sözaltı music

interstellar theme guitar cover.
Özüm hazırlamışam, çox sadədi sadəcə iki akordla: Fmaj7 və emaj7 akordları.
(Originalında olan Bütün notları ehtiva etmir)
Öyrənmək istəyən olsa böyük məmnuniyyətlə izah edərəm.

sözaltı music

D(re) akordlarının (Dmaj, Dm, d7, dsus4 və s.) olduqca "məhsuldar" olması(forma olaraq), öz törəmələri arasında nisbətən daha asan dəyişməsi və bunun çox gözəl istifadə olunduğu parçalar.


The Beatles - while my guitar gently weeps (intro, kapo 5)

sonuncu ay işığı

Mən oxumuşam, siz oxumayın deyə deyirəm. Yazıçı müharibəni bəhanə edib, nə qədər cinsi fantaziyası var töküb ora. Kitab bir yerdən sonra tamamilə pornodu və öz içində kateqoriyalara ayrılır. "Teen", "bdsm", "old-young" filan. Sadəcə yazıçı deyib ki, "seks kitabı çıxara bilmərəm, barı müharibəni bəhanə edim, bəzəyim orasını burasını, verim nəşrə bunu".
Spoiler:
Bir bunker var imiş, oranın komandiri nona adında orta yaşlı qəşəng budlu bir erməni qadın azərbaycanlı əsirləri ilə cinsi birləşməyə girib onları qamçılayırmış, dişləyirmiş * erməni zülmü :d . Rövşən adında əzələli igid azəri oğlan da bunun ən sevdiyi köləsi imiş. Bunun da bir dənə teen qızı var imiş, rövşəni onun əlindən alıb sevişirmiş zad cırt pırt * oradan da bu qərara gəlirik ki, rövşən=jordy+johnny+brad pitt+kafka :d . "Heç kim də demir ki bu nədir aq?!" Brazzersdən oğurluq senari ilə kitab yazıb mübarək.

P.s Ümid edirəm bu açıqlamamdan sonra kitabın satışı dramatik bir şəkildə artmaz -*

yazarların başına gələn maraqlı hadisələr

idman edib girmişdim hamama ki, yaxalanım. Çıxanda gördüm ki bacım(7) qulaqcığımı taxıb qulağına mənim telefonumdan mahnı dinləyir. Heç kimi qoymuram əslində qulaqcığıma əl vursun. Amma görən kimi cumub əlindən almadım, maraqlı gəldi ki bu nəyə qulaq asır. Bir də baxam "sabbath bloody sabbath". Bundan əvvəl də "fear of the dark-a" qulaq asırmış. Bir qardaş olaraq qürurlanmadım deyil, bəlkə 10 saniyəlik gözüm də dolmuş ola bilər. Sonra başladım buna o biri metal parçaları göstərməyə. "Spit out the bone-u" yaman bəyəndi. Halbuki elə bir girişi var ki növbəti mahnı o olmasın deyə playlistdən çıxartmışam onu. Evdə deyəsən məndən daha metalhead biri böyüyür. Bu həm qürurlandırır, həm də biraz qorxudur.

(youtube: )

əfsanəvi albom qapaqları

Metallica qrupunun 1996-cı ildə çıxardığı "load" albomunun qapağı. Qapağı bir yana albomun özü ayrı trolldu. Hamı thrash metal gözləyir bunlar alternativ metal çıxarır. Hələ "mama said" parçası(əladı) bildiyin country music-* fərqli subjanrlara müraciət edərək köhnə dinləyicilərini biraz xəyal qırıqlığına uğratsa da, "king nothing", "untill it sleeps", "hero of the day" parçaları ilə könlümüzü almışdır.

O şəkildə gördüyünüz də qanla spermanın birləşməsidir.

tutunamayan

Tutunamayan uyduracağım, uydura biləcəyimiz başlıq. Kitabı bitirəndən sonra birini uydurmuşdum günlüyümdə dedim onu bura yazım(kitabı heç oxumağa ehtiyyac yoxdu bunun üçün sadəcə uydur bir şeylər). Təbii ki, istərəm başlıqda yazarlarımızın uydurmalarını da görək.

