin zövq fərqi yaranırsa, kitabxanaya bir yerdə gedə bilmirsənsə, söhbət açıb nədənsə danışanda "nə çəkmisən sən canı?" sualını eşidirsənsə, ad gününə kitab almalarını istəyəndə "ciddisən? başın xarab olub ay qız? kosmetika zad alaq da üzünə nəsə vur" cümlələrini heyrətlə deyirlərsə, sırf onlar narahat olur deyə yanlarında içə bilmirsənsə, din söhbəti edəndə radikal düşüncələrini ortaya atıb sənin necə çoxluqda təklik yaşadığını üzünə-üzünə vururlarsa(məcazi mənada), buna dostluq deyirsiz? mən demirəm. bir yerdə öz aləmimizdə fəlsəfədən dəm vurub, həyatın fəlsəfəsini çözmürüksə, hara gedəcəyimizi bilmədən yol götürüb, başımız hara bədənimiz ora deyib yeni yerləri kəşfə çıxmırıqsa, nəyisə izah etməyə halın olmayanda belə izaha ehtiyac olmadığını, izahsız da başa düşdüyünü hiss elətdirmirsə, güvən yerin deyilsə, yanında olduğun adam olmaqdan çəkinirsənsə, bir yerdə bütünləşmirsənsə, apar tulla o dostluğu da, o birisini də, bu birisini də. mənim real dostluq anlayışımın qısa özəti budu. oxuyanda cringe teenager film ab-havası verir bəlkə, amma ki abi mən bunları yaşamaq istəyirəm, yaşamadıqca eləcə də qalacaqlar, dəyişməyəcəklər. tək ürəklər yox, beyinlər də yaxın olmalıdı və çox təəssüf ki bütün dostluqlarımda ikincisi əksik olub. bunun tərsini yaşadığım da az deyil. nəysə.
keçirəm oğlanlarla niyə dost ola bilmədiyimi izah eləməyə. bu vaxta qədər oğlan dostlarım daha çox olub əvvəldən dediyim kimi. bir şey var ki, freyd əmi demiş, kişilər yatmaq istəmədiyi qadınla dost olmurlar. ola bilər dostluq fikriylə başlasın, amma inanmıram hansısa qız-oğlan dostluğu axıra qədər elə dost olaraq da qala. demirəm bu pisdi, xeyr, hətta çox mükəmməl birşeydi, nəinki digər variant. məsələ bu hissin ancaq bir tərəfə aid olmasıdı, üzülüb qorxduğum şey də budu. əgər sizin qarşı cinsdən dostunuz varsa, sizin ona, onun da sizə nəsə hiss etmədiyinə 10000000000000000% faiz əminsinizsə, çox əla, çox bomba (baş verməyəcəyi də dəqiq deyil). feedback edin, mənim də xəbərim olsun, mən də ümidlənim. şəxsən özümdə də az olmayıb dostumdan xoşum gəlsin, amma çox şükür hamısında normal adam olmadıqlarını görüb sonlandırmışam münasibətimizi. nəysə, uşaqlar, ümid edirəm, mən də nə vaxtsa bu lənətə gəlmiş təklikdən çıxaram, həyat mənim də üzümə gülər və ancaq görüşüb boş-boş gəzməklərə gedib çəkdirilən şəkillərin paylaşılması ilə elan olunan "dostluq"lara möhtac olmaram.

gizli eqo

implicit egotism. insanların özləri ilə əlaqələndirdikləri şeylərə şüursuz üstünlük verməsi fenomenası.
2004-cü ildə psixoloq john jones 15 min evlilik üzərində bir qanunauyğunluq tapdı və buna təsadüf demək olmazdı. evlənənlərin arasında adları eyni hərflə başlayanlar digərlərinə nisbətən xeyli üstünlük təşkil edirdi. psixoloqlar bu məsələni daha dərindən öyrənmək üçün bir-neçə təcrübə keçirirlər.
bir təcrübəyə qatılanlar, adları xüsusilə seçilmiş, tom və lau ilə başlayan şəxslər idi və onların qarşısına 2 növ çay qoyulmuşdu: tomeva və lauler çayları. təcrübənin sonunda tomlar tomeva çayının, laular isə lauler çayının daha dadlı olduğunu dedilər, halbuki çayların tək fərqi adlarında idi.
başqa bir təcrübədə bir qrup tələbəyə eyni hekayə paylanmış və oxumalarını istəmişdilər. hekayədən bir obrazın doğum tarixini, hekayəni verdikləri tələbənin doğum tarixi ilə eyniləşdirmişdilər. qalan hər şey eyni idi. axırda hamı həmin obraz haqqında müsbət fikirlər səsləndirib, halbuki o obrazın heç bir yaxşı xüsusiyyəti olmayıb, hətta bəzi hissələrdə pis hərəkətləri də göstərilib.
bu araşdırmaları aparan alimlər, bütün seçimlərimizdə eqomuzun müəyyən təsirləri altında olduğumuzu göstərmişlər.

