azərbaycanda narkomaniya

narkotik satış və alışının əlçatanlığının çox asan olması ilə birlikdə leqal olmamasının ciddi fəsadlara gətirdiyi və gətirə biləcəyi fenomen, hadisə.

adətən, 1 ildən artıq mütəmadi narkotik qəbul edən şəxs fiziki, psixoloji vəziyyəti ilə əlaqədar olaraq işini itirir. Lakin, hər gün yenidən narkotik vasitə əldə etməsi üçün pul lazım olduğundan, edə biləcəyi tək işi, narkotik satışını etməyə başlayır. ilk zamanlar kuryer kimi, daha sonra xarici ölkələr ilə əlaqələri təmin edən koordinator kimi fəaliyyət göstərməyə başlayır. son zamanlar əsas alış-verişi gedən narkotik vasitə patıdır. çox keyfiyyətsiz quruluşa malik olan patı əvvəllər yalnız iran vasitəsilə azərbaycana gəlirdi. gömrük, nəqliyyat ödənişləri ilə birlikdə nisbətən baha, 100-120 manat arası satılırdı. lakin, son zamanlar gömrük ödənişi ləğv edildiyi, və artıq azərbaycanda da istehsalı başladığı üçün 30-35 manata tapmaq olur. ucuz olduğuna və əlçatan olduğuna görə patı azərbaycan ərazisində çox yayılıb. patının əsas təsirləri isə bədənin quruması, dişlərin, barmaqların, dırnaqların, saçların çürüməsi, həddindən artıq arıqlama, gecə yatanda gələn əsmə, bioloji cinsi təmsil edən orqanın fəaliyyətini itirməsi və s.-dir.

cinayət məcəlləsinə əsasən, külli miqdarda narkotik maddələrin satışı 5 ildən 12 ilə qədər azadlıqdan məhrum edilmə ilə nəticələnir. məhkumun ailəsi, dostları, yaxınları 12 saat ərzində 20.000 manat verərək onu birbaşa evə gətirə bilər. Lakin, 12 saat sonra rəisin xəbəri olduqdan sonra bu keçərli deyil. Rəisin tutulmadan xəbəri olduqdan sonra məhkəmə üzvlərinə, hakimə, vəkilə ümumilikdə 40-50 min manat təqdim etməklə həll oluna bilər. narkotik maddələrin satıcılarının saxlanılması dövlət işçilərinə bu qədər pul təmin etdiyi üçün, narkotik maddələrin satışı ilə ən yaxından azərbaycan polisi maraqlanır. adətən çox yüksək vəzifəsi olmayan polis işçisi müəyyən miqdar pul qarşılığında narkotik vasitələrin satışı ilə məşğul olanların arasına daxil olur. özünün güvənilirliyini qrupa sübut etdirdikdən sonra o da, onlarla rayona gedərək narkotik vasitələri götürür, istifadə edir və s. lakin, polisin özü ilə birlikdə əsas bariqa da, kuryerlərin və koordinatorların polisə təqdim edilməsində iştirak edir. polis həmin kuryer və koordinatorun ailə üzvləri haqqında da məlumat əldə edir, ailəsinin kuryer saxlanılsa o pulu verə biləcəyindən əmin olur. bir müddət sonra, qrupa daxil olan polis işçisi qrupda olan kuryer və koordinatorları iş başında saxlamaq üçün polisə məlumatları təqdim edir. saxlanılanın ailəsindən əldə edə edilən pul isə polis işçiləri, qrupa daxil olan polis, və bariqa arasında bölüşdürülür.

yəni, azərbaycan polisinin əsas işi azərbaycanda narkomaniyanın təsirlərini azaltmaq, son vermək yox artırmaq və daha çox insanın buna mübtəla olmasını təmin etməkdir.

buradan həmin işlər ilə məşğul olan, kuryer və koordinatorların saxlanılmasında iştirak edən kamran adlı polisə demək istəyirəm ki, sən çox şərəfsiz adamsan.

anarxo-islam

hakimiyyətin, idarəedicinin olmamasını dəstəkləyən müsəlmanları ehtiva edən anarxizmin qolu.

