1062. Bilmirəm sözə hardan başlayım. Bir neçə mövzu haqqında danışacam. Ümid edirəm bu son entryim olsun, çünki siktiz sözlüyə olan marağımı, sevgimi.
Sözlüyün yeni dərrakələrindən söz açmağı özümə borc bilirəm artıq. Bilirəm, bir çox yazar bu entryləri oxuyub içində " soxum sənin qəzəlinə " deyir, ancaq bunu dilə gətirmir. Mən də onlardan biriyəm, sadəcə bu son damla idi, səbrim çatmır. Uzatmayım, keçək mövzuya;
Əzizlərim, Sözlükdə şəxsi fikrinizi bildirməyinizə heç kim heç nə demir, sən öz fikrini deyərsən, mən öz fikrimi deyərəm, olub bitər. başqa bir entryə cavab yazmaq kimi boş işlər görməyin yəni. Sizə bir sirr verim, sikimizdə deyil. Əgər şəxsi fikrinə görə mənfi səs almısansa bu olduqca normal bir şeydir, əziz umbay. Kiminsə fikri sənin fikrin ilə üst-üstə düşməyə bilər və umbaylayar. Daha durub bütün umbaylayanlara sikimi yeyin filan deyirsənsə, nə deyim, elə uzundusa fırlat özünə sox, biz də rahatlayaq sən də.
Son zamanlarda yazılan entrylərdən də söz etmək istəyirəm, bu entrylər niyə var ala? Ay bu peysərdi, ay bu qəhbədi nə bilim nə. Kim kardaşyanın porno ulduz olduğunu biz də bilirik də gözəl insan. Mən hələ belə boş bir entry görməmişdim. Fikirləş sözlüyə ilk dəfə girirsən və bu başlıqla qarşılaşırsan, elə ordaca " soxum belə intellektual platformaya " deyib, çıxaram. Sözlüyün səviyyəsi yerlərdədi sayənizdə. Sizə bir tövsiyyəm də var. Əgər siyasətdən başınız çıxmırsa girib siyasətlə bağlı başlığa entry yazmamaq da olar, bəli, bəli, belə bir şey mümkündür. Mən hələ indiyə qədər siyasətlə bağlı bir entry yazmamışam, çünki siyasətdən başım çıxmır, başlığa yazılan entryləri oxuyaraq nəsə öyrənməyə çalışıram, məcbur deyil qanmadığın şey haqqında boş-boş fikirlər səsləndirəsən. Əgər bilmirsənsə yazma, sadəcə oxu. Bildiyin bir şeydən yazarsan sən, məsələn kiminsə peysər olmağı. Çox pis oluram e, baba yazarlar gedir, qaqa yazarlar gəlir. Sənə acıyıram sözlük...
679. bayaq sözlüyün yeni açılan vaxtları yadıma düşdü,bu 2012-13-cü illər. o vaxt bir çoxu kimi mən də fikirləşirdim ki bu sözlük işi azərbaycanda alınmayacaq,bir müddətdən sonra yaddan çıxacaq. o vaxtlar elə idiki gündə maks 10-11 entry olurdu onlarında ele 9-un *timidus*,*rumpeltelskin* və digər qurucu yazarlar yazırdılar. nəysə bir neçə aydan sonra mən biraz "dönək" çıxıb yazmağı saxladım sözlükdə. çünki həqiqətən çox darıxdırıcı idi,boşu-boşuna yazırmışıq kimi bir hiss var idi. bu müddətdə mən ekşidə takılmağı daha üstün tutmuşdum nəinki burda "boşu boşuna" yazmağı. ilk başda tam olaraq ayrılmamışdım,hərdən girib nəsə yazıb çıxırdım. bir müddətdən sonra,təxminən 2013ün ortaları tam əlaqələri kəsdim sözlüklə.(hətta qayıdanda parolumu yadıma sala bilmirdim o dərəcə bağlar qopmuşdu -*) nəysə mən 1-1.5 il ekşidə fırlandıqdan sonra (sözlükdən uzaqlaşıb ekşide fırlandığım vaxtlar əslində çox yararlı oldu mənə,formatı tam olaraq anlamağıma və daha dolğun yazmağıma kömək etdi) yenə sözlüyə bir göz atma istəyi oyandı. şifrəmi tapıb bir-iki entry girdim. sonra gördüm sol frame əməlli başlı işləyir,əvvəlki kimi saatlarla eyni şeyləri göstərmir. bu motivasiyaynan yazmağa başladım və yazmağa başlayanda özümə söz verdimki bacardığım qədər mənasız başlıqlardan,boş yazılardan uzaq duracam. necə deyərlər bilgi gücdür məsələsi. sözümü nəyə gətirirəm,demək istədiyim odurki bu sözlük heç bir qarşılıq gözlənilmədən xərclənən əməklə belə böyüyüb. adam fikirləşəndə fəxr eliyirki "ala bizdə də belə oğullar-qızlar var". sözlük 2 il kimi qısa müddətdə sözlük əməlli başlı genişlədi və hal hazırki səviyyəsinə görə vikipedia azərbaycandan daha irəli səviyyəyə gəldiyini demək olar. və bu genişləmədə az da olsa payım olduğunu düşündüyümə görə özümnən də fəxr eliyirəm -*. sözlüyün bir çoxlarına olduğu kimi mənə də çox böyük qatqısı oldu. öz yazdıqlarımın 2,bəlkə də 3 misli daha artıq yeni şeylər öyrəndim. oxumaq və öyrənmək istəyim də həmçinin dəfələrlə artdı. facebook və başqa sosial şəbəkələrdəki vaxt itkisi söhbəti mənə görə burda heç yoxdu. yəni imtahan axşamı imtahana hazırlaşmaq yerinə sözlükdə fırlananda da bilirəmki bu vaxtım boşuna getmir də ala,kəsiləndə öz-özümə vaxtımı boşuna xərclədiyim üçün peşman olduğumu demək yerinə deyəcəmki dünən *zythology*nin nə olduğunu öyrəndim. qısası,sözlüyün ilk günlərindən bəri görülən işlərin,əməyin boşa getmədiyini görmək,və bu sözlüyün bir hissəsi olmaq qürur,fəxr hissi verir.
hamını dinləyib özü danışmayan fikir ensiklopediyası.
9 il əvvəl hər şey kiçik bir cəhd və 'bəlkə'-dən ibarət idi. 9 il sonra isə o cəhd online romana çevrildi. içində dinamik roman xarakterlərinə ev sahibliyi edən eksperi-mental arxiv. və obrazların illər ərzindəki metamarfozunu, fikirlərini, davalarını, üsyanlarını və sevgilərini müşahidə edən digər obrazlar. davamlı olaraq heçkim və hamı tərəfindən yazılmaqda olan ensiklopediya.
bir çoxlarının həyatına kəpənək effekti ilə təsir edib dəyişmiş, yeni fikir ya insanlarla tanışdırmış təvazökar robot, online universitet.
indiyə qədər əməyi keçmiş və keçəcək bütün yazar, mod, koder və dəstəkçilərə təşəkkürlər.
1. sözaltı sözlük interaktiv ensiklopediyadır. dünyanın müxtəlif yerlərindən olan azərbaycanlı yazarlarla qurulan müstəqil bir platformdur. yazılanlar hər hansısa bir yoxlamadan keçmədən yayımlanır və doğruluğuna zəmanət verilmir. bu web səhifəsində yarana biləcək hüquqi və yaxud digər problemlərdə əlaqə bölümündən bizimlə əlaqə qurub probleminizi dilə gətirin. saytdakı yazılardan istifadə edərkən qaynaq göstərmək məcburidir.
678. çox sözün, çox fikrin, çox anlayışın fərqli izahını tapa biləcəyiniz, başqa-başqa insanların hadisələrə interaktiv yanaşma tərzini görə biləcəyiniz yerdi, ölkənin başqa üzüdü sanki, mentalitetdən kənardı, zövqlüdü, biraz aristokratdı biraz yetimdi, ketçup moyanezdi, dönərin yanındakı ayrandı...
yazıb yaradanların yeridi. birsöznən ürəydi!
674. proqramlamasına o qədər çox vaxtım gedib ki, bəzən çox pis əsəbləşir, heyfislənir, peşmançılıq hissi yaşayıram. bir proqramistin 15 dəqiqə ərzində edə biləcəyi bir şeyi 3-4 günə etmişəm mən o da buglarla dolu, ala yarımçıq, təhlükə açıqları ilə dolu formada, ancaq ən azından düzəltmək istədiyim funksiya işləyib. daha nə qədəri var ki etmək istəyib edə bilmirəm. proqramlamasına sərf etmiş olduğum o vaxt ərzinə bir yox, bir neçə kitab yaza bilərdim, bir yox, bir neçə dil də öyrənə bilərdim. birdən çox ölkə də gəzə bilərdim. yüzlərlə kitab oxuya bilərdim. nə qədər böyük vaxtdır, dörd il boş vaxtlarımda oturub elə hey sözlükdəki hansısa problemi düzəltmişəm. proqramlama dilini də bilmədiyim üçün öyrənə öyrənə etdikcə daha da çox vaxt gedib. normal bir proqramistin bu işləri görmək üçün xərcləyəcəyi vaxtın 10, 20, 30 qatı çox vaxt sərf olunub. heç vaxt da bir dost bir güvənə biləcəyim bir proqramist tapmadım ki mənim kimi dəyər verib kömək etsin. söz yox, bir şeyləri proqramlamağa çalışdığım vaxtlarda zövq də alırdım, ancaq yenədə vaxt itkisini düşünəndə kefim çox pis pozulur. bir dəfə sözlükdə bütün düzəltdiyim funksiyalar serverə olan borcun üç ay verilməmiş olması səbəbi ilə silinmişdi, 8 aylıq bütün hər şey silinmişdi, və oturub yenidən yazmağa başlamışdım o kodları. keçən il sentyabrda. üç ayım da elə getdi. necə kefsiz idim, kefsiz və küsgün. bir aylıq da entrylər silinmişdi hamının yazdığı. bir dost phd müdafiə işinə aid bütün notları sözlüyə yazdığını və hamısının silindiyini deyəndə daha da pis olmuşdum.
