+45 əjdaha
32. əsgərliyim o dövrlərə düşmüşdü. cem yılmaz demiş ben anti militaristim tipli insanam. ümumiyyətlə bu aprel söhbətinin aşağı yuxarı nece olacağını da bilirdim. ama məşhur ifadədə deyildiyi kimi uşaqlar gölə elə-belə, əylənmək üçün daş atırdılar, ama qurbağalar doğrudan da ölürdü. məni ən çox yandıran bu idi. o gərginliyi tam yaşayırdıq. gecə ilə hazırlıqlar, təlimlər filan. güclü propaqanda gedirdi. hücum edəsi tərəf idik. hücumda da itki təxmini 1ə 3 nisbətdə olur qarşı tərəflə. öləcəyimizi açıq-açıq üzümüzə deyirdilər. belə ölmək istəmirdim. həmin günlərdə beynimdə ancaq teomanın çoban yıldızı mahnısı gedirdi. amma digər tərəfdən söhbətlər davam eləsəydi, sırf əsgər yoldaşlarım üçün sonuna qədər döyüşərdim. ölənlərin də ruhu şad olsun. müharibə çox iyrənc bir şeydi. 21-ci əsrdə müharibə istəyən insanı heç vaxt başa düşə bilməyəcəm.1-2 aprel 2016 cəbhədə gərginlik
əjdaha lazımdı
izlə
dostlar
mən
googlla
dünənin ən bəyənilənləri - israil - erkin qədirlinin sözləri - cənubi qafqaz birliyi - türkləri sevmə səbəbləri - the panama papers - azərbaycanda faşizm - azərbaycan sağı - qarabağ alınsa baş verəcəklər - 5 aprel 2016 atəşkəsin əldə olunması
başlıqdakı ən bəyənilən yazılar:
+14 əjdaha
41. Hələ də facebookda yazdığı mesajı açmayıb yadigar saxladığım dostum və işyoldaşım mahir mirzəyevi , onun qohumu fəxrəddin qurbanlını , gənclik korpusunun gülən üzü kommersiya fakültəsindən tural dadaşovu və dayısı oğlu mənim müəllimim olmuş polkovnik-leytenant raquf orucovu eləcə də hekayəsi olan 100lərlə hərbiçini itirdiyimiz döyüşlər.Heydər əliyev ata-babalarımıza qapanmayacaq yaralar vurdu,oğlu da bizim gənc nəslə.
Çox təəssüf ki,itirdiklərimizin çoxu da döyüş hazırlığının * aşağı olma(ma)sına görə oldu. Mən ilk əsgər yoldaşımı itirəndə fərqinə vardım ölüm nə deməkdi.
Onda aprel döyüşləri hələ başlamamışdı. Gedənlər-görənlər bilir əsgərlərin çoxu nəzarətsizlikdən və səhlənkarlıqdan ölür ordumuzda. Əsgəri boş buraxırsan baxırsan ki,kaska-bronejiletsiz gəzir ərazidə. Baxırsan tağımda 7 əsgər 1 sniper 2 maxe 1 komandir olur. 10-11 nəfərlə post saxlıyırıq. xurma yedizdirənləri çıxanda bir post qalır 4-5 nəfərin çiynində. Onunda biri yetim,biri nişanlı olan adam da nə qədər savaşa fokuslana bilər? Boş vaxtı güdür ki,ailəsiylə,sevgilisiylə danışsın.
Ona görə hərbiçilər özünü-gözünü qırpmadan döyüşə girən adamlar professionallar olmalıdı.
Gələcəyin həkimi,hakimi,iqtisadçısı,mühəndisi gedib 1 il/1.5 il xidmət çəkib ölməməlidi,əlil olmamalıdı.
Müasir dövrdə Avropada döyüş niyə olmur ? Çünki professional hərbiçilər yetişdirirlər milyardlar xərcləyib hədər etmək istəmirlər mütəxəssisləri.