Xarici firqələrindən sayılan Nəcdadilər, cəmiyyətdə əlverişli imam olmadığı müddətcə imamsız, başçısız yaşamağın lazım olduğunu demişdir. Mötəzilə məzhəbi də, həmçinin, imamların tirana çevrildiyi zaman imamətin ləğvini irəli sürmüşdür.

“There are more ideas on earth than intellectuals imagine. And these ideas are more active, stronger, more resistant, more passionate than 'politicians' think. We have to be there at the birth of ideas, the bursting outward of their force: not in books expressing them, but in events manifesting this force, in struggles carried on around ideas, for or against them. Ideas do not rule the world. But it is because the world has
ideas... that it is not passively ruled by those who are its leaders or those who would like to teach it, once and for all, what it must think.”
(Michel Foucault, 1978)

sorit paradoksu

dilimizdə gündəlik istifadə etdiyimiz önərmələrin əslində nə qədər də qeyri müəyyən olduğunu göstərən paradoks.

sorit sözü qədim yunan dilindən tərcümədə "topa" və ya "qalaq" kimi tərcümə olunur. bu paradoksu istifadə etmək üçün bu tipik bənzətmədən istifadə edilir:
"1,000,000 qum dənəsi qum topasını yaratmağa kifayət edir. 1 qum dənəciyinin aradan götürülməsi qum topasının qeyri qum topasına çevirməyə şərait yaratmadığına görə, 999,999 qum dənəciyi də qum topası sayılır. əgər 999,999 qum dənəciyi dənəcəyi qum topasının yaranması üçün kifayət edirsə, onda 999,998 qum dənəciyi də qum topasının yaranması üçün kifayət edir, çünki 1 qum dənəciyi qum topasının qeyri-qum topasına çevrilməsi üçün şərait yaratmır. Əgər 999,998 qum dənəciyi dənəcəyi qum topasının yaranması üçün kifayət edirsə, onda 999,997 qum dənəciyi də qum topasının yaranması üçün kifayət edir, çünki 1 qum dənəciyi qum topasının qeyri-qum topasına çevrilməsi üçün şərait yaratmır və s. Əgər hər dəfə 1 qum dənəciyi qum topasının qeyri-qum topasına çevrilməsi üçün şərait yaratmırsa, onda qum topası qeyri-qum topasına necə çevrilir? Əgər 1 qum dənəciyi qum topasının qeyri-qum topasına çevrilməsi üçün şərait yaradırsa, onda 1 qum dənəciyi niyə qum topası hesab edilmir?"