dəfələrlə sırf bu proqramlamanın verdiyi vaxt itkisinə görə atacam bir kənara sözlüyü əlimi də vurmayacam demişəm özümə. ancaq hər dəfə yenədə əlimdən gələni etməyə çalışmışam. yenə də çox pis kefi pozulur ki adamın həm vaxt itirmişəm, həm də istənilən formada mükəmməl də deyil funksionallığı. həm də itirdiyim vaxt əslində işi bilməməzliyimdən irəli gəlir, bilən biri olsaydı bu qədər vaxt itirməzdim. adicə sözlüyün facebook səhifəsində belə arada bir nəsə paylaşmağa belə adam tapılmayıb dörd il ərzində, nəinki kömək edəcək bir proqramist. belə deyək də, təxminən 9 min nə qədərsə entry yazmışam sözlüyə, proqramlamağa ayırdığım vaxt ondan daha çox olub, gerisini siz düşünün. nə qədər böyük bir vaxt itkisidir. günlərcə kiçik bir problemin üstəsindən gələ bilmirdim. elə olurdu kömək edəcək birini tapırdım axırda soruşurdum, beş dəqiqəyə həll edirdi işi bilən biri. bir dənə sözlük konseptini sevən, sözlüyün daimi olaraq qalmasını və daha yaxşı işləməsini istəyən proqramist çıxıb gəlmədi ki desin bundan sonra mənlikdi hər şey. daha əvvəl təklif etmişəm ki bir nəfərə bax sözlük idarəsindəki öz yerimi verirəm sənə, mənim sahib olduğum bütün səlahiyyətlərin sahibi sən ol, ancaq təki proqramlamadakı axsaqlıqları düzəlt. və bundan sonra qayğısına qal. əvvəl qəbul etdi, sonra ortadan yox oldu. indi bir dost daha tapmışam, görək onla necə olacaq.
təsadüfə bax indi baxdım entry sayıma nə qədərdir deyə 9.999 -* bu 10.000ci entry imiş. oha.
nəysə, yenə itirdiyim saatlarımı düşünüb kefim pozuldu, içimi töküm dedim.
1073. Niyə, axı niyə bura facebookçular tökülüşdü? Niyə... Bura ora deyil. Özümü tapa bildiyim tək yerli platformanın da poxunu çıxarmayın. Axı sən əziz 3 entrisi olan yazar və yazarə, burda nə oxudun, nə gördün də nifrətini qusmağa yer deyə seçdin? Ən qısa zamanda hamınızın umbaylanması diləyi ilə.
Burda yazarların bir-birinə hörməti varıydı. Ən çox umbay alan mən bilirdim ki, mənə umbay atan şəxsin məndən də artıq dünyagörüşü var. Məsləhətxanada verilən bəzi suallara baxın, səviyyəni görün. Burda yazırıqsa da ehtiyacdan yazırıq, nifrətdən yox. Mən burda homofobiya, seksizm, fanatik dindarizm görmək istəmirəm. Mentalitet ümumiyyətlə görmək istəmirəm. Pəncərədən baxanda yetəri qədər görürəm.
Ümidvaram bu entrim sözlük kuralları çərçivəsində yazıldı. Sadəcə içim doldu və özümü saxlaya bilmədim.
Yallah facebooka.
1212. Əslində gənclərin özünü formalaşdırdığı vaxtda ən çox ehtiyac duyduğu sosial platformadır. Hal-hazırda instagram, feysbuk kimi sosial şəbəkələrdə gördüyümüz ancaq xoşbəxt insanlar və gülən üzlərdir. Heç kim həmin sosial şəbəkələrdə çətin, depresif və ağrılı vaxtlarını paylaşmır. Sözügedən platformalarda hamı özünə bir eqo yaradır və həmin eqonun sahibi gücsüz, zəif olsa belə, nümayiş etdirdiyi kimlik xoşbəxt, güclü və möhkəm görünməlidir. Çünki hamı burada belədi və heç kəs də başqasından geri qalmaq istəmir.
Əvvəllər xoşbəxt an paylaşılırdı, indi isə paylaşılmaq üçün xoşbəxt an yaradılır. Hal-hazırda instagramın döndüyü vəziyyət tam olaraq da budur. Bir lounge kafedə afsiant işlədiyim vaxt belə mənzərələrə çox şahid olurdum. Əksəriyyəti qızlar olmaqla müştərilər gəlib bahalı-bahalı yeməklər sifariş verəndən sonra həmin yeməyin şəklini çəkib, qədəhləri bir yerdə toqquşduraraq gif düzəldib storiləri bəzəyirdi. Ən gülüncü isə budur ki, kənardan belə adamları izləyirdim və heç də storilərdəki kimi əyləndiklərini hiss etmirdim. Hamısı da başını aşağı salıb sosial mediyada surfing etməklə məşğul idi. Storisində paylaşdığı, adını belə bilmədiyi yeməyin dadı xoşuna gəlmədiyinə görə yeməkdən sadəcə bir-iki tikə yeyən qız hesabı ödəyib, gəldiyi kimi də gedirdi.
Yaxınımdakılar bilir, çox fotogenik biri deyiləm. Yaxşı yerlərə gedib dibinə qədər əyləndiyim yerlərdə belə şəkil çəkib paylaşmıram. Çünki həmin ana özümü elə buraxıram ki, şəkil çəkmək fikri ağlıma belə gəlmir.
Əslində paylaşmaq gözəldir. Sadəcə nəyisə həddindən artıq paylaşmaq həmin şeyi dəyərsizləşdirir. Sözaltı Sözlük elə buna görə digər platformalardan fərqlənir və real həyata daha çox yaxındır. Çünki burada xoşbəxt anlar şəkil ilə yox, söz ilə; həmin anın ən dolğun və təbii halı ilə paylaşılır və ən önəmlisi isə xoşbəxt anlar ilə yanaşı ağrılı və pis anlar da paylaşılır. Bəlkə də sözlükdə eqo yarışının olmaması anonimliyə görədi. Amma səbəbi nə olursa olsun, sözlük sosial mediya zibilliyindəki sünilikdən uzaq tapa biləcəyimiz ən təbii yerdir.
685. ad gününü qeyd edən canım mənim. indi baxıram keçmiş entry'lərimə. sözlüyə üzv olma tarixim, daha dəqiq desəm, kəşf etmə tarixim 20 mart 2015-di. yəni bunnan 9 gün sonra mənim də bu sözlükdə ilk ilim tamam olacaq.
mən o qədər aktiv olmadım sözlükdə bu 1 il ərzində. bu başlıqdaki ilk entry'mə əsasən, yetərincə fayda verə bilmədim. elə timidus və o biri yazar yoldaşlarım kimi bəzəkli sözləri ard-arda düzmək və bu düzüntü*
hay amk
içərisində mənanı tutdurub bunu qarşındakına çatdırmaq barəsində həddindən artıq pisəm. bəzən sırf elə gözəl entry'lər yaza bilmirəm deyə həvəsdən düşdüm. bəzən hirsləndim sözlüyə, bəzən vapşe rədd olub getmək istədim*
söz6-dan rədd olub getmək
. bəzən ümumiyyətlə həftələr, aylarla sözlüyə girə bilmədim. həyat, münasibətlər, bəzən burda yazan şəxslərə hirslənməyim və s. lakin nə etdimsə, qopa bilmədim. söz6 sanki mənim gizli bir otağıma çevrildi.
bir çox dostumun bu sözlükdən xəbəri yoxdu. çox çalışdım tanıtmağa. amma yenə də daha əvvəl yazdığım kimi, oxumağa meylli olmayan insanların yazmağa meylləri heç olmaz. oxuyanları da guya "vaxt tapmaz".
mən söz6-nı kəşf etdiyim gündən təxmini 1 il keçir. bu 1 il ərzində zövqlə oxudum sözlüyü. bəlkə yaxşı biri olsam, hətta o bəzəkli yazılardan mən də yaza bilərəm. bilmədiyim şeylər öyrəndim, zəif cəhətlərimi aşkara çıxartdım bəzən. bəzən sırf mırtdaşmaq məqsədiynən girdim.
mən bir şeyi sevdimmi, ona bağlanan bir insanam. özdə elə-belə yox, dəhşətli dərəcədə. buna görə bir qızdan "sikdir" yemişliyim də var. məsələn, qarabağ qaytarılsa, cənubi azərbaycanla, borçalı və ya dərbəndlə birləşsək və ya xaricdə böyük bir uğur əldə etsək*
avropa oyunları xaric
*
eurovision daxil
ən çox mən sevinərəm. onur ünlünü çox sevirəm. adamın çəkdiyi hər filmin ən çox baxılan film olmasını istəyərəm məsələn. mən bu sözlüyü də və şəxsən tanımadıöıma baxmayaraq timidusu da çox sevdim. düzdü, bəzi fikirləri ilə razı deyiləm, amma heç olmasa belə bir platformu yaradaraq, hər il domein-ə öz cibindən pul ödəyərək*
ən azından mən elə bilirəm
çox böyük hörmətimi qazanıb. şəxsən, bu sözlüyün və timidusun ən çox uğur əldə etməsini, ən çox tanınmasını da mən istəyərəm adi yazarlar içərisində.
bu qədər şey yazdım, yenə də gözəl alındıra bilmədim. amma sözlük bir gün alınacaq. o günü birlikdə gözlüyəciyik. sən var ol, mən sənə yazım. neçə belə daha gözəl illərə və daha layiq olduğun yerlərə çıxasan.
1198. tanıdığım və tanımadığım bizimlə olan bütün yazarlara yeni ildə uğurlar arzulayıram. idarə heyyətindən yazarlara qədər sözaltıya indiyə qədər dəstək olub bugünə kimi 10 ildir ayaqda qalmasına və daha çox insana çatmasına, fikirlərinə və həyatlarına təsir etməsində köməyi olmuş hamıya təşəkkürlər.
(baxma: hər şey yaxşıya doğru)
1173.Attention whoreların saysız hesab açıb, vikipediya kopyalayaraq və ya gopdan ibarət olan (öz aləmində)"duyğusal" entrylər yazıb bütün hesablarından həmin entryləri bəyəndiyi sözlük.