Bu ordunun Komandirləri gözləyir şənbə bazar olsun düşsün bazlığa,maxe getsin arvad-uşağın yanına,sniper də heçkəsə qarışmır dovşanı 2 metrdən vura bilmir 200-300 manat verib bölük komandirinə ixtisasın dəyişir olur sniper. Nəysə.
Uşaq-muşağı qoymadıq heç apreldə döyüşməyə yemək bişirib su gətirməklə daha çox yaradılar işimizə çünki döyüşə girib o dəqiqə də ölərdilər.
Hər şey anidən başlamışdı biz sərhəd xəttində idik deyə heçnə anlamadıq nə erməninin nə bizim ərazi iddiamız olmayan yerdə nə marağı ola bilərdi ki döyüşün ? Postları qorumaq. Biz öz postumuzu,ilham əliyev öz postunu,leyla offshore postunu,mehribanın avqustda konstitusiya dəyişikliyindən sonra ucu qoyulan 1. Vitse prezident postu.
1 ailənin maraqlarına 100lərlə 1000lərlə ailə illərlə qara geyinir bu ölkədə.
* hərbi və xidmət sirri daşıdığı üçün daha çox detal verə bilmərəm təəssüf ki
+15 əjdaha
4. müdafiə nazirliyi tərəfindən 1 tankımızın və bir helikopterimizin vurulmasının, bundan başqa 12 əsgərimizin həlak olmasının təsdiqləndiyi hadisədir.bura
bir baxın hər şey cəhənnəm, qaynar bölgələrdə olan əsgərlərimizə cəsarət, səbr və güc diləyirəm. işin siyasi tərəfi, kimin yalançı, kimin günahkar olmağı, nə bilim dünya sülhü bir yana, ölüm təhlükəsi ilə üz-üzə olarkən öz işini yerinə yetirmək şərəfli bir işdir və hörmətə layiqdir.
+12 əjdaha
12. hele de isnanlarin sulhden uzaq oldugunu gosteren tarix. adamlar deyir 12 nefer shehid olub zato torpaq aliblar. meyer torpaq insanlarin yashmasi uchun deyil? insanlar olurse o torpagi kim uchun alirsiz? 100 nefer ermeni oldurmushuk deyib sevinirler. adam niye tanimadigi birinin olumune sevinsinki. insanlarin beyinlerini nece yuyublarsa.+10 əjdaha
2. hər daşın altında türkiyəni axtaran axmaqları aşkar edən başlıq. siyasi məhbusları azad edib daha dünən obama ilə şəkil çəkdirən nənəmdi elə bil.+9 əjdaha
17. azeri qardaşların başı sağ olsun dediyim dəhşətli hadisədir. bu ölən askerlerimizle əlaqədar ermənilərin liveleak də açılan başlıqları gördüm, qanım dondu, sinirim təpəmə çıxdı. irqçi olmaq axmaqlıqdır, lakin doğulduqlarından etibarən sizə və bizə düşmən öyrədən bir ölkədir ermenistan. türkiyədəki ermənilər belə deyil məsələn. bir ölkənin tək məqsədi başqa bir millətə düşmən olmaq ola bilər mi?acılardan sonra dimdik dayanmaq, güclü dayanmaq əhəmiyyətli. tez zamanda bu xərçəng olmuş qarşıdurmaların bitməsi diləyi ilə.
