sözaltı sözlük üçün tövsiyələr

Discordda yazmışdım bir müddət əvvəl, indi Bura da atıram. Tövsiyədən də çox, xahiş, istək olaraq yazıram.

1) mobil interfeysdə "qarışdır" butonunu sol freymə əlavə olunsa, çox daha yaxşı olardı. "bugün" hissəsinin lap yuxarı hissəsində "yenilə/gündəm/ana səhifə" butonlarının yanında olması daha praktikdir, nəinki indiki yeri. mobildə konkret elə bil gizlədilib o buton. gün ərzində daimi olaraq ora girən biri üçün çox zülümdür.

1.1) cəhənnəm, heç olmasa bildiriş hissəsinin yanındakı o 3 xətt (menu) olan hissədə "son entrylər" ilə yeri dəyişdirilsin. kimsə ana səhifədəki "bugün" butonunun yanındakı "son"u qoyub, gedib ordan "son entrylər" hissəsinə girəsi deyil. ən azından "qarışdır" orda olsa, nisbətən daha əlçatan olar.

2) "qarışdır"da hansısa başlığa girib qayıdanda həmin səhifə itir. Bəzən siyahıda 2-3 maraqlı başlıq olur. Əlin dəyib girirsən, geri qayıdanda da görürsən ki, səhifə yenilənib. Məncə O siyahı biz "yenilə" düyməsinə basmamış yenilənməsə, daha yaxşı olar.

3) bayaq bir entrisi qabağıma çıxdı, avtomatik refleks kimi yazar adına klikləyəndən sonra çatdı ki, sevilin hesabı (bax: adsız dəyirmandaki xoruz)

intihar edəcək adama məsləhətlər

Heç kimi poxa salma!

Bayaq baxıram, (bax: əzabsız intihar üsulları)

yaşlanmağın hiss edildiyi anlar

insanın Köhnə sevgililərinin artıq evləndiyi, hətta uşaqları olduğunu öyrəndiyi anlardır.

Axşam biri (bax: köhnə sevgilinin unudulmayan sözləri)

almayacağını bildiyin halda oturub turbo.azdan maşın elanlarına həvəslə baxmaq

səni cəzb edən hansısa əks cins nümayəndəsini* xüsusilə də, məşhurlar instagramda izləmək, xoşuna gələn təbiət mənzərələrini görüb oranı arzulamaq, yemək videolarına baxıb ağzı sulanmaqdan çox da fərqlənməyən davranışdır.
- sevdiyimiz, arzuladığımız o məşhurla birlikdə olacağıq?
- yox
- bəyəndiyimiz o təbiət mənzərəsini, bir neçə yüz illik avropa küçələrini və ya cyberpunk tərzdə editlənmiş binalar olan şəhərlərin hamısını gedib öz gözlərimizlə görəcəyikmi?
- realist olsaq, çoxumuz yox
- 40 cürə yemək videosuna baxırıq, onları evdə bişirəcəyikmi?
- yox
- bəyəndiyimiz hər geyimi, ayaqqabını və ya aksesuarı alıb, xoşumuza gələn döyməni bədənimizə vurduracağıqmı?
- o da yox.

Başlıqdakı durum da bu dediklərimlə, demək olar, eynidir. Hər bəyəndiyimizi, bizə zövq verən şeyi həyata keçirmirik. Hətta sizinlə acı bir həqiqəti də bölüşüm: "istəklərimizi həyata keçirməyə çalışsaq da, arzuladığımız bir çox şeyə nail olmayacağıq". Həyat budur. Bəzən sadəcə könlümüz açılsın deyə edirik, xəyal qururuq. Bunlar bizi həyata bağlayan, motivasiyamızı saxlamağa yarayan, davam etməyə sövq edən şeylərdir.

Həm də ki bəyəm hansı kişi "qıraqda 30min pulum var, gedim görüm bazarda bu pula nə maşın düşür?" deyib maşın alıb? hamısı əvvəldən illərlə götür-qoy edir, düşünür, araşdırır. Bu sənin zövqünün formalaşmasıdır. Necə ki hansı geyimin səni ifadə etdiyini və yansıtdığını düşünürsənsə, bir gün almağı düşündüyün xəyalındakı maşın da bir baxıma eyni funksiyanı görür, sadəcə daha böyük həcmdə. Özünü onla bağdaşlaşdırırsan. Bu, həm də məqsədlə əlaqəlidir, səni hərəkətə keçirməsi üçün özünə bir ideal seçirsən və ona doğru addımlayırsan.