Üz baxımı və dəriyə qulluq

waltersiz pinkman, limonsuz tequila, beyonce'suz jay-z, duzsuz alça kimidi mənsiz "özünəqulluq", "baxım" başlıqları. bütün bildiklərimi bir yerə yığıb həm kişilər, həm qadınlar üçün ortaq olan çox mükəmməl tiplər paylaşacam sizlə.

əvvəla onu deyim ki, kimliyimizdən asılı olmayaraq hamı üzünə, bədəninə dəyər verməli, onu yetərincə tanımalı və vaxtı-vaxtında qulluq etməlidi. özümüzə dəyər vermədən qıraqdan kimlərdənsə dəyər gözləmək o deyil də... keçirəm sədətə.

üzünüzü təmiz saxlayın. gün ərzində çölə çıxırıq(çıxmırıq), havayla təmasda oluruq, olmasaq da əlimizi 1000 yerə vurub sonra üzümüzə vururuq və sairə və ilaxır. havada olan bütüün çirkli şeylər gəlir qonur dəriyə. dəri təmizlənmir, onlara şərait yaranır, girirlər dərinin qatlarına. sonra da deyirik ki niyə sızanaq çıxdı, niyə qara nöqtə çıxdı vs vs vs. 1 tonik alın, fərqi yoxdu hansı marka, əsas üz rahatlaşdırmaq üçün tonik olsun. alın hər səhər duranda və axşam yatanda üzünüzü silin. ağ pambığın rənginin necə dəyişdiyinin özünüz şahidi olacaqsınız. bir də toniklə siləndən sonra üstünə nəmləndirici krem vurun. krem də bahalı şey deyil, girin aptekdən, mağazadan arko nem alın dəri tipinizə uyğun. 60 qəpikdi. bu kiçik rutini 1 həftə təkrarladıqca görəcəksiz, üzünüz rahatlaşacaq, rənginiz açılacaq, sızanaqlar bir az azalacaq(bu haqda da yazacam).

üzünüzə qəti şəkildə sabun vurmayın. dərimizdə turşuluq, əsaslıq balansı var və sabun o balansı qoyur həqiqi mənada pox gününə. fikir vermisiz sabunla yuyandan sonra dəridə bir quruluq olur? sabun dərini tez qocaldır, ay camaat. uzaq durun ondan. əvəzinə üz yuma gelləri olur, yaşıl aptekin 2-3 manata olmalıdı onu tövsiyyə edə bilərəm, maye sabun kimi şeydi, alın yuyun üzünüzü. olun çiçəh kimi.

istəyirəm bir az hamının evində olmalı ucuz-mucuz məhsulları paylaşım hansı ki aptekdən ala bilirik.
1) qliserin. qliserin nədi? 50 qəpiklik spirt. bəli, spirtdi və bu söz sizi qorxutmasın və kimsə deyəndə ki ay spirtdi, ay dərini qurudur, ay onu üzə vuranda göydən balina yağır, inanmuyun. bunu deyənlər spirt haqqında heç nə bilməyən və boş-boş danışanlardı. qliserin çoxatomlu spirtdi, evdəki etil spirti kimi deyil, uçucu deyil, zəhərli deyil, acı deyil, şirindi. mənim kimi gördüyünüz hər maddənin dadına baxmağa meyillisizsə azcana dadına baxa bilərsiz, heç nə olmayacaq.
(baxma: qliserinin dadına baxım deyib ölən adam)
(baxma: allah bəlanı versin mariya)
nəyə işə yaradığını deməyi unudurdum lap. bu qliserin əsasən yağlardan alınır və mükəmməl nəmləndiricidi. tonikdən sonra krem əvəzinə bunu polnu çəkə bilərsiz. gedin özünüzün, yaxud mamanızın kosmetik məhsullarına baxın, hamısının tərkibində mütləq qliserin var. kosmetologiyada dəhşət çox istifadə olunur. bir də eşitmişdim bir ara təkər qaraldırmışlar bunla. nəysə, alın, aldırın. çox bərəkətli məhsuldu bir dənə almışam 1 ildi işlədirəm.

