evlən düzələcək

əsli üçün (baxma: hormonlarının qayğısına qal, düzələcək)

məsələnin sırf evliliklə bağlı olmadığını, həkimin bu cümləni çarə kimi istifadə etdiyi problemlərdə lazım olanın sadəcə estrogen, testesteron və s. hormon ifrazı olduğunu bilirik. cümlənin bizə demək istədiyinin izahı isə belədir: "evlilik insanın psixoloji vəziyyətini dəyişir, hərəkət və cinsi aktivliyə, o da öz növbəsində sakit, normal yuxu rejimi olan yaşam tərzinə səbəb olur. bədənində lazım olan hormonlar ifraz olunur və beləliklə, orqanizmindəki bir çox problemlər öz həllini tapır. nəticədə, sən sağlam, əsəblərin də yerində."

evlilik münasibətin xüsusiləşmiş hallarından biri olduğuna və hər evlilik insan həyatına müsbət təsir etmədiyinə görə, sağlam həyat sürməmiz üçün sırf evlənməyimiz gərəkməz. izahdakı "evlilik" sözünü "münasibət", "əlaqə" və b. sözlərlə əvəz etsək, məzmundan bir şey əksiltmiş olmuruq. təbii ki, söhbət uğurlu münasibət, əlaqə, birlikdəlik... - dən gedir.

yoxsa ki, hər "xəstə"ni kimlə və necə gəldi evləndirib, işləri lap da yaman günə qoymaqla heç nə düzəlmir.

Köhnə sevgilinin evlənməsi

üzdə lomsayağı gülümsəmə yaradan hadisədir.

birdən hardansa yadına düşür, uzun zaman sonra profilinə baxırsan, nişan, toy şəkillərini görüb gülümsəyirsən mənasızcasına. gözlərindən ancaq qəm-kədər yağan, overthinkingdən boğulan birinin indi necə dünya xoşbəxti birinə transformasiya etməsi səni xoşbəxt də etmir deyil. onun uyğun münasibətin içində olduğunu görüb, həyatdakı hər şeyin necə nizamlı və qanunauyğun şəkildə baş verməsinə ayrı sevinirsən. içinə sərməstedici bir fərahlıq dolur. ümid bəsləyirsən gələcəyə dair. o dərəcədə mental çöküşdə olan biri ayağa qalxıbsa, sən də mütləq öhdəsindən gələcəksən fikirləşirsən. həyatındakı yarımçıq parçalarının böyük hissəsi tamamlanıb artıq, bəlkə də hamısı. arzuladığı "yoxmuş kimi olan" nişanı da baş tutub, xəyalını qurduğu avropa turu da. ona lazım olan, həqiqətən ehtiyac duyduğu adamı tapıbmış sən demə. hər halından bəllidir. indi necə sevinməyəsən axı? utanmasam "mənə niyə xəbər etməmisən?", "bişey-mişey var?" deyə mesaj da yazaram hələ. amma ağ eləməyim. şəkillərinə baxıb boş-boş gülməyə davam etmək tutacağım ən yaxşı iş olar hal-hazırda.

yazarların bənzədiyi məşhurlar

(baxma: yazarların bənzədildiyi məşhurlar)

squid game yayımlanandan bəri "döyülən qız"a
(baxma: hoyeon jung)

bir az hayley kiyoko
bir az da beyonce

necə bir qarışıqlıqdırsa artıq.

hər kəs tərəfindən sevilən adam

əslində heç kəs tərəfindən sevilməyən adamdır.

insanların, onların zövqlərinin, düşüncələrinin, hərəkətlərinin tamam fərqli olduğunu nəzərə alsaq, bir insan necə ola bilər ki bütün bunlarla uzlaşır və hətta sevilir? demək ki, nə? o insan saxtakardır. çünki hərəyə başqa cür davranır. hər qrup insana xitab etmək üçün özünü olduğundan ayrı şəkildə göstərir.
xarakteri güclü və artıq formalaşmış insanların isə sevənindən çox sevməyəni olur. çünki 1-ci haldakı kimi hamıya ayaq uydurmağa çalışmır. çünki həmin insanın artıq sağlam oturuşmuş şəxsiyyəti, sərhədləri, davranışları var. və bu əlbəttə ki hamıya uyğun ola bilməz.

hər kəs tərəfindən sevilməyə çalışan insanların bu davranışlarının təməlində isə, böyük ehtimal, uşaqlıq dövründə yaşadıqları sevgi əskiklikləri, yaxınları tərəfindən diqqətdən kənar qalmaqları və bu qəbildən nəsnələr yatır. xoşbəxtlikdən, asanlıqla həll oluna biləndir..

işsizlik

deyəsən, bu gedişlə həyatımda çox davam edəcək vəziyyət.

