Sözaltı Sözlük - Azərbaycandilli Fikir Ensiklopediyası

+5 əjdaha

1. sözlükdə bu qrupa aid entry'nin olmamasını gözləmirdim sözün düzü. ən xoşladığım xüsusiyyətləri isə çox modern qruplardan fərqli olaraq, dövrün psixoloji və sosioloji məsələlərini öz stillərində qabartmaqlarıdı. qrup mark foster tərəfindən qurulub və adına da fikir verəndə "foster the people", yəni, insanları "maarifləndirmək" və "tərbiyələndirmək" nəzərdə tutulur.
iki albumları var "torches" və "supermodel". artıq qrupun üç üzvündən biri qrupdan ayrılıb, buna görə də heç vaxt onları canlı oxuyan yerdə görmədiyimə üzülürəm. ən xoşladığım mahnıları arasında "coming of age" , məşhur "pumped up kicks", "the truth", "are you what you wanna be?", "ask yourself" kimi mahnıları var. ancaq bu o qruplardandı ki, albumlarındakı bütün mahnılar qəşəng çıxır. çünki çox keyfiyyətli iş görürlər. kapitalizmi musiqiləri ilə düz qoyub, əyri işdiyillər.
ciddən qulağ asmamızsa, heç olmasa yoxluyun.

+7 əjdaha

2. Müasir dövrün ən güclü rok qruplarından biridir. Qrupun yaradıcısı və solisti Mark Foster Hollywood'da barda işləyib və ilk demolarını da orda yazıb. Qrupun ən məşhur və kariyeralarında dönüş edən mahnısı 'Pumped up kicks'dir. Hər mahnılarında olduğu kimi, bu mahnıda da aktual mövzuya toxunulub. Mahnı qısa müddətdə viral olmuş və qrupa böyük şöhrət gətirmişdir.
Lokal olaraq yavaş-yavaş tanınmağa başladıqları vaxtlarda musiqi şirkəti ilə müqavilə bağlayırlar. Qısa müddət sonra isə 'Torches" albomlarını yayımlayırlar.
"Torches" albomu mənim ən sevdiyim albomların başında durur. Tək-tük albomlardandır ki, hər mahnısının özünün aurası var və albomda yer tutsun xətrinə yazılmış mahnılar deyillər. Ölkəmizdə çox bilinməsə də, "Torches" albomunun Amerikada bir generasiyanın üzərində böyük təsiri olmuşdur.