1. Məndən əvvəl qrup haqqına yazılıbmış. Mən də maraqlı şeylər deyim qrup haqqında. Deməli, nikolay və nastya müsahibələrində layihənin adının təsadüfən seçildiyini qeyd edirlər. Duet üzvləri uzun müddət adla bağlı qərar verə bilməyiblər və ilk gözlərinə nə görünsə onun adını layihəyə qoymağa razılaşıblar. Məlum olub ki, əşya icepeak noutbukunun korpusu olub. Konseptual olaraq, ikili seçimi müasir mədəniyyətdə musiqiçilərin tez-tez özlərini brendə çevirmələri ilə əsaslandırıb, buna görə də onların layihəsi artıq mövcud olan brendin adını alıb.
Oskarlı rus rejissoru Nikita Mixalkov federal televiziyada yayımlanan BesogonTV proqramında 6 dəqiqədən çox efir vaxtını ic3peak-ın "смерти больше нет" klipinin nəzərdən keçirilməsinə və tənqidinə həsr edib.
2. həddindən çox cool görünüşləri, mahnıları və klipləri olan əjdaha qrup.
nastya və kolya ikilisindən ibarətdir. musiqilərində bağımlılıq yaradan bir atmosfera var, demək olar hamısını bəyənirəm. dövlət və idarəetmə sistemini qınadıqları üçün neçə-neçə konsertləri ləğv edilib.
"сладкая жизнь"(2017) və "до свидания" (2020) albomları favorimdir. son albomlarında trash tərzində əjdaha olan ghostemane ilə duetləri oldu, hələ də dinləməkdən bezmirəm.
3. Səhər 7 bakı soyuğunda qulaq üstü qulaqcıq taxaraq yol gedərkən dinlədiyim qrup. Qızın ecazkər səsi bass verə verə qrusnaya suka dedikcə bədənimi sirkələyib tüklərimi bizbiz edir. bu həzzi anlatmaq olmaz ancaq yaşamaq lazımdı.
4. 2013-cü ildə Moskvada yaradılan iki nəfərdən ibarət eksperimental elektronik musiqi qrupu.
Vokal işini anastasia kreslina və prodüserliyi Nikolay kostylevin etdiyi qrup ilk vaxtlar ingilis dilində, daha sonra isə rus dilində mahnılardan ibarət albomlar çıxarıblar. Bir neçə il əvvəl Rusiya hökumətinin də müdaxiləsinə məruz qalaraq konsertləri ləğv olunmuşdur. Buna səbəb mahnılarında istifadə etdikləri sözlərin olduğu düşünülür.
ikilinin Klipləri də özünəməxsusluğu ilə seçilir və bir növ qorxu filmlərini xatırladırlar.
)