əjdaha lazımdı
izlə
dostlar
mən
googlla
sözaltı etiraf
-
ataya demək istənilənlər
-
xoşbəxtlik
-
xpert
-
qadın məntiqi
-
din
-
vicdan
-
azərbaycanlı oğlanların çox yaraşıqlı olması
-
yaxşı insanların əsas xüsusiyyətləri
başlıqdakı ən bəyənilən yazılar:
+31 əjdaha
9. evində yaşayan yad birinə həqiqətən öz evindəymiş kimi hiss etdirən insandır bir az da.
sizə danışacam bibimin yoldaşından. az qala 1 ildir onlarda qalıram sumqayıta gedib-gəlmək yorduğu üçün. mən heç evdəkilərdən belə xoş rəftar görməmişəm.
bir dəfə səhər gec durmuşam işə gecikirəm, o da yemək yeyir. dəvət elədi, dedim ki, gecikirəm. mən ayaqqabımı geyinənə kimi 2 dəqiqədə yumurta da bişirdi, süd də qızdırdı, çörək də isitdi o kobudluğunda adam. mən isə çox böyük məmnuniyyətlə işə gecikdim.
üzünə baxanda duruşundan, əndamından, yekə qarnından tipik türk kişiliyi yağır. heç özünə əziyyət edən də deyil. hər şeyi ona-buna tapşıran tipi var. deməzsən ki, bu adam yerindən durub mənə səhər yeməyi hazırlaya.
o gün də yenə yemək yeyirik, mənə bir əhvalat danışdı, sonra da əlavə elədi ki, sən də gecələr acsan durub nəsə hazırlamaqdan narahat olma. səs olsa da narahat olma. istədiyini bişir ye saata baxmadan. ürəyim birtəhər olmuşdu. sevinib, həm də kövrəlmişdim.
evdə mənə 1 otaq ayırıblar, bir də görürəm gecələr gəlir yoxlayır, üstüm açıqdırsa örtür, saçıma sığal çəkir. hələ bir öpür də. oluram pambıq.
dəyər görmək qəşəngdir. gördüyün dəyərin qarşılığını vermək isə lap qəşəngdir. amma mən ikincini həmişə bacarmıram.
+17 əjdaha
1. nisbi olan anlayışdır. məncə insanın yaxşı və pis olması onun xarakteri, düşüncəsi, rəftarı ilə yox, onun əməli, sənəti, yaradıcılığı ilə qiymətləndirilməlidir. məsələn bir həkim (dr house) xasiyyətcə çox-çox pis ola bilər. hamıya qulp qoşar, hamının ən həssas yerinə toxunuar, heç kimlə xoş rəftar etməz amma gördüyü iş ilə 1000 insanın həyatını xilas edibsə, çoxlu uşağı yetim olmaqdan qurtarıbsa, çoxlu insanın sevgilisini, qohumunu xilas edibsə demək yaxşı tərəfi daha ağırdır. hose md serialında davranışına görə hər dəfə istəyirlər onu işdən çıxarsınlar. amma yaxşı həkim olduğu üçün bunu edə bilmirlər. house-un bu davranışının səbəbi də yəqin ki onun ayağının ağrısından qaynaqlanır.
bir fizik xasiyyət, mənəviyyat baxımından pis olsa da kəşf etdiyi qanunlar ilə mühəndislərin yeni-yeni cihazlar kəşf etməsinə, düzəltməsinə imkan yaradırlar. biri elə bu kompyter. gprs, nüvə silahı, səyahət vaxtını illərdən 1-2 saata endirən təyyarələr, tibbi cihazlar və s.
hə indi deyəcəksiniz ki nüvə silahının nə xeyri var ala? təbi ki mənim penisimin başındakı sinir ucları sizin beyninizdəki neyron saylarından artıq olduğu üçün çox mərhəmətli davranıb sizə izah edəcəm. demək nüvə silahı və qitələr arası roketlər günümüzdə birinci səviyyəli ölkələrin açıq-açıq müharibə etməmələrinin əsas səbəbidirlər.
nyuton özü yaxşı insan idimi? şəxsi münaqşəyə görə bir çox həmkarını linç edib, özündən əvvəlki kral akademiyası rəhbərinin şəkillərini, işlərini yandırıb tarixdən silib, ona qarşı gələnləri gəbərtmək üçün gedib parlamentə qədər yüksəlib, və bu səlahiyyət ilə vəzifədən sui istifdə edərək edam etdirib. amma bu gün insanlığın bu səviyyəyə çatmaında çox böyük əmək payı var.
bir əmaməli, ruhani, nə bilim gününü əxlaqdan danışıb, ibadət edən və sonra dini ayinlər üçün çox gözəl molla olduğunu deyrək məclisi münasib qiymətə gözəl yola verən adam davranış, xasiyyət, rəfat, ünsiyyət baxımından yaxşı ola bilər amma onun insanlığa bir xeyri varmı? 1000 yaxşı dindar insan bərabərdir 1 pis xarakterli, işinin mahiri olan dəqiq, texniki, təbiət (ədəbiyyatçılar sayılmır brat) elm adamına.
məncə bir insan başqaları üçün pis ola bilər əsas odur ki özü üçün pis olmasın.
