əjdaha lazımdı
izlə
dostlar
mən
googlla
recep tayyip erdoğan
-
lucifermorningstar
başlıqdakı ən bəyənilən yazılar:
+23 əjdaha
6. Türkiyədə ləğv olunması ilə "qaqa, qadın cinayətləri nətər siyasi olur e? Nə dəxli var?" Sualını verənlərə topdan cavab olmuşdur.
Yenə də bilala açıqlayır kimi 2-3 kəliməylə açıqlayım.
Sənin hökümətin "çöldə hamilə qadın görəndə avtomatik ağlına onun bir şeylər elədiyi gəlir", "qadın cəmiyyət içində səsli gülməz" kimi sözlər işlədəndə və seçicisi də özü kimi kütlə olanda, o hökümət o seçicinin səsini almaq üçün istanbul konvensiyasını ləğv edə bilir. Beləliklə də, qadın cinayətləri siyasi olur.
+22 əjdaha
4. Avropa birliyi tərəfindən dəstəklənən 2011-ci ildə imzalanmış lakin sadəcə 1 il keçərli qalan sözləşmədir.
Dörd təməl ünsürü var:
1. Qadına yönəlmiş hərcür şiddətin və ev içi şiddətin qarşısı alınması.
2.şiddətə məruz qalanların qorunması
3.Cəzaların güzəştə gedilməməsi
4.Günahkarların cəzalandırılması və qadına qarşı şiddətə mübarizə altında güclü siyasi qurumların yaradılması.
Sağlam düşüncəli birilərinin bu maddələrdən necə narahat olduğunu anlaya bilmirəm. Özlərini isə ailə dəyərlərini məhv edir ideologiyası ilə üstə çıxaran erdoğan sözləşməni qəbul etmədi.
insan haqqları olan bu sözləşmənin qəbul edildiyi tək il cinayət sayında kəskin eniş görülmüşdü. Lakin bugün bu cinayətin hesabı belə yoxdur.
Hərgün biraz daha türkiyədən iyrənməyə səbəb olan ak partinin tez zamanda hakimiyyətdən getməsini və yerinə gələcək partiyanında normal sağlam düşüncəli olmasını arzulamaqdan başqa çarəmiz qalmır.
Ən gülməlisi isə ak parti tərəfdarları olanlar bu sözləşmənin əhalinin xeyrinə ləğv edildi deməsidir, sanki bu qanunlar tətbiq olunarsa insanlığın sonu gələcək. Fərqində deyillər ki bu qanun tətbiq olunmadığı üçün insanlar ölür,vəhşi mangurtlar isə endirimli cəzalar alaraq işin içindən çıxır.
Bu sözləşmənin qəbul edilməməsi tərəfdarları olanların özlərinin şiddət göstərdiklərinə yemin edə bilərəm ,amma sübut edə bilmərəm.
Avropada türklərə terrorist gözüylə baxılma səbəbləri də bariz ortadadır. insan haqqları qorumayan, vəhşilərin tərəfini tutub ailə parçalanmasın adı ilə qadınlar ,uşaqların, heyvanların canından olmasına vəsilə olan bu hakimiyyət özü öz əlləri ilə qadınların qətliamına şərait yaradır.
Bir ölkəni tanımaq istəyirsinizsə orada insanlar nədən ölür deyə baxın kəlamı bugün türkiyənin hansı vəziyyətdə olduğunu çox yaxşı göstərir.
Haqqın öz yerini tapmağı diləyi ilə..
+10 əjdaha
1. türkiyəni bir az daha avropaya yaxınlaşdıran, gender bərabərliyi və şiddət məsələlərinə fokuslanan, əslində, əzilənin yanında olan bir müqavilədir. bizdə də polislərin etdiyi kimi, əgər bir qadın ailədaxili zorakılıqdan şikayət etməyə gəlirsə, artıq istanbul sözləşməsi polisin bu məsələyə "hər ailədə olur, uşaqlarınız var, lazım deyil" yanaşmasını qadağan edir. konvensiya yalnız evli qadınları ailədaxili zorakılıq halında deyil, hər bir qadına qarşı istənilən münasibət müstəvisi üzərində göstərilən şiddətə qarşı şərtlərlə müdafiə edir. iqtisadi zorakılığa qarşı mübarizə şərtlər daxilindədir.
