məktəbdə cinsi əlaqəyə girən şagirdlər

Ömrümün çox illərini məktəbdə keçirmiş biri kimi bu hadisəyə öz fikrimi yazmaq istəyirəm. Baş verən hadisə azərbaycanda nə ilk deyildi, nə də son olmadı. Hələ mən orta məktəbdə oxuyanda sinifyoldaşlarım sinifdə sevişirdilər. Və biz tənəffüsdə əgər sinifdə olardıqsa, heç vaxt arxa partalara çevrilib baxmazdıq. Çünki orada sevgili olan sinifyoldaşlarımız erotika ilə məşğul olurdular. Həmçinin hər məktəbin belə məsələlərdə məşhur bir(bir neçə) qız şagirdi olur. Hər ay bir oğlanla sevgili olur və sevişir. Oxuduğum məktəbdə belə birini məktəbin zauçu oğlanla sevişərkən tutmuşdu. Yaxşı tutaq ki, biz 2000-ci illərin şagirdləriyik bizim nəsilə tərbiyəsiz damğasını yapışdırıblar. Nə də olsa Biz 21əsr uşaqlarıyıq da. Anam 80-ci illərdə orta məktəbdə oxuyub. Və onun dediklərindən yola çıxaraq deyim ki, kənd məktəbində də belə hadisələr olub və olur. Eləcə də nənəmin də oxuduğu vaxtlarda məktəblərdə belə hadisələr olub. Yəni ki, bunun nə illərə,nə zamana, nə məkana, nə də nəsilə dəxli yoxdur. Bu tip insanlar olub və olacaqlar. Hər zaman bu fikirdə olmuşam ki, hər şey insanın ailəsindən aslıdır. Ailə istəsə uşağı alim edər, istəsə fahişə edər. illər əvvəl dərs keçdiyim bir məktəbdə 10-cu sinif qız var idi. Bir dəfə dərsdən gec çıxmışdım. Hava qaranlıq idi. Parkdan keçəndə gördüm həmin qız bir oğlana blowjob edir. Böyük şok yaşadım. Bu haqda heç kimə demədim. Bir neçə ay sonra məktəbin xadimələri eyni şeyi görüb direktora məlumat vermişdilər. Qızla söhbət edəndə deyib ki, atasından qisas alır bu yolla. Dedim ay bala, nə qisas? Belə qisas olur? Atası dominant bir insandır. Qızın hər işinə qarışır. Və məktəbi bitirən kimi əmisi oğluna ərə veriləcəyini deyibmiş. Bu da belə bir üsulla atasının ağzına pox qoyurmuş. Uzun sözümü qısaldaraq deyim ki, entrydəki məlum hadisədəki qız o vaxt instagramda canlı açmışdı. Və verdiyi cavablardan bir pedaqoq kimi anlamışdım ki, psixoloji problemli uşaqdır. Belə.

xərçəng xəstəliyi

Çox yaxın insanlarımı aldı. Amma bir şey vardı ki, o vaxt uşaq idim. Anlamırdım. indi böyümüşəm, anlayıram. Bir evdə yaşadığım insan xərçəngin son mərhələsindədir. Hələ də inanmıram, inanamaq istəmirəm. Analiz cavabına baxdıqca köksüm göynəyir. Nə edim? Nə edə bilərəm? Axı kim nə edib? Kim xilas edə bilib ki mən də bacarım? Ən çox da adama qoyan bilirsiz nədi? Bu insanın bütün ömrü stres, əsəb, qorxu içində keçib. Bu adam bir gün üzü görməyib. Niyə də niyə? Niyə bütün bədbəxtliklər eyni insanı tapmalıdı? Niyə bu dünya belə ədalətsizdi? Elə bil ki, həyat adamı atır kanalizasiyaya sonra deyir ki, yox olmadı dayan üstünə bir baqaj da pox töküm tam olsun. Ağlamaqdan gözümdə yaş qalmadı. Bu günlərdə bir şeyi anlamışam. Sən demə Ağlamağın da pisi yaxşısı var imiş. Gizlində ağlamaq ki, özü heç nə bilməsin ən pis ağlamaq imiş.