əvvəlki iş yerimdən əziyyətimin qarşılığını görmədiyim və istismar olunduğum üçün çıxdım. sonra bir qədər intervyuya getdim, hər şey yerli-yerində, amma maaş az. əməkhaqqı azlığına görə qəbul edə bilməcəyimi də bildirəndə nə qədər məbləğin uyğun olduğu soruşulurdu, o da təqdim etdiyimlə razılaşmırdılar. e üzrlü sayın amma mən də əməyimi satıram yəni. saatı qəpik-quruş qarşılığında işləyə bilmərəm. zəhmətə dəyəcək məbləğ sunsaz, nə problem?

elanda maaşı göstərilən işə başlayırsan, bir dərd, göstərilməyənlərə apply edib vaxt itirirsən, 2 dərd.

stipendiya kartının harda olduğu önəmsəməyən mən indi oturmuş gün sayıram karta mədaxil nə vaxt olacaq deyə. bu günlərə dəmi düşəcəkdik, ilahi? məcbur evdəkilərə çayı-suyu da pulla gətirirəm daha. nə bilim çek yığıb ədv vururam zad. böyle çöküş görülmedi, arkadaşlar..

çıtayı yüksek tutmağım da axırda məni yesir vidinə salmasa sevənəcəm. valla. yoxsa artıq salıb?

edit: ağlamağımdan çox keçmədi dediyim maaşla razılaşdılar. adam olacaksınız efenim.

sözlük yazarlarının qorxuları

fikirlərimin getdikcə radikallaşıb, konservativ birinə çevriləcəyim ehtimalı. indi qaçıb əllərindən canımı güclə qurtarmağı bacardığım, fikirlərini özlüyümdə kəskin qınadığım insanlardan biri olma ehtimalı. çox qorxudur özü də.

təsəvvür edin normal olaraq düşüncələriniz dəyişir, amma pis tərəfə. olursunuz hal-hazırda nəsillərinin kəsilməyini dilədiyimiz həmin nəslin davamçıları. bu cür də uzana-uzana gedir. necə dəhşətlidir axı.

nə bilim, başlayırıq "yaxşı oğlan elə olar", "yaxşı qız qısa geyinməz" , "qız uşağı ......" kimi cümlələri xəyali pankarta yazıb hər yerdə təbliğ etməyə. əqidəmizə uyğun olmayanları da daşa-qalaq edirik. "öz bədəni, öz seçimi" deyənə soxuruq zad. "necə yəni öz seçimi? qız kimdi ki öz seçimi də ola?". ya da "filan qızla evlənəcəksən dedim vəssalam. nəvə istəyirəm"!
özü də ağızların açan kimi deyirik ki, biz də sizin yaşda olanda belə fikirləşirdik, sonradan böyüdük ağlımız başımıza gəldi. o yol, yol deyil. yaxşı qız/oğlan.... avır-zıvır.
uuwwhh, ətim birtəhər ürpənir bu situasiyaların içində özümü sözügedən obraz kimi düşünərkən.

arada o qədər fikirləşirəm ki, lap dəliyə dönürəm. gerçək olacaqmış kimi gəlir.
elə insana çevriləcəyim gün həyatdakı son günüm olar inşallah.

xəyal qırıqlığı

o gün iri ticarət mərkəzlərindən birində idik, dedim girim wc-yə. girəndə fikirləşmədim, çantanı qoydum güzgünün qarşısına, mənə lazım olan şey də çantamda. nəysə elə çıxmağı fikirləşirdim ki, gördüm aa yuxarıda dəmir var, ora 1 paçka qadın üçün ped qoyublar. ilahi, mən necə xoşbəxt oldum, necə sevindim, izah edə bilmərəm. həyəcandan gözlərimdən hərarətli kiçik ulduzlar çıxır, baxıram hamısı həmin paçka pedin ətrafında dövrə vurur, gördüyüm ancaq və ancaq odur. özümə görə sevinmirəm ha, ölkəmizə bu mədəniyyətin gəlməyinə sevirəm. sevincimin həddi-hüdudu yox. indi maksimum həyəcanla gözləyirəm ki, çıxım tanış-tunuşa bu şad xəbəri yayım, təmizlik işinə baxan qadınlardan 1-2 söz soruşum, "ee konuş bakalım nasıl oldu?" tipli. qapını açırdım, açmaz olaydım, gördüm tanış qız durub qapının ağzında, gözümün içinə adını qoya bilmədiyim birtəhər mənalı baxışlarla baxır, deyir ki, "içəridə paket qalıb e, mariya, girim götürüm, təzə almışam"...
vay vay, mənim keçirdiyim hisslər xıpp deyə qəfildən kəsilib nəfəsimi boğazımda qoymazmı? xəyal qırıqlığı məni çilik-çilik olmuş şüşə kimi hiss etdirməzmi? üzüntüdən donulu halda içəridən paçkanı özüm götürüb verdim qıza. danışdım məsələni, dedim 1-in də istifadə etmişəm, halal elə. indi qız gülür, mən reaksiyasız, qız gülür mən yavaş-yavaş üzülürəm, qız gülür, mən ağlamaq istəyirəm... dəhşət...

axırda üstündən bir az keçdi, özümü də tənbehlədim ki, ay yazıq, sənin hələ də gözləntin var buralardan? o boyda malla gündə neçə paçka always çatar axı? lap nə qədər olur olsun, bu jesti edərlər, səncə? dəli olmusan, nədi?

nə bilim e, demişdim bəlkə reklam xarakterli nədirsə təşkil ediblər, biz qaribanlar da fələkdən limitli xoş gün görərdik. o da olmadı...