Səməd Cəlilabadın təklə kəndində, rayonda tibb bacısı işləyən bibisinin köməyi ilə dünyaya gəldi. Körpəliyində çox xəstələndi. 4 yaşında kiçik qardaşının doğulduğu gün anasını və qardaşını itirdi. Sünnət olunmaqdan qorxub ağaca çıxdı və ilk şilləni ona o gün atası vurdu. Atası ikinci dəfə evləndi və analığı tərəfindən hər paltarını kirlətdikcə döyüldü. Vurma cədvəlini heç vaxt öyrənə bilmədi. Məktəbdən qayıdanda nənəsinin vəfat xəbərini aldı. 15 yaşında əmisinin köməyi ilə atası ilə rusyaya işləməyə getdi. 21 yaşında bir fahişə ilə ilk cinsi təcrübəsini yaşadı. Həmin il atasını qaraciyər serrozundan itirdi, tezliklə kəndinə qayıtdı. Yığdığı pulun yarısını atasının dəfnində xərclədi, analığı və ögey qardaşı ilə saratov şəhərinə köçdü. Bazarda işlədiyi yer gürcülər tərəfindən zəbt olundu. Analığının tapdığı qarabuğdayı azərbaycanlı qızla sözləndi. işlədiyi inşaatda təzə suvanmış divar üstünə aşdı, sağ ayağını itirdi, belini və qabırğalarını ağır yaraladı. Kəndinə qayıdan analığını və ögey qardaşını bir daha görə bilmədi. Kirayəsini ödəyə bilmədiyi evindən çıxarıldı. O vaxtdan Saratov küçələrində dilənçilik etdiyi deyilir.

sözaltı səhnəcik

Keçəlimə...

ikinci hissə(yazarlar və parıltılar):

Adtapabilmedim və grammar.nazi söhbətləşərək içəri daxil olurlar.

Adtapabilmedim(ehtiyyatla, nazinin qulağına əyilərək): heç kimə demə ha əsgərlik boyunca mətbəxdə kartof soyduğumu, hamıya deyəcəm kəşfiyyatda idim.

Nazi(başını yelləyərək): sözlərin tələffüzünü düzgün etdiyin müddətcə problem yoxdur mənim üçün. son vaxtlar özümü lap itirirəm elə olanda, dərmanım da evdə qalıb.

Omnia və Fantamaz içkiləri hazırlayırlar.

Omnia(həyəcanla, fantamaza): həə, belə olmuşdu, yaxşı ki cibimdə o vazelin var idi. Çox köməyi oldu çıxmağıma.

Fantamaz(maraqla): gərək bir dənə də mən alım, atım cibimə.

Omnia:(qələbəliyə səslənərək) uşaqlar içkilərinizi götürə bilərsiniz.(Fantamazın qulağına əyilərək, gülə-gülə): birinin içinə dərman atmışam, tualet də işləmir görək kim sıçacaq altına.

Fantamaz(sualedici nəzərlərlə): hansının bəs?

Omnia(tərddüdlə, qədəhi işarə edərək): bunun. Yox, deyəsən bu idi. Amma...(həyəcanla) ala unutdum...

Fantamaz(əli ilə dodlarını qapadıb): moderlərə düşsə sıçdıq.

Bu vaxt bir qrup yazar party zalına daxil olub, içəridəkiləri salamlayırlar.

Anyone(təəccüb və razılıqla): bu səhnəni bir filmdə görmüşdüm sanki. Öncə hər kəs partydə əylənir, sonra qiyamət filan olur, hamı götə gəlir.

Momoko: səncə də çox baxmırsan filmə?

Anyone(düşüncəli): gündə sadəcə 18 saat dostum, bunun nəyi çoxdu?(razılıqla) Rekordum da 43 saatdı.(keçmiş gözəl günləri yadına salaraq)Kənan mmin bütün filmlərinə baxmışdım həmin gün. Kaş onları unudub yenə baxa bilsəm...

Momoko(ətrafı gözdən keçirərək): bax gör Tv var buralarda? Ps 4 gətirmişəm.

Anyone(momokonu süzərək): oyun oynayacaqsan? Gəlmişik də gül kimi partyə, əylənək ondansa.

Momoko(qaşlarını çataraq): partydə əylənəcəyiksə niyə videoplayer gətirmisən onda?

Anyone(qəzəblə): mən sən tv-ə toxunmayasan deyə elə dedim.