+9 əjdaha
10. bugün bütün gün içimdə kədər hissi olub. xarici biri ilə bakını gəzirdim. amma fikrim elə ordaydı. tez tez interneti yoxlayırdım. mən hər mövzuda özümü aydın ifadə edə bildiyimi düşünürəm. amma mövzu qarabağ mövzusu olduqda hislərimi ifadə edə biləcəyim sözlər tapa bilmirəm. deyilənə görə 12 şəhid, indidən 12 fərqli hekayə. yaşları məndən də cavandı. və təbii ki qara cammatın uşaqları. kaş qarabağ problemi heç başlamasaydı.ən çox əsəbləşdirən, tanışlar var e, pulla əsgərlikdən saxlatdıran onların azərbaycan bayrağını facebooka qoymağıdı.+7 əjdaha
22. ermənistanın işğal olunmuş ərazilərdəki hərbi qərargahı darmadağın olunub. çoxlu sayda polkovnik və generalları öldürülüb. xəbəri müdafiə nazirliyi yayıb. video birazdan yayımlanacaq. təbrik edirəm hamımızı, uşaqlar.+6 əjdaha
33. bu mövzu haqqında istəməzdim yazım. çox insan dəstəyini göstərdi və çoxu sırb trend halına aldığı üçün dəstək olmağa çalışdı. jurnalistlər, iqtisadçılar, hüquqçular, siyasətçilər , bekarlar bir sözlə yazma qabiliyyəti olan hər kəs yazdı, fikirlərini söylədi. jurnalistlər reytinq uğruna azərbaycan ordusunu yerevana qədər aparıb çıxardı, iqtisadçılar azərbaycanın düşdüyü iqtisadi böhranı yaddan çıxıb siyasi təhlil aparmağa başladılar. trend olmağa çalışanlar dəstəyini göstərmək üçün aksiyalara qoşuldu, şəkil çəkdirdilər, rahatladılar. vətənə qulluq etməkdən qaçanlar belə müharibəyə getmək istədi, "belə ölkədən qaçmaq lazımdı " deyən insanların belə vətənə qarşı məhəbbəti artdı. "panama papers" kimi qalmaqalı unutduq. bəlkə də unutdurdular. amma buna görə də qınaya bilmərəm kimisə çünki "panama papers"-ə "panama pampers" deyən insanlarla eyni cəmiyyət də yaşayan da ümidsizliyə qapılmamaq olmur. ermənistan və azərbaycan əhalisi başladı bir-birini təhqir etməyə. o səhifəyə girdilər bir-birilərini söydülər, bu səhifəyə girib bir-birilərini "neprav" çıxarmağa çalışdılar. bir neçə ay əvvəl höküməti istefaya səsləyənlər hökümətin siyasətini dəstəklədilər. uşaqlar atasız qaldı. indi o uşaqlara kim maddi və mənəvi dəstək olacaq ? bir neçə ay əvvəl qarabağ qazisi deyil miydi özünü yandırıb öldürən ? amma ən çox gülməli mövzu həqiqətən də əsgərliyə getməkdən imtina edənlərin müharibə istməyi və "bu vətənə tüpürüb çıxıb getmək lazımdı deyən insanların" qan-qan deməsi oldu. özünüz olun. həyatınızın axışını bir anlıq hadisələrə görə dəyişməyin. inanın məndə sizin kimi çox istəyirəm torpaqlarımız geri qayıtsın. amma ən azından gözdə görünmək üçün nələrsə etməyə çalışmıram. bunun haqqında indi yazıram ki, oxuduqdan sonra "əşşi bu haqda yazmağa, düşünməyə hələ 11 ay var. gələn il özümüzü tutub bir entry falan yazarıq..." deyəsiz...+7 əjdaha
39. şəhid olanların sayı yavaş-yavaş açıqlanıb sonradan 94-ə çatan hadisə . mənimsə həmişə aprel döyüşləri deyəndə bu oğlan yadıma düşür. Yalçın Namiq oğlu Osmanov 1997-ci il təvəllüd idi.
+6 əjdaha
35. əlil qalan əsgərlərinə qoz qoyulmayan döyüşdür. ahaha yadıma gəlir, camaat necə orqazm olmuşdu ala, hamı zakir həsənovun şəklini profilə zada qoyub əsgər geyimini geyinib şəkil zad çəkdirirdi. bax indi yoxsul əlil əsgər müalicə oluna bilmir.https://www.facebook.com/MeydanTelevision/videos/1731387443574974/
+6 əjdaha
21. mənə yaxın tarixdə baş verən hadisələrdən, 1 avqust 2014 cəbhə xəttində atışmanı xatırladan tendensiyadır.insanların içindəki "vətənpərvər" duyğuların oyanışını, basqıladıqları militarist duyğuların ortaya çıxışını sərgilədi bizlərə. bir-birinə can deyən qardaşlara birlik olmaları lazım olduğu bir vaxtda fikir ayrılığı yaşadıb cəbhələrə ayıran bir hadisədir eyni zamanda. ümumiyyətlə sosial mediada siyasətlə bağlı fikirlərimi ifadə eləməyə çox da üstünlük verməsəm də niyəsə bunları paylaşmaq istədim sizlərlə. yəqin ki həyatımıza daha da pox qoyacaq hadisələr zəncirinin başlanğıcı ehtimalı və dolu olmağım tətiklədi.