2) aloe ekstraktı. ampula şəklindədi 20 qəpiyə. nə işə yarıyır? dərinin immunitetini gücləndirir, dərini nəmləndirir, səpkilərdən, sızanaqlardan qalma ləkələri azaldır mütəmadi istifadə edəndə. qış aylarında xüsusilə istifadə olunmalı şeydi. üzünüz şaxtadan çatlamayacaq. necə istifadə edirik bəs bu aloeni? ampulanı qırıb yatmamışdan qabaq və səhər duranda təmiz üzümüzə çəkirik. istəsəz günə 1 ampula istifadə edin, istəsəz səhər də 1-in, axşam da. vurandan sonra yumaq lazım deyil. bunu kiməsə danışanda sual verirlər ki, bəs evdəki aloeni kəsib içindəki jele kimi şeyi götürüb üzümüzə çəksək fərqi olar? elə də fərqi olmayacaq amma o əziyyətli işdi. əziyyətindən başqa, aloe ekstraktı(!) təkcə aloedən ibarət deyil. içində dəriyə xeyirli başqa maddələr də var və dəri tərəfindən tez həzm olunur, nəinki aloe jelesi.

3)kalsi-xlorid. bu da ampula şəklindədi və 20 qəpiyə. peeling kimi istifadə olunur. həftədə bir dəfə, 1 ay fasilə ilə tətbiq etməyinzi məsləhət görürəm. yay aylarında ayda 2 dəfə edin, günəşin ultrabənövşəyi şüalarına görə. üzünüzü yandıra bilər. sırf buna görə gecə çəkmək lazımdı. necə? hamamdan çıxmısız, mis gibi tər-təmizsiz, çox gözəl. çiməndən sonra çox gözləmiyin. bir uşaq sabunu, 2 parça pambıq və bir az su götürüb keçib güzgünün qabağına. pambığın birini kalsi-xloridlə isladıb üzümüzə tampon hərəkətlərlə vururuq. 15-20 saniyə sonra da digər pambığı isladıb uşaq sabununa çəkib ordan da yenə üzümüzə tətbiq edirik, ta ki kalsi-xlorid qurtarana qədər. uşaq sabunu nəyə lazımdı, mariya? bəs demişdin sabun olmaz, ay elə, ay belə, noldu? uşaq sabunu normal sabunlardan fərqlidi və həssasdı. bundan əlavə kalsi-xlorid üzü çox qurutduğu üçün sabunun naifliyindən istifadə edib qurutma qabiliyyətini azaldırıq. quru dərilərə çox da tövsiyyə etmirəm bu peelingi. edirsizdə 2 həftədən bir edin və peelingdən sonra çoooooooxxx yaxşıca nəmləndirin. alınırsa yayda uzaq durun.
p.s: sabunun fərqli o olması o demək deyil ki, üzümüzü yuya bilərik. xeyr, bilmərik. sadəcə bu kalsi-xloridlə birlkdə istifadə olunmalı şeydi, başqa heç zad.

4)vazelin. bu da 20 qəpikdi və demək olar quqlda hər şeyin çarəsidi. alın atın evə, nəmləndirici kimi yaxşıdı. bir də burun kənarlarında qara nöqtələrin azalmasına kömək edir, mən sınamamışam, yaxınım sınayıb deyib. baxın da özünüz.