Müəyyən dövrə qədər ciddi məsələlərin müzakirə edildiyi, yararlı bir yer olub, təəssüf ki sonradan parazitlərin istilasına məruz qalıb. iki gündən bir ən nifrət edilən insan tipi, avtobusdakı diaoqlar, incisözlük, ekşisözlük, gecəyə mahnı paylaş, səhərə şeir paylaş tipli başlıqların sol frameə düşməsi dediklərimi təsdiqləyər.
Burda toleranslıqdan da söhbət gedə bilməz, entrylərdəki umbaylama sayları da bunun sübutudu. Kimsə fərqli bir şey deyən ki daşa tutan kimi adamı umbaya tuturlar. Zay zay başlıqlar açıb boş entrylər yazanları isə niyəsə umbaylayan yoxdur,hətta əksinə hamı əjdahalayır. Çooox qəribədir.
878. sözlükdə məni ən çox narahat edən şeylərdən biri həmişə o olub ki keçmişdə yazdığın hansısa mövzuda fikrin dəyişir ama fikir orda qalmış olur, o fikri silmək önəmli deyil çünki artıq oxuyan oxuyub və beyində yer edib. ona görə sözlükdə istənilən fikri çox götür qoy edərək oxumaq lazımdır. biz insanıq və bir birimizə dibinə qədər təsir edə bilmə bacarığımız var. fikirlərimizi manipulyasiya edir oxuduğumuz sevmədiyimiz fikir belə. nəysə.
10.000 entryim arasından hər sevmədiyim entryni tapıb silə bilmərəm, mənasızdı. oxuyucu başa düşməlidiki nə oxuyur, yazanın təzəmi köhnəmi fikridi və.s hər il və ay fikir dəyişirsə deməli yazdığın hər fikirə münasibətin dəyişəcək.
məsələn o qədər entry arasından yadımda qalan və ağır mühakimə etdiyim üçün özümə nifrət etdiyim cümlələrdən biri budu: "bu adamlar özləri ilə yalnız qala bilmirlər, evdə tək otura bilmirlər" nəsə belə bir cümlə idi. böyük hərflərlə yaza bilsəydim böyük hərflərlə yazardım ki axmaqca fikir idi. sadə insandan buddanın nirvanasını gözləyib elə hərəkət edirəm ki sanki mən zoram. ama deyiləm bariz olaraq. və mən də özümlə yalnız qala bilmirəm. o vaxt qalırdım mı yadımda deyil. o vaxt dediyim 7 ay əvvəl yazmışdım sanırım.
nəysə.
məsələ odur ki, sözlük mühakimələr yığınıdır, normal olaraq. yazılanlar mühakimədir. ama oxuyarkən çox da mühakimə etməmək lazımdı çünki yazanın özü belə o anın içində min bir əhvalla yazmış da ola bilər. 5 ildi sözlükdə olan adam məsələn beş dəfə siyasi görüş dəyişibsə onun hər görüşünü oxuyanda onu "tutarsız" adlandırmaq yeniyetmə hərəkəti olardı. plus, o beş dəfə fikrini dəyişən şəxsin də gedib bütün köhnə fikirlərini silməsi də yeniyetməlik olardı. çünki sözlük fikirlər toplusudur, sənin hər entryin ayrı bir şəxsiyyətinin göstəricisidir, hamısı birlikdə indiki sənin göstəricisi deyillər. şəxsiyyət profili deyil yazar profili, qarışıq fikirlər toplusudur sadəcə.
biri bu kimi hansısa mövzuda sizi ağır tənqid etsə (ki filan entrydə başqa cür demişdin ama indi belə deyirsən), qətiyyən özünüzü müdafiə etməyin, çünki yalnış deyilsiz. müdafiə edərək yalnış duruma düşürsünüz.
xeyrin görün.
671. hal-hazirda aldigim bir xeber ile cox uzun muddet ziyaret ede bilmeyeceyimi anladigim aile.
bezi isler varki yolunda getmir. ya gerek butun diqqetimi bir ise verim, yoluna qoyum ya da qalsin bele. dindariniz varsa menim ucun dua eliyin, ne bilim ala ateistiniz varsa sizde dua eliyin. -*
got kimi heyatim var. baslica problemim ingilis dilini bilmirem. oyrenmek, toefl/ielts vermek ucun maksimum oktyabra qeder vaxtim var. ona gore 7/24 bu dili oyrenmek ucun calisacam. gorek basimiza ne gelir. tembelliyin dasini atmaq gerekdir -* dediyim kimi dua eliyin bir sey eliye bilim -*
Bütün əməyi, əziyyəti keçənləri bu münasibətlə təbrik edirəm.
Hər nə məqsədlə istifadə edirsizsə davam edin.
Yazın, yazılın, sevin, sevil in.
Aramızda olanlara can sağlığı, aramızdan ayrılanlara rahatlıq arzu edirəm.
785. indi bir yazarla danışanda 14 yaşının olduğunu dedi, və bir iki ildi izləyirmiş sözlüyü sonra yazmağa qərar verib. yəni 12 13 yaşından izləyir. 2001 ya 2002 təvəllüdlü. maraqlıdı, adamın üzündə təbəssüm oyanır.
hələ bu da bəs deyil vikipediyada da yazırmış. -*
285. məncə artıq sözlük haqqında fikirlərimi bildirməliyəm.
ironiya, yumor hissi yüksək insanlar var və belə bir dünyada onların varlığını bilmək maraqlıdır. yumor və ironiyanın dərəcələri biraz da yüksəlməlidir, bunun üçünsə bol-bol özünüzü dolamağınız lazımdır. zamanla olacaq.
ailə məişət problemlərindən əziyyət çəkən, atalarını, analarını rahatlıqla öldürüb, biraz da inkişaf etsələr, camus olacaq insanlar var, o insanları bəyənirəm. amma o insanların bir əlin barmaq sayısı qədər olduğunu da görə bilirəm. problem çatışmamazlığından özünə tragediya yaradan insanlar var. zamanla keçəcək.
natamamlıq kompleksi olan, həyatında ki yeniliyi paylaşmaq üçün dolayı yollardan istifadə edən insanlar var, onlar da maraqlıdır. zamanla böyüyəcəklər.
çox güclü, tək tərəfli fikirləşməyən yazarlar var, onları küsdürməmək lazımdır. burada ciddi fikirləri olan insanları fərq edirəm. sadəcə tolstoy olmadıqlarına görə yetəri dəyərləndirilmirlər. zamanla inanacaqlar.
sözlük, hər sualın cavabı zamanla verilir. good luck
sözaltı sözlük mənim üçün bir məqsəddir. fikir inqilabıdır. fikirlərin çarpışdığı müasir dünyada cəmiyyətimiz üçün əhəmiyyətli olduğunu düşündüyüm sözlükdür. sözaltı sözlük bir zərrədir, və ətrafını dəyişməyə qadir olan potensiala sahibdir. kimyada reaksiyaların başlaması üçün çox əhəmiyyətli olan zərrəciklər var. məsələn su donma temperaturuna çatanda, kristallaşma əvvəlcə molekulları ətrafına yığma potensialı olan xüsusi zərrəciklərin ətrafında başlayır. və xüsusi donma mərkəzlərinin ətrafında kristallaşma yayılır və bütün su donur. kiçik zərrəciklər bütün sistemi dəyişə bilirlər. mənim üçün sözaltı sözlük həmin o kiçik zərrəciklərdəndir. bu gün iki yaşı oldu. hələ balacadır. böyüyüb bütün sistemə - cəmiyyətə təsir edəcək səviyyəyə çatması üçün bu gün burdayam. bəzən bəziləri deyir ki, ne var e orda çoxu ateistdi, yığışıblar boş-boş danışırlar. amma mən bu gün burdayam çünki gələcəkdə bütün cəmiyyətə təsiri ola biləcək potensiala dəstək olmaq istəyirəm. o potensial ki, insanlara fərqli düşünməyi öyrədəcək. fərqi yoxdu, səhv ya düz olsun, əsas odu ki, insanlar düşünməyi öyrənsinlər. bu gün bizim cəmiyyətin ən böyük problemi odur ki, insanlar düşünməyi bacarmırlar. sözaltı sözlük bu cəmiyyətin içinə düşmüş kiçik bir zərrədir. şübhəsiz, onun ətrafına düşünmək istəyən, düşünməyə çalışan insanlar yığışacaq yavaş-yavaş.
74. yeriniz melum, bir dəfə hallı vəziyyətdə sözlüyə girməyə çalışdım. yarım saat dirəşdim, 6-7 dəfə parolu səhv daxil elədim. sonra, "parol yada e-mail səhvdir. içmisən ay qa? ya çəkmisən??" yazısın gördüm. tər basdı məni, tribə girdim. gic olmuşdum ki ala bular hardan bilir biz neynəmişik, məzəlnirlər bəlkə biziynən zad olmuşdum. bəzən belə içə doğru sıçmaların yaşandığı bir yerdi sözaltı sözlük, amma bəzən.
797. cox gozel bir platformdur. (yeni ki cox zor yerdi). tanimadigim adamlarin yazilarini oxuyub, onlarla birlikde uzulub sevinirem. bildiyin sevinirem ala, icime bir rahatlama seyi zad gelir. ele bil usagladimi imtahana aparmisam cavablari cixib. teze-teze gelende bir yazarnan sohbet eliyirdik, nese dedim yazara, o da dedi ki, cox sevindim. fikirlesdim ki, yeqin osduraga basir, day palit elemedim. indi gorurem ki, basmirmis. men de sevinirem ala. oxuyuram kiminse yazisini ekrana goz qirpiram helal kocum zad deyirem. yanimda olsa, qucaqliyib beline 1-2 yavas sille de vuraram yeqin. sevirem sizi umbaylar.
(baxma: her kese benden ejdaha!!)