ən başdan bəzi reallıqları qəbul eləmək lazımdı. biz insanların içində olduğu dünya, əsasında güc sahibi insanların istəkləri səbəbi ilə heç vaxt əbədiyyən və ya çox uzun müddət sülh içində olan varlığını davam elətdirə bilməz. savaş, müharibələr, qırğınlar var və olacaq. biz də bundan ailəmiz, nəslimiz kökümüz daxil payımızı almışıq. durmadan sülhpərvər çağırışlar etmək əlbəttə təqdirəlayiqdir, bu barədə təbliğatlar aparmaq, ideologiyalara dəstək olmaq təbii ki alqışlanası bir davranışdır ümumi humanist baxışları nəzərə alanda. ancaq yuxarıda qeyd elədiyim utopik düşüncələrdən qurtulmaq, ən azından bunun nə qədər xoş olsa da gerçək dünyamızdan uzaq olduğunu, ən azından tarix boyunca və indilik uzaq olduğunu qəbul eləmək lazımdı.
sənin düşmənin var. bəli, var. biriləri buna ehtimal verib, olaylar bir birini əvəz edib və qanlar axıb, savaşlar olub, buna dair kitablar yazılıb. klaviatura və monitor arxasında böyüyən bir nəsil olaraq hər nə qədər müharibələrdən uzaq yaşasaq da bunu içdən hiss edə bilmək elə də çətin deyil. əsgərliyə gedib gələn, döyüşən, əlinə silah alan insanlardan bunu eşitmək, yaşamaq belə bəsdir yetərincə. müharibə bir reallıqdır və bu sənin başına gələn bir hadisədirsə, səni idarə edən sistemə tabesənsə və səni zorla müharibəyə sürükləyəcək olan qüvvə varsa, içində olduğun vəziyyətdən həyatda qalmaq refleksinə uyub məntiqli qərarlar verməlisən. əgər məmur övladı deyilsənsə, axır əvvəl müdaxil olacaqsan hadisələrə ya az ya da çox. əgər siyasətlə yaxından uzaqdan əlaqən varsa indi içində olduğumuz vəziyyətin niyə bu meyildə inkişaf elədiyini anlamaq elə də çətin deyil. rusiya faktoru, azərbaycan və ermənistanın indili vəziyyəti, iqtisadi çətinlikdə olan iqtidarın müharibəyə girmə cəhdləri filan, nə qədər uzun danışsaz bitməz bu. onsuz da axır əvvəl dediyim dedikdi yediyim qatıqdi zehniyyətindədir bir çox insan.
şəhidlərimiz var, ölənlər var, qarşı tərəfin itkiləri, geri qaytarılan mühüm stratejik əhəmiyyətli bölgələr var. bunlardan yarıac yarıtox azərbaycan xalqının yetərincə xəbəri var və bu toplum bu hakimiyyətimizi qəbullanan insanlardan ibarətdir. qarşında sənin qədər acıqlı və sən elə görməsən də səni düşmən olaraq görən əlindəki silahı alnına dayayan bir "düşmən" varsa, ya sənin də əlində bir silah olmalıdır ki, sağ qalasan, ya da öz ağlınca bir çıxış yolu axtarmalısan. bunları da qəbul eləməlisən, çünki içində olmadığın vəziyyətlə üz-üzə qalanda gərginliyindən və təşvişindən altına batırmamalısan. döyüşən xalqlar deyil əlbəttə, amma bu səhnəni gözünün önündü canlandırsan özünü və ya hər hansı yaxınını görə bilərsən bu səhnədə.
bir söz var: sülh yaxşıdır, ancaq qələbədən sonra. yüksək ehtimal verirəm və ümid edirəm ki, indiki vəziyyət irəliləməyəcək. çünki müharibə tarix boyunca heç vaxt heç bir sivilizasiyaya nəticəsində faydalı olan bir şey olub. ancaq hər şeyə rəğmən bu hadisələr tətbiqatdan əvvəl zehndə başlayır, gərək güclü zehni iradəyə malik olasan ki, düzgün dəyərləndirəsən vəziyyəti. hörmətlə.