Nabifur(tünlüyə səslənərək): uşaqlar mahnı işini öz üstümə götürürəm, qulaqlarınız eargasm olacaq.(razılıqla) mənim kimi bir alfaya yaraşacaq şəkildə...(cd-ni zənciyə uzadaraq) bunu audio player-ə tax, bu üzü üstə amma yaxşımı?

Zənci cümlənin sonunu dinləmədən cd-ni daxil edir.

Səslənir: aqua - barbie girl

Nabifur(təlaşla, zənciyə bağıraraq): üzünü dəyiş, üzünü dəyiş! Cdnin üzünü dəyiş, səni lənətə gəlmiş!

Uşaqlıqda barbie gəlincikləri ilə oynayanda məhlədəki uşaqlar tərəfindən ağır tənqid olunan və bundan travma alıb nəticəsində barbie və tənqid manyağı olan zənci qulaqlarını əlləri ilə bağlamağa çalışaraq yerdə qıvrılır.

Zənci(təşviş, ağrı və qorxu içində) yox! Yox! Kəsin bunun səsini. Timidusun düzəltdiyi  mahnılardan belə iyrəncdi bu. Allahım!

Yazarlar mahnını dayandırır və zənciyə qalxmaqda kömək edirlər.

Bakir(fikirli, qaşqabaqlı, qubadlıya): troll qoxusu alıram, burnum məni heç vaxt yanıltmaz.

Qubadlı(havanı iyləyir): deyəsən kimsə qaz çıxarıb. Kafkadı məncə.

Bakir(təəccüblə): kafkanın troll olduğunu düşünürsən?

Qubadlı(əlini yelləyir): ə qaz çıxaranı deyirəm. O olan tərəfdən gəlir. Hail də ola bilər.

Nabifur playlistindən yeni bir mahnı səsləndirir. Yazarlar rəqs etməyə başlayırlar.

Reyn(həsədlə, apolloya): bu cür rəqs etməyi haradan öyrənmisən miyav?

Apollo(ifadəsiz tövrlə): mənbə: flaminqo rəqs kursları. Alternativ mənbə: şamxalın rəqs zalı

Reyn(gülərək):  timidusa bax hələ, dişisini cinsi birləşməyə çağıran bonobo kimi rəqs edir miyav. Adam amerikada heç gecə klubuna getməyib deyəsən.

Nellie bunu eşidir...

Sabi(təəccüblə): nə oldu nellie? Birdən gözlərin parıldadı sanki.

Nellie(fikrini cəmləyərək): o şey.. gəl gedək nəsə içək.

Albert(bir kənarda oturan hailə yaxınlaşıb): niyə rəqs etmirsən?

Hail(məyus): afjagks ühü amma belə çox sjajfakf

Albert(əli ilə üzünü silərək): üzümə tüpürdün hail, demək dabanın ağrıyır deyə. Ayaqqabın döyüb?

Hail: djsakfj

Bakirfikir, Zənci və Anyone söhbət edirlər.

Bakir(heyfsilənərək): çox heyf ki, bizim ölkə və komandalar öz futbolçularına layiq olduğu dəyəri vermir. Əfran kimi ulduzlar Zirədə filan heç olurlar.

Zənci(təəccüblə): Əfranın daha yaxşı yerlərə layiq olduğunu düşünürsən?

Bakir(razılıqla): mənim kimi bu işlərdən başı çıxan birisi üçün bu həm sualdır həm də cavab. Təbii ki yaxşı yerlər. Yəni barselona filan. Belə bayern də ola bilər.

Zənci(heyrətlə, gülərək): həə hətta biraz sıxsa real filan hə?!

Bakir(ciddiyyətlə): təbii ki, yoxsa troll olduğumu düşünürsən? Ən nifrət etdiyim şeydir.

Zənci(ciddiləşərək): həə təbii dostum, yəni yox elə düşünmürəm. Sadəcə inanmıram əfran..(üzünü anyone-a tutaraq, yavaşca) sən də bir şey de.

Anyone(söhbətin nədən getdiyini anlamağa çalışaraq): həə baxmışam o filmə. Heyf qız sonda pis yollara düşür.

Bu vaxt timidus yazarlara səslənir.
Timidus(əlindəkini albertə uzadaraq): başqa ot istəyən var?

Omnia(uzaqdan səslənərək): nələr var içində? Ucuz mal sevmirəm, ishal edir məni, alət də çalışmır sonra.

