əjdaha lazımdı
izlə
dostlar
mən
googlla
mizofoniya
başlıqdakı ən bəyənilən yazılar:
+5 əjdaha
1. Səsdən nifrət etmək kimi bilinən bu xəstəlik 2001-ci ildə Jastreboff tərəfindən aşkar edilmişdir. Öskürək, xoruldamaq, yemək yemək, saqqız çeynəmək, nəfəs almaq, diş fırçalamaq, dırnaq kəsmək, asqırmaq, gülmək, əsnəmək, danışmaq və.s kimi gündəlik həyatda sıx-sıx qarşılaşdığımız səslərdən narahat olan hətta əsəbləşən insanların narahatlığı misofoniya olaraq adlandırılır. Bu xəstəliyin səbəbi tam olaraq bilinməsə də, nevroloji ve psixoloji bir pozuntu olaraq adlandırılan xəstəliyə beynin frontal lobundakı fərqliliklərdən qaynaqalandığı düşünülür. Xəstələr ətraf mühitdəki səslərdən o qədər narahat olurlar ki, bir müddət sonra həyatdan uzaqlaşmağa və yalnızlaşmağa başlayırlar.
Misofoniya Əlamətləri Nələrdir?
Misofoniya xəstələri yalnız yüksək və aritmik səslərə qarşı deyil, bəzən aşağı tonda olan səslərə qarşı da həssas ola bilirlər. Ümumiyyətlə yemək yemək səsi, asqırmaq səsi, diş fırçalamaq səsi kimi qıcıqlandırıcı bir səs ilə ortaya çıxan misofoniya xəstəliyinin əlamətləri sosyal bir krampa bənzəyir. Xəstələr bu növ səslərə qarşı bəzən şiddətli aqresiv davranışlar göstərə bilirlər. Bunlar hansı səslərdir?
1.Tum, cips veya popkorn yeyərkən ortaya çıxan səslərdən əsəbləşmək
2.Uşaq ağlama səsinə qarşı dözümsüzlük
3. ayağın ritmik bir şəkildə yerə və ya hansısa bir əşyaya vurulmasından narahat olmaq
4.Gündüz ətrafdan gələn səslərdən (maşın siqnalı), gərginlik hissi keçirmək
5.Səslərdən narahat olmamaq üçün evdən çıxmamaq və sosiallaşmaqdan, mühitdən uzaqlaşma
Bu və buna oxşar narahatlıqlar hər kəsdə ola bilər amma misofoniya xəstələri ətrafdakı səslərə qarşı aşırı reaksiya verirlər.
Misofoniyanın Səbəblər Nələrdir?
Misofoniya xəstəliyi ilə bağlı əvvəlki araşdırmalar xəstəliyin eşitmə və qavrayış pozuntusu ilə əlaqəli olduğunu irəli sürmüşdür. Ancaq daha sonra xəstəliyin psixoloji bir simptom olduğu təsdiqlənmişdir. Misofoniya xəstələrində aparılan beyin görüntüləmə ( neyroimaziya) anterior instalt korteksində anormal fəaliyyətlərin baş verdiyini və xəstələrin ətraf səslərə verdiyi reaksiyalarda fərqlər müşahidə olunmuşdur. insanın sosial funsionallığını və həyat keyfiyyətini pozan bir xəstəlik olan Misofoniya, ümumiyyətlə yeniyetməlik yaşlarında başlasa da, tam diaqnozun qoyulması 30-lu yaşlara qədər davam edə bilir. insanlar səslərdən yaranan narahatlığı xəstəlik olaraq görmədikləri üçün müalicəyə getmirlər və özləri öhtəsindən gəlməyə çalışırlar.
Misofoniyanın Müalicəsi.
Bu xəstəlik üçün dəqiq bir müalicə metodu olmasa da araşdırmalar davam edir. Misofoniyanın müalicəsi üçün xəstəliyə səbəb olan vəziyyətlər və insanın sahib olduğu və yaşadığı narahatlıqlar araşdırılmalıdır. Əvvəlcə xəstənin səslərə həssas münasibətinin səbəbləri araşdırılmalı və şəxsin qavrayış probleminin aradan qaldırılması üçün lazımi təlqinlər verilməlidir. Psixoloji dəstək almayan xəstələr ailə və yaxın çevrəsi ilə ünsiyyət qurmaqda çətinlik çəkirlər. insanı səsə deyil, hadisələrə yönəltməyə imkan verən müalicə sayəsində xəstəliyi aradan qaldırmaq mümkündür. Məsələn yemək zamanı ortaya çıxan çəngəl - bıçaq səslərinə deyil, yeməyin dadına diqqət yetirməyi təklif etmək insanın özünü daha yaxşı hiss etməsinə səbəb olur.
