...

yazarların paylaşmaq istədiyi yemək reseptləri

| anket

facebook twitter əjdaha lazımdı   googllalink


    1. Badımcan ruleti resepti
    Deməli bunun üçün bizə 2-3 badımcan lazımdır. Badımcanları uzun uzun doğruyub günəbaxan yağında qızardırıq. Qızaran badımcanları isə boşqaba salfet sərib həmin salfetlərin üstünə düzürük ki salfetlər badımcanın yağını əmsin.
    Badımcanları hər tavaya düzdükdə bir çimdik duz sərpiştiririk üstlerine. Miqdarı istəyinizdən asılıdır. Badımcanların hamısını qızartdıqdan sonra içliyi hazırlayırıq. içlik hazırlamaq üçün bizə qoz,şüyüd,mayonez (xama varsa xamadan da istifade edə bilərsiniz),sarımsaq lazımdır. Qozu rəndədən də keçirdə bilərsiniz,üyüdücünüz varsa ordan da keçirdə bilərsiniz. Şüyüdü xırda xırda doğruyuruq,sarımsağın miqdarı da istəydən asılıdır. 2-3 diş sarımsağı sarımsaq əzənlə əzirik.sonra içlik üçün hazırladığımız şeyləri bir kasaya əlavə edib qarışdırırıq. Qaşıqla içlikdən götürüb bişirdiyimiz badımcanın arasına qoyub yumru-yumru bükürük. Sonra hazırladığımız ruletləri boşqaba yığıb üstüne streç çəkib soyuducuya qoyuruq. Əgər yemək hazır olan kimi elə yemək istəyirsinizsə yeyə bilərsiniz. Soyuq-soyuq da ilıq-ilıq da çox dadlıdır.
    2. Beef stew resepti
    Bişirdiyim və yediyim ən dadlı şeylərdən biridir. 2.5-3 saat vaxt və çoxlu səbr tələb edir. hazır olduqda isə bütün əziyyətinə dəyir.
    Ingridientlər:

    Yarım stəkan un
    1.5 kq dana əti (chuck hissəsindən)
    3 yemək qaşığı bitki yağı
    1 orta soğan (iri doğranmış)
    2 yemək qaşığı tomat pastası
    Ət suyu və ya gallina blanca (ət)
    2-3 ədəd dəfnə yarpağı
    3-4 kəklikotu sapı
    3 orta kök
    3-4 kərəviz sapı
    2-3 orta kartof
    1 balaca banka yaşıl noxud
    Yarım litr çaxır
    Böyük dəmir tava lazımdır. Yağ tavaya tökülür. Ətlər balaca kubiklər şəklində doğranır. Una batırılır. Un çırpılır. Və ətlər tavanın dibinə bir birinə yapışmayacaq şəkildə düzülür.4-5 dəqiqə (ətlərin hər tərəfi qızarıb tavanın dibinə yapşıana qədər) o tərəf bu tərəfə çevrilir. Ətlər tavadan çıxarılıb bir qaba yığılır. Bu hissədə əsas məsələ ətlərin yanmaması ancaq mümkün qədər tavanın dibinə yapşmasıdır. Soğan tavaya tökülür, 2-3 dəqiqə qızardılır, tomat əlavə olunur, 1 yemək qaşığı un əlavə olunur. Bu arada tavanın dibində qərtmək kimi bir qat əmələ gəlmiş olmalıdır. Çaxır yavaş yavaş əlavə olunub dibə yapışan ət tamamilə qaşınmalıdır. Dib təmizləndikdən sonra. Qabdakı ətlər, yığılmış suyu ilə birlikdə tavaya əlavə edilir. Ət suyu varsa ət suyu, yoxdursa gallinca blanca ilə başqa bir qazanda hazırlanmış su tavaya əlanə olunur. Dəfnə yarpağı və kəklikotu əlavə olunduqdan sonra, 1 saat müddətində yuxarı xodda qazın üstündə qalır. Bir saatdan sonra doğranmış kök, kartof və kərəviz əlavə olunur. Xod aşağı salınır, və tavanın qapağı örtülür.daha bir saat bu formada bişdikdən sonra, yaşıl noxud əlavə olunur 2-3 dəqiqə bişirdirkdən sonra, dəfnə yarpağı və kəklikotu çıxarılır və yemək hazırdır. Youtubeda tapa bildiyim ən yaxşı versiyanı da qoyuram.
    https://www.youtube.com/watch?v=gg8qqtrb9lk&t=9s