Timidus(razılıqla): öz reseptimdi. Çoban yastığı qurusu, zəncəfil tozu, biraz da kəklik otu. istəyənə darçınlısı da var(hər kəsin eşidəcəyi şəkildə pıçıldayır)Səninkinə biraz da viaqra qatarıq, heç nə olmaz Omnia.(yazarları süzərək)Cənnət üçün on üç saatlıq biletdən kim istəyir?

Tural(sualedici nəzərlərlə): dostum, bu pis təsir etməz ki?

Timidus(loğvalıqla): mənə? Yəqin zarafat edirsən. (Bir qullab alaraq) Mənə heç nə olmaz. (Üzünü qızlara tərəf tutaraq): bəs siz qızlar? Amma nömrə qarşılığında hmm?

Hərtərəfli(heyrətlə, diablousa): ala da bu qədər də yox da. Ayrı vaxt da deyirlər timidus eləməz zad. (Saatına baxaraq, öz-özünə)  gec olur, sabaha hazırlıq var, gərək gedim dərs oxuyum.

Fantamaz musiqini dayandırır.

Fantamaz(işıqları söndürərək): hərə özünə bir içki götürsün, hekayə zamanıdır. Bizi biz edənlərin hekayəsi. Misalçün sən bakir, niyə bu qədər nifrət edirsən trollara?

içkinin və yarıqaralığın məhrəmliyindən cəsarətlənən Bakir biraz xəyala dalıb, cavab verir.

Bakir(düşüncəli, məyus): bundan illər əvvəl, mən hələ sözlüyü kəşf etməmişdən qabaq, müxtəlif platformalarda trolluq edirdim. işi o qədər böyütmüşdüm ki dünyanın fərqli yerlərindən məndən məsləhət alan troll-lar  var idi, bütün günümü buna sərf edirdim. Bir gün otaq yoldaşım Babasili olduğu üçün yeriyə bilmədiyindən mətbəxdən dərmanlarını gətirməyimi xahiş etdi. Lakin mən kompüterin qarşısından qalxmadım. O bir neçə dəfə də xahiş etdi amma mən yenə bunu etmədim. Qarşılığını da aldım... həmin gün yeməkləri çox qatıbmışam, şiddətli qarın ağrısı ilə ayaqyoluna tərəf qaçdım. Lakin dostum orada idi və o da ağır işini görürdü orada. Babasilin ucbatından saatlarca ayaqyolunda qalacaqdı və Çox yaxşı bilirdim ki, Həzmi rahatlaşdıran o dərmanları vaxtında aparsa idim ona indi ayaqyolu boş idi... tualetin qapısına vura-vura "tez ol, tez çıx" nidaları səsləndirdikcə o da "ucundadı-ucundadı" deyə içəridən mənə bağırırdı. Birdən ani bir sinir boşalması yaşadım. Və artıq hər şey üçün gec idi.(əlindəki salfetlə gözündən aşağı süzülən yaşı silərək) o gün özümə bir söz verdim. Artıq nə trolluq edəcəkdim, nə də buna icazə verəcəkdim...

Yazarlar bakirfikirin bu hekayəsinə dərindən hüznlənirlər.

Fantamaz(boğazını arıtlayaraq): kim davam etmək istəyir?


Omnia əlini qaldıraraq sözə başlayır.

