kitabının yerini verməyən filmlər

zənnimcə bütün filmlər. bir əsərin filmini izlədikdən sonra kitabını əlinə almaq çox çətindir. adam bir növ kor kimi olur. fantaziyası kilidlənir. bütün qəhrəmanlar, məkanlar yalnız filmdəki variantları ilə beynində canlanır. özünə başqa variantlar yarada bilmirsən. nə qədər istəsən də elə hey filmdəkilər gəlir ağlına. məsələn harry potter əsərini oxuyarkən qəhrəmanları özünüz yarada bilərsiniz. görünüşlərini, xasiyyətlərini təsəvvürünüzdə canlandıra bilərsiniz. qəhrəmanlardan birini və ya bir neçəsini xasiyyətlərinə, hadisələrə verdikləri reaksiyalara görə hansısa dostunuza oxşada bilərsiniz. və ya hansısa qəhrəmanı özünüzə bənzədib, əsərin geri qalanını o rolu özünüz oynayırsınızmış kimi oxuya bilərsiniz. hogwartsı başqa cür təsəvvür edərdiniz. bəlkə də sehr anlayışınız filmdəkindən fərqli olardı. amma filmlərdən birinə baxdıqdan sonra kitabları oxusanız, bütün bu yuxarıda sadaladıqlarımdan məhrumsunuz. artıq harry potter və ya severus snape ola bilməzsiniz. o obrazlar artıq filmdəki aktyorlar tərəfindən tutulub. eynilə yuxarıda sadaladığım başqa zadlar. sizi bilmirəm, mən filmini izlədiyim əsərin kitabını oxuyarkən əziyyət çəkirəm. digər kitablardan aldığım zövqü ala bilmirəm. heç filmin hamısına baxmağa ehtiyac yoxdur. sadəcə baş qəhrəmanları gördüm, olay bitmişdir. məsələn the reader əsəri. filmə 10-15 dəqiqə baxmışam, amma indi kitabını oxuya bilmirəm. mən xanım schmitz-in yerində başqa qadını təsəvvür eləmək istəyirəm, kate winsleti yox. amma olmur. hər səhnədə beynimdə kate winslet canlanır. gördüyünüz kmi filmdən kitaba keçişi qətiyyən bəyənmirəm. heç tərsini də bəyənmirəm. indiyə qədər elə bir əsər olmayıb ki, kitabını oxuduqdan sonra filminə baxım və onu bəyənim. başa düşüləndir. öz fantaziyamı qoyub, hansısa hollywood filminə üstünlük verməyəcəm ki.
bu səbəbdən filmləri sevmirəm. harry potter kitablarının heç birinin üzünü açmamışam. təzə çıxan vaxtı ilk iki filminə baxmışdım, bəyənməmişdim. keçən il bekarçılıqdan oturdum hamısına baxdım və heç də vaxt itirdiyimi düşünmürəm. dəfələrlə kaş ki kitablarını oxuyardım deyə təəssüf etmişəm, oxuyanları da qısqanmışam. indi sözlükdə açılan başlıqları gördüm yenidən yadıma düşdü. onsuz da gözümə yuxu getmirdi, corablarımı geyinib keçdim stol başına, yazmağa.
bu arada (baxma: severus snape ürəhdi)
gecəniz xeyirə
p.s. yuxarıda bənzər fikirlər qələmə alınıbmış və mən adını çəkdiyim filmlərin adı çəkilibmiş. yazı yazılanda bundan xəbərim yox idi.

darkmatter2525

xristianlıq dininin konseptinin necə gülünc olduğunu bir videosundakı sadə bənzətmə ilə gözlər önünə qoyan əjdaha youtube istifadəçisi. doğurdan da inanca görə hamı günahkardır, tək saf olan tanrının oğlu həzrəti isadır. və tanrı bütün insanların günahlarının bağışlanması üçün oğlunu qurban verir. insanların bağışlanması üçün yeganə şərt tanrının oğlu isanın onların günahlarına görə əziyyət çəkdiyinə inanmaqdır. çox danışmayım, bənzətmə hər şeyi ortalığa qoyur. bu arada açılmışam gülməkdən.