+9 əjdaha
17. Bəzən gücsüzlüklə qarışdırılır. Məsələn bəzən zəif, gücsüz birinə yaxşı insan deyirlər. Amma əslində pislik eləməyə özgüvəni, cəsarəti çatsa çox rahat pislik edə bilər. Cəmiyyətdə fağır, yazıq dediyimiz tiplərin bir hissəsi passiv "pis" - dir.
Yaxşı insan ona deyilə bilər ki, əlində güc, imkan, cəsarət olsa belə o insan pislik etməkdən çəkinir. Ona görə yaxşı pis insan ayırd eləməzdən qabaq həmin vəziyyətə görə dəyərləndirmək lazımdır
+16 əjdaha
7. mən elə bilirdim ki, yaxşı insan olmaq üçün heç bir inanca və ya mənəvi dəyərə ehtiyac yoxdu. inanclarımı, mənəvi dəyərlərimə olan dəyərlərimi itirdikcə çevrilib döndüyüm adamı görəndə başa düşdüm ki, əslində yanılmışam. həyatın içinə qatılmamış həyatı o qədər yaxşı başa düşürmüşəm kimi davranırdım ki, elə bil bir neçə yüz il yaşayıb ölmüşəm, indi ikinci şansı veriblər və mən hər şeyi bilirəm. amma əslində gördüm ki, yaşadığım çevrənin radiusu çox kiçik və onun kənarları çox böyük imiş. mən insanları tanımırmışam. güzgüdəki əksimdən gözlərimi qaçırmağa başlayanda başa düşdüm ki, əslində heç kim mənim düşündüyüm qədər dəyərli deyilmiş. insanlar o qədər dəyərli və yaxşılığa layiq deyilmiş. nə qadınlar müqəddəsdi, nə də kişilər sadiq. və insanın xaricə verdiyi dəyər azaldıqca ailəsinə verdiyi dəyər daha da artır. insanın xisləti bundan ibarətdi, mütləq dəyər verməlidi. çukura baxıram, amma bu cümləni çukura baxdığım üçün demirəm. ailə hər şeydi. mən elə bilirdim ki, mən insanları başa düşürəm və onların gözlərində kədər var. amma gördüm ki, gözlərində kədər oxuduğum qadınların belə bu heç vecinə də deyil. onların daxili mənəviyyatı ilə gözəllikləri bir-birinə ziddi. onda adamın həmin gözəlliyə heyfi gəlir. diş-diş olan köhnə model obodokla bir hissəsi yuxarıdan yığılmış və qalanı isə arxaya tökülərək qulağın arxasındakı tattoonu gizlədən saçlar əslində heç nə imiş. qırağdan baxıb məna yüklədiyim o bədənlər elə hərəkətlər edir ki, öz fikirlərimin nə qədər səhv olduğunu qəbul etmək məcburiyyətində qalıram və bu məni əsəbləşdirir. başa düşürəm ki, heç kim saf və təmiz deyil, mən də daxil. mənəviyyat o qədər kirlənir ki, bir müddətdən sonra heç bir mənəvi dəyərin önəmi qalmır. əslində başa düşürəm ki, insanlar ancaq səndən sui-istifadə etmək üçün var. bu mübarizədə zəif olan məğlub olur. indi olduğum insanla o kinolarda gördüyümüz pis və psixoloji problemləri olan manyak insanlara çevrilməyim arasında cəmi bir addım var. və o bir addımı saxlayan tək şey hal-hazırda dərinlərdə bir yerdə keçmişdən qalan mənəvi dəyərlərin qırıntılarıdı. bəlkə də elə insan deyiləm, amma özümü elə göstərməyə çalışıram. ezellə ömerin mübarizəsi kimi. sən nə qədər pis insan olmamağa çalışsan da, insanlar səni zəhərləyir. zəhərləndikcə, çevrilib olursan onlardan biri. öz dəyərlərimə sahib çıxa bilmədiyim üçün özümə çox əsəbləşirəm. bu ağır yüklərdən sağ çıxa bilmirəm. əgər bunlar allahın sınağıdısa, heç birini keçə bilmirəm. ruhum o qədər mundarlaşıb ki, 5 il əvvəl mən heç vaxt elə olmaram dediyim hər şey oldum. elə bil ki, gedib müharibəyə insanların necə vicdansızca bir-birlərini ödürdüyünü görmüşəm və ölməmək üçün mən də öldürməyə başlamışam. öldürmək o qədər vərdişə çevrilib ki, müharibə qurtarıb, amma mən hələ də öldürmək istəyirəm. əsəbim, nifrətim özümədi. özüm özümü bağışlaya bilmirəm. nə daxilimdəki insan kimi ola bilirəm, nə də daxilimdəki insanın vicdanına əzab verməmək üçün çevrilib olmağa çalışdığım insan kimi. bilmirəm, həyat qarşı masadakı insanları güdmək kimidi. qırağdan hər şey çox sadə, fərqli və maraqlı görsənir. və kaş ki, hər şey elə o qırağdan görsəndiyi kimi də dəyərli qalardı.