5) rezorsin salisil spirti. saliçlovaya yox ha, rezorsin. aptekə girib salisil deyəndə saliçlovaya verir, siz diqqətli olun. 50 qəpik civarında bir şeydi. istədiyiniz vaxt təmiz dərinizə çəkə bilərsiz. sızanaqları çox yaxşı qurudur, azaldır. qliserin kimi spirt deyil, istifadədən sonra üzünüzü nəmləndirməyi unutmayın. qurudan spirt demişkən. adam var evdəki etil spirtini vurur üzünə. eləmiyin. heç eləmiyin. dərini bilirsiz nə günə qoyur? dərini əcaib şəkildə qurudur. həssas dəriniz varsa ləkəsi belə qala bilər, uzaq durun.
ağlıma bu qədəri gəldi hələ ki. yadıma düşdükcə əlavə edərəm.

bir də qara nöqtələr üçün ev üsulu maska deyirəm, söhbəti bağlıyıram, çünki nə yazım heç cür qərar verə bilmirəm.
1)limon və pesox. abi ömrümdə hər cür şey çəkmişəm üzümə, belə effektiv birinə hələ rastlamamışam. limonu 2 yerə bölün, birini batırın pesoxa, pesoxda çimizdirməmək şəkli ilə, ehmalca batırın nə qədər yapışdısa bəsdi. sonra dairəvi hərəkətlərlə üzünüzə çəkin. burun kənarlarınızda daha çox hərəkət etdirin, qara nöqtələri çooooxx mükəmməl şəkildə aparır, sızanaqları azaldır. 15 dəqiqə üzünüzdə qalsın, soonra yuyun. nə az, nə çox, sadəcə 15 dəqiqə. bir də dadı gəşəng olur, amma siz dilinizin çatdığı yerləri yemiyin. mən yedim, yediyim hissələr qara qaldı, qalan üzüm ağardı. limon üzü ağardır axı həm də. nəysə, dəriyə sağlam sərtlik verir, nəmlənmiş kimi olur, bomba bir şeydi. hər gün istifadə etmək olar.

2) yumurta ağı. yumurtanın ağın ayırıb yaxşıça çalxalayın. o qədər çalxalıyın ki, köpük max dərəcədə çox olsun, çünki köpük lazımdı bizə. deməli, köpüyü götürüb burun kənarlarında, çənədə və alında qara nöqtələr olan yerlərə çəkirsiz, bir az qalır quruyur sonra dəriyə sıxa-sıxa, dairəvi hərəkətlə peeling edirmiş kimi soyursuz. müəyyən müddət sonra qara nöqtələr yox olacaq.

son olaraq yenə üz təmizliyinə qayıtmaq istəyirəm. üzünüzü təmiz saxlasaz nə qara nöqtə, nə bənövşəyi nöqtə, nə də sızanaqla məşğul olmaq məcburiyyətində qalmayacaqsız. ola bilər yaşla əlaqəli az-maz çıxsın, o da okaydi, xırda müdaxilələrdə aradan qaldırmaq mümkündü.
haşiyəyə çıxmaq istəyirəm. dediyim şeylər bütün üzlərə uyğun deyil. ola bilər üzünüzdə 1-2 aktiv sızanaq var, yəni üzünüz normaldı. ola bilər max 7-10 sızanaq var, bu da normaldı. yox əgər 10-dan çox və şiddədlənmiş haldadısa , həkimə gedin abi. üzünüz iltihablaşmış üzdü və mütləq həkimə görünməlisiz.
haşiyə 2: sızanaqları sıxma deyən də düz deyil, sıx deyən də. tutalım hiss edirsiz ki, sızanaq üzünüzdə filan yerdə kök salıb, 1-2 günə çıxacaq. qəti şəkildə iynəylə deşib əvvəldən çıxartmağa çalışmayın. qəti ha qəti. o çoxalacaq, dəridə dərin iz qoyacaq və kimə lazımdı sonra bunun üstündə oynamaq? sızanaq çıxdı, okay, aktiv sızanaqdı. yenə sıxmıyın, yayılır bütün üzə. sonra da 1 yox, 5 sızanaq sıxassız, 5 olacaq 25. heyifdi, etməyin, eləməyin. onun əvəzinə sızanağın çıxmasını gözləyin, üstəlik 1-2 gün də sönməsini. onda dırnaq toxundurmadan təmiz əllə sıxa bilərsiz. sıxandan sonra toniklə, ya da dediyim rezorsin salisil spirti ilə silin getsin. sızanaq üzünüzdə çox da qalmasın. niyə? qalır, orda özünə kök salır girir dərinin içinə və hooop qara nöqtə olaraq geri dönür. bu mövzu haqqında danışacaq o qədər şey var ki, max qısalaşdırıb bu qədərini yaza bildim.

kasıbın kondisioneri

deməli,

(youtube: )

(youtube: )