(youtube: )

minigun

gatling prinsipi ilə işləyən, amerikan istehsalı tam-avtomatik pulemyotdur. 7,62 mm-lik gülləri dəqiqədə 4000-6000 arası tezliklə atması onu əsl ölüm saçan maşına çevirir. çəkisinin ağır olması demək olar ki, yalnız helikopterlərdə, ya da maşınlarda bərkidilərək tədbiq olunmasına səbəb olmuşdur. uğurlu silahlardandır, ondan tələb olunanı yerinə yetirir. çıxardığı səs adicə videosuna baxdıqda belə adama vahimə verir. hələ döyüş meydanında nə olar bilmirəm. bunun səsini eşidəsən, hələ üstəlik sənin mövqeyinə atəş açıla adam qorxudan ölər mk. bir belgeseldə bundan istifadə edən bir qaqaşın dediyi sözlər yaddaşıma həkk olunub: "bu silahdan istifadə edərkən, onun önündə deyil də, arxasında olduğun üçün tanrıya dəfələrlə şükür edirsən"
bu da helikopterə bərkidilmiş minigun-ın alaqaranlıqda yaratdığı cəhənnəmin videosu:

(youtube: )

molla nəsrəddin

tələbələrin yazılı imtahan sisteminə etirazı haqqında yazdığı statuslardan sonra gözümdən düşən səhifədir. tələbələri oxumağa etiraz etməkdə günahlandırır. guya bizim unilərdə vəziyyətdən xəbəri yoxdur. guya yazılı imtahanın daha rahat rüşvət-hörmət alış-verişinə yol açdığından xəbərsizdir. guya bilmir ki, o tələbələr əsasən bu yeni xərc mənbəyinə etiraz edirlər. umbay, onsuz da oxumayanın heç sikinə də deyil imtahan sistemi. o oxumaq istəmirsə imtahanın tipinin dəyişdirilməsi onun üçün fərq etməməlidir. əsas söhbət oxuyan tələbələrdən gedir ki, onlardan da test üsulunda rüşvət istəmək çətindir. amma yazılıda çox rahatlıqla istəmək olar. məsələn suala dolğun cavab verməmisən deyib balından kəsə bilər. nəysə. bir də yazır ki, tələbələr zorla hafiz hacıyevin mitinqinə aparılanda etiraz eləmədilər, imtahan üsulu dəyişdiriləndə etiraz elədilər. birincisi söhbət eyni insanın iki fərqli hərəkətindən getmir, iki müxtəlif qrupun elədiyi tamam ayrı hərəkətlərdən gedir. yəni sən azərbaycanda hansısa tələbə zorla hafizin mitinqinə aparılmağa etiraz etməyib deyə başqa bir tələbənin tamam başqa mövzuya etiraz etməsini qınaya bilməzsən. ona ikiüzlü deyə bilməzsən. ona deyə bilməzsən ki, "kim olmusan e? hafizin mitinqinə zorla aparılanda atmışdın qəlbinə". çünki onun o hərəkətlə əlaqəsi yoxdu, molla. sən sadəcə mitinqə getməyə etiraz etməyənləri qınaya bilərsən. onlara deyə bilərsən ki, "boyunuzu yerə soxum". amma imtahana etiraz edənlər tamam ayrı insanlardı, onların üstünə başqasının günahını atmağa haqqın yoxdu. ikincisi də tutaq ki, iki çoxluğun kəsişməsi boş çoxluqdan fərqlidir, yəni həm hafizin mitinqinə gedən, həm də imtahana etiraz edən tələbələr var. ki böyük ehtimal mollamız tanıdığı belə bir-iki nəfərdən yola çıxaraq bütün etirazçıları qınayır. burda qınanılası bir hərəkət var, amma bu da insanımızın yaşamaq uğrunda etdiyi saysız-hesabsız ləyaqətsiz, qürur sındırıcı hərəkətlərindən biridir. məsələn: mollalatın yasin oxumaq üstündə davası, avtobusların bir-birinin planına keçməsi və s. bədbəxt tələbə gedib mitinqə səsini çıxarmayıb ki, unidən hədələyiblər, unidən çıxarsalar vəziyyət pisləşəcək. bir yandan da onsuz da güclə çatdırdığı rüşvətin artmasına dözə bilməyib etiraz edə bilər. hamı che olacaq deyə bir şey yoxdur. insanlar fərqlidir, misilsizdirlər.
nəysə bu statuslardan sonra mollamızın yaşının artmasını və bu yaşın gətirdiyi uşaqlaşmanı müşahidə etdim. bir də kommentdə buna bir şeylər başa salmağa çalışan uşaqlara "mən səndən yaxşı bilirəm" deməsi ayrı aləmdir. biraz keçəndən sonra söyüşə keçir. şərhçilərə "dalboeb" zad deyir. ayrı vaxtı rasional düşüncədən zaddan dən vururdu...

