10. xüsusən iş və təhsil həyatında irəliləmək üçün bəzən kimlərdənsə məsləhət, yaxud kömək almağın normal bir şey olması.
həmişə bütün işlərimi özüm həll etməyə çalışmışam, heç kimdən nə kömək, nə də məsləhət istəmədən. amma son zamanlar dərk edirəm ki, yerində istənən kömək heç də qürur sındıran bir şey deyil. əksinə, çox faydalı olur, əgər düzgün insana müraciət etsən.
həmişə kiminsə vasitəçiliyi ilə iş tapmağa və işə girməyə də neqativ yanaşmışam. amma indi elə düşünmürəm. əgər mənə veriləcək işi layiqincə, məsuliyyətlə yerinə yetirəcəyəmsə, onda bu qədər fikir etməyə dəyməz. sadəcə, vəsilə olan şəxsin bunu sonradan sənin başına qaxmayacağına əmin olmaq gərək. yoxsa çəkdiyin bütün əziyyət tapdanacaq.
26. Hər gün qucaqlaşdığın, öpüşüb görüşdüyün, canından çox dəyər verib sevdiyin, xəstələnsə dilxor olduğun, daha dünən ve ya yaxın müddətdə əlaqə saxladığın, oturub yemək yeyib çay içdiyin, eyni partalarda dirsək çürütdüyün, eyni məhəllələrdə futbol oynadığın, uzun vaxtdır halını əhvalını soruşmadığın, daha sonra zəng edərəm deyib etmədiyin, küsüb danışmadığın, bəsit bir şeydən münasibəti kəsdiyin insanlar ansızın aramızdan ayrılır. Bəlkə xəstəliklərdə, bəlkə qəzalarda, bəlkə cinayətlərdə, bəlkə də illərdir üstünə düşəni etməyən və daha çox pul qazanmaq üçün canını heçə sayıb altına 15-ci maşınını alıb xaricdə yaşayan inşaat qodamanlarının tikdiyi evin tonlarla ağırlığı altında saatlarca və günlərcə rabdomiyolizə (əzələlərin parçalanıb qana keçməsi) girərək, hipotermiyadan (bədən temperaturunun düşməsi), qan itirməkdən və infarktdan can verərək. Bunun üçün hər günü son günün kimi yaşayıb heç kimlə küsülü qalmadan, hər şeyə bacardığın qədər tolerant yanaşıb qəlb qırmadan, ağır söz işlətmədən, hərkəsə faydalı , vicdanlı və mərhəmətli yanaşaraq, hər şeyin dəyərini bilərək yaşamaq lazımdır.
15. hər şeyin mükəmməl *
ya da mənim mükəmməlim :d
olması istəyinin azalması. Heç kəs mənim istədiyim kimi davranmır, əksəriyyəti onlar üçün qəlibləşdirilmiş həyat tərzini üstün tutur, bir şeyi etmədən öncə az düşünür, çox danışır və s. Artıq əvvəlki qədər narahat etmir. Ya da bəlkə hamısına çata bilmədiyim üçün belə bir müdafiə üsulu seçmişəm.
depeche mode tərəfindən çox sevilməsə belə "People are people, so why should it be, You and I should get along so awfully" əhvalındayam. Amma sadəcə insanlarla yox, hadisələrlə, səhvlərimlə, israf etdiyim vaxtla da belə bir münasibət qurmağa çalışıram. Hələ dərk etməkdəyəm, praktikaya keçirmək ümidilə.
13. valideynlərin davranışları, qoyduqları qadağaların səbəbləri. haqq verməsən də, başa düşürsən.
böyüdükcə həyatda daha çox şey görürsən, hər cürə insanla rastlaşırsan. onda yavaş-yavaş anlayırsan valideynlərin verdikləri məsləhətləri. hansı ki, bir vaxtlar mənə mənasız gəlirdi, ehtiyacım olmadığını düşünürdüm. dərk edirsən ki, üsyan etdiyin konservativlik səni nələrdənsə qorumaq üçün olub, çünki hər cürə əclaf, şərəfsiz insanlar var. valideyn olaraq bacardıqları qədər qorumağa çalışıblar əslində səni. təbii ki, övlad olaraq bu konservativlik sıxıcı və bezdirici gəlir insana. amma böyüyüb həyatı dərk etdikcə görürsən ki, valideynlərinin bir vaxtlar üsyan etdiyin, ağız-burun əydiyin düşüncələri ilə razılaşırsan indi.