+5 əjdaha
2. başqalarının nefes almasına ve yemek yemesine esebleşme xesteliyidir.
+5 əjdaha
3. Həyatı kifayət qədər çətinləşdirən xəstəlik. Gün ərzində sakitlik içində olan və qəfil tətikləyici səs eşidən adamlar üçün lap çətindi.
Qapının müəyyən sürətdən daha tez açılması, iki otaq o tərəfdəki danışıq, qaşıq səsi, çırtlanan tum, telefona dəyən dırnaq- bunlar məni dəli edən səslərin sadəcə bir hissəsidi.
+6 əjdaha
4. müxtəlif səslərə dözümsüz olmaq halı, psixolojik xəstəlik də deyirlər. təkcə yemək-içməklə bağlı səslərə deyil, stulun gıcırdamasına, telefondan gələn təkrarlanan səslərə və.s görə də narahat olmaq var içərisində. bu rahatsızlığa sahib insanlar ümumi yemək yeyilən yerlərdən, restoranlardan, kafelərdən və.s maksimum qaçmağa çalışırlar. çünki həssas olduqları səsləri eşitdikdə səsin qaynağını susdurmaq üçün əlindən gələni etməkdə tərəddüd eləmirlər. və bunu qeyri-iradi edirlər.
(bax: çayı dodağını uzadıb hörtüldədib içən insan)
+5 əjdaha
5. Lənət bir şeydir. O marçıltı səsi məni dəli edir. Elə olub ki, masadan qalxmışam. Camaat yeyib bitirəndə gəlib oturmuşam yeməyə. Hətta bəzən öz yeməyim də əsəbimə toxunur.
+4 əjdaha
6. Xəstəlikdən əziyyət çəkənlər ailə üzvlərinin və ya birlikdə yaşadıqları, tez-tez gördükləri insanların çıxardıqları səsə qarşı daha həssas olurlar, nəinki bir dəfə gördükləri insanın. Hələ ki, bu insan sevmədiyiniz biridirsə, daha çətin olur.
tutmaların Öhdəsindən gəlməyin ən yaxşı yolu insanları başa salmaqdır. Alınmırsa da, yanınızdan qulaqlığı əskik etməyin.
+3 əjdaha
7. əgər sizdə də bu problem varsa narahat olduğunuzu bildirəndə böyük ehtimalla ya zarafata salınan, ya da acıqla daha çox səs çıxarılan psixolojik xəstəlik. mənbəsini unutduğum bir yerdə oxumuşdum, eyni səsləri həm normal adamlara həm də misophoniadan əziyyət çəkənlərə qulaq asdırıb, müşahidələr aparmışdılar. misophoniası olanlar beyinin normal halda səsləri qəbul edən hissəsi yerinə əsəbi, qıcıqlanan hissəsində qəbul edirlər ona görə də əgər sizdə bu hal baş vermirsə, anlamaqda çətinlik çəkə bilərsiniz.
bəzən sakit olduğum vaxtlarda çox əziyyət verməsə də, gərgin vaxtlarda özünüzə nifrət sayıb bütün əsəb sistemini çökdürə bilir.
+4 əjdaha
8. Psixosomatik xəstəliklər içərisində ən maraqlı xəstəliklər sıralamasının ilk 10luğuna mütləq daxildi misophonia. Ən maraqlı tərəfi isə sadəcə qarşı tərəfin çıxardığı səslər deyil öz yemək ,nəfəs alma səsləridə bu insanları qıcıqlandırır. Yaranma səbəbləri həddindən çox bölgü ilə verilib, bu insanlara relaktalizm metodu tətbiq etmək ilkin mərhələdə böyük təsir göstərir. Misohonia xəstəliyindən əziyyət çəkənlər meditasiya və relaktalizmi həyatlarında əsas iş halına gətirməlidi
+1 əjdaha
9. əziyyət çəkənlərə metal musiqi məsləhət görülən xəstəlik. od da olmadı evdə metal qab qacaq nə varsa ta.
+1 əjdaha
10. səslərə qarşı həssaslıq. psixoloji xəstəlik sayılır. bu insanlar yemək yeyərkən çıxan ağız səslərinə, diş fırçalama səslərinə, öskürək, klaviaturada yazarkən çıxan, saat taqqıltılarına və sairə kimi səslərə normaldan artıq reaksiya verirlər. əməlli əsəblərinə toxunur. gic toyuq kimi ora bura qaçıb, şıllaq ata bilərlər.
hamısını göstər