sözaltı etiraf

Sözlükdə bilgi verməyən entrylər yazmamağa çalışıram. Amma bu entryni yazmaq istəyirəm. Mənim evim ruhi xəstəxananın ( el dilində dəlixana) yanında yerləşir. bir qonşum ruhi klinikadır, digər qonşum isə köhnə bir qəbirsanlıq. Bura köçdüyüm gündən heç ağlımın ucundan belə keçməyib ki, qəbirsanlıqdan qorxum. Tanışlarım hər dəfə qorxamadan necə yaşayırsan orda sualı qarşısında çaşıram. Etiraf edim ki, mən Ölülərdən qorxmuram. Mən dirilərdən qorxuram. Çünki dirilərdən hər cür pislik görmüşəm həyatda. Amma ölü biri mənə heç nə etməyib. Nə isə sözüm bu deyildi. Demək mənim sağ qonşum olan ruhi dispanserdəki xəstələr hər gecə saat 1-i keçən kimi qışqırmağa başlayırlar. Orada tam olaraq nə baş verir bilmirəm. Amma onların bu yolla öz narazılıqlarını bildirdiklərindən və səslərini bizə çatdırmaq istədiklərindən əminəm. Bu qışqırıqlar çox vahiməli olur və təxminən bir saat davam edir. Etiraf edirəm ki, səslər kəsildikdən sonra içimdən oraya getmək keçir. Ümumən ruhi xəstəxanada ruhi xəstə kimi yaşamaq istəyirəm. Əcəb istəkdir. Bir dəfə həmin xəstələrdən biri xəstəxanadan qaçıb mənim qarajımda gizlənmişdi. Həkimlər və polislər qapı-qapı gəzib xəstəni axtarlrdılar. Mənim həqiqətən xəbərim yox idi məsələdən. Bir az da həkimlərlə aramızda dava oldu. Amma xəstə mənim həyətimdən tapıldı deyə yaman pərt olmuşdum. Amma məsələ bu deyildi. Xəstəni tapdıqdan sonra işçilər elə döydülər ki, mən ömrüm boyu belə aqressiya, belə nifrət görməmişdim. Nə qədər qışqırsam, müdaxilə etsəm də xəstəni ala bilmədim onlardan. O xəstə oğlan da ağlımdan heç çıxmır. Daim onu düşünürəm. Düşünürəm ki, o oğlan bu dünyanın ən günahsız günahkarıdır. Pox olsun belə həyata.

b qrupu vitaminləri

B qrupu vitaminləri həm heyvan, həm də bitki mənşəli məhsullarda olur. B qrupu vitaminləri B1,B2, B5, B6, B9, B12, B15 və s. dən ibarətdir.
B1 vitamini (tiamin) — B1 vitamini çatışmadıqda Beriberi xəstəliyi, polinevritlər, ayaqaltı və diz reflekslərinin itməsi,
biləklərin və əl barmaqlarının açıcı əzələlərinin, pəncənin iflici, qıcolmalar, paresteziya, hissiyatın itməsi, taxikardiya, anemiya, təngnəfəslik, aritmiyalar, qusma, qaytarma (pilorospazm), dərinin «mərmər» şəklində olması, kəskin ürək çatışmazlığı, anoreksiya, əzələ hipotrofiyası, ağız künclərində çatlar və s. qeyd edilir.
Gün ərzində 2-3 dəfə 5-10 mq olmaqla təyin edilir. Ağır hallarda doza sutkada 50 mq–a qədər artırıla bilər.
Bu vitamin südün, qaraciyərin, qozun, yumurta sarısının, qara çörəyin tərkibində daha çoxdur.
B2 vitamini (riboflavin) – B2 vitamini orqanizmdə çatışmadıqda xeyloz, dil məməciklərinin atrofiyası, seboreyalı dermatit, blefarit, paresteziya, ataksiya, boyun inkişafdan geri qalması, qıcolma, hipotrofiya, anqulyar stomatit və s. qeyd edilir.
Vitamin gündə 3 dəfə 0,003-0,005 qr olmaqla təyin edilir.Ağır hallarda doza 0,005-0,007 qr–a qədər artırıla bilər.
Bu vitamin qaraciyər, ət, balıq, qarğıdalı, toyuq, buğda, süd, kefir, yaşıl noxud, kəsmik və yumurtanın tərkibində vardır.
B5 vitamini (pantotenat turşusu) – bu vitamin çatmadıqda tez yorulma, paresteziyalar, ifliclər, böyrəküstü vəzin çatışmazlığı
və s. əlamətlər qeyd edilir. B5 vitamini çox vaxt digər vitaminlərin müştərək çatışmazlığı ilə müşahidə edilir. Vitamin gün ərzində 3-4
dəfə 0,05- 0,1 qr olmaqla təyin edilir.
Vitamin tərəvəzlərin, qaraciyərin, yumurtanın, düyü məhsullarının, qozun tərkibində çoxdur.
B6 vitamini(piridoksin) – B6 vitamini çatışmadıqda dərinin quruluğu, kəpəklənməsi, xeyloz, qlossit,fotodermatozlar, ekzema, qusma, diareya, parezlər, qıcolmalar, nevroloji pozuntular, mikrositar, hipoxrom anemiya,limfopeniya, depressiya və s. əlamətlər müşahidə edilir. Gün ərzində 4 dəfə olmaqla 0,005-0,01 qr təyin edilir.
Digər B qrup vitaminlərdə adı çəkilən qidaların tərkibində
vardır.
B12 vitamini (siankobalamin) – klinik olaraq bu vitamin çatışmadıqda əsasən meqaloblast anemiya, hipoasid qastrit, atrofik qlossit, psixomotor funksiyadan geri qalma, bəzən ağır hallarda koma, trombositopeniya, leykopeniya, müşahidə edilir.
Vitamin günaşırı 5-8 mkq/kq olmaqla əzələ daxilinə yeridilir.
Qaraciyər, ət, balıq, pendir, süd bu vitaminlə zəngindir.
Bc vitamini (fol turşusu) – bu vitamin çatışmadıqda xeyloz, xoralı qastrit, enterit, qlossit, stomatit, gingivit, seboreyalı
dermatit, ishal, fiziki və əqli inkişafdan geri qalma, mikrositar meqaloblast anemiya qeyd olunur. Gün ərzində 2-3 dəfə olmaqla
0,01-0,02 qr təyin edilir.

