+11 əjdaha
12. Azərbaycanı bir sözlə ifadə et desələr deyəcəyim sözrüşvət
əjdaha lazımdı
izlə
dostlar
mən
googlla
azərbaycanda təhsilin geri qalma səbəbləri - rüşvət verən tələbə modeli - azərbaycanın ən böyük problemi - azərbaycana və ya azərbaycanlılara xas xüsusiyyətlər - azərbaycan polisi - azərbaycana nifrət etmə səbəbləri - azərbaycan - yazarların prezident olacağı təqdirdə edəcəyi islahatlar - dövlət proqramı ilə xaricdə təhsil
başlıqdakı ən bəyənilən yazılar:
+8 əjdaha
18. o vaxt rayona təzəlikcə su çəkmişdilər. hər gün 1 saat hər kəndə su verilişi olurdu. 1 saat filan kəndə, 1 saat filan kəndə. bir müddət sonra isə bəzi kəndlərə 1 saat yarım su verilişi olarkən, bəzilərinə isə sadəcə 50 dəqiqə, 45 dəqiqə olurdu. zamanla isə 1 saat yarım olanlar 2 saata, 45 dəqiqə olanlar isə yarım saat olmaqla dəyişdi. bir müddət keçdikdən sonra isə yenidən 1 saat 1 saat olmaqla düzəldi.su verilişinə nəzarət edən şəxs kəndlilərdən pul alırdı, daha doğrusu, kəndlilər pul verirdi ki, bizim tərəfə suyu bir qədər çox ver. pul verməyən kəndlərə su, təbii ki, az gəlirdi. icra hakimiyyətinə şikayətlər ünvanlandıqdan sonra işlər qaydasında düşdü deməyimi gözləyirsiniz?, çox gözləyərsiz. digər kəndlər də rüşvət verdi və məsələ həll oldu.
mart ayında yadımdadır ki, xarici passport almaq istəyəndə asan xidmətə getmişdim. orada sırada gözləyərkən bir nəfər hiss edirdim ki, mənə gözün zilləyib baxır. gözümü çevirdim, üzü haradansa tanış gəlirdi. adı yadıma düşdü. üzü də daha da tanış gəldi. Bildim, filan adamdır. o vaxt iş həll etməsi üçün 5 min beh vermişdi, alınmamışdı. * pulu qəpiyinə kimi qaytarıldı, təbii ki düşündüm ki, yüz faiz, indi gəlib məni zibilə salacaq. passportumda da nə isə səhv tapıb: "di get filan şeyi də gətir", - deyəcək. elə olmadı. işimin bitməsini gözlədi. mənə: "işin yoxdusa, gözlə də, işim var sənlə", - dedi. gözlədim. Gəldi,
- məni tanıdın? - sualın verdi.
- Hə, tanıdım, filankəssən?
- Hə, nə əcəb yadında qalıb? -, Nə isə demədim, - işin qurtardısa burda, çıxaq çölə? bir şey danışacam, - dedi
- çıxaq.
asan xidmətin o dəxlisiz "xidmətdən razı qaldız?" sualına mənim yerimə cavab verdi. Çölə çıxdıq.
yenidən salamlaşdıq.
bir az şəxsi danışıqlardan sonra köhnə işimdə gördüyüm işi təklif etdi. 5 min manat dedi yenidən.
razılaşmadım. uzaqlaşdığımı, artıq maraqlı olmadığını dedim. başqasını tapmağını tövsiyə elədim sadəcə.
keçən gün qardaşım dostunun köməyə ehtiyacı olduğun dedi. adam axtarır işin gördürməyə. qardaşım mənim sahənin bir ara içində olduğumu deyib, tövsiyə edib. Mənə 4 min verə biləcəyini dedi. istəmədim.
+7 əjdaha
17. hamımız nə qədər şikayətlənsək də, hərdən rüşvət vermək işə yarayır. təbii ki, hər sahəyə aid deyil. məsələn, maskaya görə 100 azn cərimə ödəməkdənsə, 20 azn ilə söhbəti bağlamaq daha yaxşıdır. yaxud necəsə ağır cərimə olur və bölməyə getməlisən, burada da rüşvət işə yarayır. Nəinki 200 azn cərimə, üstəlik 200 də bölmədən çıxmağa.Təhsil, iş və digər sahələrdə rüşvətə şiddətlə qarşıyam. Çünki layiq olanlar kənarda qalır, layiq olmayanlar iş tapır.