Həmişə bu və bu tip mövzu gələndə eyni hadisəni danışıram. Bir dostum var, uşaqlıqdan bir böyümüşük, yoxdursa bir azı 10 ildir tanıyırıq bir-birimizi. 14-15 yaşımızdan bəri bu uşağın ağzından "e60 m5" sözü düşməyib. Dünyada bunun üçün bir maşın var, o da m paket bmw e60 kuzadı. Saysız-hesabsız söhbətlərimiz olub bu barədə, Yolda haçan e60 görsə, başlayırdı onu dəyərləndirməyə. Salonuna baxırdı, disk-təkərinə qiymət verirdi, rəngindən, motorundan, peredokundan danışırdı. Həmişə deyirdi ki: "kaş babat imkanım ola, gedərəm bmw zavoduna, nə qədər lazımdır verərəm pulunu, duraram başlarının üstündə ki, filan hissəni belə edin, salonun filan hissəsi bu rəng olsun. Hər şeyini mən deyən kimi ideal yığalar". Bunun əvəzinə mən sıxırdım ki, görəsən, bu uşağa nə vaxt e60 qismət olacaq? 16-17 yaşı vardı, amma almayacağını bildiyi halda hər görəndə həvəslə baxırdı o maşına.

Axırda bilirsiz noldu? indiki kimi xatırlayıram, Bir gün karantinin ilk aylarıdı, Gecə saat 2. Mesaj gəldi.
- bertrand oyaqsan?
- hə
- bekarsan düşəy aşağı?
- nolub ki?
- sənə surprizim var.
inanırsız özüm də bilmədim niyə dedim. Heç xəbərim belə yox idi heç nədən. Qəfil yazdım ki:
- nə surprizdi qardaşım e60 almısan?))
Uşaq bildiyin tutuldu. Mavi quş göründü, 3-4 dəqiqə cavab gəlmədi, eləcə onlayn qaldı. Sonra yazdı ki
- hardan bildin ala?
- nə bilim aq bədahətən gəldi dedim də. Zarafatsız almısan? :d
- ala həə, tez elə düş cəlalgilin blokunun arxasındakı stayankaya.

Getdim gördüm Uşaq bir sevinir, bir sevinir ki gəl görəsən. 21 yaşı vardı, amma orada onu görsən, elə bilərsən 4-5 yaşında uşaqdı, təptəzə oyuncaq alıblar buna. Xəyalı ən tezi 24-25 yaşında almaq idi, amma 21-də qismət oldu. Necə sevinməsin, a kişi?! Özümüzü bildiyimiz andan bu adam bu maşının arzusu ilə yaşayıb. axırda da papası o biri maşını satıb, üstünə də bir az pul qoydu, Bu da ələk-vələk edib dünyanın o başındakı qıyıqgözdən alıb maşını gətizdirdi bakıya. Dj tural, fəxri əsədov necə maşını təqdim edir e, bax gecə saat 2-də o uşaq kruşitelindən m disk-təkərə qədər o maşının hər şeyindən həvəslə danışdı mənə. Oturub axıra kimi də qulaq asdım. bir neçə gün sonra da getdik, məndən gözlədiyi "xeyirli olsun" hədiyyəmi elədim. (baxma: sözaltı fotoqrafiya/-365933)

Sözümü ona gətirirəm ki, atalar deyir: "niyyətin hara, mənzilin ora". inanın mənə, vecsiz, həyəcansız, xüsusi bir amal və həvəsi olmadan yaşamaqdansa, hər gün hansısa maşının xəyalı ilə yanıb-tutuşmaq daha yaxşıdır. Odur ki, axıra kimi dəstəkləyirəm. götü taksidən o tərəfə xarici maşına dəyməmiş materialist pub 'filosof'larından "adi dəmir parçası/ a nöqtəsindən b nöqtəsinə aparan vasitə" sözlərini də eçidəcəksiniz, onları dinləməyin. Oturun baxın maşınlara. Almasaz da, Həvəslə baxın. Xəyalını qurun. Kasıb da olsan, bir gün sürəcəyini düşün. Əvvəl-axır çatacaqsan, narahat olma, əsas odur marağını itirməyəsən. Çünki ətrafda bütün həvəsini və həyəcanını itirmiş olan düşündüyündən daha çox insan var, hansı ki nə danışdıqlarına fikir vermə, sənin yerində olmaqçün həqiqətən də çox şeylərini verərdilər. Əslində isə, məncə, elə buradakı önəmli nüans da "hansı halda" "nəyə" həvəsli olduğun deyil, ümumiyyətlə bir marağının və türklər demiş, bir "tutku"nun olmağıdır. Bax Onu itirməməyə çalışın. Öpürəm. * "black heart" emoji

insanın qorxduğu şeylərin başına gəlməsi

Bu gün məsləhətxanadakı yuxu başlığına yazarkən özümdən nümunə çəkdim ki, bəs "mən də narahat yatan insanam. Heç vaxt budilnikə etibar eləmirəm, tez-tez oyanıb yoxlayıram". Bayaq telefonu zaryatkaya qoyanda dedim artıq sutka olacaq ki, yuxu yatmamışam. ona görə saat 3-də budilnik qurdum 6 üçün ki, heç olmasa 3 saat yatım, sonra durub işimin dalınca gedərəm. Ağlımda da bu dediyim məsələni fikirləşərək öz-özümə deyirdim ki: "lazımsız yerə gərginlik keçirirsən. bunu qurdunsa, 100% həmin vaxtı vuracaq, narahatlığa dəyməz. Heç olmasa üçcə saat başın dinc olsun, rahat yat".