+5 əjdaha
43. Bu gün üzərində 5 il keçən hadisələr.Bölgənin strateji əhəmiyyəti və s barədə çox danışılıb öncəki entrylərdə buna görə bu məsələyə toxunmağa dəyməz.Allah bütün şəhidlərimizə rəhmət eləsin,ailələrinə səbr versin.Kim nə deyir desin bu sadəcə təcrübə idi.Ermənistanı üstümüzə qısqırtdılar və bizdə ABŞ da Ərdoğandan söz alıb yumruğumuzu nümayiş etdirdik.Ancaq indiki qədər yaxşı düşünülməmişdi görünür..2020 ci ildə aparılan müharibədə daha çox önə çıxan az itki ilə müharibə konsepsiyasına məhz aprel döyüşlərindən sonra gəlindi.Aprel döyüşlərində daha çox XTQ qüvvələrin istifadəsi də öz növbəsində 2014-cü il 1 avqust tarixində cəbhədə baş verən gərginliyin təcrübəsi idi.Ordumuz bütün illər ərzində təcrübəsini ikinci qarabağ müharibəsi zamanı istifadə etmiş oldu təbii ki təcrübə dediyimiz şey yüzlərlə insanın canı hesabına oldu.Sonra da deyirlər ki müharibədə türklər idarə edirdi müharibəni- boş boş işlər
+4 əjdaha
24. lənkərandakı hərbi hissələrdən əsgərlər cəbhəyə aparılıb. xidmətdən yeni dönmüş əsgərlərdən də yenidən çağırışla cəbhəyə aparılanlar var. vəziyyət bu dəfə həqiqətən ciddidir. füzulinin yusifcanlı kəndi də tam azad olunub.+4 əjdaha
3. Yalnız bizim uzun adamın obama ilə şəkil çəkdirdiyini sananları göstərən başlıq.http://m.imgur.com/YFM46dI
Bunlara görə biz çox demokratik ölkəyik. Siyasi məhbuslarıda elçibəy atmışdı içəri.
http://news.am/arm/news/320132.html
Erməni xəbərlərinə görə azərbaycan silahlı qüvvələri axşamıla dağlıq qarabağa hücuma keçib və 12 yaşlı bir uşaq öldürülüb. Bir neçə yaralı var. Bir mi 24/35 düşürldüyü deyilir. Bir də dediklərinə görə azərbaycan tanklar, zirehli maşınlar və dağıdıcı qüvvə ilə hücuma keçib və dağıdıcı qüvvə məhv edilərək geri çəkilib. Cəsətləri yerdə qalıb.
https://www.rt.com/news/338102-armenia-azerbaijan-karabakh-violence/
Rtin xəbərinə görə.
Azərbaycan: erməni qüvvvələri gecədən atəşkəsi 127 dəfə pozaraq minaatanlarda və ağır avtomatlarla atəş açıblar.
Ermənisatn: azərbaycan gecəylə toplar, tanklar və qırıcılarla hücuma keçib. Hədəf tanınmayan qarabaq respumbilkası sivillərdi. iki vertolyot, drone düşürlüb və iki tank məhv edilib. Azərbaycan bu idiaları yalanlayıb.
Rus xəbərləridə əsasən rtnin xəbərlərini deyir.