həyatımda öz qərarlarımı hər zaman özüm verməyə çalışmışam, heç kimdən məsləhət almadan. biraz dikbaşlıqdır bəlkə də, bilmirəm. amma artıq mühüm qərarlar verərkən valideynlərimlə bölüşmək istəyirəm, amma utanıram, ya da necə reaksiya alacağımı bilmirəm deyə demirəm heç nə. bəlkə də, illər boyunca aramızda hörülmüş divarların nəticəsidir. hərdən nəsə fikrimi bölüşüb dəstək görəndə dəhşət çox xoşbəxt oluram.
mövzudan çox uzaqlaşmayım. hə, deyəsən, həyatı dərk etdikcə az da olsa valideynlərə bənzəməyə başlayırıq. düzdür, düşüncə fərqi həmişə olur. məsələn valideynlərim mentalitetə uysa da, mənim vecimə deyil.
böyüdükcə və bizim üçün çəkdikləri əziyyətləri dərk etdikcə onlar üçün nəsə etmək, sevindirmək istəyirəm. oxumaq motivasiyalarımdan biri də savadımı artıraraq daha yüksək gəlirli bir yerdə işləmək həvəsidir, heç olmasa onlar yaşa dolanacaq əlim pula çatsın, layiq olduqları həyatı yaşadım onlara. pul çox şeyi həll edir çünki.
düzdür, bəzi entrilərimdə anamdan şikayətlənmişəm. amma keçən dəfə hüzünlü şəkildə "istəyirəm ki, həyatın yaxşı olsun, mən çox əziyyət çəkdim, heç olmaya siz çəkməyəsiz" deyəndə içim parçalandı. valideyn sarıdan şanslı hesab edirəm özümü, doğrusu. və onları başa düşdükcə, etdiklərini dərk elədikcə daha çox qayğı göstərmək istəyirəm. amma aramızda hördüyüm buz dağlarını əritməliyəm əvvəlcə, bu da çox vaxt aparacaq.
başa düşmək biraz da ağrı verir, daha əvvəl etdiyim yekəbaşlıqlar üçün vicdan əzabı çəkirəm biraz.
Gecə melanxoliyası ilə yazılmış daha bir iç tökmə entrisi...
bilinçli və ya içgüdüsel olaraq cizginin hansı tərəfində qalmaq istədiyimizin qərarını vermək oxuduqlarımızdan, o gün nə yemək istəyimizə qədər bir çox şeyi müəyyən edir.
16. Böyüklərin sözləri yaşları çoxdur deyə hər zaman doğru olmur.
Sırf onlara qulaq asdığı üçün həyatı zibilqabılıq olan tonla insan var. Yəni siz siz olun, öz bildiyinizi edin. Sonda pis də olsa ən azından "yaxşı ki etdim ürəyimdə qalmadı" deyərsiniz lol
3. Şəraitdən asılı olaraq ətrafdakıların yaxşı və ya pis ola biləcəkləri. Yəni əgər dostun sənə qarşı yaxşıdırsa tələsmə, bir də mənfəətiniz toqquşanda gör nələr edə bilir insana. Ona görə nə çox güvənmək nə də soyuq olmamaq lazımdı. Tarazlıq. Səhərisi gün pis bir şey etsə təəccüblənmədiyin qədər yaxınlığa buraxmaq bəs edər. Tək dost yox sevgili və s. Münasibətlərə də aiddir.