Omnia(kədərli): yağışlı günlərdən biri idi. Məktəbdən çıxıb qaça-qaça evə gedirdim. Qabağımda xoşum gələn qızla rəfiqəsi eyni çətirin altına girib, evlərinə tərəf gedirdilər. Onun qabağı ilə qaçmaqdan utandım deyə arxalarınca yeriməyə başladım. Rəfiqəsi ilə nəsə deyib gülürdülər və bu mənim diqqətimi çəkirdi. Yavaş-yavaş yaxınlaşıb nə danışdıqlarını eşitməyə çalışdım. Eynən belə deyirdi(qızı yamsılamağa çalışaraq): "omniaya ancaq keçəl olsa üz verərəm. O da arada zarafata salıb keçəlinə şillə atmaqdan ötrü". Rəfiqəsi isə gülərək cavab verdiki: "az dəlisən, bu şeylər haradan ağlına gəlir". Mənim artıq bütün planım hazır idi. Evə çatanda atamın təzə təraş maşınını götürüb hamama girdim. Çıxanda anam məni görüb heyrətləndi, sonra isə gülməyə başladı. Utanmışdım, sonra da aydın oldu ki başımda çoxlu topa-topa tüklər qalıb. Qardaşımın köməyi ilə hamısını həll etdim. Başım parıldayırdı artıq. Yaraşıqlı yoxsa çirkin olduğumu aydınlaşdıra bilmirdim. Qardaşımdan keçəlimə şillə atmasını və düşüncələrini mənə deməsini istədim. Hər şey müsbət idi. Bircə atam təraş maşınını təmizləmədən bir kənara atdığımı görəndə məni qapazladı bu qədər. Sabah məktəbə papaqla getdim. Məktəbin həyətində Diləfruzun, sevdiyim qızın yəni,  qabağında durub papağı çıxardım. Başımın parıltısından bütün gözlər bizə tərəf çevrildi. Diləfruz təəccüblə gülməyə başladı, mənsə ona başıma bir şillə atmasını söylədim. O daha da təəccübləndi, mənsə dünən ondan eşitdiklərimi ona nəql etdim. O biraz da təəccübləndi sonra isə başıma yaxşı bir şillə oturtdu. Əli də yaman ağır imiş. Sonra çiyinlərimdən tutub başını mənə tərəf yaxınlaşdırdı. Öpəcəyini sanırdım amma hər kəsin eşidəcəyi şəkildə qulağıma pıçıldadı.(gözünü salfeti ilə qurulayaraq) "Sikdir də qardaşımsan"... ətrafdakı hər kəs qarnını tutub gülürdü. Mənsə ayaq yoluna qaçaraq, boşuna gedən əziyyətimə, biabr olmağıma yoxsa mənə qardaşımsan deməyinə üzülüm bilmirdim. Başım da ağrıyırdı. Həmin bu travmadan sonra saçlarım heç uzanmadı. Hələ də bəzən yuxularıma girir bu hadisə...

Yazarlar omniaya yalandan da olsa keçəl olmağın ona çox yaraşdığını deyib təskinlik verirlər.

Kəllə söz alaraq davam edir.

Kəllə(qəzəb və hüznlə): entrylərdə niyə atama bu qədər saydırdığım yəqin ki hərkəsə maraqlıdır. Bunun tək bir səbəbi yoxdur əlbəttə ki. Məsələn bir dəfə məni kompüter oynamaq üçün internet kluba aparacağını dedi. Sən demə həkimə aparırmış. Sünnət etdilər məni. Bir dəfə də ad günü şənliyimə gələn sinif yoldaşlarıma uşaq vaxtı çəkilən çılpaq şəkillərimi göstərib, uğunub getmişdi. Qızlar bir həftə arxamca nəsə danışıb gülmüşdülər. Hələ 2 il əvvəl ramazanda mənə oruc tutdurub özü dostları ilə pub-a getmişdi. Ən pisi isə keçən il baş verən hadisədir. Sevdiyim qızla qulaqcığımın bir qulağını paylaşaraq musiqiyə qulaq asırdım. Birdən atamdan zəng gəldi, mənsə qeyri-ixtiyari zəngi açdım. Atam boğuq səsi ilə bir başa xəttin o biri ucundan "götverən evə gələndə çörək al" dedi. Əlim-qolum bir-birinə qarışdı, nə edəcəyimi bilmədim. atam isə davam edirdi "ə xiyar eşidirsən cavab ver də, gijdıllaq blet". Özümü cəmləyib bir təhər zəngi söndürə bilmişdim gec də olsa.(Qolu ilə gözlərini silərək)utancımdan özümü hara atım bilmədim. 3-4 ay atamı danışdırmadım buna görə. Atamın xətrimə dəydiyindən xəbəri var idi amma mən danışmadığım müddət gəlib heç nə demədi mənə. Sonra anladım ki danışmadığım vaxtlarda ondan pul istəyə bilmirmişəm deyə imiş. Onun da heç niyəti yoxmuş danışmağıma. Hələ davam edə bilərəm.

Sabi öz hekayəsini danışmağa başlayır, Bu vaxt Kafka, nellie və tural söhbət edirlər.