11. adı yetim sözlük olsaydı tam yerine düşerdi.
yetim qalıb sözlük. sebebleri çoxdu. ümumiyetle ekşi sözlükle başlamış sözlük dövrü indi başladığı ölke olan türkiyede çox yüksek seviyyededi, hetta sözlük yazarlarına prestij sahibi kimi baxanlarda var. azerbaycanda ise sözlük medeniyyeti sıfırdır. çetinde olsa bu medeniyyeti oturtmağa çalışacağıq, en azından men çalışacam, o heç.
azerbaycanda sözlük sisteminin bu qeder yavaş ilerlemesinin sebebleriyse heddinden artıq çoxdur. azerbaycanlıların sözlük medeniyetine yad olması esas problemdir. ondan sonra gelen problemler ise azerbaycan dilinin dar olması ola biler. türkiyede sözlük sisteminin bu qeder ilerleme sebebi yazılacaq tema meseleside ola biler, türklerin teması azerbaycanlılardan en az on defe çoxdur bu ister türk futbolu olsun ister türk serialları ister türk siyaseti, onlarda yazmağa çox şey var. bizde ise hem mövzu azdır hemde danışmaq yada yaza bilmek qabiliyeti olanlar. insanlar iki cümleni göt göte qoşub yazmağa qorxurlar. ama bloq yazmağa can atırlar. sebebi ise çox sadedir, türkiyeden ferqli olaraq azerbaycan balaca bir yerdir ve siz sade bir bloq yazısı ile sesinizi ictimai sektor a duyurub genc aktivist orderini ala bilersiniz. ve bu bloq yazınızı sosial mediyada paylaşıb "like" yığa bilersiniz. demirem türkler "like" xestesi deyil, onlarda eledir, ama onlarda tanınmaq bize nisbeten çox çetindir. ona göre azerbaycanda insanlar sözlük kimi yerlerde yazmaqdansa bloq veya sosial mediada yazmağı üstün tuturlar.
birde seslenişi marjinallıq saçan bir şey var, mentalitet. menim mentalitet qozumada deyil, hansısa nöqtede qozuma ola biler ama hal hazırda bu mene maraqlı deyil, ama sosial media deyilen facebook kimi yerlerde azerbaycanlılar götlerini cırırlar ki bes biz mentaliteti deyişmeliyik, qırmızıayaqqabılılardan iyrenirem ve.s ama mentaliteti deyişmek üçün onlara teklif edilen şeylerden eger çıxarları yoxdursa uzaq qaçırlar. meselen ele söz altı sözlük. sözlük deyilen şey milli tefükkürü deyişmek üçün heddinden artıq güclü slahdır eslinde.sebebi çoxdur, onlardan biride odurki sözlük sisteminin kodlama dili googleye çox uyğundur ve googlede çox rahat üst sıralarda çıxıb ziyaretçi yığa bilir özüne, bundan elave bir çox arqument var ki sözlük özünü inkişaf etdirir ve olduqca çox oxucuya yayılır, ve belece sözlükde formalaşmış ideologiyada hemin insanlara çatır ve onlara neyise başa salır.
neyse, ekşi sözlükde türkiyede ilk çıxdığı il idareçiler götlerini cırdılar sistemi oturtmaq üçün, itü sözlükde ele olub. bizdede müeyyen müddet formalaşma işleri gedecek.
bu sözü demekden dilime yara çıxıb artıq ama yene deyim, söz var quşa deyirler poxun faydalıdı gedib çayın o biri tayına sıçır, azerbaycanlılarıda bu adam nese yaza biler deyib söz altı sözlüye devet etdikde özlerini naza çekirler, ele bil dedelerini söydün. ama sağolsunlar yenede söz altı sözlüyü ayaqda tutanlar var heleki, özünü naza çekmeyib gelib ellerinden geleni edenler.
1114.ana səhifə editi:
ekşidə əvvəl dəb'ə girən yararsız entrylər üçün faydalı editlər edilirdi, məncə biz də adət edə bilərik. genetika, insan davranışları, təkamül adoptasiyaları və.s kimi mövzularla maraqlananlar üçün stanford universitetindən robert sapolskynin dərsləri var youtube'da, babat maraqlıdı. arxa fonda dinləyə bilərsiniz nələrləsə məşğul olarkən.
dil səbəbilə izləyə bilməyənlər üçünsə buradan:
(bax: ingilis dilini öyrənəcəklərə tövsiyələr) - #112389
(youtube: )
(videodan maraqlı bir fakt: öyrənildiyində təəccübləndirən məlumatlar: yeraltında yaşayan siçanların günlük həyat tərzini müşahidə edərkən təcrübələr və kamerayla izləmələr göstərir ki bəzi siçanlar heç vaxt işləmir il boyu, otururlar içəridə, qapının yanında, və hərəkət etmədiklıəri üçün axşama qədər də sadəcə yedikləri üçün çox iri olurlar. heç bir işə yaramadıqları üçün digər siçanlar tərəfindən pis münasibət də görmürlər. (heyvanlar arası iş bölgüsü)
bir gün sel yağışı yağarkən isə izləyən təcrübəçilər çox maraqlı bir müşahidə aparırlar: sell suları deşiklərdən sızaraq yeraltındakı siçan evlərinə dolmağa başlayarkən həmin qapının ağzında axaşam qədər oturub kef çəkən iri siçanlar deşikləri bədənləri ilə doldurub evi qorumağa çalışırlar.
_____________
zarafat-zarafat azərbaycan idarəetməsi ilə müqayisə edilməsinin bezdirdiyi sözlük.
məsələ ilə bağlı heç bir ciddi rəsmi açıqlama olmayıb. çünki vaxt itkisidir. biz burda siyasət masası idarə etmirik, kontent yaratmağa ya sadəcə yazmağa çalışırıq.
fərdi moderatorların yazmış olduğu fikirlər ümumi sayta şamil edilə bilməz.
xeyr bura "heç kimin" deyil. xeyr burda sadəcə idarənin istədiyi insanlar yazacaq deyə bir şey də yoxdur əllbətdə. sözlüyü yaxından izləyənlər bilirlər kifayət qədər hər fikirə açıq olduğumuzu və yaratmağa çalışdığımız platformun ondan da böyük olmasını istədiyimizi. və xeyr bura biznes də deyil, ən azından 9 ildir deyil, könüllü olaraq o qədər əmək vermiş insanın zəhmətini biznes adlandırmaq sadəcə olaraq absurddur.
sözlükdə indiyə qədər heç kim daimi olaraq uzaqlaşdırılmayıb. hər dəfə hansısa moder nəyəsə əsəbləşib impulsiv olaraq kimisə uzaqlaşdırır sonra geri qaytarılır hamı. və demək olar ki entrylər belə silinmir çox da artıq. saxta ikinci troll hesabları açıb bir-birinə dəstək verən və ya yazarları narahat edən profillər isə bəli təsbit edilərkən uzaqlaşdırılır adətən.
mənim şəxsimə belə yazılan tənqid/təhqirləri gedib favori seçirəm, ama bir dəstə adam hələ də sırf bir ya iki moderin bir saniyəlik impulsiv qərarını hamıya şamil edib ana səhifəni iki gün məşğul tutur dayanmadan söz soxur. güya daha yaxşı mühit qurmaq adıyla.
pandemiya və müharibə boyu 9-10 nəfər komanda ilə o qədər əziyyət çəkib apreldəki vəziyyətdən nə qədər fərqli səviyyəyə gətirmişik sözlüyü, indi gəlib biri uber idarəsiylə biri ilhamla müqayisə edir.
doğrudan? ən yaxşı edə biləcəyiniz şey budur? təşəkkürünüz üçün çox sağolun.
sözlükdə sadəcə gördüyü mənfiləri dilə gətirən heç bir müsbət hadisəyə fikir bildirməyən kütlə var. özlərindən zəif yazarları da daş altı edirlər səhvlərini öyrətmək yerinə təhqir ilə. sırf nə qədər intellektual olduqlarını göstərsinlər deyə. ya da sonra gedib sizin şəxsi həyatınızı stalklayıb gəlib söz atacaq adamlar da var sırf sizdən xoşları gəlmir deyə. üzr istəyirik sizin elita böyüdülmə tərzinizə uymadığımız üçün.
tanımadığı insanları öz pəncərələrindən baxıb dəyərləndirən, ilham/manıs/axmaq/avara ya başqa nələrsə adlandırmaq da bu insanların mühakimə qabiliyyətinin nə qədər geniş olduğunun göstəricisidir. bezdirdiz axı ay qa.
bizim məqsədimiz müdaxilənin mümkün qədər az olduğu keyfiyyətli kontent istehsal edən platform yaratmaqdır. bütün təkliflər nəzərə alınır. sistemin işləməsində gecikmələr və axsaqlıqlar ola bilər, əlimizdən bu qədəri gəlir hələ ki. iradlarınız üçün sağolun.
942. hal-hazırda çox kiçik bir mövzunu hədsiz dərəcədə çox böyüdən yazarların toplaşdığı sözlük.
məsələn:
bir yazar digərinin entrylərini və s. sevmir. okey.
yazarı sevmirsən sevmə.
bundan başqalarına nə?
yazarı blok et, başlığını blok et.
amma yoox. gərək bu mövzu burada böyüdülə, mövzunun burada zibili çıxarıla, xaos yarana.
özüm 2 ilə yaxındır ki, normal girə bilmirəm sözlüyə. hər girəndə də anlamsız mövzularla, başlıqlarla rastlaşıram. başqaları da mənim kimi.
heç kimin dilədiyi bu deyil, zənnimcə.
bir şeydən şikayətlənməkdən xoşum gəlmir amma bu qədər də olmaz axı.
sözlük üzərində böyük əziyyət çəkən insanlar var burada.
heç olmasa onlardan utanmaq lazımdır.
nə vaxtdan yazarların vəzifəsi bu olub?
yazarların vəzifəsi bir-birinə söz soxmaq deyil, entry yazıb, bilgi verməkdir.
1247. Bu gün aldığım qərar ilə moderatorluğunu dayandırdığım, yazarlığa da davam etməyəcəyim platform.
20 gündür siqareti və alkoqolu tərgitmişdim, sağlamlığa ziyandır.
Sözlük də sağlamlığa zərər olmağa başlayıb artıq.
11 illik yazarlıq (8 ili moderasiyada) fəaliyyətim müddətində çox yaxşı real dostluqlar edindim bu gün də həyatımda varlar.
Sözlük olmasa da bir gün bir araya gələcəyimiz adamlar idi çoxusu da. Onlar erkən davrandı artıq tamamı sözlükdə yazmır.
Gec də olsa karvanlarına qoşuluram.