qeyri müəyyənliyin digər nümunəsini insanın yaşının qoca və cavan olaraq təyin olunmasında müşahidə edə bilərik. * bunun tam olaraq sorit paradoksuna daxil olduğuna əmin deyiləm
"Məsələn, əgər X adlı bir insanın ömrünü şərti olaraq 100 il qəbul etsək, onda bu insan 100 × 365 = 36500 gün yaşamış olacaq. Əgər hər 4 ildən bir ilin 366 təqvim günü olaraq hesablandığını nəzərə alsaq, onda 36500 günün üzərində 100 ÷ 4 = 25 gündə əlavə etmək lazımdır: 36525 gün. Beləliklə, 100 il yaşayan X adlı insan 36525 gün ömür sürmüş olur. X öz ömrünün 1-ci günü aydın şəkildə körpədir və 36525-ci günü aydın şəkildə qocadır. Beləliklə, “X öz ömrünün 1-ci günündə körpədir” mülahizəsi iki qiymətli Bul məntiqinə görə doğrudur və “X öz ömrünün 36525-ci günündə körpədir” mülahizəsi iki qiymətli Bul məntiqinə görə yalandır. Əgər belədirsə, onda məhz hansı nöqtədə (hansı gündə) “X körpədir” mülahizəsi doğrudan yalana keçid alır? Məsələn, məhz hansı nöqtədə (hansı gündə) “X körpədir” mülahizəsi artıq yalandır və “X uşaqdır” mülahizəsi doğrudur? Məhz hansı nöqtədə (hansı gündə) “X uşaqdır” mülahizəsi artıq yalandır və “X yeniyetmədir” mülahizəsi doğrudur? insan həyatını şərti olaraq aşağıdakı yaş mərhələrinə bölmək mümkündür: məsələn, 2 yaşa qədər körpə, 2-11 yaş mərhələsi uşaqlıq, 11-18 yaş mərhələsi yeniyetməlik, 18-30 yaş mərhələsi gənclik və s. Amma şübhəsiz ki, məsələn, Xin bioloji və psixoloji sistemində hansı fundamental dəyişiklik baş verməlidir ki, 11 yaşının son günündə “X uşaqdır” mülahizəsi doğru və 12 yaşının ilk günündə “X uşaqdır” mülahizəsi yalan olsun? Xin bioloji və psixoloji sistemində baş verməli və onu uşaq deyil yeniyetmə kimi qiymətləndirməyə imkan verməli olan bu fundamental dəyişiklik 1 gün, 24 saat, 1440 dəqiqə, 86400 saniyə aralığında necə müəyyən edilməlidir?"


istifadə olunan mənbə:
1. Elmar Hussein- Mülahizələr məntiqi. Fəlsəfə və qeyri-səlis məntiq

insanları subyektə çevirən obyektləşdirmə növləri

Michel Foucaultun əsasən 3 hissəyə böldüyü növlərdir. Michel Focault akademik yaradıcılığı boyu insanların subyektə çevrilmə növlərinin tarixini araşdırıb və yaradıb.

1. özlərinə elm statusu qazandırmağa çalışan araşdırma növləri vasitəsilə obyektləşdirilmə.
Bu növə bir neçə misal çəkmək olar. Məsələn, filologiya, linqvistika danışan subyektin obyektləşdirilməsində iştirak edir. Və ya, rifah və iqtisadiyyat analizində məhsuldar, əmək sərf edən subyektin obyektləşdirilməsi göstərilə bilər. Həmçinin, təbiət tarixi və ya biologiya "sırf * salt yaşamış olma fenomeninin" obyektləşdirilməsində rol oynayır.

2. subyektin "bölücü praktiklər"də obyektləşdirilməsi
Subyekt ya öz daxilində və ya başqalarından bölünmüşdür və bu proses onu obyektləşdirir. Buna misal olaraq dəli ilə ağılı, xəstə ilə sağlam, cinayətkar ilə "yaxşı uşaqlar"ı demək olar. timidus #330149 entrysində bu "bölünmənin" nümunəsini çəkir:
"alpaçino demiş. birimizin pis insan olmağına ehtiyac var. ki o birilər baxıb aa bax o pisdir biz yaxşı deyə bilsin. mən pis olmağı seçdim. siz yaxşını seçin."

3. insanın özünü subyektə çevirmə forması.
Bu çevrilmə formaları subyektiv təcrübələr vasitəsilə baş verir. Məsələn, dəlilik, cinsəllik, xəstəlik və s. timidus bir entrysində insanın özünü "cinsəllik" subyekti olaraq tanımağın nümunəsini vermişdi, lakin o entryni latın dilinə edit edib deyə paylaşa bilmirəm -*

absurdfikir

yazılarını maraq və həvəslə oxuduğum yazar, sosiologiya tələbəsi.
ixtisas seçimi ilə bağlı köməyi dəyib. tövsiyyəsi ilə max weberin “ protestant ahlakı ve kapitalizm ruhu” kitabına başladım, gözəl detallı və mövzunu incəliklərinə qədər araşdıran kitabdır.

