13. illər sonra yazmağıma səbəb olan hadisə.
afrikalıların məşhur bir atasözü var. "fillər savaşar, çəmənlər əzilər"
bizimkisi elə o məsələdir. Fillərin kim olduğunu hamımız bilirik, elə çəmənlər də bilir. indi klavyatura cəngavərləri yəqin heç vaxt şəhid övladına atasının bir də geri gəlməyəcəyinin izah olunduğu səhnəni görməyib. Ümid edirəm heç vaxt da görməzlər.
Şəhid atalarının "Vətən sağ olsun!" cümləsini hər eşidəndə, əsgər ölümlərinə son aksiyasından sonra, övladının fotosunu qucaqlıyıb bir küncdə oturan Bəyalı dayının şəkli gəlir gözümün önünə.
Atası Qarabağda şəhid olmuş bir dostum var. Atasını xatırlaya bilmir heç. övladı olanda demişdi ki, "mən ata görməmişəm axı, bilmirəm necə ata olunur. nə etməliyəm, necə davranmalıyam?" amma illər boyu unutmayacağım sualı bu idi: "torpaqlar hələ də işğal altındadırsa mənim atam niyə şəhid oldu axı???"
2. Səhərdən etibarən səhifələr bunun dezinformasiya olduğunu car çəkirlər. Amma aprel döyüşləri də belə başlamışdı. Doğru-düzgün məlumata da çata bilməyəcəyik yenə. Heç yadımdan çıxmaz, aprel döyüşlərində show tv 150+ ölüm olduğunu titrda bildirmişdi, reklamlardan sonra işıq sürəti ilə yığışdırıldı. Ondan sonra da heç bir yerli&xarici media qurumunda o rəqəmləri görmədik. Təki bu dəfə elə hadisələr yaşanmasın, amma nəsə yaxşı şeylər olmur ki, bu qədər gizlədirlər.
Qeyd: olan yenə günahsız əsgərlərə, fəryad çəkəcək analara, daxilən parçalanacaq atalara olacaq. "Hər şey vətən üçün" mövzusu da ancaq kasıblara aid olacaq.
5. Hər iki ölkənin
-korona ilə səhiyyə sisteminin sıçması
-korona ilə mövcud iqtisadi böhranın dərinləşməsi
-günü gündən artan xalq narazlığı fonunda olması necə də qəribədi
1. günorta saatlarında başlayan atəşkəs pozuntusudur. 2 ci aprel döyüşləri kimi olacaq yəqin ki. neçə vaxtdır gedən təlimlərin nəticəsidir, yalandan ermənilər atəşkəsi pozublar deyirlər. rusiyanın növbəti göstərişi. xalqın gözündə dəyəri itmiş ilhamı bir neçə il daha hakimiyyətdə saxlamaq cəhdləri. polislərə zibil atılması başlığında da yazmışdım, bir iki qurban verib yerini daha bərkidəcək. bu söhbətlərdən sonrada ilhama dəstək çıxan olsa, daha deyəcək sözüm olmayacaq. son əsgər ölümündən sonra məsələni sakitləşdirmə cəhdidir.
12. ermənistan baş nazirinin həyat yoldaşı anna hakobyanın azərbaycan qadınlarına səslənməsinə
səbəb olmuş hadisədir. a. hakobyan facebookda öz fikirlərini bölüşərək bunları yazıb: " Azərbaycan qadınlarını və analarını həm azərbaycanlı, həm də erməni övladlarının canını təhlükəyə atmamaq üçün ölkələrin hərbi-siyasi rəhbərliyini müharibə fikrindən daşındırmağa çağırıram".
bundan əlavə, bayaq "Rus hərbi jurnalistlərin yaydığı məlumata əsasən" başlığı altında 12 iyulda öldürülən 66 erməni əsgərin adları yayılır.
sosial şəbəkələr isə, öz növbəsində müharibə istəyən və isti evindən oturub "cənab komandir" nidaları ilə pafoslu sözlər yazanlar, müharibə istəməyib daha romantik davrananlar və wayfair/trendyol məsələlərinə başı qarışmış insanlar olaraq 3 yerə bölünüb.
informasiya müharibəsi desən, o, çoxdan yoxdur. bir tərəfdən də şəhid atasının şəklini paylaşıb yalançı romantizmlə layk qazananlar beynimizi xarab edir. o tərəfdə atadan müsahibə alınan yerdə arxada bayraqla şəkil çəkdirən jurnalistin videosu və fotosu. ölkə, sadəcə olaraq, içdən məhv olub da.