rabitə və informasiya texnologiyaları nazirliyinin milli klaviaturası

çox da ciddi qınanılası bir yenilik deyildir. ilk eşitdiyimdə /gördüyümdə mən də səsimi başıma atmışdım. sonradan heç də böyük fəlakət olmadığının fərqinə vardım. əvvəla ən böyük problem "@" işarəsi idi, o da bildiyim qədəri ilə düzəlib. digər tez-tez işlənən işarələrə də ki, inanıram ki, bir əncam çəkilib. hərflərin düzülüşünün göt-baş edilməsinə gəldikdə isə, iddia edirlər ki, hərflər işlənmə tezliyinə görə düzülüb. ən çox işlənənlər mərkəzə düşüb. nə deyirəm. necə məsləhətdir. bəlkə də düz deyirlər. ortaya alışmaq problemi çıxır. əgər tablet, telefon və bənzəri cihazda aktiv olaraq yazacaqsızsa alışmaq məsələsini dərd etmək haqqınız yoxdur. çox tez alışmaq olar. yox əgər laptop işlədirsinizsə yarrağı yediniz deməkdir. eşitdiyimə görə azərbaycan əlifbası düzülüşlü klaviaturalar satışa çıxarılacaq, onlardan almalı olacaqsınız. ki bunda da nəsə iqtisadi maraq olmuş ola bilər. klaviaturaların qiymətini normal qoyduqları təqdirdə mən heç bir problem görmürəm.
saygılar

yazarların paylaşmaq istədikləri musiqilər

tural montin ft asif ehmedli- ölüb eliyərsən

(youtube: )

makrotəkamül

zaman keçdikcə canlılarda tamamilə yeni strukturların, organların əmələ gəlməsi və ya organların yeni funksiyalara sahiblənməsi, dolayı yolla da yeni canlı növlərinin əmələ gəlməsi prosesidir. təkamül nəzəriyyəsinin digər bölməsi olan mikrotəkamülə nəzərən inanılmaz dərəcədə uzun zaman alır, "müşahidə" edilməsi qeydi mümkündür və sanki bir təbiət elmindən çox tarix elminə aiddir. təkamül nəzəriyyəsinin müxtəlif fərziyələr, hipotezlərlə müzakirə olunub, arxeoloji, molekulyar-genetik tapıntılarla təsdiqlənməyə çalışılan hissəsidir. dindarlar tərəfindən qeyd-şərtsiz inkarından başqa, bir də yaradılışçı bioloqlarla da ciddi problemləri var.
mikrotəkamül başlığında dediyim kimi canlıların bir mühitə getdikcə daha yaxşı uyğunlaşması onlarda makrotəkamülə xas dəyişikliklər yaratmaz. bu dəyişikliklər sərhədlidir və atalarının genotipinə bağlıdır. daha irəli getmək, başqalarında olmayan özəlliklər qazanmağın tək yolu yeni genetik bilgi əldə etməkdir. bunun da bilinən yolları aşağıdakılardır:
1. (bax: mutasiya)