+6 əjdaha
9. "salam verdim, rüşvət deyil deyə almadılar."-füzuli, "şikayətnamə"
+6 əjdaha
6. Bu mövzu haqqında nəsə yazmaq istəyim hər zaman olub ancaq bəzən çox artıq qəzəbli olduğumdan bu düşüncələrim söyüşdən savayı heç nə olmayıb. Əsəblərimi kontrol edə-edə yazmağa çalışacam.Əvvəla başlayaq tanımdan:
----
Rüşvət - Hər hansı bir vəzifəli şəxsə verilən pul və ya əşya şəklində maddi sərvətdir. Rüşvət korrupsiyanın əsasını təşkil edir. Rüşvətin çiçəkləndiyi ölkələrdə haqq və ədalətdən danışmağa dəyməz.
Wikipedia
belə deyir.----
Deməli bu qaynaqda yazılanları analiz edəndə görünür ki, rüşvət nəsə verilən birşey kimi qələmə alınıb. Ehtimal olunur ki, bu qaynağa məlumatı daxil edən də rüşvət alınmaz verilər məntiqi yanaşmasında olan bir şəxsdir(başqa dillərdə olan qaynaqlarda daha dolğun məlumatlar var ancaq bunlarla başınızı çox ağrıtmayım). Nəsə rüşvətin çiçəkləndiyi ölkə tanımı ilə də yəqin ki çiçəklənən azərbaycan fikirləri arasında düz mütənasiblik var.Sözum ona o qeder de fikir verilesi bir qaynaq deyil bu vikipedianın azərbaycan dilindəki hissəsi ancaq iki cümlə ilə belə olsa əslində bütün azərbaycanı ifadə edib(bilərək yaxud bilmədən də olsa).
Bəs rüşvət verilir ya alınır?
Düşünürəm ki hər ikisi də. Rüşvət verməyə məcbur buraxılmış, illərdi çikəklənmə yolunda əlindən gələni ardına qoymayan məmurlarımız tərəfindən qanı içilmiş, sömürülmüş sadə vətəndaş rüşvət verir. Bununla yanaşı bəzi imkanlı şəxslər də fəxr edərək rüşvət verib öz vəziyyətini möhkəmlədirib cəmiyyət içində titulunu qoruyur. Rüşvətin verilmə variantlarını çox yaxşı bilirik. Rüşvət həm də alınır. Bunu çoxlarınız yaşayaraq yaxşı təcrübə etmisiniz.
Rüşvət - Hər hansı bir vəzifəli şəxs tərəfindən alınan pul və ya əşya şəklində maddi sərvətdir. Vikipediyaya da belə bir düzəliş edək.
Gələk bu yazının məğzinə. Bura qədərində də bundan sonra da bilmədiyiniz heç nə oxumayacaqsınız. Öz baxış bucağımdan müqayisə edərək rüşvətin nə qədər pis, əxlaqsız, insani dəyərdən uzaq olduğunu bəzi boynu yoğun, kreslo sevdalısı, bildiyiniz ən pis söyüşlərin və qarğışların birbaşa yiyəsi,məmur donu altında rüşvət alan şərəfizlərə nəsə bu işdə bir yanlışlıq olduğunu xatırlatmaqdır.
--spoiler--
Korrupsiyaya qarşı mübarizə yüksək profilli həbslər və yüksək profilli araşdırmalarla məhdudlaşdırılmamalıdır. Siz korrupsiyayı ilkin mərhələlərdə baş verən zaman qarşısını alaraq korrupsiyaya qarşı mübarizədə uğurlu olarsınız ( Ahmed Chalabi)
--spoiler--
Rüşvət vs. Fahişəlik
Rüşvət>>fahişəlik. Riyaziyyatda belə bir ifadə var. Bir kəmiyyətin digərindən çox çox böyük olduğunu ifadə edir. Təbii ki burda böyüklük əxlaqsızlığın dərəcəsindən gedir(fahişəliyin də bir biznes olması da daha başqa bir sosiyal mövzudur.Nəyə və kimə görə düz ya da yanlışdır.bu yazının mövzusu deyil). Bəli bir tərəfdə bədənini bəlli bir qiymət qarşılılğında, hansısa durumlarda satan insanlar digər tərəfdən şəxsiyyətini,mənliyini, tutduğu vəzifəni bəlli qiymətlər qarşılığında kimlərəsə peşkaş çəkən məmurlar. Bu da fahişəliyin başqa bir təcəllisidir. Biri öz bədənini satır, digəri hər şeyini, bütün insanı insan edən dəyərləri. Tanımdan yola çıxaraq demək olar ki rüşvət alan məmur= or >> fahişə.