müqavilənin akp hələ də hakimiyyətdə olarkən 2012-də təsdiqlənməsinə baxmayaraq, yenə akp dövründə türkiyə rəsmiləri tərəfindən müqavilədən çəkilməsi müzakirə edilir. bu qədər təcavüz, cinayət halı var ikən istanbul konvensiyasından çəkilmə məsələsinin müzakirə edilməsi belə ağlabatan deyil. ya kor olmalısan, ya da kar.
bu barədə xarici məşhur qadınlar #istanbulSözleşmesiYaşatır, #istanbulconventionkeepsusalive, #istanbulconventionsaveslives, #ChallengeAccepted 
kimi heşteqlərlə birlikdə türk qadınlarının mübarizəsinə dəstək üçün ağ-qara şəkillər paylaşmağa başlayıblar. qərb mediası sevinir, dünya türkiyənin yobazlıqlarını daha açıq şəkildə anlayır, bir tərəfdən də qadınların dəstəyi - xüsusən qlobalda - sevindiricidir. düzdür, instagramda 60 nəfər izləyicisi olan insanın ağ-qara şəkil paylaşması, inanmıram ki, nəyisə dəyişdirə amma, Christina Aguilera, Emmy Rossum, jennifer aniston, Cobie Smulders paylaşırsa, ehtimallar 1 faiz də olsa, artır.
+12 əjdaha
7. Nə qədər gözlənilməz çıxsa da, Ərdoğanın qızları alınan qərara qarşıdırlar .
Ümumiyyətlə, nə qədər akp içində olsalar belə, müəyyən savadı olan və islamçıların "həyat tərzinə" uyğun yaşamayan qadınlar çoxdur və bu qərara etiraz etməyə başlayıblar. Söhbət konvensiyanın qətlləri sıfırlayıb-sıfırlamaması deyil, 20 illik təkbaşına iqtidarında bu qədər cinayətə rəğmən ağlıbaşında məcəllə yarada bilməyərək əldəki qazancı məhv etməkdən gedir. O cümlədən parlamentin ratifikasiyası ilə qəbul edilmiş sənədi gecənin bir vaxtında prezident fərmanı ilə ləğv etmək, hələ də hansı demokratik tutumdan danışa biləcəksiniz axı?
Qadın qətlləri məhz siyasidir, çünki kimlərsə öz kreslosunu əldə saxlamaq üçün bu qətllərdən, cinayətlərdən istifadə edir, bir baş ağılsız, cahil, məqsədləri xəyali düşmən yaradıb onunla "vuruşmaq" və bütünlüklə mədəniyyətə, insanlığa, haqqa, hüquqa düşmən kəsilmək olan insan sürüsü də bu geridəqalmış düşüncəyə sevinir, təkbirlərlə bəzəyirlər. Həm də siyasi heç bir qram biliyi olmadan, öz cahilliyini bir üstünlük bilərək. insanı ən çox bu yıxır.
Eyni gecədə daha iki qərar açıqlandı; birincisi, mərkəzi bankın sədri qovuldu, nədir nədir kürəkəninin puça çıxardığı 128 milyard dollar ehtiyatı daha tez bərpa edə bilmək üçün faizin artırılmasını istəyirdi, digəri də uğrunda az qala vətəndaş müharibəsi başladılan gezi parkı istanbul bələdiyyəsindən alınıb hansısa dinçi qəhbə vəqfə verildi. Bunların hamısı səs itkisinin qarşısını almaq üçün edilir, necə ki vaxtikən pkk ilə masaya əyləşib onu tərəf kimi qəbul etdilər, gülənçiləri bütün dövlət orqanlarına hiylələrlə, test cavabları ilə saldılar, indi də psixoz milliyətçilərdən, gicbəsər təriqətçilərdən səs almaq üçün ölkənin gələcəyi ilə oynayırlar, cümhuriyyət dəyərlərini göz görə-görə məhv edirlər.