mikrotəkamül

verilən bir struktur daxili təkamül. əvvəlcədən mövcud olan organların, strukturların zamanla dəyişməsi. təkamül deyilən şeydə hamının yekdilliklə qəbul etdiyi bölmədir. bu planetdə elə bir biolog yoxdur ki, mikrotəkamülün varlığına şüphə etsin. müsəlmanların bu barədə nə düşündüyünü bilmirəm, amma amerika və avropa yaradılışçıları belə mikrotəkamülü qəbul edirlər və mən deyərdim ki, yaradılış nəzəriyyəsini, "intelligent design" anlayışını qəbul edən biologların əsas dayaq nöqtəsi mikrotəkamüldür (!) belə geniş şəkildə qəbul olunmasının əsas səbəbi isə prosesin qismən müşahidə oluna bilməsidir. məsələn ağcaqanad dərmanları istifadə olunmağa başlanıldıqdan bir neçə il sonra artıq effektivliyini itirməyə başlamışdır. ağcaqanadlarda dəyişiklik olduğu aşkardır. bir başqa misal: bir quşun qalapaqos adalarında 13 fərqli növü yaşayır və hamısı bəslənmə fərqliliyinə görə müxtəlif cür adaptasiya etmiş dimdiklərə sahibdirlər. və yaxud bakteriyaların antibiotiklərə getdikcə daha dözümlü olması. bütün bu misallar göstərir ki, canlılar arasında təbii seçmə var və canlılar dəyişikliklərə məruz qalır, təkamül edir. mikrotəkamül miqyasındakı dəyişikliklərin qaçınılmaz olduğunu anladıqdan sonra ortaya belə bir sual ataq: "mikrotəkamül+zaman=makrotəkamül?" cavab "xeyr". ağcaqanad misalı ilə izah etməyə çalışacam. deməli doğulan ağcaqanadların 5%-i dərmana qarşı müdafiə ilə doğulur. dərman tədbiq olunur. 10% ağcaqanad sağ qalır, həmçinin dərmanın heç təsir etmədiyi o 5%. ikinci nəsil bu "zirehli" ağcaqanadlardan və möcüzə sayəsində sağ qalmış digər hissədən törədiyi üçün, zirehlilərin hissəsi böyüyür. dərmanın təkrarən, bir neçə dəfə tədbiqindən sonra demək olar ki, yaşayan bütün ağcaqanadlar zirehə sahib olur. əslində məsələ daha qəlizdir. zəhərin təsir etməməsi ya "vardır", ya da "yoxdur" deyə biləcəyimiz möcüzəvi bir özəllik deyil. bu, xitin təbəqəsinin qalınlığından, traxeyalarının quruluşundan və s. şeydən asılı olan mürəkkəb bir şeydir. amma biz zirehi var, ya da yoxdur deyərək ağcaqanadları iki qrupa bölək və aşağıdakı nəticələri çıxaraq:
1. birinci nəsildə həm zirehli, həm də zirehsiz ağcaqanadlar var idi. yəni yeni bir struktur, özəllik əldə olunmayıb. sadəcə var olan bir özəllik ağcaqanad populyasiyasında daha qabarıq rol oynamağa başlayıb. təbii seçmə, ölüm-dirim mübarizəsində(!)
2. sonuncu nəsildə yalnız zirehli ditdililər var. deməli ağcaqanadların genetik müxtəlifliyi azalıb. zirehsiz olmaq geni yox olub, ya da körəlib. burdan da mikrotəkamülün qızıl qaydasının* bu adlandırmanı kıçımdan uydurmuşam birinci hissəsini çıxarırıq: canlı bir mühitə nə qədər çox adaptasiya edirsə, genetik müxtəlifliyi o qədər aşağı düşür.
3. genetik müxtəlifliyi aşağı düşən canlı növlərinin dəyişkənliyi,adaptasiya etmə bacarıqları aşağı düşür. və olası ani mühit dəyişikliklərində nəsillərinin kəsilməsi ehtimalı artır. bizim misalda zirehli ağcaqanadlar ona görə zəhərlənmirdilər ki, bədənlərinə ətraf mühitdən hava, həmçinin zəhər az girirdi. əgər ani olaraq oksigeni az olan mühitə düşsələr, bədənlərinə kifayət qədər oksigen gedə bilmədiyi üçün hamısı öləcəklər. növ daxili müxtəliflik minimal olduğu üçün yenidən zirehsiz, hava keçirən ağcaqanadların ortaya çıxması mümkün deyildir. beləliklə qızıl qaydanın ikinci hissəsinə gəldik: ən yaxşı adaptasiya etmiş növlər, mühitin ani dəyişikliyində ən çox nəsli kəsilmək təhlükəsi olan növlərdir. yaşayan nümunə: çitalar.
gördüyümüz kimi mikrotəkamülün işləmə mexanizmi cqnlılarda yeni strukturların, yeni organların və ya yeni növlərin əmələ gəlməsini izah etmək üçün istifadə edilə bilməz. sadəcə növün genotipində olan bir özəllik onun həyatında daha böyük rol oynamağa başlayır, ona alternativ olan özəlliklər isə körəlir. və beləliklə genetik müxtəliflik aşağı düşür. düşünürəm ki, artıq yaradılışçıların mikrotəkamülü nəyə görə "zərərsiz" görüb, qəbul etdiklərini anlayırsınız.
tamamilə yeni strukturların, canlı növlərinin əmələ gəlməsi genotipə yeni bilgilərin alınması ilə olur ki, bu mikrotəkamül mexanizmində izah olunmur. makrotəkamülə keçid üçün təkcə zaman bəs eləmir, yeni gen materialı lazımdır. bunun üçün də aşağıdakı yollar var:
1. mutasiya
2. poliploidizasiya
3. crossing-over * rekombinasiya
mütləq oxu: (bax: makrotəkamül)