1065.#306742 - təcili surətdə köhnə formata qayıtmasını vacib hesab*
həmçinin xahiş, istək, tələb, arzu
etdiyim platforma. hər gələnin yazar olmasıyla olmaz bu iş. format daxilində sözlüyün anasını ağladanlar yenə sol frame'i işğal edib. acilən bir tədbir görülməlidir. heç olmasa yaza bilməyənləri yenidən umbay edin, ürəyimiz soyusun.
düzdür, bir neçə dəyərli entrylər yazan yazarlar qatılıb aramıza bu sayədə. amma yazmaq potensialı olan zatən yazar edilir.
Ps: yaza bilməyən dedikdə, qaydaları bilməyən yox, sırf çirkin trolluq və ya səviyyəsizlik məqsədilə formatı pozanları, n-ci hesabla yazar olanları nəzərdə tutmuşam. zatən qaydaları bilməyən yazarlara bacardıqca kömək edirəm şəxsən mən.
855. gün etibarilə 5ci ilini doldurmuşdur.
bugün münasibətilə qurulmasında bütün əməyi keçənləri,sonradan qatqı sağlayanları,hal-hazırda əməyi keçənləri,bir baxıb çıxaram deyib uzun illərin yazarlarını,yazar olmaq istəyənləri (bir az da səbr -* ) təbrik edirəm!
910. bütün sözlük adından @ubermench'ə təşəkkür etməliyik çünki son problemi başından sonuna qədər özü həll etdi. sağolsun. arada olur belə şeylər. normaldı. koorperasiya deyil, əl əməyidi.
sözlüyün nə vaxtsa öləcəyini sanmıram. fiziki olaraq yox ama. yəni sözlük nə vaxtsa bağlanıb yox olsa da ama yaddaşlarda onla bağlı nəsə qalacaqsa deməli sözlük hələ də var olacaq. kitab kimi, yazılan və oxunmuş bir kitabın, cinayət və cəzanın, bütün nüsxələri itəndə cinayət və cəza yoxmu olmuş olacaq? yox. sözlüyün sizə qatdıqları, tanımış olduğunuz insanlar, oxumuş olduğunuz fərqli fikirlər, öyrənib təəccübləndiyiniz məlumatlar heç vaxt ölməyəcək. deməli sözlük də ölməyəcək.
həmişə köhnə yazanalar dayanacaq, təzələr gələcək və.s və.s həyatda olduğu kimi. kimsə üç il yazır, sonra ya heç hara yazmır, ya sözlüyə yazmır. üzülməyə dəyməz, normaldı. köhnə hansısa yaxşı yazmış insanın sözlüyə yazmaması sözlüyün əksikliyi deyil, o adamın şəxsiyyətiylə bağlı dəyişiklikdir. təsəvvür elə çox yaxşı danışan maraqlı fikirləri olan bir dostun var və gedib ona dirəşsənki facebookda niyə status yazmırsan sən? ya blog yaz, ya kitab yaz. adam yazmaq istəmir bəlkə. ya yazdığı məcra dəyişib. nəsə.
kiminsə sözlük öldü kimi neqativ fikirlərinə görə kef pozmağa dəyməz ona görə də. məncə sözlük istifadə etmiş bəzi insanların yaddaşında elə bir yer tutub ki həmişə orda olacaq. adicə bircə nəfər belə tanımısansa sözlük vasitəsilə, vəssalam. ehtiyac duyduğumuz tək şey var, insanlar. sözlük sənə bir insanımı tanıtdırıb? necə gözəl bir şeydi bu dərk edə bilirsənmi?
plus, data ölmür, yenidən doğulur.
1050. 2012-2020 ci illər arasında sözlükdə yazmış biri olaraq deyə bilərəm ki sol framedə yazılan hər entryi roketin işləmə prinsipini izah etmə səviyyəsində olmaq zorunda deyil.
884. məmə barədə bir entry yazdım nikimin altında 3entry yazıldı. hətta biri məni çirkin olmaqda ittiham etdi-* guya öz məmələrim kiçik olduğu üçün yazmışammış entryni -* ahaha-* sözlüyün mənim üçün əhəmiyyəti odur ki,burada istədiyimiz hər şeyi yaza bilirik.həyatda durub kiməsə məmədən danışsam mənə əxlaqsız kimi baxar.bu səbəbdən sözlüyə yazıram fikirlərimi.bura yazdıqlarımızı nə face,nə insta ,nə də başqa sosial profillərimizdə yaza bilmərik. burada isə anonimliyin verdiyi rahatlıqdan dolayı yaza bilirik. lakin təəssüf ki, artıq sözlükdə də azərbaycanlılaşma gedir. azad şəkildə öz fikrimi ifadə etdiyim üçün məni çirkinlikdə ittiham edirlər.çünki tənqid etməyib dəstək oluram. çünki bir yığın kütlədən fərqli olaraq hər çirkinlikdə bir gözəllik görə bilirəm. yazar gördüm ki, mənə sən mələksən deyib sözlüyün görüşündə haqqımda pis-pis danışıb, yazar gördüm ki, şəklimi görüb qız olduğumu bildiyi halda başqalarına bu sinəsi tüklü şairdi deyib, yazar gördüm ki, sözlükdən 5qıza eyni vaxtda yavşayıb. lakin bunların heç biri məni sözlükdən belə soyutmamışdı. əgər fikrimi ifadə etdiyim üçün nikimin altında təhqir olunacamsa (həm də səviyyəsiz bir uşaq tərəfindən ) onda sözlüyün mənası nədir? niyə yazım bura? sizin kimi düşünmədiyim üçün məni sevmeye bilərsiz , eybəcər olduğumu da düşünə bilərsiz. lakin məni fikirlərimə görə günahlandıra bilməzsiz. sanki kim ideal fikirlər yazır ki, sözlükdə?!
594. bizim içimizdəkiləri, sirrlərimizi və bizə aid olan hər şeyi oğurlayan sözlük.məkan o qədər rahatdır ki, burda zaman və məkan anlayışı özünü itirir.sözlüyün cazibə qüvvəsi də yoxdur.çünki bəzən bir yazarın yazdığı entry ayaqlarını yerdən üzə bilir.
bura qatılan hər bir kəs öz-özlüyündə obraz yaradır.kimisi daha bilgi dolu entry-lər yazır, kimisi seksdə inqilab edir, kimi də yazdığı entryni yaşayır.hər halda mən 3-cü-lərdənəm.
nə qədər səmimi yazmağa və ədəbi olmamağa çalışsamda, bir çox vaxt bu alınmır.ya kitabların yaratdığı təsir ya da ki burdakı bəzi yazarların gücü.
hər ehtimalda ehtiyyacımız olan sözlükdür.underground bir ensiklopediya kimi də ola bilər.və ehtiyyacdan doğduğu da çox bəllidir.
əbədi olması və ən əsası insanlara nələrsə bəxş etməsi diləyi ilə yazmağa davam.
1080. Niyəsə içimdə bir hiss yarandı ki sözlükdə keçən günlərim haqqında entry yazım, bir az içimi töküm.
Sözlüyü ilk dəfə qardaşımın telefonunda, 15 yaşımda filan görmüşdüm. Oxuyub çox dəyərli şeylər öyrənmişəm burdan ( (bax: yuxuda göt yumaq)
), öyrəndiyim hər şeyi də gedib uşaqlara danışırdım həvəslə. Təxminən 2 il filan oxuyucu olmuşam burda, zamanla həvəsim daha da artıb, mən də yazmaq istəmişəm. ancaq həmişə yaşıma görə göt-göt danışaram deyib oxumaqla kifayətlənmişəm.
Zaman gəldi, dözə bilmədim, dedim mən də yazacam artıq. Malum umbay ne bilmiyoruz. 1 həftə filan umbay olaraq qaldım, o günlərdə heçözüdəbilmir mənə çox kömək oldu. Sözlükdə tanış olduğum ilk insan idi və daim yazıb nə edib etməməli olduğumu deyirdi. Bəlkə də sadəcə partizan olduğu üçün mənə kömək edirdi, ancaq çox sevmişdim onu, ilk gələn gündən. 14 entry yazıb qəbul edilmirdim, lülüş kafkanın playboy jurnalları wikipediadan bir entry kopyalayıb yazar olmuşdu. Şikayət etdim, burdan qubadlıya qədər gedən adam taşak keçdi mənimlə, ağladım ( allahınız yok mu lan sizin ).
Nəhayət yazarlığa qəbul edildim. Sözlüyə ilk gələndən özüm haqqında yazmışam, bir növ buranı sözaltı günlük olaraq istifadə etmişəm. Burada sevincimi ( #297293 ), kədərimi ( #300891 ), öfkəmi ( #299198 ), utancımı ( #296038 ), sirrimi ( #297007 ) bölüşmüşəm. Gündəlik başıma gələn hadisələri dərhal sözlüklə bölüşmək çox gözəldi, məni başa düşən insanların burda olmağı sevindiricidi.
Burda çox gözəl yazarlar tanıdım. Mənə hayat koçluğu edən bir omnia mutantur nihil interit oldu, nəsə səhv düşüncəyə qapılanda ağzımı sikdiyin üçün təşəkkür edirəm, son entryni səbirsizliklə gözləyirəm. Çox gözəl dostluqlar da qazandım, ilk başda itsmesabi gəlir. Tanıdığım bu qısa zamanda dərdimi bölüşdüyüm tək-tük insanlardan birinə çevrildi, çox kömək oldu, sevilirsən əzizim. Bəzi yazarlara qarşı isə götlük etdim, ilk başda da michaelangelo gəlir, daha yazıb üzr istəməyə üzüm gəlmədi, burda üzr istəyirəm səndən.