Çox heyfsilənirəm, elə-belə də yox. Heç yoxdan qurulan ölkəni, illərlə yaratmaq istənilən düzəni 20 ildə heç elədilər.
+7 əjdaha
3. Hərdən düşünürəm ki çox aqressiv yazaram. Fikirlərimi hirslə bildirirəm. Çox güman ki özümə olan nifrətimi tanımadığım insanlardan çıxmağa çalışıram. Amma yenə də bunu yazmalıyam. Çünki indi yazacaqlarım həyatımın içinə qoyan hadisələrdən biridir. indi keçək entry mizə. Düşünürəm ki feminazilər sadəcə qadınların haqlarının olduğu bir dünya istəyir. Nəyə görə indi danışım. Uninin 1 ci kursunda oxuyurdum. Özüm də elə bir insanam ki utancaqlıq abidəsiyəm. Heç vaxt da nə bir qadına nə bir qıza nə online nə də real tanışlıq atmamışam. Amma iş elə oldu ki burda bir qızdan xoşum gəldi. Könüldü ota da qonar poxa da. Mənimki də poxa qondu. Deməli bu qızla eyni avtobusla gedib-gəlirdik. Mən sadəcə uzaqdan izləyirdim. 1 gün 2 gün axırda yaxınlaşdım. Danışdıq elə belə axşam nömrəsinə mesaj yazdım. Bir cəsarətimi toplayıb sevirəm dedim. Qız da gülən emoji qoydu. Biraz danışdıq qurtardı. sabahıki gün gördüm bütün sinif mənə gülür. Sən demə bu pox göndərdiyim mesajları bütün sinifə göstərib. Dünyam yıxıldı. Həyatımda bu qədər axmaq yerinə qoyulduğum olmamışdı. Qıza yaxınlaşıb söz demək istədim. Özünü artistliyə vurdu guya ürəyi gedir. O birisi qızlar da çəkil deyib məni kənara itələdi. Sonra da məndən şikayət etdilər. bullying gündə rektor otağına çağırılmalara görə intihar həddinə gəldim. Amma edə bilmədim. Bunun başlıqla nə əlaqəsi var deyim. Mən o qıza etdiklərinə görə cavab versəydim bu konvensiyaya görə həbsdə idim. Amma yazdığım onlarla müraciətə baxmayaraq heç bir təşkilat heç bir partiya səsimə səs vermədi. Buna görə də bu konvensiya mənə görə zibildi.
+3 əjdaha
9. illərdi qəbul edilib doğru düzgün əməl olunmayanda etiraz edilməyib,ləğv edilməsi ilə etirazlara səbəb olan konvensiyadır.
+3 əjdaha
2. istanbul Konvensiyası (və ya avropa şurasının qadınlara qarşı zorakılığın qarşısının alınması və onlara qarşı mübarizə haqqında konvensiyası) niyə vacibdir?
Psixoloji zorakılıq məsələsi:
Azərbaycan Respublikasının inzibati Xətalar Məcəlləsinin Məişət zorakılığının qarşısının alınması haqqında qanunvericiliyin pozulması ilə əlaqədar 158-ci maddəsinin 2-ci bəndi:
"Məişət zəminində psixi zorakılığa, yəni şəxs tərəfindən digər şəxsə qəsdən psixi təzyiq göstərilməsinə və ya dözülməz psixi şərait yaradılmasına yönəlmiş hərəkətlərə görə üç yüz manatdan beş yüz manatadək məbləğdə cərimə edilir".
Bu hissənin praktikada demək olar ki, icra edilmədiyini bir kənara qoyub davam edək.