9 oktyabr 2013 azərbaycanda prezident seçkiləri

(bax: ümid)

individuallıq

fərdilik, özünəməxsusluq, təkrarsızlıq* originallıq kimi tərcümə oluna biləcək söz. liberal-sosial cəmiyyət anlayışlarından tutmuş, fəlsəfəyə, psixologiyaya qədər müxtəlif sahələrdə bu sözə rast gəlmək olar. induksiya, ümumiləşdirmə etməyə çalışacam.
bildiyimiz kimi hər bir insan fərqlidir, təkrarsızdır, originaldır. 13 yaşında justin bieber dinləyən, hayat çok boktan deyən bütün ərgən qızları eyni kateqoriyaya aid edə bilərsiniz. danışdırdıqda hamısı eyni zibilmiş kimi gələ bilər. amma şüphəsiz ki, hamısında yalnız özlərinə məxsus, onları kateqoriyanın digər üzvlərindən fərqləndirən kiçik və ya böyük bir detal var. bu detal hər şeydə ola bilər. ola bilsin ailələri fərqlidir* ki mütləq fərqlidir , müxtəlif vaxtda yetkinlik dövrünə keçiblər, bəlkə müxtəlif tip oğlanlara vurulublar. lap eyni tip bəyənsələr də müxtəlif hisslər keçirmiş ola bilərlər. oğlanların bunlara reaksiyası müxtəlif ola bilər, birinə justin bieber "hi" deyib, birinə yox* asdfgh və s. sözümün canı odur ki, ən tipik ərgənlər belə misilsizdirlər, originaldırlar.
bir başqa misal da zövq məsələsidir. məsələn musiqi zövqü. insanları rock dinləyən, muğam sevən, türk sevgi mahnılarını sevən və s. kimi qruplaşdırmaq olar. elə insan var mahnını introsuna görə seçir, eləsi var nəqarətinə görə. eləsi var baş solistin səsinin xordan ayrıldığı məqamlardan təsirlənir, eləsi var tam əksinə xorun solistə qoşulduğu anlarda tükləri biz-biz olur. bəziləri tempin ani olaraq tezləşməsini bəyənir və ya tam əksinə. bütün bunlardan hansına üstünlük verəcəyi, şəxsin yaşından, cinsiyyətindən, əhval-ruhiyyəsindən, böyüdüyü ortamdan, keçmiş xatirələrindən, bəlkə genotipindən, keçirdiyi hisslərdən və s. faktorlardan asılı ola bilər. bütün bu faktorların, şərtlərin iki insanda eyni olması ehtimalı sıfıra bərabərdir. diqqət edin, sıfıra yaxındır demədim, sıfıra bərabərdir dedim. bir atomda bütün kvant ədədləri üst-üstə düşən iki elektronun, "dönmə istiqamətlərinin" yəni spin kvant ədədlərinin mütləq fərqli olması kimi. bu hadisə/fenomen/zad mənə təbiətin ən fundamental qanunlarından biri imiş kimi gəlir. heç bir şeyin təkrarı ola bilməz. hər şey ən az bir kriteriyaya görə digərlərindən fərqlənir və beləliklə hər şey misilsizdir. başıma gələ biləcəkləri əvvəlcədən təsəvvürümdə canlandırdıqdan sonra həmişə təsəvvürümdəkindən fərqli bir şey ilə üzləşirəm. yəni yaşana biləcək ehtimallar da təkrarsızdır. bir dəfə düşündükdən sonra o artıq gerçəkləşmiş sayılır, təkrarı olmur, fərqli bir şey olur. hərdən fikirləşirəm ki, insanlar arzuladıqlarına, gələcək həyatlarının xəyallarını qurduqlarına görə istədikləri həyatlara sahib ola bilmirlər. xəyalları heçvaxt tamamilə gerçəkləşmir, hansısa detal fərqli olur. tək sevindirici cəhət odur ki, xəyallarımız da individualdır, misilsizdir, təkrar oluna bilməzlər.