    6 əjdaha!

    23.02.2021 14:50, jack frost
    3. Sadə, amma çox dadlı tost var - Tuna melt.
    inqredientlər:
    1. Konserva tuna - 1 ədəd
    2. 5-6 turşu xiyar
    3. Qırmızı soğan - 1 ədəd balaca
    4. Duz
    5. istiot
    6. Mayonez
    7. Holland pendiri
    8. Tost çörəyi
    Xiyar, soğan xırda-xırda doğranılır. Sonra bunlar- tuna, duz, istiot və mayonez bir qaba əlavə olunub yaxşıca qarışdırılır. Çörək diliminin üstünə çəkilir, üzərinə holland pendiri sərilir, üstünə digər dilim qoyulur və tosterə basılır. Dadı heavenly olur. Toster çörəyindən daha yaxşı variant panini çörəyi ilə olur, amma paninini tapmaq biraz çətindir deyə salamatı elə tost çörəyidir. Az vaxt tələb eliyir və qarşılığında aldığın dad priceless olur.

    3 əjdaha!

    11.03.2021 23:04, jack frost
    4. alfredo pasta
    4-5 nəfərlik yemək hardasa 15 manata başa gəlir.
    inqredientlər:
    1. toyuq döşü - 2 ədəd
    2. ağ göbələk - 1 paket
    3. sarı soğan - 1 ədəd
    4. sarmısaq - 3-4 diş
    5. marqarin - 1 yemək qaşığı
    6. zeytun yağı - 3 yemək qaşığı
    7. süd və qatı krem(slivki 30%-lik) - 3.5 stəkan (hər stəkanın yarısı süd yarısı slivki olmalıdır)
    8. ən yaxşı tagliatelle pasta ilə olur. ama hər hansı bir makaron və ya vərməşil çeşidi də istifadə edə bilərsiz.
    9. optional: hiduşka və ya donuz kolbasası
    10. duz və istiot
    11. cəfəri - 1 dəstə
    dutch oven və ya dərin və geniş tava lazımdır. duzlanıb istiotlanmış toyuq döşü istəyə görə kub olaraq və ya uzun uzun doğranır. iki yemək qaşığı zeytun yağında qızardılır. Qızardıldıqdan sonra ayrı bir qaba yığılır. toyuq götürüldükdən sonra xırda doğranmış soğan ölənədək 3-4 dəqiqə bişirilir, sonra doğranmış göbələk əlavə olunur, 6-7 dəqiqə ölənədək bişirilir, xırda doğranmış sarmısaq əlavə olunur, 1 dəqiqə bişirdikdən sonra süd və slivki əlavə olunur. 3-4 dəqiqə sonra toyuq, göyərti, varsa donuz vəya hinduşka əlavə olunur. duz və istot əlavə olunur. qatılaşana qədər 10 dəqiqə civarı bişirilir. (eyni zamanda pasta al dente bişirilir, suyu süzülür kənara qoyulur.) pasta əlavə olunur, qapaq örtülür, 7-8 dəqiqə bişirilir ki, pasta sousu özünə çəksin.
    restoranda yesəz müqayisədə çox daha başa gəlir.

    3 əjdaha!