25. Bir çox şeyin dəyərini daha çox anlayırıq, təbii.(necə də şablon səslənir) amma daha çox insanın özündən asılı olmayaraq yaranan şeylərin dəyərini dərindən dərk edirsən. Məsələn, səmimiyyətin. Çünki səmimiyyəti zorla, çalışaraq yaratmaq olmur. nəyisə çalışaraq edəndə həmişə istəyirik ki, onun “düzgün, mükəmməl” edək, amma səmimiyyətin bununla əlaqəsi yoxdur. əgər Varsa, var, yoxdursa, yoxdur. Və bir dəfə itiriləndən sonra da yenidən əldə etmək çox çətin olur. Ona görə yuxarıda "dərindən dərk etmək" yazdım, axı bir şeyi itirəndə onun dəyərini "dərindən" dərk edirik. Yenə də yaxşı tərəfdən baxmaq olar. Çünki həyatda yenə də, nə vaxtsa "səmimiyyət" insanın yoluna çıxır, hətta, bəlkə də, bir zarafatdan yaranır. Nə vaxtsa Yolumuza çıxanda isə, türklər demiş, "tek yapmamız gereken" ondan bərk-bərk yapışmaqdır.
Matrixdə belə bir səhnə var: neo gəlir oracleın yanına*
bilməyənlər üçün, oracle falçı kimi biridi, gələcəkdən xəbər verə bilir
və soruşur ki, seçilmiş insan olduğumu necə biləcəm? Oracle isə ona deyir ki, "sənə bir sirr demək istəyirəm, seçilmiş insan olmaq aşiq olmaq kimidir. Heç kimi sənə aşiq olduğunu söyləməsinə ehtiyac yoxdur, sadəcə bunu bilirsən". səmimiyyət də onun kimidir. sadəcə onu bilirsən.
21. Duyğularını öldürməlisən indiki dövrdə. Mərhəmətsiz olmalısan və heç kimə dərin sevgi bəsləməməlisən, heç kimə bağlanmamalısan, daş qəlbli olmalısan ki, heç kim səni incitməsin,səni yaralamasınlar, ürəyinə heç kimi yaxın buraxmamalısan. Emosiyalarını öldürüb dəmir kimi möhkəm olmalısan ki, bu dünyada survive etməyi bacarasan.
5. insanlara yardım etmənin (düzəltirəm buranı,insanlara gərəyindən çox yardım etməyin) xeyirdən çox birinci növbədə insanın özünə ikinci növbədə elə həmin insanlara ziyan olması.həmişə gərək birinci özünə dəyər verəsən,başqalarının fikirlərinə fikir vermiyəsən,heç kəsdən ötəri özünün olan bir şeyi qurban verməyəsən (zaman,pul və s.).yetərincə eqoist və öz xeyrini güdən olmalısan.həmişə ehtiyat etməli ancaq qorxmamalısan.
12. Nə edirsənsə özün et! Bu həyatda nəyə nail olacaqsansa öz gücün hesabına nail ol. Həqiqi güclü insanlar tək başına nələrəsə nail ola bilən insanlar və bir şeyi çox yaxşı anladım, heç gözləmədiyiniz insan belə sizə etdiyi kiçik bir yaxşılığa görə də minnət vura bilər, insanlardan çox az yaxşılıq qəbul edin, kömək qəbul etmək eyib bir şey deyil, normaldır, amma bu köməyin kimdən gəldiyi çox önəmlidir.
18. Həyat geçicidir. Bir şeylərə takılıb qaldığınızda həyatın necə axdığını anlamırsız. Bir baxırsız 30unuza, 40ınıza gəlmisiz. Birilərinin həyatını eleştirim deyə öz həyatınızı unutmusuz. Birilərinə yaxşı görünüm, pis baxmasınlar deyə həyatınızı yaşamamısız. Kim nə deyər deyə çizdiyiniz dairənin içində sıxışıb qalırsız. Necə yaşayırsızsa yaşayın həyatınız ya anidən ya da biyolojik olarak bitəcək və sona yaxınlaşırsız. Artıq anlayırsız ki bu dünyada sizə qalacaq yeganə şey mutlu olduğunuz anlardır. Yaxınlarınızı itirdikcə anlayırsız ki sevdiklərinizə daha çox vaxt ayırmalı idiz. Qısacası dünyavi təlaşlara yenik düşüb mutluluqdan uzaqlaşmamalıyıq.
)