özünə uğurlar diləyirəm.

libido sciendi

biliyə, bilik əldə etməyə dair duyulan dərin zövq, həzz.

azərbaycan tədris sistemi biliyi boz, monoton, xoşagəlməz şəkildə təqdim edərək insanları bilikdən, bilik əldə etməkdən uzaqlaşdırır. həmçinin, bu biliyin əzbərlənməsi, əzbərlənib-əzbərlənmədiyinə nəzarətin məcbur edilməsinin nəticəsi olaraq sosial mükafatlar * rəqabət və yüksək maaş təqdim edərək biliyi qısa-period çərçivəsində xeyir gətirən sevimsiz bir predmetə çevirir.

halbuki, bilik, bilik əldə etmək dərin bir zövqlə əlaqəlidir- sevişən zaman duyduğumuz zövqə bənzər bir hissdir.

normal

mütləq olaraq doğru və olması lazım olan

Mənim iddiam budur ki, varlığın özündə normal olan heçnə yoxdur və "normal olan "x"-dir" demək düzgün iddia deyil.

Biliyin əldə edilməsi üçün təcrübə şərtdir. Məsələn, hamıya aydın olan primitiv keys üzərindən getsək, "Anadan gəlmə kor olan birinin qırmızı rəngin nə olduğunu bilməyəcək və qırmızı rəngə dair biliyi olmayacaq". Həmin insanın qırmızı rəngə dair biliyinin olması üçün, o nə vaxtsa qırmızı rəngi təcrübə etmiş olmalıdır. Hadisələrin, obyektlərin necəliyi və nəliyi ilə bağlı biliklər bizdə təcrübə ilə əmələ gələn biliklərdir. Zaman keçdikdən sonra hadisələrin və obyektin əlamətlərinin ardıcıllıq sırası bizdə həmin hadisə və obyektə dair "olmalı olan" qəbilindən "normallaşdırılma" prosesi başlayır. Biz artıq hadisələrin necəliyindən əlavə "necə olmalı olduğu" haqqında fikirlərə sahib olmağa başlayırıq. Yalnız, bu "normallaşdırma" bilik sayılmır, çünki nə təcrübədən nə də anadangəlmə əmələ gəlir. Normallaşdırma insanın təcrübə ilə əldə etdiyi dataları zehni fəzasında ardıcıllığa qovuşdurma prosesidir. Yəni, normanı qoyan təbiət, varlıq və ya yaşam deyil insan zehnidir. insan zehnindən müstəqil "norma" yoxdur. Əldə edilən təcrübələrin isə nisbi və dəyişkən olması, bu "normal"ın mütləqliyinə xələl gətirir. 18-ci əsrdə qaradəlilərin ağdərililərlə eyni ictimai məkandan istifadə etməsi normal olmayan, təbiətə zidd sayılırdısa, indi bu normallığı sorğulanmayan doğruya çevrilib. Bu nümunəni gətirməklə demək istədiyim "bizim indi anormal saydıqlarımız gələcəkdə normal olacaq" qəbilindən deyil. Mən burada normallığın insan zehnindən müstəqil olmamasının nümunəsini gətirirəm.

Təkamüli proses ilə "indi"də mövcud olan varlıqların isə məhz bu cür olmalı olduğunu demək düzgün deyildir. Çünki onlar mütləq yox şərtidir. Məsələn, A obyektindən soruşsaq ki, sənin səbəbin nədir? O belə cavab verəcək: Mənim səbəbim B-dir. Yəni mənim mövcudiyyətimə B səbəb olub. Bəs B olmaya bilərdimi? Olmaya bilərdi. Yaxşı, bəs B-nin səbəbi nədir? C. C olmaya və ya başqa cür ola bilərdimi? Olmaya və ya başqa cür ola bilərdi. Deməli, A-nın mövcudiyyəti zorunlu və mütləq deyil, şərti və fakultativdir(ixtiyari). Ona görə də, A-nın haqqında danışarkən A-nı izah etmək, yəni deskriptiv cəhətdən danışmaq lazımdır, olmalı olanın A olduğunu demək yox.