Məişət daxilində şəxslərdən biri digərinə qarşı (misal üçün qaynana gəlinə qarşı, ər arvada qarşı, valideyn övlada qarşı və s.) daimi olaraq (yenə misal üçün) sistematik şəkildə ləyaqətini alçaltmaqla psixi zorakılıq edib dözülməz psixi şərait yaradırsa dövlət orqanlarına şikayət əsasında (dövlət sizi barışdırmağa [əvvəlki yazıya bax] nail olmasa) ən ağır halda 500 manata qədər cərimələnməlidir. Əməl zorakılığa məruz qalan şəxsin özünə qəsd etməsi halında cinayət əməli hesab edilir. (Cinayət Məcəlləsi; 125-ci maddə)
Ailə daxilində baş vermiş intihar hadisəsinin həmin maddədə bildirilən səbəblərdən (onunla [qurbanla] amansız rəftar etmə, onun ləyaqətini mütəmadi olaraq alçaltma, ona hədə-qorxu gəlmə yolu ilə özünü öldürmə və ya özünü öldürməyə cəhd həddinə çatdırma) baş verdiyini sübuta yetirməyin çətin olduğunu nəzərə alsaq xüsusən bu qanunların məişət zorakılığı məsələlərini həll etməkdə qeyri-kafi olduğunu da anlamış olarıq.
Bəs konvensiya qəbul edilsə?
ilk növbədə keçən yazıda göstərildiyi kimi psixi zorakılıq da daxil olmaqla istənilən zorakılıq halına qarşı barışdırma alternativi aradan qalxacaq.
Konvensiyanın 33-cü maddəsinin tələbinə əsasən psixoloji zorakılıq cinayət əməli hesab ediləcək və təqsirkar həmin əmələ qarşı sanksiya kimi ancaq cərimənin olduğu inzibati Xətalar Məcəlləsi ilə deyil daha ağır cəza mexanizminə malik Cinayət Məcəlləsinə əlavələrin edilməsi, yaxud mövcud olanın dəyişdirilməsi vasitəsilə cəzalandırılacaq. Əməlin cinayət əməli sayılması üçün qurbanın özünə qəsd etməyi gözlənilməyəcək.
istanbul Konvensiyasının 33-cü maddəsi:
"Tərəflər [konvensiyanı qəbul etmiş dövlətlər] məcbur etmə və ya hədə-qorxu vasitəsilə hər hansı bir şəxsin psixoloji vəziyyətinə ciddi xələl yetirən qəsdən törədilmiş əməllərin cinayət əməli olmasını təmin etmək üçün zəruri hüquqi və ya digər tədbirlər görməlidirlər".
-Qığılcım
istanbul konvensiyasını azərbaycanca tam oxumaq üçün;
link 
+3 əjdaha
5. Bu gün etibari ilə türkiyə də ləğv olunan konvensiya. Nə məqsədlə ləğv olunduğun bilmirəm deyəsən şəriət ölkəsi edəcəklər həqiqətən və adım kimi əminəmki akpli qadınlar buna sevinəcək... təvacüz sayı, butulqaya, pişiyə təcacüz edənlər güya az idi...
+1 əjdaha
8. Ləğv olunan və ləğvi də yaxşı olan sözləşmə. Avropa haçan qadına dəyər verib? Maşınların yanında qadınları soyundurub bədənlərindən istifadə edən zehniyyət islamdakı yeri məlum qadını qoruya bilməz. Qadını müsəlmanlıq, din anayasadan da sözləşmədən də əvvəl qoruyar. Yuxarıda bəzi anarxistlər qadına şiddəti siyasiləşdirib. Türk xalqi oy verəndə təbii ki, namaz qılan, gül ətrli, dininə bağlı adama verəcəy. Qadınına istədiyi kimi muamele ettirməyən qərbin siyasilərinə oy verməz. islam qadını təmiz tutmaqçün qara çarşafa salır, yoldan çıxmasın deyə hərdən bir dənə qapaz keçirin məsləhəti verir, çox yorulmasınlar deyə üstünə bir-iki dənə də alın deyir. Bu qədər incə düşünən, qadınları sevib-sayan başqa hansı sözləşmə var, ibnə bəy qardaşlarım?!
+2 əjdaha
10. Bir gün Azərbaycanın da qoşulub əməl etməyini istədiyim konvensiya. istanbul konvensiyası sadəcə qadınları yox, insanlığı qorumağı hədəfləyir. Təbii ki, konvensiya olanda qadına cinayət yox olmur, amma hüquqi dövlətin rəsmiləri belə mənasız arqumentlər gətirməməlidir.
hamısını göstər