Rüşvət vs. Oğurluq
Misal versək hansısa oğru nəyisə qarət edir. Burda zərər çəkən tərəflər iki və bir neçə insan ola bilər. Marketdən, bankdan edilmiş qarət bir neçə insanı zərərə düçar edir. Ancaq alınmış rüşvət bütün bir cəmiyyətə zərər vurur. Hər iki halda da haqqsız qazanc düz deyil. Burda nüans yalnızca hansının nə qədər yanlış olduğudur. Burdan da yola çıxaraq dəmək olar ki, rüşvət alan məmur= or >> modern oğrular.
Rüşvət vs. Digər qanunsuz fəaliyyətlər (qaçaqmalçılıq, cinayət və s..)
Hansına nəzər yetirsək yenə də rüşvətxorluq ağır gəlir. Bir insanı qətlə yetirmək vs rüşvət verə bilmədiyi üçün xəstəxanalarda körpələrinin, əzizlərinin ölü bədənləri başında çarəsizlik hissinin ən dibini yaşayan sadə vətəndaşlar.
Sonda
Bütün rüşvət alan məmurlara səslənərək: əgər fahişə deyilsəniz, oğru deyilsəniz, cinayətkar qatil deyilsəniz, namussuz deyilsəniz, biqeyrət deyilsəniz bu rüşvət davranışından əl çəkin.
p.s:vəzifəsini layiqilə icra edən məmur fikirdaşlarımızı hörmətlə salamlayır və onları tutduğu bu yolda dəstəkləyir və daha dirayətli olmağını arzulayırıq.
+5 əjdaha
13. Zamdekanımıza 1-ci kursda gətirdiyim qoz-fındıq+5 əjdaha
2. әgər hər hansı bir ölkədə 1000 nəfərin 5-dən pul istənilib, amma birindən alınırsa, bu rüşvətdir. yox əgər 1000 nəfərin 1000-dən də pul istənilib və 1000 nəfərin hamısından o pul alınırsa, bu rüşvət deyil, artıq bu vergi növüdür.(bax: nazim məmmədov)
+4 əjdaha
5. azərbaycanda ən yüksək istifadə olunan vasitə. rüşvət deyəndə azərbaycan ağıla gəlir.+2 əjdaha
15. Şəffaf sistemdə Azərbaycan xalqı yaşaya bilməz. Rüşvətin olması sənə imkan yaradır ki, heç bir bacarığın olmadan da tanışlıq, pul vs yollarla layiq olmadığının yerdə işləyə biləsən. Rüşvət sənə imkan verir ki, sən maşını kəmər taxmadan sürə biləsən, rüşvət sənə imkan verir ki, sən küçəni zibilləyə biləsən, rüşvət səne imkan verir ki, sən məktəbdə " yaxşı" qiymət alasan. Rüşvət sənə imkan verir ki, sən bu ölkədə yaşaya biləsən.+2 əjdaha
3. yalnız azərbaycanda alternativ adı hörmət ola bilərdi * çünki başqa dillərdə hörmət sözü yoxdu deyib şitlik eləmiyin.+1 əjdaha
4. bizim cəmiyyət üçün həddən artıq normal bir şeydi. şəxsən mənim fikrimcə, rüşvətin cəzalandırmadığı bir mühitdə kiminsə vəzifəsindən sui-istifadə etməsi qəribə hal deyil. yəni adam cəzalanmayacağını əvvəlcədən bildiyi üçün rüşvətə risksiz gəlir mənbəyi kimi baxır və insanı da bu gəlirdən imtina etməyə yalnız ''insaf'' və ''vicdan'' kimi faktorlar vadar edə bilər. çox təəssüflər olsun ki, bu faktorlar hal-hazırkı dövrdə çoxları üçün əhəmiyyətini itirirdiyi üçün bizim cəmiyyətdə də böyüyündən tutmuş kiçiyinə qədər hamı bunu qəbullanır və normal bir davranış sayaraq deyir ki, ''qardaş əl əli yuyar, əl də üzü.'' sonra da baxırsan belə insanlara, önlərinə nə arqument qoyasan ki bu adamları səhv çıxardasan deyə düşünürsən amma tapa bilmirsən. aciz bir şəkildə səndə həmin cəmiyyətin bir parçası olursan+1 əjdaha
7. azərbaycanda bir növ xidmət vergisi funksiyasını daşıyan vəba.+1 əjdaha
10. Şirinlik adı altında bir çoxlarına pul bəxşişi verərək bunu daha da ictimailəşdirdik və beləliklə rüşvəti yaratdıq.
+1 əjdaha
14. (bax: cəmiyyət tərəfindən normal qəbul edilən anormal şeylər)+1 əjdaha
11. Rüşvəti aşılayan da bizik. Onu alacağını bilməsə, qarşı tərəf istəməz deyə düşünürəm. Yəni tələb- təklif. Öz xoşu ilə rüşvət təklif edənləri də çox görmüşəm.hamısını göstər