    04.04.2021 17:21, jack frost
    5. resept yox 2 dənə guidline paylaşmaq istəyirəm. salat və ət/toyuq bişirmək üçün çox geniş skalada dəyişikliklər etmək imkanı verir ki, bu da bir birindən çox fərqli dadlar əldə etmək imkanı yaradır.
    ideal Salat guidline-ı:
    1. istədiyiniz hər hansı Göyərti növləri və Leaf vegetable Kahının müxtəlif növləri (oak leaf lettuce, Radicchio), acıqıjı. (Watercress) yuduqdan sonra mütləq şəkildə suyunu qurutmaq lazımdır. bunun üçün mağazalarda salad spinner href="https://www.amazon.com/Cuisinart-CTG-00-SAS-Salad-Spinner-Green/dp/B007TFNSL2" style="rgba(25,148,218, 0.8 link " target="_blank" class="sonses" rel="nofollow">https://www.amazon.com/Cuisinart-CTG-00-SAS-Salad-Spinner-Green/dp/B007TFNSL2) satılır, mütləq alın.
    2. tərəvəz - kefiniz hansı tərəvəzləri istəyir, hansı formada istəyir əlavə edə bilərsiz. Xırda xırda, böyük böyük, uzun soyulmuş şəkildə (qabıq soyanla soya bilərsiniz, maraqlı forma və tekstura verir
    3. xırtıldayan əlavələr - qovrulmuş badam, fındıq, qoz və s, suxarı
    4. süd məhsulları - adi ağ pendir, mozarella, parmezan və s.
    5. xırda meyvələr və tərəvəzlər- kişmiş, zirinc, zeytun və s.
    Salad dressing: mütləq şəkildə turşu(acid) və yağ olmalıdır. bir bankada möhkəm qarışdıra bilərsiniz.
    1. 1/3 turşu: limon və ya hər hansı sitrus meyvəsi suyu, balsamik, sirkə və s.
    2. 2/3 yağ: zeytun yağı ən ideal variantdır, ancaq digər yağları da istifadə edə bilərsiniz.
    3. duz və istiot
    4. istədiyiniz ədviyyatlar.
    5. souslar - xardal, ketçup, mayonez, qatıq və s.

    ideal ət/toyuq marinadı: stake, parça ət istifadə olunacaqsa 2-3 saat marinə etmək lazımdır, daha böyük parçalar (bütov toyuqvə s.) üçün 4 saat. marinə edildikdən sonra mütləq hava keçirməyəcək şəkildə ağzı bağlanmalıdır.
    1. 1 stəkan turşu (acid) - qırmızı çaxır, ağ çaxır, limon suyu, sirkə, bal, tomat pastası, buttermilk, şampan və s.
    2. yarım stəkan yağ (fat) - Zeytun yağı, marqarin, küncüt yağı və s.
    3. yarım qaşıq ədviyyat - duz, istiot, zirə, soğan tozu, sarmısaq tozu, paprika, qurudulmuş göyərtilər, darçın, mixək və s.
    4. yarım qaşıq göyərti və dadlandırıcılar - rozmarin, kəklikotu, sarmısaq, soğan, oregano, adaçayı, cəfəri, zəncəfil, kişniş, turp, kök və s.

    2 əjdaha!

    05.04.2021 01:51, jack frost
    6. Adını bilmirəm amma italyan şirni resepti idi. Pudingə bənzəyir görünüşcə. internetdə görmüşdüm dedim özüm də eləyim və bağımlısı oldum

    Tərkibi:
    qaymaq krem
    pudra şəkəri
    kofe

    Burdakı əsas nöqtə həm kofenin həm də qaymağın çox soyuq olmasıdır. Kofe sadə kofe olmalıdır. içində qəhvədən başqa heç nə olmamalıdır. Uzağı şəkər olmalıdır o da 1 qaşıq filan.