+4 əjdaha
40. həmin vaxtlar bir çox proqressiv hesab edilənlərin axmaq çıxmasını unutmadığımız hadisə.link
+5 əjdaha
27. ürəyimin partlamasna sebeb olan hadisədir. ilk şəhid xəbərləri gələndən içimdəki kədər sözlərlə ifade oluna bilmez.agliyaram ve durmadan dua edirəm çünki əlimdən bu dəyqə başqa heçnə gəlmir. o şəhidlərin anaları gözümün qabağına gəldikcə nəfəs ala bilmirəm. cavan cavan uşaqlar neçə neçə gələcək görməyəcək insanlar başqa ne deyim axi.+3 əjdaha
19. --spoiler--biz abş-da əliyev-obama görüşündən orqazmda olduğumuz anda, rusiya bizim qarabağ boyda dərdimiz olduğunu yadımıza saldı.
--spoiler--
hebib müntezir
+3 əjdaha
16. http://az.azvision.az/Ermeni_ordusu_bele_mehv_-86735-xeber.htmlDeyilənə görə 127 erməni əsgəri, 6 tank və 15 artilerya qurğusu məhv edilib.
Atışmslar hələdə davam edir
+3 əjdaha
9. azeri türklərindən çox türkiye türklərinin maraq göstərdiyi döyüş -*+4 əjdaha
31. bu gün ildönümüdü.şəhid olanların ailələrinə səbr diliyirəm.doğurdan da övlad itkisindən böyük dərd yoxdu.bir gün bütün bunların hesabı alınacaq səbəbkarlarından+4 əjdaha
6. erməni tərəfinə istinadən rusiya mətbuatı yazır ki, azərbaycan tərəfi 50 nəfərə yaxın itki verib.link
+3 əjdaha
11. könül istər ki şəhidimiz olmadan Qarabağı alaq. Amma döyüş qansız olmaz.hadisələr bu linkdən təqib edilə bilər.
http://caucasus.liveuamap.com/
+3 əjdaha
30. əks sədası uzun müddət davam edən gərginlik"Mən bilmirəm bu ərazinin 800, yoxsa 1800 hektar olduğunu kim ölçüb. Konkret olaraq Mardakert (Ağdərə - red.) istiqamətindəki mövqelərə gəlincə, bu mövqelər ikiqat strateji əhəmiyyətə malik məntəqələr idi. Birincisi ,onlar ətraf kəndlərin əhalisinin öz evlərində yaşamaq imkanını təmin edirdi. Bu torpaqlar Qarabağın təbii sərhədləridir. Biz öz təbii sərhədlərimizə çıxmışdıq. ikincisi də bu ərazidən Kirovabaddan Mirbəşirə (Gəncədən Goranboya - red.) qədər bütün düzənlik ovcumuzun içindəki kimi idi... indi də biri bu torpaqları strateji hesab edir, biri etmir... Bu adamlar görmədən bu ərazilərin nəyə yaradığını necə anlaya bilərlər? Strateji olmayan mövqelər yoxdur, xüsusən də Mardakert istiqamətində."
"Təsəvvür edirsiniz, onlar Naxçıvanda israil və Rusiyadan aldıqları müxtəlif reaktiv sistemlər yerləşdirirlər. Sual ortaya çıxır: nə üçün? Qarabağa zərbə endirmək üçün? Bunun üçün onlar o sistemləri Naxçıvanda yox, Qarabağla sərhəddə yerləşdirə bilərdilər. Odur ki, biz hücuma başlamağa hazır olduğumuzu deyəndə düşmən mütləq bundan istifadə edib birbaşa iYerevanı vuracaq. Yerevandan Naxçıvana qədər məsafə 42 kilometrdir. ...Bu reaktiv sistemlər 70 km-dən 150 km-ə qədər məsafəni vurur. Biz onlardan müdafiə olunmağa, şəhər və kəndlərimizi qorumağa hazırıqmı? "Biz Bakıda çay içəcəyik" deməklə olmur. Yaxşı, siz Bakıda çay içə bilərsiniz, ancaq mən qorxuram ki, onlar bundan daha tez Yerevana çatıb burada çay içsin. General forması geyinib kolxoz sədri kimi bəyanatlar vermək olmaz. Bizim əsgərimiz bu qədər raketə davam gətirə bilməz... Bir dəqiqədə ön xəttə 25 min mərmi düşərsə orada adam dayana bilər? Necə yəni bizdə ruh yüksəkliyi var? Nədir, əsgər raketi əli ilə tutacaq? Biz əsgərlərimizin təhlükəsizliyi barədə düşünməyə borcluyuq."