Sonra Qəfil gözümü açdım ki, bıy, hava qaranlıqdı. Dik atılıb telefonun olduğu rozetkaya baxdım, gördüm telefon yoxdu, adapterdən çıxarıb qoyublar stolun üstünə. Saata baxdım ki, 7-di. Bizimkilər götürüb budilnik vuranda söndürüblər ki, onsuz da yuxu yatmıram, heç olmasa bir az dincimi alım. Telefon da səssizdə olur deyə görüşəcəyimiz vaxtdan qabaq zəng gəlib dəqiqləşdirmək üçün, onu da eşitməmişəm. it ilində bir dəfə başım dinc yatmağa çalışdım, bu da nəticə. Gəl indi özün özünə təzədən başa sal, yeritməyə çalış ki, bircə dəfə oldu, keçdi, evdəkilərlə danışdın, "всё" day bir də olmayacaq.

saqqal və ona qulluq qaydaları

Əvvəla saqqal nədir ondan başlayaq. saqqal: Kişilərdə çənə, yanaq və boğaz nahiyələrində çıxan tüklərə verilən ad; Kişinin saçdan sonra ən önəmli aksesuarı, 1 nömrəli bəzək əşyası və makyajıdır. Üz quruluşuna, çənə xətlərinin formasına, saç modelinə uyğun şəkildə saxlandığında tipsiz bir oğlanı birdən-birə pro levelə daşıyacaq şeylərdən biri və birincisidir. Makyaj sözünü boşuna işlətmədim. Elməddin cəfərov kimi çənəsiz də ola bilərsən, çənəsi qabağa çıxan biri də; burnunun iri olmağı və ya maskulin çənə xətlərinə xətlərinə sahib olmamağın belə problem deyil. Çünki uyğun saqqalla bunları elə gözəl ört-basdır etmək olur ki, insanın özü də mat-məəttəl qalır.

Lakin saqqal, Əgər yetəri qədər uzundursa, Baxımı, qulluğu çox çətin, məşəqqətli bir şeyə çevrilir. Uzun müddət saqqal saxlamış biri olaraq Saxladıqca yaşadığım problemləri və baxımı barədə bir neçə nüansı yazasıyam. indi isə keçək entrinin məğzinə.

Mövzunu Əsas 3 bənddə ələ alacam:
1) Başlanğıc olaraq, saç və saqqal fərqini bilmək lazımdır. Saqqalın saçdan bilinməli olan əsas fərqi odur ki, saqqal uzandıqca üzdəki yağlılıq, nəmlik itir. Tük özü daimi əl vurub oynatdıqca yağlana bilir, amma tükün altındakı hissə elə olmur. Doğrudur, üzdəki yağlılıq digər yandan dəri tipindən də asılıdır, amma saqqal, nə qədər yağlı dəri olsa da özünə çəkə bilir o nəmi. Ona görə də uzun saqqal saxlayan birinin mütləq eləməli olduğu şey saqqal olan bölgəyə daimi bir nəmləndirici vurmaqdır. Hər gün olmasa da, quruluq hiss olunan kimi - əsas da yuduqdan, duşdan sonra krem vurmaq gərəklidir. Əks halda saqqalın altındakı üz dərisində qabıqlanma və quruluq qaçınılmazdır. Ümumiyyətlə isə, saqqallı olub-olmamağın da dəxli yoxdur, bəylər, həmişə nəmləndirici kremdən istifadə edin.

2) ikinci və əsas məsələ yuyulmasıdır. Saqqalı qətiyyən adi sabunla, hətta heç baş şampunu ilə yumaq olmaz. Səbəbi odur ki, saç dərisi üz dərisinə nisbətən daha sərt, tüklər isə əksinə, saqqala nisbətən daha kövrəkdir. Buna görə də Saç Şampunlarını sərt dəri, daha yumşaq tük üçün istehsal edirlər. Üz dərisi və saqqal tükü üçün ziddiyyət təkşkil etdiyinə görə də saç üçün olan şampunu üzdə istifadə etmək, türklər demiş, "genel olarak" heç məsləhət görülmür. Həmçinin bunun dərinin ph dəyərləri arasındakı fərq ilə də əlaqəsi var. Ona görə də, Başı yuyanda gərək saqqal ayrıca şampunla yuyula. Sırf saqqal üçün olan şampunlar isə bakı qalsın qırağa, türkiyənin özündə ən ucuz halda 150-200ml olanlar karqo xaric 7-8 manat edir. Dediyim kimi, bu hələ ən ucuzudur və qiymətləri 15, 20, 30 manata qədər qalxır. Qaldı ki yumağa, əgər mənim kimi durmadan saqqalı ilə oynayan adamsınızsa və mütəmadi olaraq serum istifadə edəcəksinizsə, hər gün, yoxsa da ən uzağı 2 gündən bir yumaq məsləhətdir. Çünki qidalanmadan tutmuş toxunuşa qədər üz daima təmas halındadır və tez kirlənir. Tez-tez çimən insan üçün hər dəfə duş zamanı yuyulması da qəbulolunandır, amma day gündə bir neçə dəfə yumaq olmaz.