mən əvvəl yaxşı insan idim. ya da elə bilirdim ki, yaxşı insanam. tanış olduğum adamlar, düşdüyüm həyat tərzi məni pis insana çevirdi. əvvəllər pis insana çevrildiyim üçün özümə nifrət edirdim. sonra pis insanlığımla barışdım. keçmişə qayıtmaq istəyirdim, amma bu nəyisə bir dəfə eləmək kimi idi. nəyisə bir dəfə eləməklə, heç vaxt eləməmək arasında böyük bir fərq var. locke filmində dediyi kimi, the difference between never and once is the difference between good and evil. məsələn bir dəfə siqaret çəkmiş adamla heç vaxt siqaret çəkməmiş adam arasında çox böyük fərq var. birinci üçün gələcəkdə siqaret çəkmək artıq böyük bir məsələ deyil, çünki o qorxu mərtəbəsini ilk dəfədə keçib, ikinci üçün isə gələcəkdə siqaret çəkmək böyük cəsarət tələb edir, çünki o böyük bir sərhəddi keçib, özü ilə mübarizə aparıb, bu mübarizədə qalib gəlməlidi. yox, indiyənə kimi rəsmi ölüm səbəbi siqaret olan bir nəfər insan olmasa da dünyada, siqaret sağlamlığa ziyandı, başın buraxmaq lazımdı. qısacası bir dəfə çirklənmiş adam üçün bir də geriyə qayıdıb əvvəlki kimi olmaq heç vaxt mümkün deyil. ona görə də qaça bilmədiyin dərddən zövq al, ya da barış deyib şair. mən də barışdım. amma bu ən səhv addım idi. sonra bilirsən nə oldu? mən yaxşı insanları pis insanlara çevirməyə başladım. keçmişdəki mən kimi olan insanlara, indiki mən olmağıma səbəb olan hər şeyi eləməyə başlamışam. onları çirkləndirirəm, pisləşdirirəm. gözəl insanlar mənim ətrafımda məhv olur. və ən pisi bilirsən nədi, bunu fərqində ola-ola edirəm, amma özümü saxlaya bilmirəm. səncə tyler durden yaxşı insandıkı guya fight clubda? məncə yox. amma qəhrəmanlar heç vaxt yaxşı insan ola bilməz axı, o da var. təmiz ürəkli insanlar həyatın heç vaxt baş qəhrəmanı ola bilmir. daha yaxşısına layiq olduqlarını başa düşdükləri halda heç vaxt ən yaxşı ola bilmirlər. ona görə də ən yaxşılar bunun dalınca qaçmır, digərləri isə yaxşı insan olmaqdan çevrilib olurlar pis insanlar. bu konsertinə daha çox dinləyici yığmaq üçün, albomlarını daha çox satmaq üçün tərzini dəyişən musiqiçilərə oxşayır. pul üçün sənətini dəyişən insanları bağışlaya bilmirəm, amma bu heç nəyi dəyişmir. qarnını doyura bilməyən sənətçinin guya ki, vecinədi mənim prinsiblərim? elə də danışıram ki, görən deyər prinsiblərinə sahib bir insandı bu. ölmək çox qəribədi. bir gün bir uşaq anasından yaxşı insanların niyə tez öldüyünü soruşur. anası isə uşağından cavab yerinə, sən bir bağçada olsan, birinci hansı gülləri dərərsən deyə soruşur. uşaq cavab verir, əlbəttə ən gözəl olanları. anam üçün darıxmışam. elə bu it kimi darıxdığım vaxtda, çarpışmada kerem qəlbimi qırıq-qırıq elədi. o anası ilə türmədə danışdığı səhnə necə kədərli səhnəydi axı. anası deyire məni bir dəfə də qucaqla. elə ona görə arada tüpürüb hər şeyə getmək lazımdı. insanı başqa nə yanında qucaqlaya biləcəyi anasının olmağı qədər xoşbəxt edə bilər axı. gününü danışacağın, sevincini, kuxnada oturub çay içə-içə anamla danışmaq üçün elə darıxmışaaam
+5 əjdaha
3. Digərlərini başa düşməkdən, empatiya qurmaqdan keçir. Götürək elə məni, çox başa düşürəm hər kəsin çətinliklərini. Arada əlim gedəcək kimi olur, sonra deyirəm "Dünyada zəif internet sürəti səbəbiylə 240p ilə nəysə izləyən insanlar varkən, mən 1080p izləyə bilmərəm!"