Nellie: belə də, gündəlik 3-4 entry filan xəbərləyirəm. Ən böyük hobbimdə troll və yan hesabları təyin etmək, daha sonra isə onları xəbərləməklə hədələyib, istədiyim şeyləri elətdirməkdir.

Kafka(saxta bir təbəssümlə): nələr elətdirirsən?

Nellie: hesabıma pul köçürtdürürəm əsasən amma bəzən yazığım gələndə adi şeylər də istəyə bilirəm, musiqi tövsiyyəsi filan yəni.

Kafka(saxta təbəssümünü qoruyaraq, turala yavaşca): görürsən bu ifritəni.

Tural(nellieni süzərək, yavaşca):  mənim yan hesablarımdan xəbəri yoxdu yaxşı ki..

Nellie(təbəssümlə): sizdə nə var yox?

Kafka: heç bekarçılıqdı, yaşayırıq...

Bunu eşidən nazi söhbətə qoşulur.

Nazi(əsəblə): bekarçılıq yox bikarçılıq. Blet mən sizə heç nə öyrədə bilmədim.

Sabi danışdığı hekayəsinin sonuna çatır.

Sabi(məyus): hə, uşaqlar belə. Tək psixoloji problemim də bunlar deyil. Bir dəfə başımı headbang edəndə vurmuşdum divara beynimin prefrontal korteksi zədələnib. O vaxtdan adrenalinim yüksələndə insanların üzünün yerində götlərini görürəm. ilk vaxtlar əyləncəli idi amma sonra dəhşətli götlər gördüm. Artıq insanlarla əvvəlki kimi ünsiyyət qura bilmirəm sanki kimsə mənə yaxınlaşanda üzümə sıçacaqmış kimi oluram.(əlləri ilə üzünü bağlayır)Dəhşət.

Yazarlara salfet paylayan anyone işıqları yandırır.

Anyone(sevinclə)Uşaqlar gəlin cin çağıraq. Bir filmdə görmüşdüm.

Nellie(istehza ilə)dostum, o sadəcə filmdir axı.

Anyone(əsəbiləşərək): film başlayanda bu yazılmışdı(əlindəki telefonun ekranını nellieyə tərəf yaxınlaşdıraraq) "based on very true story".

Reyn(həyəcanla, əllərini bir-birinə vuraraq): hə çağıraq, çağıraq miyav!

Qubadlı(sakitcə): mən cinlərdən qorxuram sonra çağırsaq olar?

Bakir(qarnını tutub): ax qarnım!(əlindəki qədəhi yazarlara tərəf uzadaraq) nə qoymusuz bu zibilin içinə!

Omnia(fantamazın qulağına): zibilə qalsın.

Bakir cəld tualetə tərəf qaçır lakin çatanda unitazın daşdığını görür. Üzünü yuxarı tutaraq yox, allahım, bu səfər yox.  Və ani bir sinir boşalması...

                                 =Son=

sözaltı sözlük

Son 10 gündür müharibə bütün ölkənin hətta dünyanın (eləcə də sözlüyün) gündəminə oturub, bununla bağlı fəallaşan bir qrup var sözlükdə. Əsasən Təzə yazarlardan təşkil olunub. Siyasət ən rahat şəkildə haqqında sallaya biləcəyimiz mövzu olduğundan bu mövzulara hər kəsin fikir bildirməsi, şərh etməsi normaldır amma bu qədəri də çoxdur. Sözlük çayxanaya dönəcəksə gedək elə çayxanaya da aq.  Əvvəllər yenə tural ya zənci nəsə bir şey tapırdı sonra da hökuməti iki pors söyürdü qazımızı alırdıq. indi bu şarlatanların əlindən qabağımıza 100də 1000də normal bir entry çıxır. Həm də bilmirəm yuvarlaq şəkildə eyni fikirdə olmaqlarındanmı yoxsa bir-birilərinə dəstək verdiklərindənmi müharibə yaxud siyasətlə bağlı yazdıqları çayxana söhbətləri lazımından, layiqindən çox diqqət görür. Yəni bildiyin adamlar icma qurublar daim dəstəkdilər bir-birilərinə. Bir iki tükəzban da var aralarında bildiyiniz kimi, canlarım. Obyektivlik filan da heç tınlarına deyil. Sözlüyü bölüblər iki yerə sağolmuşlar. "Onlar və onlardan olmayanlar". Deyə də bilmirsən ki adə indiyə kimi harada idin?