3) Üçüncü məsələ saqqal yağı, yəni onu "bəsləmək"dir. Bir az araşdırma etmiş hər kəs "saqqal çıxaran lasyon" deyə bir şey olmadığını, kosa biri üçün bunun işə yaramadığını bilir (baxma: çoxları tərəfindən yanlış bilinən məlumatlar). Bunlar heç nəyi çıxarmır, sadəcə olanın inkişafını tezləşdirir, "yıpranmış" tükü qidalandırıb gücləndirir.
Digər yandan, Uzun saqqal saxlayanda istər-istəməz tük tökülməsi qaçınılmazdır. saç kimi saqqalın da həcmi itir, parlaqlığı sönür, ölü görünür. üstəlik, üz daimi olaraq təmas halındadır deyə tükü qorumaq lazımdır. Əslində, Ümumi görüş budur ki, hər gün saqqal baxımı uyğulanmalıdır. Mən axşamçağı 6-7 ərəfəsində serum vururdum. Ki istifadə və təsir üçün ən yaxşısı da budur: gecə boyu üzdə qalıb hopması. Səhər də durub yuyurdum, olurdu təravətli, "ışıl-ışıl". Bu rutin işləyən biri üçün ideal rutindir.

Təməl məsələlər bitirdiyimizə görə, yuxarıdakılara əlavə kimi bir neçə qeyd deməkdə fayda var:
qeyd1: saqqal yumaqla bağlı qardaşyana bir "tüyo" deyim. -* Saqqal üçün şampunlar xərcli iş olsa da, pul çatdırmayanlar üçün yaxşı alternativi də var. O da ki uşaq şampunlarıdır. Dedik axı, yetkin insanın baş dərisi sərt olur, amma uşaqlarda belə deyil. -* ona görə uşaq şampunu ilə yumaq əla alternativdir, bunu qulağınızda sırğa edin. Amma yenə də siz endirim günlərini sıxın, fürsət düşən kimi 2-3 dənə saqqal şampunu alın atın evə. Bunun yerini heç nə vermir.

qeyd2: Bakıdakı serumlara pul verməyə dəyməz. Məntiqlə yanaşmaq lazımdır. Bunun satıcı xeyrini, vergisini nəzərə alanda 15-20-25 manata satılan serumun keyfiyyətli olduğunu düşünmək ağlabatan deyil. türkiyədən eeose, dermatech kimi tanınmış markalardan serumlar almaq qat-qat daha çox sərf edir. Lap bilindik markalar olmasa da olar, "sakal serum" yazıb, filterlərdən "ürün yorumları 4yıldız üzeri" edəndə çıxanlar arasında çoxlu müsbət rəy alanlardan birini almaq belə kömək edəcək. Heç serum vurmamaqdan qat-qat daha yaxşıdır bu. Ancaa maksimum dərəcədə tərkibinə nəzər salın ki, təbii tərkibli olsunlar.

qeyd3: Bu deyəcəyim saqqal saxladı-saxlamadı hamıya aiddir əslində: dermaroller istifadə edin. 0,25mm və daha kiçik bir dermaroller ilə günlük və ya 2 gündən bir üzə və əsas da saqqal olan bölgəyə masaj etmək həm üz dərisində qan dövranın artıracaq, həm də serumun daha yaxşı hopub effekt verməsinə imkan yaradacaq.

qeyd4: Əgər serum təbii tərkiblidirsə(Ümumiyyətlə, çalışın kimyəvi tərkibdə nəsə almayın), içində badam, zeytun və ya kokos(tr: hindistan cevizi) yağı varsa, üzə nəmləndirici vurmağa ehtiyac yoxdur, serum o işi özü görəcək. Ancaq mənim dediyim kimi, gecə serum vurub səhər yusaz, yumadan sonra bir az nəmləndirici vurmaq məsləhətdir.

qeyd5: Saxlanılan saqqal uzun olacaqsa, yəni ən az bir 4 ay, 5 aylıq saqqaldırsa və daha da uzadılacaqsa, (saqqalını evdə özü səliqəyə salan birisinizsə) onu tez-tez səliqəyə salmaq məsləhət görülmür. 4 həftə ilə 40 gün arası bir zaman aralığında "trim" etmək tövsiyə edilir. Düzdür, insanın(əsasən də obsessiv olanda) hər güzgüyə baxarkən "ordan bir tük çıxıb", "burası nəsə simmetrik deyil" deməsi qaçınılmazdır. amma hər dəqiqə qayçılamaq yaxşı deyil, bir də baxırsan ki, geriləyib. Səbəbi də odur ki, yuduqdan dərhal sonra tüklər biz-biz olur və ya yumağa yaxın "yatır"lar. Elə olanda hər zamanki kimi görünmür saqqal, bu da aldadır adamı.