+4 əjdaha
4. Bu da insan təbiətinə ziddir. Sünidir. Canlılar aləmindəki xaosu yatırmaq üçün canlıların yaratdığı mənəvi dəyərlərin cəmidir yaxşılıq. Həyatın bu anında sosiallığın bu qədər zəncirvariliyi yaxşılığı qaçılmaz edir.
Şəxsən bir insan mənə yaxşılıq edirsə hamıya pisdirsə o yaxşı insandır. Hamıya yaxşıdırsa mənə pislik edirsə pisdir.
+2 əjdaha
13. ![]()
+1 əjdaha
10. Olmayan bir varlıq, pis insan kimi.
Yaxşı və pis kimi qəbul etdiyimiz şeylər ümumilikdə bir cəmiyyətin çoxunluğu tərəfindən mənimsənilən ictimai normalara, əxlaqi və ənənəvi dəyərlərə görə inşa edilir və dəyərləndirilir.
Zatən bunları çıxdığımızda geriyə salt bir seçim yönəlimi qalır. Yəni fərdin şəxsi seçimi.
Bir insanın animasiya qəhrəmanını gerçək kimi qəbul edib, onun üçün hər şeyi gözə alacaq qədər sevməsi ilə başqa bir insanın real bir insana qarşı olan sevgisinə görə hər şeyi gözə ala biləcək olması arasında "sevgi" nəzdində fərq yoxdur. Bu ikisi arasındaki fərq yuxarıda yazmış olduğum dəyərlər vasitəsiylə gerçəkləşir.
+2 əjdaha
11. bizim kimi ölkədə əşi onsuzda inciməz,ərkim çatır fikri ilə bir müddətdən sonra o qədər yükləyirlər ki adamı,həmən imsan ən yaxşı halda çönüb olur dəli,yada o içində olan yaxşılıq eləmək hissi tədricən itir,sırf başın ağrımasın deyənə bəzən içinnən gələn bir yaxşılığı eləmək istəmir insan,axrıncı səfər bu haqqda qəbiranlığın yanından keçəndə fikirləşirmişdim ki,görəsən ölüb gedənə kimi heç olmasa fikirləşiblərmi ki görəsən mən insanlar üçün yaxşı olaraq mı getsim yoxsa pis olaraqmı?sonunda fikrimi mərhum şairimizin dediyi fikir ilə yekunlaşdırmaq istiyərdim.(bax:görəsən dünyaya nöş gəlib insan )
+2 əjdaha
2. çox çətindir. yaxşı dost, yaxşı valideyn, yaxşı övlad, yaxşı yoldaş kimi alt sinifləri var ki birində yaxşı olsan da başqa birində pis ola bilirsən. bu da sənə bir baş pis insan damğasını vurdurur cəmiyyətdə. halbuki hər bir insanın içində sevilməyə dəyər cəhətləri var. birində daha az birində daha çox.
bacardığmız qədər yaxşı insan olmağa çalışmaq lazımdı dostlar. mən şəxsi təcrübəmdə bir neçə dəfə stres atmaq məqsədilə problem yaradan sevimsiz tip kimi aparmışam özümü sonra özümdən iyrənmişəm. nə qədər sakin, tolerant, yola verən, empatiya bacarığı yüksək fərd kimi yetişdirsək özümüzü o qədər rahat olarıq daxilimizdə də. həmişə cavan, aktiv həyatımız olmayacaq. ona görə də cavanlıqda özümüzü nə qədər problemli tip olaraq yetişdirsək qocalıqda bu xasiyət olaraq formalaşdığı üçün artıq həyat daha çətin olacaq və o yaşda o xasiyyətlə bizə heç kim beş dəqiqə belə dözə bilməyəcək. oyunda öz oyunumuzu sakit, rahat oynayıb dna'mızı kirlətməyək
hamısını göstər