Ən böyük təşəkkür isə sözlüyün özünə düşür. Çox şey qatdı mənə, çox şey öyrəndim, sən olmasan indi tiktok çəkirdim. Hər kəsə təşəkkürlər əzizlərim, hadi siktirip uyuyalım
1163. mikro blogging və sözlüyü o qədər çox sevirəm ki 10 ildir yaz-yaz bitmir o sevgi.
etməli olduğum şeylər varkən, hər dəfə kafe-yə gəlib edəcəklərim əvəzi sözlüyə teoriyalar tərcümə edib yazmaq ya subyektiv müşahidələrimi yazmaq istəyirəm. bəlkə də ona görə ki, əslində vaxt itkisi deyil. on il davam edən, günlük yazmaq kimidir, tək fərq gizli olan heçnə yoxdur hər şey göz qabağındadır. hansı ki daha yaxşıdır sən başqalarından başqaları da səndən öyrənir.
hər insandan öyrənəbiləcəyin nələrsə vardır mütləq. sözlük hamımızdan daha ağıllıdır demək olar. bir gün süni intelekt nəticəsində dil açıb danışacağını təsəvvür edin bidənə, mesaj atır ki "sabah qaçmağa gedirəm gəlsən?"
sözlük bi dur allahını sevərkən. iş görüşməsinə cv yazır özüyçün. (şikayətlənir ki bu ay kira ödməliyəm-serverin pulu) bigün təsadüfən görürsən barda oturub pivələyir tək. gəlirsən ki sözlük məni tanıdın? deyir əlimdə böyümüsən qadam. milyonçuya qatılıb milyon udub kasıblara paylayır zad.
indi dayanmadan hər dəfə teorilər yazan yazarlar, ya fərqli müşahidələr-fikirlər yazanları görəndə mən də yenə daha gənc olarkən oturub yazdığım kimi yazmaq istəyirəm. hər şeydən əvvəl yazarkən əslində daha yaxşı öyrəndiyin, təkrarladığın, analiz etdiyin üçün. informatik meditasiya.
mən azərbaycanda bizdən daha yaxşı yerli blogging saytı tanımıram, onsuz ilk 1000'ə də girmişik ölkə üzrə.
945. əyri çıxanın balağını tutub cumduğu başlıq.
baxıram bir embesilin yazdığı dəbə girib, dözmədim, dedim mən də 3-5 kəlam edim. düzü, sözlük, heç çatmır da mənə bu məzmunda entry yazan *
sıçan?
yazarlar. ala, baxırsan yazdığı bir pox da yoxdu, *düşün ki o bunu oxuyur* kimi sikko başlıqlara romantik cümlələr sıçıb, ya da bakınız filan verib pizdes yazar kəsiliblər başımıza, bir də bu yetmirmiş kimi pox atmaqdan da çəkinmirlər.
adama deyərlər, bəyənmirsən? sikdir get də, səni burda zorla tutan var? madem bura dediyin qədər bərbad bir yerdi, ay nə bilim yazarlar əjdaha, favori üçün yazır, həyatda heç bir işə yaramayacaq bilgi (bura sonra toxunacam) verirlər, barbaros rəisin dediyi kimi qoy boğulaq da, ala, poxumuzda. nə durmusan? mahmızla atını, blet.
ən az entry qədər gülünc gələn ikinci şey isə bunu dəstəkləyən tipləri görməkdi, bir soruşun da özünüzdən, pisdisə niyə vaxtımı itirim burda? yəni təkcə o sürməsin atını, siz qrupla köç edin amk (baxma: umbayların birinci köçü)
indi gələk həyatda heç bir işə yaramayacaq bilgi məsələsinə. işə yaramayacaq bilgi? doğru ola bilər əslində, məsələn mənə *riman inteqralı* nə vaxtsa lazım olmaya bilər, ya da *işəyarar jquery pluginləri* başlığına yazılacaq məlumatlar sənə lazım deyil, bəs başqa birinin işinə yarayırsa? filter sistemin niyə işləmir sənin? görmürsən səhifənin təpəsində böyük şriftlə işəyarar jquery pluginləri yazılıb? sənə lazım deyilsə oxuma da. niyə gəlib kiminsə əməyinə pox atırsan? küçümsəyirsən? bunların kiməsə lazım olacağı aydın məsələdi bəs sənin o romantika sıçıb ürək bulandırmana nə deməli?
sağ olsun, heç olmasa bir yazar pox atmağın yerinə nəsə eləməyin vacibliyini vurğulayıb. ümid edirəm, düşünə bilən yazarlar çoxalar sözlükdə.
1103. Deyəsən, azərbaycandakı yazılmamış qanunları məsxərəyə qoyan, "aziklərə" lağ edən, onları dözümsüz adlandıran və alçaldan, amma əslində özləri də onlar qədər dözümsüz olan, elə azərbaycan mexanizmi ilə işləyən, sərf etməyən söhbət olanda formatı və inkişafı bəhanə gətirib yazarı izahat vermədən uzaqlaşdırmaqla problemi həll etdiklərini düşünən moder və adminlərin olduğu platforma.
634. mənim bu sözlükdəki son günümdür bugün, artıq oxuyucu kimi davam edəcəm. niyə?
deməli mən bu sözlüyü bu il iyun ayında facebook səhifəsindən tanıdım və bir-iki gün izlədikdən sonra girdim. girəndə məzmunların əsasən kino və rock, metal və ən əsası cinsiyyətlə birlikdə xalqımıza mənsub olan pis dəyərlərlə bərabər yaxşı dəyərlərin də dəyərsizləşdirildiyini gördüm və ədəbiyyatımızdan, tariximizdən, bizə çox böyük təsiri olmuş iran mühitindən və digər məsələlərdən yazmaq istədim. təbii ki hər kəs öz zövqü üzrə hərəkət edir və buna heç kim qarışa bilməz. amma özümüzə qarşı olan, dünyadakı hər kəs tərəfindən görülsə qınanacaq olan kinayəli sözləri özümüzə qarşı işlədirik və bizə məxsus olan sevilən dəyərlərə belə rişxənd edirik. bunun əsas səbəbi tarixi oxumayan, mədəniyyət və incəsənətimizin, islam intibahı şeiriyyatımızın, sufi-irfani, panteist ana xətli fəlsəfi fikrimizin fərqində olmayan bir gəncliyimizin olmasıdır. muğam başlığına "ə bu nədi e", xalçaçılıq deyiləndə "iki xətt, naxışdı da əhəhə" və ən əsası xalq birliyi, inqilabdan danışıb yerlibazlıq, təfriqəçilik salan gənclərdə alınmaz. bu xalqın xislətində var bu. atadan oğula keçən bir xəstəlik halını alıb bu zibil artıq. eləyin yerlibazlığınızı dostlar. amma kimə xeyri var? deyim kimə.
sizi iki nəsildir istismar edən rejimə. onların da istədiyi budur. eyni qanı daşıyan, eyni dili danışan xalqın üzvləri bir-birini başa düşməsin. yerlibazlıqdan əlavə, din, əqidə, fikir, zövq müxtəliflikləri belə bizim bir-birimizə düşmən kəsilməyimizə səbəb olub.
hər halda bu sözlükdəki yazarlar digərlərinə nisbətdə daha aydın və məsələlərə işıq tutan olmalıydı. elələri təəssüf ki 15-20 faizdir burda. 80-85 faizi məsləhətxanadakı qaçqın başlığından məlum oldu.
onu da yadda saxlayın ki, hər dəyərimizə rişxənd edib gülsək, vaxt gəlib o dəyərləri, o gözəllikləri itirdikdən sonra bir xalq olaraq peşman olacağıq. burda elədiyimiz bu bayağılıqlar bir müddət sonra dilimizi, kimliyimizi əlimizdən alacaq. elə fikirləşməyin ki xalqın sosial kimliyi zəruri deyil. sonda nə olacaq? lağ elədiyimiz əli əkbər, seymur baycan kimi biri olacağıq. amma bir fərd kimi yox, bir toplum kimi. bu sizdən istənilən şeydir. amma bizim xeyrimizə yox. bizim istədiyimiz yox.
bəzi yaxşı yazarları təqib edəcəm. xudahafiz.
558. sol framedə türk sözü görməkdən gözlərimin mazol olduğu sözlük. türklərin elə olması, türklərin belə olması, türklər elə gəldi, türklər belə getdi, türk, türk türk....türklərnən nəfəs alıb türklərnən nəfəs verirsiz. bu nə manyaklıqdır ala? qonşu ölkədir ona görə desəniz digər qonşular haqqında niyə bu qədər bəhs edilmir? qardaş ölkədir desəniz o da heç deyil. ən azından sizin üçün. gördüyüm qədəri ilə çoxunun da zəhləsi gedir. bəs türk sözü ilə gözümüzün mazol olmasının səbəbi nədir? siz heçmi türklərdən və türkiyədən başqa ölkə, xalq, tanımırsız? dünya xalqları, dünya mədəniyyətləri haqqında bildikləriniz elə türkiyə ilə kifayətlənir? "özlərindən razıdılar, şovinistilər, cahildilər, dindoşdular" deyib yeyilmiş plastinka kimi eyni şeyi təkrarlamaqdan yorulmadız? yekə adamlarsız ala bəsdirin.
565.#151057 entryə dibinə qədər qatılmaqla birlikdə əlavə edirəm;
ala nolub sizə? gələn gedən sözlük idarəsi elə sözlük idarəsi belə, ala nə idarə? ölkəsində idarə olmayan adam gəlib sözlükdə idarə axtarır, sözlükdə idarə zad yoxdu a kişi. açmışıq, özümüz üçün yola getməyə çalışırıq. ala sizin mənə bakı metrosunda ay qız deyə söz atan malakan qaqaşlarınızdan nə fərqiniz var? biz bu icma ilə cəmiyyətə bişeylər aşılamağa çalışırıq? bu açıqgörüşlülüklə? özünüzə əl gəzdirin biraz. hərəsi bir şeydən inciyir. sonra da hər şeyi atırlar idarənin üstünə. sanki bunlar hər dəfə 2-3 səhifəlik dava etməli və idarə də onları oxumalıdı. hal hazırda bu entryni yazarkən belə bir tərəfdəndə saxlayıb yazmamağı düşünürəm çünki vaxt yoxdu a kişi? oturub sizin davalarınızı oxuyacam? məzələnirsiz a kişi?zaten bir mənəm bir qubadlıdı sözlükdə birşeyləri idarə etməyə çalışanlar. əlimizdən gəldiyi qədər o da.
içini sikim ala mənim günlük 1-2 saat vaxtım var a kişi, 11 saat işləyirəm geri qalır 1-2 saat, onu da çalışıram vaxtı dəyərli keçirim, bir şeylər oxuyum, izləyim, öyrənim. yoxsa millət qırğın etsin mən də qırmızı kart göstərim?
