evin böyük uşağı olmaq

1. bu sifarişi verən: benedictus

Yanlışı doğrusu ilə ilk təcrübə, ilk göz ağrısı olmaq deməkdir.
ikinci uşaqdan sonra moddan düşüb lone wolf olaraq yaşamaqdır. Swh

Balaca vaxtı sən evin balacaları ilə məzələnərsən, böyüyəndə isə onlar sənin əsəblərini oynadar.

1 əjdaha!

08.09.2020 23:30, haillucifer

#304150 şikayət

2. Ata-ananın valideynliyi öyrəndiyi övlad olmaqdır. Həyatında ilk dəfə valideyn olan şəxslər öz təcrübəsizliklərini sizin üzərinizdə həyata keçirirlər. Öyrənmə mərhələsində buraxdıqları səhvlərin əvəzini də siz ödəyirsiniz.
Həmişə "düzgün" yolu izləmək , bacı-qardaşa nümunə olmaq, gördüyün hər işdə birinci, mükəmməl, qüsursuz olmaq məcburiyyətidir.
Valideynlərin ümidlərini doğrultmadıqda, xeyirsiz övlad olmaqdır.
Bəlkə də daha çox sevilməkdir. Bilmirəm.
Bəzən də övladın olmamış valideynliyi öyrənməkdir. Yaşından böyük davranmaqdır.
Əslində, yazdıqlarımın əksəriyyəti o biri övladlara da aiddir. Amma böyük övlad olmaq daha çətin və məsuliyyətlidir mənə görə. Daha çox başqalarına görə yaşamaqdır. Bəlkə də yanılıram. Amma öz təcrübəmdən yazıram. Buna baxmayaraq, istənilən ümumiləşdirməyə qarşıyam.

2 əjdaha!

09.09.2020 00:44, benedictus

#304158 şikayət

3. Sınaq obyekti olmaqdır. Hər bir şey ilk öncə sənin üzərində sınaqdan keçirilir, yoxlanılır, əgər yalnız müsbət rəy alarsa, səndən sonra gələn qardaş/bacıya da tətbiq olunur.

4 əjdaha!

09.09.2020 01:04, lənətə gəlmiş zənci

#304160 şikayət

4. məsuliyyəti baxçadan qayıdanda ona cicibebe almaqla başlayır. sonra məktəbə getməmişdən qabaq onu baxçaya qoymaqla davam edir. sonra da, hər cür dəcəlliyinə dözməkdir evin böyük uşağı olmaq. məktəbdə müəllimləri ilə maraqlanıb evdə oçot verməkdir. balaca bacının gecə üstü açıq qalsa, ürəyinin üşüməsidir. o ağlasa həyatına leysan yağması, dolu düşməsidir. birdən nəsə olar, nəsə səhv hərəkət edər, özünü incidər fikri ilə gözündən qırağa qoymamaqdır. özünü onun qoruyucu mələyi hiss etməkdir. yeri gələndə valideyn kimi danlamalı, yeri gələndə dost kimi söhbətləşib sirrini, dərdini bölüşməkdir. balacadır deyə-deyə hər səhvinə göz yummaq və onu doğru tərəfə yönəltməkdir. "mən sənin boyda olanda..." tipli cümlələrdə onu bezdirməkdir. onun problemini öz dərdin, sevincini xoşbəxtliyin bilməkdir. kefi olmayanda üzünü güldürməkçün hər cür meymunluğu etməkdir. o güləndə gülüşlə cavab verib dəqiqələrlə səbəbsiz yerə qımışmaqdır. hansı yaşa çatırıqsa çataq, xalçanın üstündəki çərçivələrə toxunmadan birlikdə oynamağa çalışmaqdır. böyük uşaq olmağın verdiyi hislərin badına gedib deyilmiş sözlə, edilmiş hərəkətlə bəzən xətrinə dəyib küsdürəndə, özündən küsməkdir və xətrini almaq üçün min cür yola əl atıb, dəridən qabıqdan çıxmaqdır. nazını çəkməkdir, sevə-sevə çəkmək həm də.

bir də, səninlə eyni paltarları bölüşdüyünü, "yaşın çatmır, böyüyəndə oxuyarsan" deyib oxumağa qoymadığın kitabı artıq oxuyub qurtardığını, bəzən bir fikrə ehtiyacın olanda onun yanına qaçdığını, hətta ondan məsləhət aldığını - onun böyüdüyünü görəndə üzülməkdir, darıxmaqdır..

xoş anlarla dolu olduğu qədər bir valideyn olmaq qədər məsuliyyətli və çətindir evin böyük uşağı olmaq.

yaxşı ki evin böyük uşağı deyiləm.

5 əjdaha!