(c) samvel babayan, qondarma dqr ın keçmiş rəhbəri, erməni general
link
+2 əjdaha
29. bu hadisələrlə əlaqəli olduğu üçün burada link yerləşdirirəm. bir çox sayt bir birindən kopyalayaraq bu məlumatı paylaşmaqdadıryazının başlıq adı : Düşmən arxasına keçən Xüsusi Təyinatlılarımızdan misilsiz əməliyyat –Xankəndi və erməni komandanlığı yenidən vahimədə!
link
+3 əjdaha
1. on cebhede ardi arasi kesilmeyen gerginliyin esas sebebi turkiyenin icinde oldugu suriye/rusiya, pkk ve ishid/kirli pul, metbuat azadligi problemlerinden faydalanaraq azerbaycani mueyyen bir cerciveye hebs etmekdir. tanap layihesi ile birge azerbaycan balanslasdirilmis siyasetden uzaqlasmisdir. 1. dunya muharibesinde osmanlinin meglub olan alman imperiyasini secdiyi kimi, stratejik sehve yol verib erdogan'in ardiyca getdik. umid edirik, shehid xeberleri coxaldacaq agir silahlardan istifade edilmez.edit: her dasin altinda turkiye axtarmaq deyil mesele. qarabag ile elaqeli meselede balans iki dovlet arasinda cereyan etmekdedir; rusiya ve turkiye. amerikanin movzu ile yaxindan bir elaqesi yoxdur. bunun gurcustan hadiselerinde de shahidi olduq ki, avropa ucun qalxan rolu oynayan ukrayina xaric hec bir post ssri olkesinde xarici siyaset anlaminda amerikanin bir tesiri yoxdur.
+2 əjdaha
14. hazırda cəbhə xəttində olan bir jurnalistimizin verdiyi məlumata əsasən:"hazırda tərtərin cəbhə xəttindən 5 km aralıdayıq. burdan baxanda təxminən 15-20 km-lik cəbhə xətti görünür. bu gün ələ keçirilən talış kəndi ətrafındakı yüksəkliklərin (ən vacib nöqtlər) ardında partlayışlar var. demək olar ki, görünən xəttin hər tərəfində partlayışlar var. söhbət avtomat, pulemyotlardan getmir. artilleriya atışlarından söhbət gedir."
+3 əjdaha
42. ardından başlayan cəsus ovu adı altında kütləvi işgəncələr olmuş hadisə. Qurbanlardan birinin ifadəsihttps://www.facebook.com/ruslann.farzaliyev.52/videos/1080627869109947/
+2 əjdaha
28. mətbuatda deyildiyi kimi 16 nəfərin yox ən azı 44 nəfərin öldüyü savaş. azərbaycan banklarına ölənlərin siyahısı göndərilib borcların silinməsi üçün. siyahıda əsgərindən tutmuş polkovnikinə kimi 44 nəfər var. daha çox da ola bilər amma 44-dən az olmadığı dəqiqdir.+2 əjdaha
5. həmişəkindən daha gərgin olandır. ümid edək ki, minimum itki ilə başa çatsın.+2 əjdaha
26. allah bütün əsgərlərimizi qorusun.indi ansdə göstərirlər tərtərdə vuruşan əsgərləri hamısı həyəcanlıdı aralarında ən böyüyünün 23 yaşı var fikirləşində.bura qədər gəlinibsə ya sonuna qədər dəvam edilsin ya da sülh yoluynan torpaqlardan çıxılsın.ki bu ikinci dediyim çox da mümkün olmayan hadisədi.əgər yenə atəşkəs imzalanacaqsa şəhid olan 8 əsgərimiz boş şey uğrunda ölmüş olacaq?düzdü müharibə dəvam eləsə daha çox şəhid olacaq.bunların içində mənim də qohumlarım ola bilər.elə bir işin ortasındayıq ki yuxarı tüpürsən bığ,aşağı tüpürsən saqqaldı.+3 əjdaha
37. Böyük dəyişiklər olmayan gərginlik.Stokholm Beynəlxalq Sülh instutunun silahlı münaqişə və münaqişə idarəsi proqramında Neil Melvin bildirib "Azərbaycan kiçik torpaq qazancları üçün ağır itkilər yaşadı, yenə də 25 illik məğlub olunmuşluq hissindən sonra bu qələbə sayılır".