Nəticə olaraq demək olar ki, var olanlar normallıq ölçüsündən yoxsun olaraq sadəcə vardırlar və normallıq ölçüsü insan zehninin varlığa yüklədiyi məfhumdur.

#sözaltı şeir

Ey zülfü aydan işıqlım, tellərinin ətrinə qurban
Məhrum etmisən məni ləhzəndən, olub halım pərişan.

Riqqətə gətirən qəlbimi, varlığının təcəllüsüdür.
Səndən özgə yoxdur bu könül məmləkətində sultan.

Nəinki mən olmuşam aşiq sənin o gözəl çöhrənə,
Sənin eşqinlə vəcdə gəlir bütün bu mülki-cahan.

Yoxdur göylərdə bir zərrə işıq, sənin nurunladır ki,
Aydınlanır təsiri ilə hər sübh çağı bütün asiman.

Kim ki, məhrumdur yarın bənzərsiz eşqindən, laməkandır.
Ey Lucifer, sən bil o yarın eşqini özünə məkan.

doublethink

George orwellin 1984 adlı əsərində yazıya aldığı və "bir-birini qarşılıqlı şəkildə istisna edən iki əks fikrə eyni zamanda inanmaq, zərurət yarandığı anda ağın qara, qaranın ağ olduğunu sübuta yetirmək bacarığı" mənasına gələn söz.

Özləri heç bir normativə uyğun davranış sərgiləməməsinə rəğmən, üzərində iqtidar etdiyi sahənin insanlarına normativləri dayadan şəxslər , əsasən, doublethinkdən istifadə edirlər. ikifikirliliyin tətbiq olunma çərçivəsi praqmatik məqsədlərdir. iqtidarı olan şəxs * iqtidar dedikdə təkcə siyasi partiya deyil, iki və daha çox insan arasında əlaqə nəzərdə tuturam uyğun vəziyyətə görə norma təyin edir. Məsələn, sülhün iqtidar üçün daha əlverişli olduğu şəraitdə, olmalı olan və norma olan sülhdür. Lakin, müharibənin daha məqsədəuyğun olduğu halda norma və olmalı olan müharibədir. Məhz buna görə də, george orwell böyük qardaşın dili ilə ikifikirliliyin sloqanını belə ifadə edib:
"Müharibə-sülhdür.
azadlıq-köləlikdir.
cəhalət-qüvvədir."

azərbaycandakı ikifirliliyin təzahürü üçün -

(youtube: )

mail yaqub

fəlsəfə doktoru.

1979-cu il, 10 iyun tarixində anadan olub. Təhsilini Xəzər Universitetində, daha sonra isə Tehran universitetində alıb. Doktorluq dissertasiya işi "Nitsşenin "Əxlaq geneologiyası" əsərinin təhlili və tənqidi" olub.
Müəllimin nitşe haqqındakı dərsləri:

(youtube: )

(youtube: )

(youtube: )

sözaltı günlük

bezdiyimi, tükəndiyimi, hər şey olaraq heç nə olmadığımı, ağla gələn tələskən fikirlərin lüzumsuzluğunu hiss etdiyim günlərdən daha biri. artıq fikirlər belə fikrimdə fikir mahiyyətini itirib yadlaşırlar. imtahan, ananın əziyyətini yerə qoymamaq, çalışmaq, qazanmaq, maksimum bal toplamaq səyləri məni postmodern zamanın köləsi edərək cihazları artıq bədənimin üzvü etdi. imtahan stressi çəkməmək üçün düşüncəmi hər şey ilə məşğul edirəm. bu həryerdə olmaq məni yaşama yadlaşdırır, mahiyyətimi itirirəm. arada gələn marksistvari inqilabın çılğın düşüncələri məni burjuaz və kapitalistin imperalizminə olan nifrətinə, arada gələn tənhalıq hissinin tətikləyici qüvvələri sözlüyə, arada gələn anlama səylərim fəlsəfə və pozitiv elmə sürükləyir. bir yerdə qərar tuta bilməyən dəniz dalğasının çırpıldığı qayadan daha aciz hiss edirəm özümü.

bitkinlik ölməyin ikinci adıdır.

fikri qətiyyət

fikirlərin öz-verifikasiyasında * özün tərəfindən qəbul edilib/edilməməsi prosesində sən olmayan şəxslərin rasional məntiqə əsaslandırılmadan etdiyi rəylərini ciddiyə almayaraq fikir qarşısında qətiyyətli davranış forması.