07.12.2020 01:39, mariya kürüsü

#312779 şikayət

5. evin kiçik fərdinə kölə kimi davrananlar. Amma haqqlarına girməyək bir halt yediyimizdə rahatlıqla üstlərinə atıb vəziyyətdən çıxa bilirik. Misal bir dəfəsində kravatda tullanıb düşürdüm deyə qırmışdım və onu yataq örtüsü ilə örtmüşdüm. Sonra bacım yatmışdı üzərində və duranda aaa bacıı kravatı qırmısanki deyib ona büyük vicdan yükləmişdim , beləliklə damaşnik yeməkdən də qurtulmuşdum ehehe. Vəə evlənib getdiklərində aa sən yeni evlisən neynirsən ata evində alınan paltarları get yoldaşınla bir al deyib bütün paltarlarını özümüzə götürmək kimi mükəmməl başqa şey yoxdu.
vəə ən əsası məktəbdə ya da sosyal mühitdə mama yoxdursa yanımızda mama roluna girib özünü ekstra kaptırıb prezident qoruyucuları kimi qorumaları var.

4 əjdaha!

07.12.2020 10:49, Sincab

#312798 şikayət

6. Aranızdakı fərq bir ildirsə, evinizdə kommunizm hökm sürürsə, mənası olmayan bir faktdır. Böyüyüm elə mənimlə bir yerdə böyüyüb, eyni yeməyi yemişik, eyni oyuncaqla oynamışıq, edilən səhvdən asılı olmayaraq hadisə yerində ikimiz də var idiksə, eyni anda çırpılmışıq. Bir il fərqlə bağça/məktəb/universitet yolunu keçmişik. Həmçinin ona bir çox ailələrdəki kimi "böyük uşaq avtoriteti" verilmədiyinə görə eynihüquqlu iki yetim olaraq fırlanırıq, yaş keçdikcə də aramız düzəlir.

4 əjdaha!

07.12.2020 11:24, Sonuncu Sumqayıt yetimi

#312801 şikayət

7. Evin balaca uşağı olaraq deyə bilərəm ki, yaxşı bir şeydir.Nəyi xarab edirlər balacanın üstünə atırlar.Üstəlik balaca nəsə etsə carçı kimi gedin hər şeyi vergülündən nöqtəsinə qədər çatdırırlar.

2 əjdaha!

07.12.2020 12:28, Queenn

#312806 şikayət

8. Hiperaktiv və buna bağlı olaraq da, dili kirimiş, özü də bir yerdə durmayan qardaşınız varsa və eyni məktəbdə oxuyursunuzsa və hətta müəllimləri köhnə müəllimlərinizdirsə, bismillah edəndə çağırılıb onun yerinə danlanmaqdır. Evdə də onun elədiyi qələtə görə danlanmaqdır. Adam əşyamı qırırdı. "O uşaqdı, sən əşyana diqqət elə" deyib danlanırdım. Bir də bunun oyuncaqları yığmaq fastı var. Hələ də yadıma düşəndə gülməyim gəlir. Oynayırdıq kubiklərlə. Yığmağa gələndə özünü vururdu yerə ki, qarnım ağrıyır. O yığsın oyuncaqları. Burada söhbət 2-3 yaşlı uşaqdan gedir. Gözündən yaş gəlirdi, qardaş. Lol. indi də içdiyim çay stəkanından, otağımdan əl çəkmir. Mən evə qayıdanda gəlib görürəm çöküb otağa. Paltarı da oradadı, kitabı da. Amma neyləyəsən, şeytan tükü var. Qovmaq da olmur. Gəlir 1-2 şirinlik edir. Di allah xətrinə, yaxşı edirəm. Ha bir də evin balacası danlanandan sonra bir küncdə sakit duran böyüyə də sıra mütləq çatacaq.
bundan başqa bütün ilk təcrübələrin üstündə yoxlanıb, uğursuz olanların balacaya tətbiq olunmamağı var. Labaratoriya siçanıyıq, balacalar elə həsrətlə başmasın.

1 əjdaha!

07.12.2020 14:58, adekvat insan

#312820 şikayət

9. Azərbaycan reallığında valideyinləri tərəfindən başı yeyilərək zorla evləndirilməyə məruz qalan ilk övlad, müvəqqəti də olsa ikinci övlad üçün qalxan rolunu oynayır.

0 əjdaha!

14.12.2020 17:37, giavidano

#313498 şikayət

10. Hər şey sənin üsdünə qalır. Balaca nəsə etsə belə sən böyüksən sən icazə verməməliydin deyilir. Amma uşaq vaxdı evin böyüyü olmağın çörəyin də yemişdiyim var. Büyük uşağa böyük xəjdik

1 əjdaha!

14.12.2020 18:38, Captainemo

#313512 şikayət

sən də yaz!