(baxma: içində qalmış xoşbəxtlik)

qlamur qızlar

son vaxtlar meyilləndiyim qız tipi.(?)

bir müddətdən sonra bezdim sport, gen, çox sadə şeylərdən. bir az da qırmızı lak vuraq, bir az da hündürdaban geyinək, bir az da makiyaj edək, bir az da mirror-selfiebaz olaq. nolacaq? dünyagörüşümüz qıraqdan çox darmış kimi görünəcək? əla! görünsün. elə biləcəklər ancaq dəb haqqında, baxım məhsulları haqqında bilirik? bilsinlər. qıraqdakıların necə gördüyü və düşündüyü bizim daxili mənimizdən bir qram nəsə əksiltmir ki nəticə olaraq.-* uzaqbaşı ancaq insanları qəliblərə salıb haqlarında bu qədər ümumi danışmağı bacarır insanların çoxu. bu da çox pis acığıma gəlir.

kimsə makiyajsız rahat olar, kimsə makiyajda. kimsə originallığa fikir verər, kimsə vecinə almaz, sadəcə ad, ya logo xoşuna gəlir, başqa heç nəyi vecinə almır. kiminsə maraq dairəsi ancaq makiyaj və baxım məhsulları ola bilər, mümkündür. bunu bilmək belə bacarıq tələb edir çünki.
ölürük ad qoymaqdan yana. bizimkisi ancaq çərçivə içində yaşayıb qıraq-bucaqdakıları da öz uyğun gördüyümüz çərçivəyə salaraq heey danışmaqdı. necə ucuzluq edirik halbuki.

ümid edirəm bir gün bu və bu qəbildən olan başlıqlar öz aktuallığını itirər. belə lazımsız şeyləri düşünüb beyninin rahatlığını pozmayan insanların sayəsində.
ya da ümid edirəm həmin qlamur, amma fikirləşdiyiniz kimi olmayan qadınlarla qarşılaşarsınız, hansı ki adam üzlərinə baxanda bar-bar bağıran savadının kölgəsində özünü üşümüş hiss edir. ya söhbət edəndə dərin və iti düşüncəsi beynində yara qoyur, necə yanıldığını görüb az-maz peşman da olursan. belə qəliblərdə yaşamaq yalnız və yalnız psixi sağlamlığımıza ziyandır.

ibrahim maalouf

true story əsəri ilə ear orgasm yaşadan mü-kəm-məl musiqiçi.

(youtube: )

(youtube: )

qəribə təsadüflər

(baxma: gülümsədən təsadüflər)
evə gəlib ürəyin istəyən yeməyin bişdiyini görmək.
özü də bütün gün oturub həmin yeməyi istəmirsən ha, birdən deyirsən ki, "aa filan şey olsaydı yeyərdim" və evə gəlirsən dadaamm, hazırdır.

uzun müddətdir ailəmlə yaşamıram. o gün evə gedəcəkdim, anama yazdım ki, bəs evdəsənsə, mənə lobyalı aş bişirərsən. təxmin edirsiz də nə yazdı: "səhər bişirmişəm, evdədi"..
bir ara "ana hissiyyatı" ilə əlaqələndirirdim, sonra gördüm yox ey. ürəyim dovğa istəyir, qohumgilə gedib tapıram, ağ şokolad istəyirəm, görürəm iş yoldaşım çayla içməyə şokolad verir, özü də ağ..
ya nə bilim, ürəyim bir dəfə badam istəmişdi, səhəri gün anamın dostu 15-20 kq təzə badam yığıb gətirmişdi bağlarından. əməlli şoka girmişdim "bu nədir də?" deyə.
belə yəni, hələ bu vaxta qədər elə olmayıb ki, qəfildən ürəyim hansısa dadı istəsin və qəribə bir təsadüf nəticəsində qarşıma çıxmasın, yaxud evə gedib hazır görməyim...

(baxma: durduq yerə yadına düşən insanla qarşılaşmaq)
(baxma: ağlında fırlanan musiqinin hardasa səslənməsi)

filmlərdəki real olmayan hadisələr

böyük nəsnələrin maye azotla tez bir zamanda dondurulması hadisəsi.

məsələn, "terminator 2" filmində təqib edən şəxsin maye azotla dondurulduğu bir fraqment var:

(youtube: )