əksərən, fikirləri formalaşdıran zaman qarşımızdakı şəxslərin bizim formalaşdırma prosesinə və ya prosesin predmetinə qarşı neqativ və ya pozitiv yanaşmaları, bizim də həmin prosesə və ya prosesin predmetinə qarşı davranışımızı tənzimləyir. məsələn, x şəxsi siyasət fəlsəfəsi və dəyərlərin ideologiya formasına salınması ilə maraqlanır və üzərində həqiqətən də, feyzverici əziyyət çəkirsə, y şəxsinin ifadə etdiyi "gedib prezident aparatında işləyəcəksən?", "siyasətə girmə, ora girib çıxa bilən olmayıb" kimi heç bir məntiqi təməllərə dayanmayan yanaşmaları x şəxsini "həqiqətən də, mən çox bihudə iş görürəm" kimi düşüncələrə gətirib çıxara bilər və öyrəndiklərinin və formalaşdırdığı dəyərlərə qarşı baxışının daxilinə "ön-neqativ baxış" * nə olduğunu analiz etmədən öncə neqativ formada baxış qata bilər.

fikirdə qətiyyət göstərmək və əzmkar olmaq isə, fikirin formalaşdırılmasında fikirin predmeti ilə bağlı rasional təməllərə dayanmayan bütün mühakimələri ciddiyə almamaq və öz-verifikasiyada əksi və ya özü təkzib olunmadığı zaman çərçivəsində fikirə qarşı davranışı dəyişdirməmək və ya daxilinə "ön-neqativ baxış" qatmamaqdır.



sokrat tarixi-portret cəhətdən zəif, gözləri çuxada, çəlimsiz, çirkin, çirkab içində kimi sifətlərlə əlamətləndirilsə də, Jacques-Louis David sokratı əzələli, çəlimli və əzmkar formada təsvir edib. bu əzmkarlıq fikri əzmkarlığın bədəndəki təcəssümüdür.
gəncləri pis yola çəkib, şəhər tanrılarını danan olaraq ittiham edilən sokrata, məhkəmədə fəlsəfə ilə məşğul olmağı və öz fikirlərindəki sabitliyi buraxdığı təqdirdə azad ediləcəyini desələr də, sokrat öz fikirlərindən imtina etməyərək fəlsəfə və şəhər qanunlarına sədaqətini göstərərək zəhər içərək edam olunmağı üstün bildi. əsl fikri qətiyyət, əzmkarlıq məhz sokratın bu davranış formasında gizlidir: rasional məntiqə əsaslanmayan mühakimələrlə qarşılaşan zaman özünün məntiqlə təməlləndirdiyin fikirlərdən imtina etməmək və fikri əzmkarlıq və qətiyyət göstərmək.

məsləhətli azərbaycan dilli bloqlar

Bakı Dövlət Universitetinin müəllimi Elmar Husseinin bloqu: link1

Bakı Dövlət Universitetinin fəlsəfə üzrə doktorantı, Qərbi Kaspi Universitetinin müəllimi Ağalar Qəribovun bloqu: link2

Bakı Fəlsəfə Akademiyasının sayt və bloqu: link3

Bahmanyar Clubun bloqu: link4

Azərbaycanda Ateizmin tənqidi və teizmin təbliğatı ilə məşğul olan ziya balıyevin onlara de adlı bloqu: link5

əsasən ilkin hüseynlinin yazılarından ibarət siyasət fəlsəfəsi bloqu: link6

pastoral iqtidar

arxasından qoyun sürüsünün gəldiyi iqtidar, güc.