Belə, ümid edirəm hazırda uzun saqqalı olan və ya gələcəkdə saxlayacaq biri üçün yararlı olacaq bu şeylər. Kiminsə nəsə sualı da olsa, yaşıllandırsın, əlimdən gələn köməyi edərəm.

Fevral 2024 tarixli update: tam olaraq entri yazıldığı gündən bu yana artıq 14 aydır saqqal uzadıram. Entridəki hər şey öz aktuallığını tam qoruyur. Əlavə olaraq onu deyim ki, uzandıqdan sonra yumru daraq alın, yuduqdan sonra fenlə evdə özünüz açın tükü, səliqəli dursun. Daramaq və daima eyni formada saxlamaq üçün isə at yükündən olan balaca üz şotkası alıb onla darayın, onda çox daha gözəl olacaq. istənilən halda, əziyyətini çəkməyə dəyər.

lionel messi

Kubok ilə olan paylaşımı instagram tarixində ən çox bəyənmə alan post olub və dünya rekordu qırıb.
Qeyd: entri yazılanda like sayı 56,6 milyon idi və hər keçən saniyə 150-200 bəyənmə gəlir.

tarixi fotolar

Tarixin ilk hidrogen bombası testi
Kod adı: mike
Gücü: 10,4 meqaton
Yer: Marşall adaları, sakit okean
Tarix: 1 noyabr 1952

Qeyd: "Mike" naqasakiyə atılan "fat man" bombasından 500 dəfə daha güclü idi və Düşdüyü elugelab adasını xəritədən sildi.

yazarların özünəməxsus yazı tərzləri

Tire, vergül, dırnaq işarəsi, ara sözləri, digər dillərdən götürülmüş ifadələrin işlənmə forması - ümumən, bütün orfoqrafik və qrammatik qaydalara, durğu işarələrinə maksimal dərəcədə riayət olunmuş; uzun-uzadı, xırda şeylərə qədər enilib, bəzən də bir az çürükçülük edəcək şəkildə yazılmış entri varsa, onun mənim entrim olmağı yüksək ehtimaldır. Hər nə qədər Qrammatik qaydalara uymağa çalışsam da, qrammatik normalara uya bilmirəm qətiyyən: cümlələrdə tez-tez inversiyaya yol verirəm. Normalda ədəbiyyatda bədii təsiri artırmaq üçün qəsdən edirlər bunu, amma məndə özümdən asılı olmadan baş verir.

düzəldilməli başlıq adları

(baxma: sözlüyün verdiyi qəribə alışqanlıqlar)
(bax: pis alışqanlıqlar)

çoxları tərəfindən səhv bilinən məlumatlar

okaber'in gürcüstanda, marneuli şəhərində doğulması

Hətta Wikipediada belə yazılsa da, səhv məlumatdır. iş o yerə gəldi ki, Axırda özü də murad arifin "popumuz var" verilişində qonaq olanda bunu yanlışladı. Doğrusu isə sumqayıt şəhəridir. * 100% deməyək, yüksək ehtimaldır. illər əvvəl mgt sədrinin bir paylaşımında görmüşdüm

çoxları tərəfindən səhv bilinən məlumatlar

Polad Həşimovun müstəqil Azərbaycan tarixində şəhid olmuş ilk general olması

Polad Həşimov müstəqil Azərbaycan tarixində şəhid olan ilk general deyil. Müstəqilliyimizdən bu yana 3 generalımız şəhid olub. Polad Həşimovu digər ikisindən fərqləndirən onun "döyüş şəraitində" şəhid olmuş ilk general olmasıdır. Müstəqil Azərbaycan tarixində şəhid olmuş ilk generallar isə 20 noyabr 1991-ci il qarakənd faciəsində həyatlarını itirən ölkənin ilk baş prokuroru ismət qayıbov və dövlət təhlükəsizliyi üzrə müşavir, sabiq daxili işlər naziri Məhəmməd Əsədovdur.

dodge challenger

ilk dəfə jake Gyllenhaal-ın baş rolda olduğu nightcrawler filmində diqqətimi çəkən, gördüyüm andaca könlümü verdiyim və hal-hazırda "muscle car" anlayışına ən samballı nümunə saydığım maşın.
Həmin filmdəki challenger srt8:

Əsasən 3.6l v6 və 6.2l v8 motorlara sahib olan (həmçinin 5.7l və 6.4l də var) gt, sxt, r/t, scat pack, srt 392, srt8, srt hellcat, hellcat redeye və srt super stock kimi fərqli-fərqli paketləri var. Bu arada, bu paketləri giriş seqmentdən ən güclüyə doğru yazmışam.
Misalçün, r/t challenger* angel eye farları yoxdur. hardasa 10 il qabaqkı modeldir, facelift olmayan.

amma aralarında ən diqqətəlayiq olanı srt paket challenger-in 2018-ci ildə cəmi 3300 ədəd buraxılmış xüsusi bir versiyası olan demondur.

bir şey ki, o dövr üçün challenger-in ən üst performanslı halı olan srt hellcatın ekstra performans versiyasıdır. Düzdür, artıq srt hellcat-dan daha güclü olan "super stock" paket var, amma demon-dan daha güclüsü yoxdur. Demon tam anlamıyla "god level" bir şeydir. Oxuduqca niyəsini özünüz də görəcəksiniz.
Eyni zamanda, Dodge əsl amerikanski tərzdə bu model vasitəsilə sanki dünya avtomobil sektoruyla "taşşak" keçib. Bütün dünya maşının aerodinamikasının artması, çəkinin yüngülləşməsi üçün milyonlarla pul ayırıb, xüsusi dizayn dəyişiklikləri, twin/quad turbolar, 10-12-16 slindirlər ilə qabağa düşməyə çalışarkən adamlar basıblar at gücünü, all-in-one motor yaradıb hamısına tək atıblar. Bir ara redditdə bu barədə meme-lərin ardı-arası kəsilmirdi.

əvvəla, onu deyək ki, bu maşın küçədə sürülə biləcək(street legal) yeganə drag race səviyyəli avtomobildir. Tamamilə sıfırdan yaradılmış 6.2l (üstəgəl 2.7l supercharger) motoru 8 silindir, 840 at gücünə malikdir. məhz bu motor sayəsində dodge challenger demon dünyada zavod buraxılış* "production car" da deyirlər buna olan ən yüksək at gücünə sahib və ən güclü v8 avtomobildir. eyni zamanda, çıxdığı ildə 0-100km/s sürətə 2.3 saniyəyə çatan ən güclü avtomobil olmuşdur. Hətta "roll-out* bilməyənlər üçün: drag yarışdan qabaq maşının yerində eşib təkərləri isitməsi " edəndə bu nəticə 2.1 saniyə kimi inanılmaz rəqəmlərə düşür. bu da yetməzmiş kimi, keçən ilə qədər 1/4 mil(400m) məsafəni 9.65 saniyəyə qət edən, dünyanın ən sürətli avtomobili idi. bəli, bəli, bəli, düzgün oxudunuz, dünyanın ən sürətlisi. Üstəlik, nə az, nə çox, düz 3 il öz yerini qoruyub saxladı. Bir maşın ki "supercar" maşınlarla stock, yəni heç bir modifikasiya olunmamış halıyla kəllə-kəlləyə gəlir.

Burada bir Fun fact: 2019-un dekabrında ən son istehsal olunan demonlardan biri ilə (seriya nörməsi 3299/3300) tam stock halında 1/4 mili 9.57 saniyəyə gedərək rəsmi rekordu təzələmişdilər. Ahaha, əsl Komediyadı. təsəvvür elə istehsalçı deyir bu maşın 9.65 saniyəyə gedəcək və bunu bütün dünyada rekord sayırlar, amma sən 9.57-ə bunu bacarırsan. Burada deyiblər e "bunun yaradanın axtarıram".

Demon o qədər sürətli idi ki, drag yarışlarındakı qanunları tərtib edən nhra - National Hot Rod Association bu maşını banlayıb müsabiqəyə qəbul eləməmişdi. Səbəb kimi 1/4mil məsafəni 10 saniyənin altında gedən bir maşının standartlara sahib "roll cage* ralli maşınlarının içində gördüyümüz, sürücünü qəzaya və aşmalara qarşı qoruyan, turbalardan ibarət konstruksiya "-ə sahib olmalı olduğunu göstərmişdilər.

Rear wheel drive(rwd) avtomobildir, yəni arxa təkərlər çəkir və yerindən götürüldüyü an(launch) maşının arxası yerə 11 tona yaxın bir basqı edir. Ki bu öz çəkisinin 5 qatından da çoxdur. Elə ona görə də, qəfil hərəkətə başlayanda maşının qabağı qalxır. Nəticə olaraq demon 2018-ci ildə ön təkərləri yerdən ən yüksək hündürlüyə(89sm) qalxan avtomobil kimi ginnesin rekordlar kitabına da salınıb.