sözlükdə aktivlik

yazarların bekarlıq səviyyəsi ilə düz mütənasib olduğu şüphəsiz olan fenomendir. yayın istisində bakıda evdən çölə çıxa bilməyən fakir yazarlarımız, bitmək bilməyən bekarlıq dəqiqələrini sözlükdə keçirirdilər. çölə çıxmaq üçün günəşin səmada lazım olan bucağa qədər enməsini gözləyirdilər. bu gözləmə müddətində sözlük onlara yardım edirdi. bundan başqa "səhər saat doqquzdan durub nə pox yeyəciyik" deyə düşünən paytaxt sakini də gecə həyatına üstünlük verir. gecə həyatının ekran qarşısında olan variantına. burda da sözlük kömək edirdi. digər tərəfdən qürbətdə olub, boş vaxtı olan, amma yenə də fakir olduğuna görə vətənə qayıda bilməyən yazarlarımız da var idi ki, onlar da aktivliyimizi qabağa itələyirdilər. indi sentyabr ayı gəlib kiminin dərsləri başlayıb, kiminin işi, kimi təzə dərs ilində özünə manita tapıb və s. sizin o çox təriflədiyiniz payız fəsli. yıxdı sürüdü camaatı. hərə bir tərəfdə başını qatır. bəziləri də artıq çox da qürbətçilik çəkmir. tək deyil. danışmağa, vaxtını keçirməyə adam var. amma o bəziləri artıq əvvəlki vəziyyətini arzulayır. biraz özəl sfera, biraz yalnızlıq, biraz məsafəli olmaq istəyir. hamı deyir ee istədiyin vaxtı mənə zəng elə zad. dediyim o bəziləri belə şey xoşlamır. həmişə "online" olmaq istəmir. bir zəng məsafəsində olmaq istəmir. məsələ özünü dartma, götü şişmə və s. deyil. sadəcə sükut vəziyyətinin, özü ilə baş-başa qalışının istənilən anda bir zəng ilə alt-üst ola bilməsi gerçəyi onu narahat edir. ona görə də bugün özünə söz verib ki, həmvətənləri ilə keçirdiyi dəqiqələri azaltsın. özünə daha çox vaxt ayırsın. başa düşürsüz uşaqlar bu adam tək qalmasa düşünə bilmir. huzur və sükut içində nə qədər çox vaxt keçirsə, o qədər dərin və çox düşünər. sonra o da sözlüyün aktivliyini itələyənlərdən ola bilər. görək də zaman nə göstərir.
gecəniz xeyirə
edit: tərs mütənasib ne lan

vodka içən qızlar

çox vaxt ətrafındakı kişilərin ona olan marağını itirəcək dərəcədə hərəkətləri pozulan qızlardır. bardan içməyə su istəyib, ilk qurtumdan sonra barın üstünə qusa bilərlər. sonra ikinci qurtumu alıb hərəkəti təkrar eləyənləri də olur. yazıq barmen stəkanı əlindən alır ki, getsin başqa yerə qussun. qız yenə su istəyir. amma bu dəfə qusmur. içdikdən sonra barmenə gülümsəyərək sağol deyib sikdirir camaatın arasına. başlayır rəqs edən qruplara qoşulmağa. bədəninin hər hərəkəti ilə nə vəziyyətdə olduğunu bəlli etdiyi üçün, qoşulduğu hər qrup 1-2 dəqiqə sonra bundan qurtulmağın yolunu axtarır. bir müddət sonra ortada təkcə tullanıb düşdüyü görünür. bu vəziyyətdə daha çox nəzərə çarpır. maraqlıdı ki, heç bir abaza bunu qucağına alıb evə aparmır, qarşı cinsi o qədər soyudur yəni. partinin sonunda musiqi kəsilir, amma bunun ortalıqda tullanıb düşməsi kəsilmir. vəziyyətin nə dərəcədə olmasını hələ indi anlayan bar işçiləri bundan qurtulmağın yollarını axtarırlar. əl-üzünü yuyub qapının önünə qoyurlar. göydən üç alma düşür.