c vitamini

C vitamini (askorbin turşusu) -askorbin turşusunun dəmirin bağırsaqlardan sorulmasında, bədənin mikroblara qarşı müqavimətinin artmasında böyük rolu vardır. Bu vitamin çatışmadıqda Sinqa xəstəliyi, diş ətinin qanaması, şişkinliyi, gingivit,
anemiya, dodaqlaların kənarlarında, dırnaqlarda sianoz, anoreksiya, tük məməciklərin ətrafında petexiyalar, ekximozlar, tezyorulma, taxikardiya, Meller – Barlov xəstəliyi , apatiya, sümüklərdə ağrının olması, bəzən qıcolmalar və s. əlamətlər müşahidə edilir. Gündə 300-600 mq askorbin turşusu təyin olunur.
Bu vitamin təzə meyvələrdə, tərəvəz və giləmeyvələrdə (göy soğan, kələm, kahı, pomidor, çiyələk, itburnu, limon,
portağal, alma, qırmızı və yaşıl bibər) çoxlu miqdarda olur.

a vitamini

A vitamini (retinol)– bu vitamin orqanizmdə boyun artmasına şərait yaradır və orqanizmin infeksiyalara qarşı müqavimətini artırır. A vitamini insanın həm bətndaxili, həm də doğulandan sonra normal inkişaf etməsi üçün mühüm vitaminlərdən biridir. Bu vitamin orqanizmdə çatışmadıqda gözdə Bito ləkələri, konyunktivanın buynuz qişasının və dərinin kserozu, keratomalyasiya, dərinin irinli xəstəlikləri, saçın, dırnaqların kövrək olması, işıqdan qorxma, gecəkorluğu, tənəffüs yollarının katarı, piuriya, pnevmoniya, residivləşən irinli otit, anoreksiya, çəki artımının ləngiməsi, hipertenzion-
hidrosefal sindrom və s. kimi əlamətlərlə özünü göstərir.
Müalicəvi olaraq vitamin A gündə 2 dəfə 5000-10000 BV olmaqla təyin edilir. Ağır hallarda 25000-50000 BV-ə qədər artırıla bilər (sutkada hər kq/çək – 500-1000BV olmaqla təyin edilir).
Bu vitamin kərə yağı, pendir, yumurta sarısı, qaraciyərdə və balıq yağında daha çox olur. Bir çox meyvə və tərəvəzdə (yerkökü, kahı, soğan, şüyüd, pomidor, ərik və itburnu) xüsusi maddə olan karotin vardır ki, bu da insan orqanizmində A vitamininə çevrilir.

adhd

Adətən uşaqlıqdan başlayan və ömür boyu təsir göstərən böyüklərin diqqət çatışmazlığı və hiperaktivlik pozğunluğu daim davam edən xəstəlikdir. Bu psixoloji narahatlıq Diqqəti yönəltməkdə çətinlik çəkmək, unutqanlıq, işi təşkil etməkdə çətinlik çəkmək və verilən işi davam etdirməkdə çətinlik çəkmək kimi müəyyən problemləri özündə ehtiva edir. Xəstələr əsasən zehnlərində inkişaf edən hadisələri izləməkdə çətinlik çəkdiklərini və heç bir mövzuya diqqət edə bilmədiklərini bildirirlər. Həmçinin xəstələr Aqressiyanı idarə etməyə bilirlər. Müxtəlif dərman tətbiqləri və konsultasiyalar köməyilə bu narahatlıqdan qurtulmaq mümkündür.

beyin

Beyin insan bədənin ən vacib birinci orqanıdır. Beyinin sol yarımkürəsi məntiq, analiz, dilbilmə, nitq və yazı qabiliyyəti, eşitmə, görmə və dadbilməyə xidmət edir. Sağ yarımkürə isə intuisiya, rəssamlıq qabiliyyəti, təxəyyül, 6-cı hissin güclü olmasına xidmət edir. Beyin ağrını hiss etmir. insan yatarkən beyin daha aktiv işləyir nəyinki oyaq zamanı. Beyin hüceyrələri təkcə neyronlardan ibarət deyil. Bir neyornda onlarla qliya hüceyrəsi olur. insan aşiq olanda bunu Fmrt -də görmək mümükün olur. Beynin 60%-i yağdan ibarətdir. Beyindəki sinir hüceyrələrinin noemal fəaliyyəti üçün oksigen və qlükoza çox vacibdir. Beyində yaddaş məhdudiyyəti yoxdur. istənilən qədər məlumatı beyində saxlamaq mümkündür. Əzələlərdə olduğu kimi beyni də istifadə etmədikcə itiririk.