itə-tök şey yazmaq olar ancaq qısa tutmağa çalışıram yenə də. bax bu entryni bir də oxuyun; #151057
çox ciddiyətə ehtiyac yoxdur a dostlar, biz sözlük açmışıq ki həm yazma ehtiyacımızı həm oxunma ehtiyacımızı ödəyək. yaxşı? vəssalam. və çalışırıq hamının ortaq nöqtəsini tapaq (ki bu ən çətin hissədir).
son plagiat söhbətində adı keçən bütün yazarlar eyni dərəcədə günahkardır. çünki hamısı nədənsə inciyir və heç biri güzəştə getmir. dəqiq bilmirəm bəlkə gedənlər olub, çünki mən bu barədə bütün yazılanları oxumamışam, vaxt yoxdu. elə hey dedim ki öz axarına buraxaq, yetişkin insanlardılar bir yol taparlar nikaltı davalarında, ama ağzından aseton iyi gələ-gələ yorğun arğın evə gəlib yemək yemək üçün can atırsan, sözlüyü açırsan bir də görürsən bu nədi? sözlüyün ən əldə tutulur yazarlarından biri (adı feride amı geride) bütün entrylərini silib gedib. yəni məsələ bu həddə çatıb. bütün qanın it qanına dönməyə nə ola bəs?
moderlərdən biri bir entryni silir bir tərəf qırğın salır, sonra başqa moder gəlib entryni canlandırır bir tərəf qırğın salır. baş üstə bundan sonra hər həftə sonu iclas edib kim hansı söyüşü götürür kim hansını götürmür, hansı mətndən hansı dərəcə plagiat götürmək olar hansından olmaz onu müzakirə edəcəyik.
ya hər şeyi bir kənara qoydum, siz heç ayrıldığınız hansısa qızdan fərqi yoxdur səhv sizdə olub və ya qarşı tərəfdə, uzun bir mesaj alıb sonra ona "yaxşı" deyə cavab verib yerinizə oturub bu anın zövqünü yaşamamısınız? zarafatsız deyirəm. ala deyək ki biri sənin nickaltına uzun bir şey yazıb, oxudun, cavab vermə, səni lap nə ilə ittiham edirlər etsinlər vermə. vermə də abi, söhbət bu yerlərə gəlib çıxır.
qanunlara niyə bu qədər bağlıdı axı insanlar? boş buraxında bunun başını, boş verin qanun qayda, onsuz da sikillər bizi hər yerdə, hər işdə, müdürlər, ölkələr, parlamentlər, burda özümüz üçün bir sözlük qurub yazıb oxuyuruq, gərək qayda olsun ki "birinə götverən demək olmaz!" ?? deyin a kişi mənə deyin nə istəyirsiniz, üzr istəyirəm ama oğlumun daşşağına kimi. bu du inkişaf üçün can atan cəmiyyət? bu du azad seksi müzakirə edən cəmiyyətin gəncləri? ala sən hələ azad söyüşü dərk eləmirsən, sənə peysər deyəndə qarşı tərəfi bıçaqlamaq istəyirsənsə məncə sən otur bidənə fikirləş yəni, nə bilim etika başqa şeydi, təsbeh qaqaş başqa şeydi. aradakı nüansı tutun a kişi. yəni həqiqətən bu entryni bura qədər oxuyan hamıdan dönə dönə üzr istəyirəm. belə düşük söhbətləri müzakirə edirik biz hələ də.
nə bilime biri gəlir ki bəs bunlar çox türk sözü işlədir, biri gəlir ki bunlar rusun götünü yalayanlardı, biri gəlir ki bunlar peysərdi, biri gəlir ki bunlar yeniyetmədi ancaq belaltından yazırlar və.s və.s siktirin gedin a kişi, biz heç kimə söz verməmişik ki burda rəsmi pox qayıracağız. onsuzda rəsmiyət ömrümüzü günümüzü sikməyibmi abi? rəsmi olmaq istəyəm getsin vikipediada yazsın?
lan ən ən ən qəddar hüquqda belə "hakimin şəxsi təşəbbüsü", "yaxşı niyət" məsələsi var, yəni qayda nə olur olsun həmişə bir açıq olur ki hakim dara düşəndə özü qərar versin məsələyə. sözlükdə moderator da elə. biri nəsə plagiat yazıbsa bu silinməli və ya qaydalara zidd sayılası deyil. söyüş söyülübsə silinəsi deyil. milli təfəkkürümüzü və böyüdülmə formamızı nəzərə alaraq ailə üzərindən olan söyüşləri silirik, ancaq şəxsə yönəldilmiş birbaşa və ya dolayı təhqirin silinməsi tərəfdarı deyiləm mən. götvərən, ambiti, qəhpə kimi sözlərin davasını edirik biz hələdi. bundan inciyirik. indi bu söhbətin üstünə mesaj gələcək hələ, qaqa peysər şəxsi söyüşdü yoxsa ailəvi restorandı?
mən heç bir entrynin silinməsi tərəfdarı deyiləm çox çox böyük problemlər olmadıqca. son plagiat məsələsində də nə ittiham olunan yazarları nə də söyüşlə yazıldığı iddia edilən entrylərin silinməsi tərəfdarı olmamışam. hansı ki ortada birbaşa böyük söyüş də yoxdu, günorta entrylərdən birini açıb oxudum gördüm bir yerdə söyüş söyülüb, elə bildim məni söyüblər. telefonu qoydum cibimə vecimə almadım, sonra gördüm ki başqa yazar imiş. ola bilər ki mən söyüş qaldırıram başqası qaldırmır. düzdü, ancaq biz necə edək indi hamının söyüş dərəcəsini ölçək? abi mən bu sözlükdə "xiyar" sözünə görə entry silinsin deyən görmüşəm. mənə xiyar deyiblər deyən yazar. çətindi.
bax, bizim əcdadımız olan ekşisözlükdə cənab ərdoğanın bütün varyoxunu sürüyürlər yerlə bir edirlər dolayı yollarla, sözlük zatən bunun üçün var. demirəm söymək üçün var, yəni özünü ifadə etmək üçün var. "sözaltı" lan, bari adından anlayın, sözaltı soxur sözünü yazar.
və xahiş edirəm, qoyun bir şeylər yazmaq üçün qurduğumuz sözlüyü. idarəni də bayraq etməyin, istəyən gəlsin keçsin idarə etsin, sözlüyün bütün server parolları daxil hər şeyi verirəm, görüm bir ay sonra sözlük bağlanır ya yox. yoxsa mən üç ildi adam axtarıram ki verim sözlüyü götlü başlı "idarə" edə bilsin. yoxdu yəni, yiyə duran yoxdu, yoxsa mən o idarəyə sərf etdiyim vaxta indi ispan dilini öyrənmişdim. ciddi sözümdü. not dəftərim dolub daşır yazmaq istədiyim mövzular barədə ama mən yenə idarə haqqında entry yazıram. qayda falan yoxdu sözlükdə, yaxşı? tək məqsədimiz var; aydınlanmaq. bəli, və kantın aydınlanmaq adlı məqaləsindəki giriş belə başlayır: sapere aude!. beynini işlət deməkdi deyəsən tam yadımda deyil. və aydınlanmağı bir uşağın yeniyetməlikdən çıxıb yetişkinliyə keçməsi ilə izah edir. bizim də məqsədimiz yetişdiyimiz küflü, kirli, bulanıq, bərbad, iyrənc təfəkkürdən qurtulub aydınlanmaqdır, inkifaş etməkdir. və aydınlanmağa gedən hər yol qəbulumuzdur. aydınlanmaq üçün bizə bilgi lazımdır, buna görə də bilgi gücdür, aydınlanmaq üçün bizə fikir mübadilələri lazımdır -sözlük bunu da edir -, aydınlanmaq üçün bizə qaydalardan qurtulmaq, azad düşünə bilmək, fikiri azad ifadə etmək lazımdır. fikirlərimizi qəbul etməyən cəmiyyəti sözlükdə tənqid edə bilərik. sözlük bizə cəmiyyətdə qazana bilmədiyimiz özünəinamı da verə bilər, tapa bilmədiyimiz dostları da.
xülasə, mən hal hazırda adı feride amı geride kimi böyük bir yazarın entrylərini silib getmiş olmasının dərdini çəkirəm. haqqında çox məlumat verib anonimliyini pozmaq istəmirəm ama adamı tanısanız inanın ki çox sevərsiniz. istər sahib olduğu bilginin miqdarı, istər xarakteri ilə əvəzolunmaz bir insandır. və onun inciyib getməsində hamı günahkardır, siz də, mən də, özü də.
hər dəfə biri entrylərini silib gedəndə elə bilirəm ki uşağıma verilmiş hədiyyəni geri alırlar. entryləri niyə silsin axı idarə ilə yox başqa bir yazarla problemi olub sözlükdən gedən biri? mənim üçün sözlükdəki hər bir fikir dəyərlidir, çünki "fikirdir". fikirə sahib olmayanları neyləyəsən? bunun üstünə hələ sözlükdə ən çox fikirə sahib olan yazarlar durub dava etsin, sonra da desinlər biz dalaşdıq gedirik?
tam bir saatım belə boş bekar bir entryə getdi. entrni ağamız olan qasimin bu son söhbətlər haqqındaki ifadələri ilə bitirmək istəyərdim ancaq içində keçən söyüşlərə görə entryim silinə bilər deyə bura yapıştırmıram, siz özünüz başa düşdüz də.
not: guya bugün gəlib məsləhətxanada səsvermə düzəldəcəkdim ki verilən suallara yazılmış cavablara səs verilsin və istifadəyə daha da yararlı olsun. ancaq gör nəyə getdi bir saat.
edit: yadıma düşdü yazım dedim, bax məsələn adı feride amı geride-ni mən iki entry ilə təsdiqləmişdim, iki entrysindən birini oxuyub yazar etmişdim, bir də görürsən deyirlər falan kəs 10 entry yazılmamış niyə yazar edilib?? harda qaldı qanun qayda? nə çox qanun sevənimiz var imiş. yəni belə olmaq lazımdır, insiyatifdən istifadə, mininum qayda qanun. şirkət qurmuruq burda. qanun qayda düşünmədən bir entrysini oxuyub təsdiqlədiyim yazar, qanun qayda olmadığı üçün sözlükdən getdi. səhv məndədi, ama mən öz həyatımı standart bir çizgiyə qoya bilməmiş bir tənbələm a kişi, siz məndən nə istəyirsiniz. sözlüyü təzə açanda mırta 5-6 maddəlik qaydalar haqq hesabı qoymuşduq, onda ə hərfindən istifadə edə bilmirdik deyə sonralar elə hey deyirdim ki ala girib ordakı e hərflərini ə edim gərək, elə hey qalırdı. hələdi qalıb yəqin ərinirəm açım baxım. yəni belə bir adamın üstünə çox gəlib şey eləmiyin səncanı. bu arada indi yadıma düşdü, uzuncorab hippi də o gedən gedib. hamısı mənim səhvimdi. birini tapıb təfil verə bilmirəm idarə etsin.
edit2: mod panelə girirsən görürsən entry xəbərlənib, islam təhqir olunub, entrydə pedofil sözü var, gəl indi götür qoy elə ki bu entryni silib yazarın ifadə azadlığınımı azaldım yoxsa çoxluğun dininə hörmətmi edim? sonra da oturub inkişafdan danışım. tənqid qəbul etməyən inkişaf.