Analitiklər döyüşdən sonra böyük dəyişikliyin olmadığını bildirir. Matthew Bodner The Moscow Times qəzetində yazır ki "əvvəlki statusquo qorunur."
Müstəqil erməni jurnalist Tatul Hakobyan, hansı ki döyüş yerlərinə baş çəkib, hər iki tərəfin çox sayda itkisi olduğunu və heçnəyin dəyişmədiyini qeyd edib. O deyib: "Azərbaycan qalib gəlmədi və Ermənistan uduzmadı." Rus hərbi eksperti Vladimir Yevseyev bildirib ki, başda Azərbaycan hücumları uğurlu alınsa da ölmüş əsgərlərinin və partlamış tankları çox olduğu üçün bu uğur sayılmır.
Beynəlxalq Kriz Qrupu deyib: Azərbaycan "kiçik ama stratejik cəhətdan vacib" əraziləri geri qaytarıb.
Rus hərbi analitiki Pavel Felgenhauer Azərbaycanın "döyüşün ilk raundunu qazandığına inanır".
Dağlıq Qarabağın əvvəlki müdafiə naziri samvel babayan isə Azərbaycanın stratejik əhəmiyyətə sahib əraziləri əldə etdiyini ifadə edib və deyib ki ermənilər bu əraziləri "sadəcə bir saat"da itirdi .
Qarabağ və Ermənistan höküməti onun tənqidini qəbul etməyib.
+2 əjdaha
18. bu yaxınlarda bir neçə qarabağ veteranına medal verilməsi zamanı veteranlar birliyinin sədri bu il və ya ən geci gələn il üçün son döyüşlərin gözlənildiyini bildirmişdi ki artıq məlum hadisələr həmin fikirlərin boş olmadığını göstərdi. hətta bakıda xidmətdə olanlar hazır ol vğziyyətinə gətirilib. səbəb kimi artıq 25 ilin tamam olmaq üzrə olması və bundan sonra torpaqların rəsmən işğal altında deyil də erməni torpağı kimi tanınacağı da göstərilir. lakin buna baxılsa belə çıxır ki bizimkilər olub ilk hücuma keçən və bu da heç inandırıcı deyil. hansı siyasi proseslərin getdiyi, məhz prezident ölkədə olmadığı bir zamanda bunların baş verməsi isədaha çox diqqət çəkir.hər şey bir yana, gənclərimiz ömrünün ən gözəl çağında kimin başlatdığı məlum olmayan, kimə xeyri olduğu bilinməyən bir davaya görə ölür ona yanıram. uzaqdan baxıb "ali baş komandan əmrini gözləyirik" deməyə nə var ki, əgər cəbhə bölgəsindəki əsgər "mənim tanışlarım var, ön cəbhəyə getməyəcəm" deyə sevinirsə...
+1 əjdaha
8. bütün dünya adına danışıram, artıq müharibə bitməli. ayrıca türkiyə ilə nə əlaqəsi var anlamadım.+1 əjdaha
13. Erməni prezident dediyinə görə 18 qarabağ əsgəri ölüb, 35 yaralanıb.Birdə deyir ki, 200dən çox azərbaycan əsgəri ölüb. Əmməli başlı xəbər verən çox azdı
http://news.am/eng/news/320216.html
At ata bildiyin qədər
+1 əjdaha
38. iştirakçılarının bəzilərinin başına sonradan öz dövlətləri tərəfindən oyun açıldığı müharibə(youtube: 
)
)hamısını göstər