11. hadisələrin ardınca kollektiv təhlükəsizlik mt`nin iclası çağırılıb bu gün üçün. azərbaycanda da təhlükəsizlik şurasının iclası keçirlir. qıraqdan baxanda sadəcə oyuna oxşayır. hətta hər iki dövlətin rəsmilərinin qurduğu cümlələrdə belə eyniliklər var. başa düşülən odur ki, rusiya bölgədə hərbi gücünü artırmaq üçün bəhanə axtarır. ktmt üzvünün birbaşa sərhədinə təhlükə olduğu halda kağız üzərində hüququ var rusiyanın ki, canlı müdaxilə eləsin əraziyə.
müharibəyə yalnız onda dəyər ki, öz seçdiyimiz hakimiyyətimiz olsun. yoxsa ordu rəhbərliyində hamıya məlum rus adamları iştirak etdikcə məsələnin birbaşa həllinə inanmaq sadəlöhvlükdür. rusiyaya isə həmişə işə yarayır ki, həll olunmamış münaqişə ocaqları saxlasın. sadə.
4. Bu gün yayımlananlar Aprel döyüşləri - 2 filminin treyleri idi deyəsən. Tovuzdan, yəni dövlət sərhəddindən başlaması da maraqlıdır. Yəqin ki, filmin tam versiyasını devalvasiyadan sonra ekranlarda görəcəyik. 2016-nı xatırlamayanlara və unudanlara tövsiyə edək ki, "tırkaya" getməyə tələsməyin, elə olanda sonda yaşanan travma daha ağır olur. Hansısa məqsədlərə görə insanların vətənpərvərlik hisslərini istismar etmək və gənc əsgərlərin ölümünə səbəb olmaq dəhşətdir. Amma heyifki bilərək və bilməyərək bu havaya oynayanlar da çox saydadır. Artıq 21-ci əsrdə doğulan insanlar şəhid olur Azərbaycanda. Təsəvvür edirsiz? Əlbəttə işğal olunmuş ərazilər azad olunmalıdır, amma bunun üçün bu şəraitdə müharibə elan etməzdən əvvəl görüləcək çox iş var.
9. Ermənistanın panarmenian.net xəbər saytının yazdığına görə təxribatı törədən bizimkilər olub, bu tərəfdən də yazırlar ki, bəs ermənilər təxribat edir. Bilmirsən nəyə, kimə inanasan, nəsə bir zibil var yenə işin içində, yaxında çıxar ortalığa.
Ermənistan tərəfinin yazdığına görə itki yoxdur, amma bizdən artıq 3 nəfər şəhid edilib. Hakimiyyət axmaq-axmaq işlər görür, cəfasını çəkən yenə də bizim cavanlarımız olur.
Mənbə : http://panarmenian.net/m/rus/news/282906
8. 1-2 həftə əvvəldən hamı bilirdi çıxılmaz vəziyədir nəsə edəcəklər. buna baxmayaraq yenə də nəyəsə ümid edirlər, bu səfər deyəsən ciddi ola bilər deyirlər. 1-2 gün sonra qazı alıb karantini uzadacaqlar olan ölənlərin yaxınlarına olacaq
heyif
10. Bizimkilərin pozduğu atəşkəs. Məntiqli olun biraz onların işinə gələr atəşkəsi pozmaq ya bizimkilərin? Onlara sülh sərf edir. Ama bu hadisələr iki hökümətə də sərf edir. Camaat evdə oturmaqdan enerji yığıb plus narazıçılıq. Həmişəki üsulla boşaldırlar camaatı. Boşalmaq istəyən çıxıb qarabağ qışqıra bilər.
(baxma: lənətə gəlmiş feto lənətə gəlmiş ermənistan)
(baxma: energy transmutation)
)