pastoral sözü ədəbiyyat və musiqi janrı olaraq "çoban həyatını idilliya şəklində təsvir edən bədii və ya musiqi əsəri" kimi qəbul edilir. pastoral iqtidarda da, iqtidar çoban, fərdlər isə qoyun sürüsü təmsilindədir. michel foucault bu iqtidarı modern və mərkəzçi iqtidardan öncə var olan iqtidar forması kimi təsvir edir. Tanrının üstün avtoritarlığını qəbul edən fərdlər onun dominantlığını sorğulamadan və etiraz etmədən boyun əyərlər. yəni, bu iqtidarın əsas xüsusiyyəti sorğulanabilməyən olmasıdır.

Bir misir ilahisində, Tanrı raya belə deyilir: "Hamı yatdığı zaman gözünü onların üzərindən ayırmayan, sürün üçün ən yaxşısını istəyən Ulu Ra!"

Bir Assur duasında isə belə deyilir: "Çəmənlərin çalışqan yoldaşı, torpaqlarına baxan və onu bəsləyən sən, bolluğun çobanı"

dalı isti yerdə olanlar

bitkitək yaşayıb çoxalan, heyvantək cinsi əlaqədə olub və övladlarına qarşı müəyyən qayğı bəsləyən, daştək sabit fikir(?)li qalan, lakin insantək zehnini işlədib müstəqil fikir yürüdə bilməyən adamlar toplusu.

bu adamlar ətrafında baş verən hadisələrin nəliyi və necəliyi ilə maraqlanmayaraq, doğulduğu andan etibarən ətrafında gördüklərini normativ sayırlar. ailə üzvlərinin qənaətbəxş gəlirləri olduğu üçün etdikləri etiraz cəhalətə və istismara deyil, "ona yeni iphone alınmasının gecikməsi"nədir. hansı saatda yatmalı olduğunun, evin hansı otağında nələrin edilməli olduğunun belə onun iradəsiylə olmadığını dərk etməyən bu adamlar idarə edilərək "vətən" məfhumu səbəbilə mövcud məmləkətin ən yaxşısı olduğunu fikirləşirlər. instagramda leyla əliyeva, ilham əliyev və mehriban əliyevanı izləyən bu şəxslər xarı bülbül fetişinə sahibdirlər.

istismarın dayaqlarından olan və dalı isti yerdə olan bu şəxslərin arzusu original düşünmək yox, məşhur markanın original əşyasına sahib olmaqdır. zəncirləri qıra bilməyən bu insanlar sevgililəri ilə madooda səhər yeməyi yeyərkən dünyaya istismar edilmək üçün deyil də, yaşamaq üçün gələn insanlar yaşama həvəslərini itirirlər.

metal dinləmənin önəmi

Metal musiqisi daxilində "üsyan," "qarşıdurma," "dayanmamaq" kimi əlamətləri ehtiva etdiyindən, insanı ətalət halından hərəkətəkeçmə halına gətirib çıxarır və bu səbəbdən də xüsusi önəm daşıyır.

Bilmənin səbəb olduğu xoşbəxt olmama insanı "həqiqəti öyrənmək" və "tərəqqi" kimi əməllərdən az da olsa, uzaqlaşdırır. Lakin, metal dinləyərkən gələn "qəflət və cəhalətə qarşı üsyan" hissi insanı öyrənməyə, idrak etməyə tətikləyir. Metal dinləyərkən insan John Stuart Millin ifadəsiylə "Xoşbəxt bir donuz olmaqdansa, xoşbəxt olmayan Sokrat olmağı üstün bilirəm"in keçərliliyini anlayır.

Lakin, hər bir əməldə olduğu kimi, metal dinləmədə də həddi aşma insanı sağlam düşüncə ilə analizdən məhrum edə bilər. Çünki, analiz diqqət və zehni nizam tələb edir. Metal isə özü etibarilə nizamı yox, xaosu təmsil edir.