Bu gün küçədə gördüyümüz o bmw, Mercedes, hyundai və kia kimi günlük avtomobillərdə uzağı 0.3 olan g qüvvəsi bu maşında 1.8g kimi həddən artıq çox yüksək bir dəyərdədir. Misalçün, 60kg-lıq bir adam, üzərində 108kq ağırlıq hiss edəcək. Elə bu göstərici özü də dünyada bir ilk idi. Nəzərə alaq ki, yalnızca "supersport" dediyimiz avtomobillər 1g-dən yuxarı keçə bilir və demon-dakı göstərici sərnişin təyyarəsinin göyə yüksəlmə anındakı g qüvvəsi ilə eynidir. Nümunə üçün, dost-tanışınızda bmw m5 varsa, ondan xahiş edin dayandığı yerdə anidən qaza axıra kimi basıb sürət yığsın. Əgər m5 yox, dodge demon olsaydı, o an keçirəcəyiniz o möhtəşəm təsirin ~2 qatı olacaqdı.

Bütün bunların yanında bir də əmma var: motor hər zaman 840 at gücündə işləmir. Ümumiyyətlə, hər maşın kimi 2 açarı var, amma demon-un açarları da fərqlidir* danışacağımız bu açar fərqi dodge-un, əslində, bütün hellcat-larında var . Belə ki, qara rəngli açarla maşını işə salanda standart rejimdə olur, 500 at gücündə işləyir və zavod limiti(factory limit) kimi maksimal sürət 270km/saat olur. Qırmızı rəngli açarla işə salanda isə əsl gücü ortaya çıxır.

Əgər normal benzin tökülübsə, maşının maksimum gücü hətta qırmızı açarla işə salınsa da, 808 at gücüdür. 100 oktanlı yarış benzini tökən kimi maşın özü avtomatik bunu anlayır və monitorda maksimum performansda işləməyə hazır olduğunu bildirir. eyni zamanda, bu maşın dünyada 100 və daha artıq oktanlı yarış benzini ilə işləyə bilən ilk "production car", yəni kütləvi istehsal olunmuş maşındır.

işin qəribə yanı odur ki, dodge bu model üçün maksimal sürət verməyib. Çox yerdə 320km/saat(200mp/h) deyirlər, lakin o, 707hp "srt hellcat"-ın maksimal sürətidir, bizim bu şeytan isə 840 at gücündədir. Əslində, Bu maksimal sürət məsələsində bir sıra başqa nüanslar da var. Bir yerdə oxumuşdum ki, maşına, ümumiyyətlə, limit qoyulub. Yəni düz yolda axıra qədər sıxıb spidometrdəki maksimum sürətə çatsan da, bu, maşının həqiqətən bacardığı maksimum sürəti deyil. Yəni bir növ maşının gücünü cilovlamağa çalışıblar, sərbəst buraxmayıblar, Qərara gəliblər ki, "filan sürətdən o tərəfə keçməsin".
ikinci dedikləri məsələ də maşının təyinatı ilə bağlıdır. Deyir onsuz da dodge bu maşını sırf 1/4mil(~400m, hansı ki, drag yarışlarının standartı sayılır) məsafəni ən tez qət edən maşın olması üçün istehsal etmişdi. Yəni onun bu məsafəni hamıdan tez getməsi üçün hansısa yüksək maksimum sürət(top speed) dəyərlərinə sahib olması gərəkli deyil. gərəkli olan yerindən cəld tərpənib tez sürət yığmaqdır, çox sürət yığmaq yox.

Bu qədər diqqətlə istehsal ərsəyə gəlmiş maşının motorunun səsinə də ayrıca önəm verilib. o "whine" məsələsinə gəldikdə isə Heç şübhəsiz, demon-un iniltisi supercharger motor sevən biri üçün "moonlight sonata" kimi bir şeydir. Supercharger sevməsən də, bunu bəyənməmək əldə deyil. Zatən youtube-a "dodge demon" yazanda ilk 2 önərmə "dodge demon sound" və "dodge demon whine" olur. Sırf motorun səsini göstərmək üçün olan videoların yüz minlərlə, hətta milyonlarla baxış sayı var. bu və bu səsi Turbo motorun o "sstututu"-sunu sevən birinə belə qulaq asdırsan, təqdir etməməsi mümkünsüz bir şeydir. Ha, mustang sevən biridirsə* yazar burada derekə söz atır , zəhləsi getdiyini deyə bilər, o ayrı. nə də olsa, ikinci videoda adi bir mustang-ın bu maşının yanında necə cılız qaldığı aydın görünür.