    Birinci pudra şəkəri ilə qaymaq qarışdırılır. Krem halına gələnə qədər qarışdırılır mikser ilə. Sonra az-az kofedən qatılıb qarışdırılır. Onu da krem halına gələnə qədər qarışdırmaq lazımdır. Hazır olduqda soyuducuda saxlanılır və 1-2 saat sonra yeyilir. Əgər istəsəniz üstünə əlavə olaraq şokolad tozu da əlavə edə bilərsiniz

    6 əjdaha!

    17.10.2021 12:46, suzuki akira
    7. Ənnn sadə və ənnn dadlı yemək ola bilər bu. Ehtiyacımız olan ərzaqlar :
    1. Yeyəcəyiniz porsiyadan asılı olaraq kök (balacadırsa 3-4 ədəd, iri kökdürsə 2-3 ədəd)
    2. Mayonez
    3. 1 diş sarımsaq (ağız dadınıza uyğun olaraq az və ya çox əlavə edə bilərsiniz )
    4.

    Hazırlanma qaydasına keçək.
    Kökləri təmizləyib rəndədən keçirik, mayonezi köklərin üstünə töküb qarışdırırıq sonra isə sarımsaq əzənlə sarımsağı əzib qatırıq (çalışın sarımsaq nə çox az nə də həddən artıq çox olsun hazırladığınız kökə uyğun qatın, dadı çıxsa bəs edir)
    bunları qəşəng qarışdırdıqdan sonra isəə şəkilini qoyduğum suxarikləri töküb üstünə yeyiriik. Suxarikin smetanlısı olmasına diqqət edin, digərlərini də sınamışam ən dadlısı smetanlı olanla alınır.
    Nuş olsuuun
    8. dietik bir yemək ya da zakuska. toyuq filesi ( və ya döş əti)ni alıb 150-200 qram arası quş başı boyda hissələrə kəsin artıq dəri yağ kimi parçacıqları tullayın. qazana qoyun doğranmış fileləri və üstünə suyu tökün qoyun qaynamağa. qaynayana qədər kəfləri yığın üstündən tulluyun toyuğun içində olduğu su tam qaynamağa başlayanda 1 çay qaşığı duz əlavə edib 15 dəqiqə qaynadın. o arada qatığı götürün otaq temperaturunda olsa yaxşı olar xolodelnikdən çıxarıb çöldə qoyun bir saat öncə, qatığa bir neçə baş sarımsaq əzilmişi, quru reyhan və istəyə görə başqa bir quru göyərti qatıla bilər (keşniş və ya petruşkanın təzəsi də olar). 15 dəqiqə sonra toyuğun bişdiyinə əmin olduqdan sonra çıxarın toyuğu qara istiotlayın, istəyə görə sarıkök əlavə edin rəngə görə. daha sonra sarımsaqlı sousla toyuq əti soyutması yanında bir-iki dilim qara çörəklə dietik bir yemək olur. indi bişirdim yoxladım xoşuma gəldi.

    1 əjdaha!

    18.12.2021 16:33, palandraz
    9. illər əvvəl bənzərini TV-də görüb improvizə hazırladığım yüngül meyvəli salat:

    bir az ispanaq
    1 ədəd portağal (meyvəni digər turş-şirin meyvələr ilə əvəz etmək olar: yaşıl alma, qreyfurt və ya çiyələk. sadəcə bu üçü)
    bir ovuc qoz
    yarım limonun suyu
    duz-istiot
    1 ç.q. zeytunyağı (digər bitki yağları da olar)
    bu qədər.

    deserting üçün zövqə görə sirkə, balzamik və s. istifadə edilə bilər, salatın adını bilmirəm-*, böyük ehtimal hipster-veqan kafelərdə məşhurdur-*.
    diet vaxtı əla gedir, axşam yeməyi əvəzinə bunu yeyireləm, kalorisi çox azdır, qozunu çox etsəz daha çox tox tutar yəqin.-*

    0 əjdaha!

    12.05.2022 23:44, Leopardi


üzv ol


...