563. son gunler ne bok bas verdiyini anlamaqda cetinlik cekdiyim en mehsur azeri sozluk. vay efendim plagiat, bir yazarin 5 niki, x-in eslinde y olmasi blin girdirmesiz nesiz? anlamiram. plagiat varsa yeni sizin fb hesabinizdaki ve ya the guardian gezetindeki meqalenizi copy pastela bura yaziblarsa once mesajla xeberdarliq edin yox gorduz yazar yekebas cixdi timidusa yada her hansi modere deyin hell edecek. lap bunlari kecdim birinin plagiat yazmasi ve ya copy pastle etmesi digerinin niye qozuna olsunki? derdinizi sikim,cima edim derdinizle,cinsi birlesme edim,intim elaqeye girim, tenasul uzvumu toxundurum, uroloji bolgemi surtum derdinize blad. oxuyun kecinde, en azindan o plagiat yazan ograsi blok edin sizde bosalib rahatlayin bizde sozluyun serveride.
not: entryde islenen edebsiz sozlerin her bir herfi ucun butun yazarlardan done-done uzr isteyirem.
1251. 10 il bundan öncə ilk dəfə xəbər tutub gəldiyim məkan. 10 il, zarafat deyil həqiqətən. geri dönüb baxdığım zaman çox boş bir həyat yaşadığımın fərqinə varıram. yaş artıq öz sözünü deyir. bura ilk gəldiyim zamanlarda mənimlə birgə yazarlığa başlayan insanların çoxu evli eşiklidir məncə. biri də intihar etdi məsələn.
sözlüyə uzun aradan sonra qayıdıb köhnə başlıqları,yazarları yad etmek gülümsətdi. bunu oxuyan gənc, gördüyün kimi 10 il öncə bu sözlüyə gəlmiş birinin həyatı pox kimidir. sən çalış onun kimi olma. karyera qur, ən əsası da sağlamlığının qeydinə qal.
769. nəsə bir rejissor, yazıçı, dərman nə bilim müxtəlif şey ola bilər,googleda axtaranda dərmanın adı, yanına ekşi yazırıq a, o ekşinin yerinə rahat rahat, məlumat alacağımızdan əmin şəkildə söz6 yazacağımız günləri gözlüyürəm hələ də ala.
1305. Bu gün 12 yaşı tamam olan sözlük.
Mübarəhsən, ay pişik-*
Yatmağa hazırlaşanda yadıma düşdü ki, 5-6 il əvvəl həyəcanla radio yayımları gözləyirdim ki, görən, sözlüyün ad günü necə keçəcək. indi sol framedə heç 11 mart yazısını görmədim. Ühü.
Demək olar, hər cür drama və şadlığa səbəb olduğun üçün, hamının həyatına, ürəyinə toxunduğun üçün, hamını bir az böyütdüyün üçün, hamının sirdaşı olub, qucaq açdığın üçün çox sağ ol, sevilirsəəəəən-* *
maybe hamı olmasa da, mən xd
341. salam dostlar. bir şey deməyə gəlmişəm. mən bu sözlüyün ilk qurulduğu aylardan etibarən yazarı olan biriyəm. təzəlikcə nəsil söhbəti də gəlibmiş, nəsil dilindən deyim onda, birinci nəsiləm. nəyi deyəcəkdim bilirsinizmi? sizin yaşınız çatmaz, iki il əvvəl buralar tarla idi, on nəfər belə deyildik. ən pizdes problemimizi o vaxt ən çox dilə gətirən biri olaraq bir şeylər yazma ehtiyacı görürəm özümdə. bu idi ən pizdes problemimiz - #3030.
fərqlilik istəyirdik az idik və çoxalmaq istəyirdik. rəng lazım idi bizə.
bugün, intihar edən gənc şahmarlı isa başlığın və onunla əlaqədar olan digər başlıqlara baxdım sözlükdə, gördüm ki o dediyimiz rəng gəlibmiş. ancaq, bir məsələ var. bu rəng bizim gözlədiyimiz rəng deyildi. biz bunu istəmirdik. mən o vaxtki şikayətimdə nə qədər saf olduğumu indi başa düşürəm. bizim istədiyimiz rəng bu deyildi - #94314, bu da deyildi - #94328, bu heç deyildi - #94367, bu entry də deyildi - #94354.
biz faşistləri yox, fərqli düşüncələri istəyirdik sözlükdə. əgər fərqli düşüncə deyilən şey bu iyrənc görüntüdürsə onda mən iki il əvvəl yazdığım entryə görə üzr istəyir və bu fərqlilikdən imtina etdiyimi bildirmək istəyirəm. bu rəng, feysbukda tin qaqaşlarının bu gəncin haqqında yazıqları qədər iyrəncdir. onun ölümü haqqında -o biri dünyada da ağzına alacaq- kimi iyrənc bir cümlə qura bilən insanlardırsa fərqlilik, olmaz olsun.
1164. o vaxt sözaltı'nı açanda 2012 fevral ayında hər şey hazır idi ama ada qərar verə bilmirdik. neon, mən, rumpeltelskin, vosabi. üç variant arasında qalmışdıq;
mozalan, kirpi, yer6.
satirik aura yaratmaq istədiyimiz üçün əsas mozalan ya kirpi istəyirdim. ama onlar daha əvvəl istifadə olunmuşdu deyə orginal səslənmirdi. yer6-dan soz6-ya çevrildi məsələ, biraz eyni mənaya gəlirdi molla nəsrəddin ya digər satiralarla çünki hamısı yazı üzərinə idi və antidemokratik ölkədə sözlərin altında mənalar gizlənirdi məcbur.
indi ana səhifəyə baxanda həmin o jurnallarının fəaliyyətinə yaxın formada satira/tənqid yazıları görmək təbəssüm qondurur adamın üzünə. 9 il əvvəl atılmış ox hədəfini tapıb kimi.
--------------
panturalın üzr videosunu altı min nəfər bəyənib. onların molla ordusu varsa bizim də molla nəsrəddin ordumuz var. sayının qeyri bərabər olması təəccüblü deyil tam da yerindədi. çünki satirik, partizan, sistem tənqidçilərinin sayı həmişə az olur palaza bürünüb el ilə sürünmədikləri üçün. ama iki tərəfu müqayisə etmək pambıqla dəmiri müqayisə etmək kimidir.
onlar sauronun balaca gücsüz orclarıdısa biz gandalfın əfsanə savaşçılarıyıq. oturub gandalfı (godot'u) gözləyirik.
564. bu aralar içində anlamadığım səbəbdən bir çox intriqaların döndüyü sözlük. səbəbin tam dərinlərinə enməyi düşünmədim. plagiat məsələsi barədə bir az öyrəndim sadəcə. bir 1. nəsil əcdad moderator*
fuck yeah
olaraq bu barədə mənə də bir-iki söz düşür.
1 - sözlük açıldığı gündən plagiatla aşıb-daşır. vikipediyadan kopyaladığınız entryləri döşəmisiz hər yerə, mənbəsiz filan. bir allahın yazarı "xəbərlə"yə tıkladımı?
2 - plagiatı görəndə xəbər etməniz lazımdır. mənbəsini tapmısınızsa lap əla, mənim üçün məlum plagiat entryni editləyib altına "mənbə asgadadajs" deyə link qoymağım su içimi kimi şeydir. bəs bunun üçün dava-dalaş nəyə lazım?
3 - intriqa səbəbi ilə sözlükdəki məlumat vermə faydalı iş əmsalı kəskin azalıb. mənə nə filan yazar filan yazara nə söz soxub? doğrudur, mənim də qısa bir intriqam olmuşdu amma necə deyərlər "sözlüyün şərəfini qorumaq üçün" idi.
4 - uşaqsız ala? mən hələ yazarkən istifadə etdiyiniz tipik türk liselisi cümlələrini istifadənizdən danışmıram. yoxsa xəbərim yoxdu, sözlük ictimai sektorun peykinə çevrilib?
5 - bura sözlükdür. akademik bir yer deyil. universitetdə plagiat edəndə səni qovurlar. bir nəfər gəlib burda fra kristiania-bohêmen haqqında, beat generation haqqında istədiyi qədər osturağa basa bilər - ay içki belə gəldi, marixuana, ekstazi, seks partilər, oxunmayan kitabları oxuyan və daha sonra haqqında yazılmış türk bloq yazılarından istədiyi qədər kopyalayıb haqqında illüziya yarada bilər. mən sözlük qaydalarında buna aid maddə görməmişəm. great depression görməmiş post-sovet uşaqları olan bəzi yazarlarının bu dəqiqə john lennonla marixuana çəkib gəlmişəm ədalı yazılarına da qadağa qoymaq lazım deyil. hamı istədiyi qədər gopa basa bilmək azadlığına sahibdir. bu yazıya bir etirazınız varsa "xəbərlə" düyməsi bir tık uzaqlığınızdadır. sizdən hərəkət, bizdən bərəkət *
glş
rahat olun, siz heç biriniz dəyərli deyilsiniz, bura da sözlükdü, birləşmiş millətlər baş assambleyası deyil.
)