Dizaynına gəlsək, hər şeyiylə tam bir "muscle car"dır. Kobud, səs-küylü bir amerikan maşını necə olmalıdırsa, tam olaraq elə o cürdür. Bizim dil yetərsiz qalır izah etmədə, ingiliscə aydın ifadə edir: plain, aggresive, bulky.
(Şəkildəki 1440hp* horse power, yəni at gücü karbon-fiber bir demondur)

Demon challenger seriasında Yeganə modeldir ki, zavod təkcə "widebody" olaraq buraxır, normalı yoxdur. "fərqi nədir?" soruşsaz, ən son foto ilə ilk 2 və 3-cü fotoları müqayisə edin. Təkərlər, nəticə olaraq krılo(təkərin üstündəki hissə) daha enlidir, bu da yol tutuşu, döngələrdə rahatlıq, ümumi performans və s. şeylərə çox müsbət təsir edir. Zahiri olaraq çox bənzəsələr də, demon-un digər widebody modellərdən əsas fərqi qabaq kapotun üstündəki hava girişinin(hood scoop) 2-3 dənə ayrı yox, vahid, iri şəkildə olmasıdı. Onu da qeyd edək ki, "production car" olaraq ən böyük havalandırma da bu maşındadır.
Srt super stock - qoşa hood scoop

R/t - üçlü hood scoop

Demon

Emblem olaraq Hellcat-da istifadə olunan yırtıcı pişik başı bu modeldə adına uyğun şəkildə şeytan başı ilə dəyişdirilib.
qabaq krılolar

oturacaqlar

Pribor

Hətta motorun üstündə

Və farların içindəki dəlikdə* sadəcə içəri tərəfdə olanlar dəlikdir və motoru soyutma işinə yarayır də emblem var.

Bunlardan əlavə, maşının arxa şüşəsində çox incə düşünülmüş bir detal var.
burnout edən challenger * bu detalı entriyə şəkil axtararkən rast gəldim. əridimmm. çox şirindi ee. Özü də ayrıca stiker deyil, şüşənin özündədi

interyerdə önəmli bir dəyişiklik yoxdur. Adi, bildiyimiz dodge salonudur.

ümumi xarici görünüş olaraq da dədə-babadan qalma, illərdir eyni, standart, hələ də '70-lərin izlərini saxlayan challenger olduğunu göstərir. Ümumiyyətlə, challenger-in sevilməsinin ən əsas səbəblərindən biri və elə birincisi öz görüntüsünü uzun illərdir qoruyub saxlaması və camaro, mustang, charger kimi radikal, gərəksiz dəyişiklərə getməməsidir. Forumlara da göz atanda avtomobilin xarici görünüşündən narahatlıq duyan çox-çox nadir tapılar. Zatən hamı bu fikirdə razıdır ki, challenger ola biləcək ən ideal görünüşdədir, edilə biləcək ən doğru şey ancaq və ancaq bunu qorumaq ola bilər.


Uzun sözün qısası, haqqında bu qədər danışdıq, amma tək bir cümlə demək lazımdırsa, o da elə yəqin ki, "...Dodge Challenger Demon is the ultimate muscle car ever" olar. Bu maşın bu qədər "ən"lər və hələ saymadığım neçə-neçə "ilk"lər ilə nəinki amerikan, hətta bütün dünya avtomobil tarixinə adın qızıl hərflərlə yazdırmağı bacardı. Başda 85.000 dollara satışa çıxarılsa da, bu gün 10-20min km sürülmüşlərinin qiyməti 140-200min dollar arasında dəyişir. Təbii ki, illər keçdikcə daha da artacağı qaçınılmazdır.
Həmçinin (bax: muscle car)

g qüvvəsi

Tr: g kuvveti
Eng: g force

Ani manevr və sürət dəyişiklikləri zamanı insanın bədəninin hər sm-də məruz qaldığı qüvvədir. Ən çox pilotlar (həm formula 1, həm də təyyarə pilotları) və kosmonavtlar buna məruz qalır. Avtobusda Ayaq üstə duranda qəfil tormoz verməsi və ya dönməsi ilə az qala yıxılmağımıza səbəb olan şey bax budur. Eyni zamanda, yüksək performanslı maşında qəfil qaza basanda adamı arxaya atan, oturacağa sıxan da bu qüvvədir. Yüngül formaları üçün bulvardakı "viking"ə minməyi ən uyğun variant saymaq olar. məlum, bizdə "roller coaster" yoxdu.

G qüvvəsi insanın öz çəkisinə bərabərdir. Yəni 60 kq insan 2g qüvvəyə məruz qalsa, hər sm-də 120kq təzyiq deməkdir. Pilotlar manevr zamanı 3-5, hətta bəzən red bull air race pilotları ani olaraq 9, 10 kimi yüksək dəyərlərə məruz qalır. bu da hardan baxsan azı yarım ton deməkdir.

Misalçün, bu videoda mercedes pilotu lewis hamilton hər döngədə ortalama 4 g qüvvəsinə məruz qalır. 73kg çəkisi olduğunu nəzərə alsaq, adam hər döngədə ortalama 290kg təsir hiss edir. Təbii ki, normal insan buna dözə bilməz. Pilotlar və kosmonavtlar buna tab gətirmək üçün xüsusi nəfəs və əzələ idmanları (əsas da boyun üçün) edirlər.

Həmçinin, youtubeda "g force" deyə axtarış etsəz, 7-8 g qüvvəsinə məruz qalan pilotun saniyələr içində neçə 30 yaş qocalıb təzədən cavanlaşdığına tamaşa edə bilərsiniz.